ضايقة بي الدنيا ,,,,,,

[MOONTEARS]

مرحبا اخباركم


مشكلتي تافهة وما لها حل الا بيد ربكم


طبعا ساكنة بعيد عن اهلي لطبيعة شغلي


واللة عوضني بزميلات وزملاء تقدرو تقولو بيتي الثاني


بس مشكلتي انهم كلهم متزوجيين !

كل يوم يسالوني ليش ما تتزوجي ؟

تعبت نفسيا منهم يعني الزواج ما اهم شي ولا بيدي

ما قاصر غير اني اوقف عند الدوار .............!


واللي يزيد الطين بلة يحطوني بمواقف صعبة


اللي يعرفني على زميلة اونها صدفة


واللي تعزمني على بيتها غصب علشان اشوف احد من اهلها


المشكلة اني فاهمة حركاتهم بس امشيهم

ولاني استحي منهم لانهم الى يومي هذا ماحد قصر معي بشي

الحين شو اسوي ؟

[جعلاني للابد]

هلا اختي
اولا الزواج قسمه ونصيب
ولا تستحي من احد فيهم وكلام الحق ما يزعل
وجوليها بالحرف الواحد انك ما تفكري بالزواج حتى يحين موعده
وانتي جايه للعمل وليس للبحث عن الزوج
وعن حركاتهم وقفيهم عند حدهم وجولي لهم احنا زملاء عمل ولست هنا للبحث عن زواج
هذا احسن حل لهم

[الشرقاويه]

الله يعينج
ودير بالج ع نفسج

[MOONTEARS]

المشكلة الشيفه شيفة والمعاني ضعيفة

يعني هم في نظرهم الاشخاص اللي يعرضوهم ولا احلى وما ينعابو

بس المصيبة لما اتعامل معهم يطلعن عيوب الدنيا كلها فيهم

اخر واحد دخل عرض ........................!

وما قادرة اشتكي لهم ولا اطلع عيوبهم ومصايبهم

وبالنهاية اطلع انا البطرانة وشايفة نفسي ومتكبرة

واذا شافوني اتكلم مع احد معناتة في شي بينا

ويبدا الغمز والتلميح .....................................

[الزعيم]

مراحب اختيـ الكرييييييمه
انا حاس فيكـ وماتعانينـ منه اختي
مثلـ ماقال اخويـ جعلاني للابد
كلام الحق ماينعاب منه
قوليلهمـ مافكر ف الزوووواج
وطنشيــــهم
وذكري ربكـ واستغفريـــــه

والله يوفقكـ يارب
والزواج قسمه ونصيب
الناس ماتتركـ الناس ف حالها
لازم تعرف كل صغيره وكبيره والفضولـ يذبحهمـ

خلي ايمانكـ قويـ وباذن الله راح يكون خير الج

قال تعالي:
((عســـى ان تكرهوا شيئـــا فهوا خيرا لكم))

صدق الله العظيمـ

[سواااح]

عموما مجتمعنا فيه عقده اسمها الزواااااااااج نعم عقده وانا مسؤول عن كلامي ...

كيف باي طريقه فنظرهم اللي مامتزوج نااااااقص وهذا من التخلف ...

ويظنوا ان اللي مامتزوج ناااااااقص في كل شي ...

وهذا من قلة الايمان لان الزواج فالنهايه قسمه ونصيب ...

ويمكن اللي مامتزوج اخير منهم باشياء كثيره بصفاته واخلاقه ...

وعلى فكره هذي العقده سببها الكبت لان الاغلبيه بسبب الكبت يظن ان الناس كلهم عايشين مثله

فيشوف الزواج اسهل طريقه للهروب من هذا الكبت وكذلك سواد النظره ان اللي مامتزوج يمكن يكون عرضه

لامور خاطئه لانهم يعمموا على المجتمع باكمله وينسون ان الانسان مسؤول عن نفسه وبس ...

حتى احيانا تجد الواحد يستعجل فالزواج ومايختار بشكل صحيح لانه في تفكيره اذا ماتزوج الكل راح يعاتبه

وهذا ناتج من نظرة المجتمع المتخلف ...

الان تغيرت الحياه والظروف تجبر الشخص انه يتاخر مثل العمل والدراسه وغيرها من متطلبات الحياه المعاصره ...

واحيانا الاستعجال يسبب مشاكل كثيره ماديه ونفسيه ليس لها حل ...

فالنهايه هم ناس هذا تفكيرهم قديم يفكروا فالزواج والخلفه وبس ولو سالت واحد منهم كيف مرتاح في زواجه او لا راح تتضح اموركثيره غلط

ولو سالت حد منهم شو مسؤلياتك تجاه شريك العمر اعتقد بيكون فقير في الاجابه ...

والسموحه ..

[دلوعه كول]

والله اختي بالاخير هذا النصيب

وربك يوزع الرزق لوقتها انتي رتبي حياتك العلميه والعمليه وطوريها


الله كريم وربي يوفقك

[عالي مستواي]

الي يشــــــــــــــــوف مصيبة غيرة تهوووووووووووووووون عليه مصيبته...

اكيد لج يوم ويومج جريب انشالله ... ترة الدنيا ماتستاهل عشان تضيجي بخاطرج... خليج كووووووووووووول... ولاتنسي الدعاء ...وربج معج انشاللة

[MOONTEARS]

مشكورين على رددكم

والحمد للة اني حصلت احد على نفس تفكيري

المشكلة ما عشرة يوم ويومين وبتحملها وتعدي

هذا عمر ................!

واللي شفتة مع زميلاتي وصديقاتي صرت اتحاشاة

ليش عوار الراس وضرابة كل يوم مستغنية

واذا قدري باخذة وانا راضية

[راعي صوغان]

الله يرزقج بولد الحلال الي يستر عليج ويسعدج والي الله كاتنه لج بتحصلينه

[مهااااوي]

لا تضايقين فديت قلبج ..
هم تفكيرهم ان اللي مب متزوج ناقص ..
ويبون يكملون النقص والعقده اللي فيهم فيج انتي ..

قولي لهم الزواج قسمه ونصيب ومب مهم لهدرجه في هـ الوقت ..
واللي كاتبه ربي بيصير ..
واذكري الله ولا تضايقين من شي مايسوى ..
قولي لهم نظرتج للموضوع والزواج بشكل عام ..
ولا يحاولون يحرجونج اكثر من اللازم وتخسرين عشره ماتعووض ..

وفي بعضهم متزوجين وعايشين هم .. واللي مب متزوج براحه ..
يعني مالها داعي كل هـ الحركات البايخه ..

وربي يوفقج ويخلي للي يحبونج =)
تقبلي مروري

[فارسة الصحراء]

هذه المواقفـ أصعبـ شيء ..

والوحده إذا جاابلتـ شغلهااا وما حطتـ الزواجـ براسهاا .. ظنو إللي حواالينها إنهااا بطرانه وشايفه نفسهاا ..

فديتـ رووحجـ لا تضاايجينـ

ولا يهمجـ ... طنشيهمـ

والزواجـ قسمه ونصيبـ .. ما شيء شيء بالغصبـ

وربي يرزقجـ بالزوجـ الصاالحـ إللي يسعدجـ ..

ولا تنسينـ دعوااتجـ لي .. biggrinbiggrin


خلجـ كوووووووووولـ

ولا تكدرينـ عمرجـ

wink.

[أميـــ الشرقية ـــرة]

الله يعينج
واللي بيسالج قولي الزواج قسمة ونصيب
واذا ربي كاتبلج بتزوجي طال الزمن اوقصر

[محب العراق]

سم الله الرحمن الرحيم

والصلاة والسلام على اشرف الخلق والمرسلين ابي قاسم محمد وعلى اله الطيبين الطاهرين

اولا اختي العزيزة هذه الحالة تصادف عندما كمثال الكل الذين اعرفهم لديهم موبايل بس انا ولضروف ممكن انا ااجب اعيش في زمن لا للموبايل زمن ابائي وبداية حاتي يجي فلان هاا شو ما عندك فلوس تشتري وااحد
شوف شوف شوف هذا يا حرااام ما يكتب مسجات والخ من هذه الكلمات
التي يسببها العديد والكثير من الاصدقاء للاسف هم اعداء بهذه الكلمات
كيف تتخلصين من هذه الحالة
ما راح تقدرين التخلص لان في بالك شيء عند الليل عندما تنفردين لنفسك سوف يعاد الشريط من جد وجديد وبهذا تحسين بضغط نفسي يسببه الحرمان وانتي بنفس الوقت الصراع الداخلي بين الرغبة الحيوانية والعقل
وهذا يسموه بالجهاد الاكبر عند الاسلام ومن تغلب عليه فلقد عمل اكبر جهاد في الحياة

انا اقول شيء انتي مو ما تفكرين بالزواج هذا كلام لكي تقنعي نفسك وتقنعي حالك الذي انتي فيه
بالانتي لم تجدي بمعنى اصح الشخص المناسب ممكن شفتي وتعرفتي بس ماكو ما اجاه الشخص الي صدك يملي عينك وبهذا يزيدون اصدقائج الطين باله بهذا الكلام
فانا عن نفسي انصحك
بالعمل كالاتي الابتعاد عنهم والتوجه في اخر الليل الى الدعاء وصلاة الليل بالاضافة الى وضع شخص معين بنت او ولد تحكي له مافي قلبك لكي لا تضجري من وحدتك واعطي فرصة للمقابل بالتفكير بخطائهم

لان راح يجي يوم تخسرين الاول مع التالي بهذه الحالة

كيف

لان الكمت او الكتم داخل النفس يادي الى رد عكس وهو الانفجار فممكن يجي يوم وتقولين اشياء بمرة واحدة بسبب كلمة تلقيتيها شاهدتي ان الامر كفى فهنا تخسرين كل شيء بهذه ردت الفعل لان تكون اكبر واكثر من الذي سمعتيه فينقلب السحر على الساحر واذا وجدت اي تجديد بالامر فنحن هنا وحاضرين الى هذا

مع تحية محب العراق

[دختوره جعلانيه]

الله كاتبلج يوم وانشالله نفرح فيج جريييييب بس أهم شي خليك واثقه من نفسك ولا تخلي أذي الأشياء تأثر عليج وعلى نفسيتج.....

والله يعينج