سلام الله على ظلم الفراق وقسوة الأيام

[زهرة البنفسج]

سلام الله على ظلم الفراق وقسوة الأيام
عسى ربي يسهل لك طريقك واتحيا واتدوم


رح ووجهك بياضه من بياض الصبح ماينلام
وأنا من مدًّة يدين البخت يرضيني المقسوم


وش بيدِّي وقف حظ الفقير وماتت الاحلام
وإذا حبّك من اول يوم..فراقك من أول يوم


رقبتي قفلتين وسيف هجرانك وسيلة عام
جلدني وانكرتني ملحة العشرة وربعي قوم


يهوّنها لو ان الحظ يسلك مسلك الاقدام
ماكان آصل حدود الارض واعود وانا محروم


تصافق لك معاليق الضماير يابعد من قام
وخلاني خصيم لوسعة الصدر ولذيذ النوم


أداري عبرة ٍ ضامت عيوني والعيون اتضام
وأكبـِّـر هقوتي لا كبرت الشرهه وكبِـر اللوم


ياويلي من مناديب الظنون وطرقة الاوهام
تساويني معك في خانة المحمود والمذموم


تشوف انك على حد اليمن وتشوفني في الشام
واشوف إنـَّـا على وجه الحياه اثنين .. توم وتوم


تذكّـر وانت عني بعد الأبوّه عن الايتام
رهين الغربه اللي من دياره ماتجيه علوم


بعد مادار عام من المفارق ياغرام العام
وروحي مابقى الا زفرتين وتبلغ الحلقوم


لا ترخص قيمتي لامن تذكرتك وانا قدِّام
وجيه ٍ تذكر الظالم ولا تدري عن المظلوم


مابعدِك بالسحايب والبروق السمر والانسام
وساموني بتلويحة وداع وبِعت باول سوم


سأمت العيش نون وصاد واللذاتسين ولام
بن ادم وابن ادم حيلته ماتوجد المعدوم



ومدام الصحف جفـِّـت وانت رحت وِرِفْعَت الاقلام
على حبٍّ من اول يوم وفراقٍ على اول يوم

منقووووووووووووول لعيونكم

[بنت المضيبي]

ابياااات روووووووووووووووووووعه
تسلمي ع النقل الحلووووووووووو
ربي يعطيج العافيه ولا عدمناج ان شالله

[زهرة البنفسج]

تسلمي خيتووووووووووو
ولاتحرمينا من تواصلك