النظرة الشرعية بين الرفض والاستحسان(فانت مع من)

[قمر14]

السلام عليـــــــــــــكم حبيت اطرح موضوع واحسه مهم ويخص الطرفين (الشاب والشابة)

الاوهو النظرة الشـــــــــــرعية قبل الزواج الرسول (افضل الصلاة علية) امر بذلك لكن مجتمعنا اليوم يرفض هالشي يقولوا عيب او منجود عدنا المفروض الشاب والشابه يبدوا رايهم فهالشي اكيد في ناس وايد يفكروا فهالموضوع يتمنوا انه ما عدنا هالعادات الي تمنع الشاب من شوفه زوجته المستقبليه

انتوا شو رايكم فهالموضوع

[الملكة الراسبية]

بصراحة حن عدنا عيب او ميحبوا هالطلب من وجهة نظر والد الفتاة يظن انة بنته كانها بضاعة يعرضها اما تقابل الاستحسان واما لا وبصراحة حقهم
مع انه مب حرام بس وجهة نظري جذية وعتقدها الاغلب

[لمسات الحنين]

عيل ليش ما فكر النبي بهاي التفكير وهو نبي البنت بضاعة ..هاي سنة ولازم تطبق من وجهة نظري
افترضنا ان الطرف الاخر مو مرتاح مع الاخر فالنهاية طلاق عطيهم شهر اقل حاجة هم وحظظهم تفاهموا اولا
فيه كثير من الناس تطبق هالسنة خصوصا اهل الداخلية ومسقط...وكذا مرة سمعت بقصة ان البنت ما بغت الرجال لانها اكتشفت انه سمين .....واخر شي طلاق
صحيح في اباء ما يحبوا يعرضوا بناتهم للرجال معهم حق وهذي غيرة على بناتهم وما فيها شي ولكن بتكون افضل وراح تكون بحضور ولي الامر طبعا


نترك التعليق للشباب وشو رايهم فهالشي

[راعي صوغان]

انا من وجهة نظري اييد هذا الشيء النظره الشرعية ولكن مثل ما قالت الملكة كثير من الاباء يرفضون هذا الشيء

[الهااشمي]

بصراحة انا مع النظرة الشرعية .. مثل ما للاب يريد الستر على بنته .. من حق الشاب أو الشابة النظر لكل منهم الأخر ..لانها بتحقق الرأحة من ناحية الجمال الذي يبحث عنه كلا الطرفين .. مب معقولة الواحد يدفع مهر ويحصل البنت غير جميلة .. ومب معقولة البنت توافق على واحد مب جميل .. هو صحيح الجمال جمال الروح.. بس نفس الشي جمال الخلق له دور في أستمرار العلاقة بعد الزواج ..!!

[لمسات الحنين]

صحيح كلامك يا الهاشمي..
بس من راح يبدا ويطبق هالشـــي
ما اعتقد فيه احد راح يطبق بس اذا كان فالالفية الثالثة

[الهااشمي]

المشكلة مجتمعنا متجمع يعتمد بالشكل الاكبر على العرف .. وبتحصل العرف عندنا بصوب .. والشرع بصوب .. الناس ف مجتمعنا ما همهم الاكبر كلام الناس ..!!


وان اشوف ما فيها شي الواحد يشوف زوجة المستقبل قبل الزواج ..!


لو نشوف المناطق الثانية من عمان عادي الخاطب يشوف زوجتة عندهم ...!!

[لمسات الحنين]

صحيح كلامك....هاذي عادات واتخذوها خلاااااص نتريا اللي يغير هالعادة ................
وكل من البنت والولد لهم الحق فهالشي ما اظن ان اي واحد فيهم يرفض هالمبدا

[قمر14]

مشكورين على الردود الطيبة وكل واحد ورايه

[عطــر الأماكنــ]

طبعا مع النظرة الشرعية

فهذه حق للطرفين

ولكن إن تعارضت مع رغبة الأهل

ساااعتها لااااااتعليق

ولكن نتمنى أن نغير في قناعات الآخرين حينما لا تتوافق وديننا الحنيف

وذلك بالأسلووووب الحواااااااااري الهادف

تحياااااااتي

[الملكة الراسبية]

عيل ليش ما فكر النبي بهاي التفكير وهو نبي البنت بضاعة ..هاي سنة ولازم تطبق من وجهة نظري
افترضنا ان الطرف الاخر مو مرتاح مع الاخر فالنهاية طلاق عطيهم شهر اقل حاجة هم وحظظهم تفاهموا اولا
فيه كثير من الناس تطبق هالسنة خصوصا اهل الداخلية ومسقط...وكذا مرة سمعت بقصة ان البنت ما بغت الرجال لانها اكتشفت انه سمين .....واخر شي طلاق
صحيح في اباء ما يحبوا يعرضوا بناتهم للرجال معهم حق وهذي غيرة على بناتهم وما فيها شي ولكن بتكون افضل وراح تكون بحضور ولي الامر طبعا


نترك التعليق للشباب وشو رايهم فهالشي

صحيح انا معاكم فهالشي بس لو انت معج بنت ياها خطاب وكل مرة يجي واحد ويشوفها شو بيكون موقفج ساعتها
تسلميtongue.

[قمر14]

انا اقول اذ الاب يعرف اخلاق الخاطب يراويه بنته اما اذا كان الخاطب لعاب واخلاقه شينه يمشي يخطب عشان يشوف بنات الناس ومن يشبع يتعلث ويقول ماباها مب حلوة ولا مدخلت مزاجي

ملحوظة:- الاب يخلي الشاب يشوف بنته في حاله خلاص اتفقوا على كل شي يعني المهر والملجة وحددوا العرس يعني لا مفر المفروض الاب يخليه يشوفها عن يجلس يتخيلها وبعدين في العرس ينصدم انها مب هي الي متخيلنها

حرام كسر الخواطر

[فارسة الصحراء]

مــــوضوعـ حلــــــــو .. يسلمــــــــو ع الطــــــرحـ


أنـــــا مــعـ النظره الشرعــيه بينـ الطــرفينـ .. لأنهـــــا تعطـــي إحســـاسـ بالإرتيـــاحـ لكـــلا الطرفينـ

واليـــومـ صـــار معظمـ العائلاتـ يطــالبونـ بهــذا الشئ ..

والآهـــلـ صــارو متفهمينـ ..

والحمدلله عــلى كـــلـ حـــالـ



smile.