خطوبة البنت لإبن عمها منذ نعومة أظافرها!!!!!!!

[أسير الليالي]

موضوع مهم ومنتشر عندنا بالخليج
على الرغم من ان احنا وصلنا القرن الواحد والعشرين ووصلنا الالفية الجديدة

وانتشار الثقافة الغربية عندنا الا ان بعض او معظم العائلات من اول ما تنولد البنت يخطبونها لولد عمها


ابي رايكم بهالموضوع وشنو يؤثر على كل من البنت والولد


انا من وجهة نظري انه يسبب الكراهية بين الطرفين لان يمكن مشاعرهم ما تتفق والكل منهم يحس انه مجبور ع الثاني



شاركوني بوجهات نظركم

[ريم السلطنة]

اوين الاقارب عقارب

بس الحمد الله اهلنا متفهمين

بس في عائلات بعدها دقه قديمه

بس الله يعين

[شجووون]

اخوي اسير الليالي
اصلا مافيه زواج بالاجبار (لان الشرع امر باخذ موافقة البنت)
واذا هيه ماتباه ليش ماتقول انا مابيه واتخبرهم اذا اجبرتونياه عليه ربي بياخذ حقي منكم يوم القيامه وزاجي بيكون باطل (اظن هاي الجلمه بتعورهم في اقلوبهم وبيتوبون يزوجون اعيالهم بالغصب). ها اذا هم هم يخافون ربهم. ها راييي

[أسير الليالي]

اوين الاقارب عقارب

بس الحمد الله اهلنا متفهمين

بس في عائلات بعدها دقه قديمه

بس الله يعين

العفو ريم الموضوع غير ومشاركتك غير
ركز شويه موضوع الاقارب عقارب منزله مكان ثاني

ودمتم سالمين

[أسير الليالي]

أشكرك الإخت شجون على وجهة نظرك

[اسير العشاق]

...هذي عادات وتقاليد كان يقوم بها آبائنا وأجدادنا الاولين....
وعلى حسب اعتقادي انهم كانو يقومو بهذي العاده اعتقادا بانهم يحاولو تكبير العائله وعدم التشتت.. وكانو مايريدو حد غريب ياخذ بنتهم. وكذالك الولد كانو مايخلوه يتزوج بنت من خارج القبيله..طبعا معروف حاله بنت عمه.... وهذي طبعا عاده سيئه لأنه بعض الأحيان تكون البنت ماتريد بنت عمهه ولكن عن يعصب ويستحمق عليهه ابوها.. توافق على الزواج وهذا الشي سيولد عدم التوافق بين الزوجين وتبدي المشاكل الزوجيه......اما في عصرنا الحالي الحمدلله الكل متعلم ومثقف ويراعي مثل هذي الامور والمواقف........
.....وآسف ياجماعه اذا طولت معاكم ولكن هذي مشكله معاصره وتستحق المناقشه..
....واشكرك كثيرا اخي اسير الليالي على الموضوع... واحسنت في الاختيار...

[جعلاني للابد]

كلام جميل اخواني شجووون واسير العشاق

[أسير الليالي]

شكور أخوي أسير العشاق على وجهة نظرك
ومشكور أخوي جعلاني على مرورك

[حور]

فعلا اخوي اسير

بس الحمد لله في عائلات اكثر صرامه


تسلم على الموضوع اخوي

[بنت جعلان]

أنا أحس هالايام ما شئ حب صادق ، فمن المستحسن ترضى بإختيار أهلها ، فالأهل يعرفون مصلحتها وعسى أن تكرهوا شئ فهو خيرا لكم ...

[جعلاني للابد]

اختي بنت جعلان اصابع ايدك ما وحده وفي حب صادق

[أسير الليالي]

مشكوره أختي حور العيون

ومشكوره الإختت بنت جعلان على وجهة نظرك

وأنا معاك أخوي جعلاني في وجهة نظرك

[@المنسي@]

اسير الليل موضوعك مهم جدا .................


بس بقول وجهه نظري .........


يقول جل وعلا في كتابه :
(ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ) (النحل : 125 )


يعني المفروض يطلع دور البنت او دور الولد

ينصح ابوه يجيه بطريقة حكيمة و ويبينله ان الزواج مو بالغصب

وان الزواج قسمه ونصيب ........

مثلا بسيط :
( يشوف ابوه وهو فاضي ويشله عن الشاطئ ويتمشئ
معه ويسولف عنده ويضحكة وبعدين يجيب كل مره سالفه
مرتبطه بالموضوع شوي شوي لين يدخل في صلب الموضوع
ويبينله الصح من الغلط ................)


اذا ما نفعت الطريقه يغير اسلوبه مثلا :
( يروح مكان هادئ مثلا الحديقة ويذكر ابوه بأيام زواجه وكيف
تزوج من امه وكيف تعرف عليها ويدخل شوي شوي بالموضوع
لين تضبط عنده ..............ويغير رايه)



مثل ما قريتوه الايه الكريمة سبحان الله شوف التسلسل :
قال عزوجل في الايه ادع الى سبيل ربك بالحكمة
يعني لم تكلم ابوك كلمة بحكمه ولا تعصب وحتي عصب
ابوك حاول تراضيه .............


وبعدين تجي الموعظة يعني قول لابوك الموعظة والعبره
مثلا مواقف صارت او زواج صار بين عيال عم وهيش المشاكل
الي صارت ويوضحلة ويبنلة ..................


واخر شئ تجي المجادلة يعني قول لابوك مثلا يبين لمن مصلحة
الزواج ومن الي بيتزوج هو ولا انت ومن الي بيعيش مع الزوجة
وقله هذه حياتي الشخصيه يعني الوالدين ما لاهم خص الا
اذا كان مثلا في عيب في الشخص او البنت عاد ذاك الوقت يتدخل
الوالدين.................


واااااسف اذا طولت عليكم .............

وشكرا..............

[أسير الليالي]

مشكووووووووووووووووووور
أخوي المنسي على وجهة نظرك