**حلول ولا اروع لاخطاء سلوكية**

[NERVANA]

السلام عليكم

لاحظت وانا امشي في الشارع وجود أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ....

------------------------

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وبمركاض في بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..


--------------------------------

خطأ : تفتح الإشارة .. ثم االي وراك يضرب هرنات ... ثم تشوف عليه في المراية ... وتلقاه يهاوش ومعصب .. ثم تاشر بيدك تتأسف ...

الصحيح : تنزل له بالسبانة مال التاير .. ودق الدريشة عليه ... وأول مايفتحها ... نزه من شعره .... وجلده لين يقول العيد الليلة ...

ثم ..

قله مرة ثانية تشوف الاشارة خضراء .. حمراء .. زرقاء ... تاكل تبن وتسكت ...


-------------------------------


خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : تنتظره بسيارتك .. وأول مايتحرّك لبيتهم .. فلت عليه الموتر ...قاتل وسفاح ...ثم قول ما شفقته دخل علي ..
وروح زوره في المستشفى متأخر واضحك عليه..


---------------------------


خطأ : جالسين أنت ومجموعة من الشباب ... وعندكم بيبسي ... ورحت تغسل ... فيقوم صديقك ويخض العلبه ... ثم تجي تبي تفتحها .. ثم تطش بوجهك ... ويضحكون عليك .. فتقول ... هههههه الله يخض بطنك والله لارد لك هذا المقلب ..

الصحيح : تمسكه ... مع رجليه .... وتبركه بالارض ... وتجيب قوطي ببسي ... وترجه رجا مبرحا ... ثم تفتحه بوجهه ....

ثم ..

تقوله يوم أكون أخوك الصغير .... والا البيدار مالكم .. امزح معي هالمزح ... وهالمرة بسامحك عشان خاطر الموجودين .. والا بتشوف!! .....


------------------------------------


خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... ثم تهاوشه هوش ... وتحاسب وتطلع ... وتقول بنفسك والله ما أحلق عنده .! ..

الصحيح : تاخذ الموس ... وتخربط براسه ... وشنبه ولحيته ... و إن حصل تحلق راسه عكس ...
ولاتحاسبه ... وحبذا لو جلدته .... (( على حسب الموجودين ... لو ماعنده أحد جلده )) ..

ثم ..

قل بينك وبين نفسك ... ما أحلّق عنده ...


-----------------------------------------

خطأ : تمشي بالحارة .... مثلا رايح للمسجد ... ثم يجي صغير ... ويفلعك بحصاة .. ثم تلعن الشيطان وتعوذ من إبليس ... وتكمل دربك .. تقول صغير ماعليه ...

الصحيح : تاخذ لك حصاه... وترميها عليه ... إن ضربته ... فهو خير ونعمة ...
وإن ماضربته ... خذ خيزران.. وامسكه واجلده ...
إن صاح خير ونعمة ...
وإن ماصاح .. فاتركه ... وروح صلي وخلص مشواريك... وارجع له ... وتفرّغ له ...
أكيد ما يتحمل لين وقت الصلاة الثانية ... وعلى مسؤوليتي بيصيح ...


--------------------------------------


خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت ما مستعجل ... اقطع الاشارة ... الاشارة حطوها للي مايعرفون يسوقو واللي يسو ويلات حالها حال المطبات يعني


---------------------------------------


خطأ :متابع فيلم .. ومتحمس .. ثم يجي واحد من اللي ساكنين معك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ..... وتبعها بطفاية الحريق لين يغمر... وحطه بفراشه... وخذ الريموت .. وحط فيلمك ... وتابعه بصدر رحب


.... والسموحه منكم

manqqqqqqqqqqool

[ظبي الرواشد]

شكرا اختي على الموضوع

فهذا يشف عن طبع من أطباع الانسان

ومن طبيعة الانسان يلجأ إلى ايذاء غيره بشتى التصرفات وخصوصا (الانسان العصبي)

وقال الرسول صلى الله عليه وسلم ( ليس الشديد بالصرعة وانما الشديد الذي يملك نفسه عند الغضب )

وربك الهادي .......تسلم يمناك اختي على الموضوع بصراحة رائع وهادف

يعطيك العافية

[YAYA]

ههههههههه مشكووووور عالسلوك المحترم
وتسلم عالموضووع

[المااااجد]

ههههههههه

راح اطبق كل اللي ذكر بس على مسؤولية صااااااحب الموضوع ...

[عطــر الأماكنــ]

بسم الله
لاااااااا تعليق على الصحيح
عاااااااد كذيه
قالووووووا سفاااااااااااح بس بحدوووووووودهههه
المااااااااجد مبين واااايد تأثرت بالموضووووع smile.smile.biggrin
وبعد تقوووول فيها مسؤولية
عاد لافااات الفوووووت ما ينفع الصوووت

شكري لصاااحب الموضووووووع
ومنظمتة السفااااحية smile.biggrin

[بنت البدر]

بالفعـــــــل هذه الأخطاء دارجه في حياتنا اليوميــــــــة

لو تصرفنا ا بسلوك حضاري وراقي بمثل هذه المواقف !! لعشنا بسلام م دون ذى

لو قابلنا ا ا الإساء بالحسنـــــــــــة !!

لو عرفنا ا أن تسامح طريق جميل للوصول إلى قلوب لآخرين !!

لستبدلنا أخطاءنا ا بسلوكيات إيجابيـــــــــة !!

وجهة نظر لا غير

دمت لجعلان

[روعة الاحساس]

ههههههههههه
اعوذ بالله الله يبعدنا شرك.......

[salnadabi]

شكرا اختي على الموضوع

[التفاحة]

http://www.alamuae.com/up/uplong/yCV25253780421025813464.gif

يسلموووو نيرفانا ع الموضوع..

وبلنسبه للي يتأخر ع الكلاس!!

الصراحه انا لو تأخرت ماسير الجامعه !! ايلس ف البيت!!

ولو سرت الجامعه وتأخرت .. مادش الكلاس!!
لان اصلا الي يدش متأخر مايفهم شي!!

يجلس ع الفاضي!!

ونتريااا يديدج

http://smiley-msn.com/Smileys/3D/Smiley-msn.com-3D-2010.gif

http://www.alamuae.com/up/uplong/Q1r25061780441114914519.gif

[عبودي]

شكرا على الموضوع