شامخ الرأس
05-10-2009, 12:49 PM
محد ٍ سألني عن معاناتي .. مهتم
الكل يسأل لجل يشبع فضوله
ما من عضيد ولا ولَد خال ٍ و عم
و ما من صديق ٍ امس جاني بميوله
وقت الرخا كل المخاليق تلتم
و المهتني حتى المعادين حوله
و وقت الشدايد شوفهم كلهم صُم
نوحك بعالي الصوت ما يسمعوا له
ان جيت اخبّي حسرة القلب و اكتم
اشوفها ما هي بهذي السهوله
يا كيف اغطي طاغي الهم بالهم !
و الدمع من يقدر يقاوم نزوله ؟!
الحزن كم نطّق من الجور أبكم !
و خلا خفيفين العقل يفطنوا له !!
والمحجر اللي بالمدامع ملغّم
من يمنعه لا فاض و فرّغ حموله ؟
قضّيت ثلثين العمر بس اندم
على عشير ٍ من زمان الطفوله
و اللي بقى من عمري اقضيه الملم
باقي حطامي من سوايا فصوله
الله يقطع ناس ما عندهم دم
خص الذي جاني يردد حلوله
ما كان ودي اشتكي .. بس لزّم
و انا على النيه سمحت بدخوله
فضفضت له و انا كسير آتألم
و الدمع فوق الخد سيّل سيوله
شمّر عن ذراع الكذب .. غيّب الكُم
دق الصدر يستعرض احدث طبوله !
قال انت آمر و اللي تحتاج له تم
تلقاه عندك قبل موعد وصوله
اشّر و ماله داعي انك تكلّم
و اللي تمنيته وكاد بْتنوله
حان الوعد .. جيته .. و قام يْتلعثم
عرفت عذره من قبل لا يقوله
الكذب له ريحه من بعيد تنشم
الله يزول الكذب الله يزوله
لو كان محتاج العطا شخص ينذم
تلقاه و اصحابه الرخوم افزعوا له
و لو كانت الحاجه لشي ٍ محرّم
تلقاه و اصحابه الردايا سعوا له
و انا عن الحاجه لمثله مكرّم
ما كنت اعرْفه لين جتني فعوله
لو كان بيده الماي .. اشرف لي السم
من باب عزة نفس .. ماهي بطوله
يا بنت حواء .. و انت يا ولد آدم
من بعد موتي رددوا هالمقوله
( منته بقد الكلمه احسن لك انطم
و لا تخدع بقولك عيال الحموله )
يالله ياللي بخافي السر تعلم
يا واحد ٍ كل الملا يشتكوا له
فيني حزن لو ذاقه الكافر اسلم
كلما يزيد .. يزيد عظمي نحوله
و الليل كلما غابت الشمس و اظلم
أجني الخساير من ظلامه و طوله
و الجرح يتجدد اذا قلت يقدم
كنه علَيْ من دون هالخلق يوله !
و الخافي أعظم بس ماهوب أعظم
من قدرتك ياللي الملا ينحنوا له
ابدا بشكواي و بدعواي اختم
( يذوق حزني من خدعني بقوله )
مما اثر على قلبي
ورااق لي
كنت هنا
شامخ الرأس
الكل يسأل لجل يشبع فضوله
ما من عضيد ولا ولَد خال ٍ و عم
و ما من صديق ٍ امس جاني بميوله
وقت الرخا كل المخاليق تلتم
و المهتني حتى المعادين حوله
و وقت الشدايد شوفهم كلهم صُم
نوحك بعالي الصوت ما يسمعوا له
ان جيت اخبّي حسرة القلب و اكتم
اشوفها ما هي بهذي السهوله
يا كيف اغطي طاغي الهم بالهم !
و الدمع من يقدر يقاوم نزوله ؟!
الحزن كم نطّق من الجور أبكم !
و خلا خفيفين العقل يفطنوا له !!
والمحجر اللي بالمدامع ملغّم
من يمنعه لا فاض و فرّغ حموله ؟
قضّيت ثلثين العمر بس اندم
على عشير ٍ من زمان الطفوله
و اللي بقى من عمري اقضيه الملم
باقي حطامي من سوايا فصوله
الله يقطع ناس ما عندهم دم
خص الذي جاني يردد حلوله
ما كان ودي اشتكي .. بس لزّم
و انا على النيه سمحت بدخوله
فضفضت له و انا كسير آتألم
و الدمع فوق الخد سيّل سيوله
شمّر عن ذراع الكذب .. غيّب الكُم
دق الصدر يستعرض احدث طبوله !
قال انت آمر و اللي تحتاج له تم
تلقاه عندك قبل موعد وصوله
اشّر و ماله داعي انك تكلّم
و اللي تمنيته وكاد بْتنوله
حان الوعد .. جيته .. و قام يْتلعثم
عرفت عذره من قبل لا يقوله
الكذب له ريحه من بعيد تنشم
الله يزول الكذب الله يزوله
لو كان محتاج العطا شخص ينذم
تلقاه و اصحابه الرخوم افزعوا له
و لو كانت الحاجه لشي ٍ محرّم
تلقاه و اصحابه الردايا سعوا له
و انا عن الحاجه لمثله مكرّم
ما كنت اعرْفه لين جتني فعوله
لو كان بيده الماي .. اشرف لي السم
من باب عزة نفس .. ماهي بطوله
يا بنت حواء .. و انت يا ولد آدم
من بعد موتي رددوا هالمقوله
( منته بقد الكلمه احسن لك انطم
و لا تخدع بقولك عيال الحموله )
يالله ياللي بخافي السر تعلم
يا واحد ٍ كل الملا يشتكوا له
فيني حزن لو ذاقه الكافر اسلم
كلما يزيد .. يزيد عظمي نحوله
و الليل كلما غابت الشمس و اظلم
أجني الخساير من ظلامه و طوله
و الجرح يتجدد اذا قلت يقدم
كنه علَيْ من دون هالخلق يوله !
و الخافي أعظم بس ماهوب أعظم
من قدرتك ياللي الملا ينحنوا له
ابدا بشكواي و بدعواي اختم
( يذوق حزني من خدعني بقوله )
مما اثر على قلبي
ورااق لي
كنت هنا
شامخ الرأس