هروب الشباب من الزواج بسبب غلا المهور [الأرشيف]

حجريه كووول

10-10-2008, 10:03 PM

والله بصراحه انا لفت نظري هاليومين في مناطق كثيره من انحاء السلطنة سبب يجعل

اغلبية الشباب يهربون من الزواج والبعض يحمل نفسه ديوناً ربما يسددها عنه ابناءه واولها هو

المهر فتجد المهر يختلف من منطقه الى منطقه ومن عائله الى عائله وهذا لوحده مشكله فتجد

الشاب يتجه الى جمعيات الزواج للمساعده في المهر ويسددها المسكين بعد الزواج على اقساط

شهريه وهي وغيرها من تكاليف الزواج الباهظه يعني تيي لام العروسه تقول لا انا اريد بنتي

تلبس احسن فستان واريد بنتي تنزف بأحلى قصر او قاعه ولابعد الهم الاكبر لهم ( المطربه )

كأن الزواج لا يتم الا بالمطربه اللي تغني شكشكه ,,,, هع هع هع

يا ناس الزواج مب كذيه والله مب كذيه الزواج رحمه من رب العباد

الزواج ستر للانسان في حياته وفي مسكنه وفي كل شي فانا اتمنى من كل الناس ان تنظر له

بنظره اخرى وهي ان توفق راسين بالحلال وتجعلهم يعيشون حياه كريمه والله يرزقهم

من حيث لا يعلمون ويوفقهم ...

المهور هل يعقل ان شاب يدفع مهر 120 الف ريال وراتبه محدود ارجوا النظر في قيمة المهور

واتمنى تحديد رقم للمهر في كل انحاء السلطنة لنستطيع حل مشكله هي الاكبر لدى الكثيرين

تحيااااااااااااااتي

VIP مــخـ نـآيف آلليل ـآوي VIP

10-10-2008, 10:11 PM

الله المستعاااان الشباب من وين ما يطقونها عويه

المشكله عاد الطمع ف والد البنت اما الشاب مشي حيله راح يدفع

صارت هالايام البنت سلعة تنبااااااااااااااااااااااااااااااااااااااااع وكل وحده تتحدى الثانيه بالمهر الغااااالي

والضحيه الزوووووووووووووووووووووووووج ف الديون وغيرهااااااااااااااااااااااا

الله لا تبلانا بالدين ......!!
والمشكله بعد الشباب يالسين بدون زواج والبنات معنسااات ف البيت والسبب المهر الغالي

الله يعين

***وين راي البنااات الصريح

مشكوووووره حجريه كوووووول

سجايا بديه

10-10-2008, 10:13 PM

مشكوره اختي حجريه كول ع موضوع المميز
وبعد انا ف دوري اني انصح الاباء ان لا يطلبوا من الخاطب ْإلا القليل من مال وإلا سوف يصبح ابو العوانس... ههههههههههههههههههههه

VIP مــخـ نـآيف آلليل ـآوي VIP

10-10-2008, 10:16 PM

هههههههههههههههههههههه

وازوجه اممممممممممممممم العوانسس

حجريه كووول

10-10-2008, 10:18 PM

مشكور اخوي الاصقر الابيض ع مرورك الحلو
والله عاد هاي مشكلة الشباب لازم هم الي يطالبون ف حقوقهم مب يالسين عليهم اهلهم والله حاله وبعدين
عاد منوه الي يبي يتيوز االشبااااااااااااااب ولا اهلهم
وبعد مشكوره اختيه سجايا بديه ع ردج الحلو
وصحيح انا نسيت هالنقطه مالت ابو العوانس ولا يبيلهم القب الغاوي خخخخخخخخخخخخخ

مجموعة انسان

10-10-2008, 10:19 PM

شكرا لك عزيزتي والمشاركه المتميزه ..

لا يوجد لدينا صندوق داعم للزواج كما اشرتي هنا .. كان زين !
اختي حجرية ...

المهم قواك الله وهذا الطرح المميز ...

ومن وجهة نظري وبما اني شاب عازف عن الزواج ايضاً والسبب هو غلاء المهور والشروط التعجيزيه من
قبل الفتاة لاني تقدمت لبنت وطلبو علي مهر عالي صراحه غير تكاليف الزواج وكانت كلها
علي وغير هذا كله تريد شهر العسل بأي دولة اوربيه وبعد تفكير عميق اكتشفت ان بيت ابوها اولا فيها من بيتي .

لأنه ليس من المنطق ان يحمل الشاب نفسه ديون هو يعلم انه لن يستطيع سدادها) الا بعد سنوات .

شكرا لك والموضوع المميز .

سجايا بديه

10-10-2008, 10:21 PM

شرايك الصقر الابيض انزوجهم انا وانت والله ترتوووووووووووب بنسفيد منهم ع الاقل ينقصون من هالعنووووووووسه
وصح بعد شي حاجه ف البنت تعرفوا شو؟؟
الوحده مدرسه ولا ممرضه ياها شرطي ولا موظف عادي بتقول مابيه اخاف يلهط معاشي هههههههههه مسكينات بعدهن مب متفهمات

VIP مــخـ نـآيف آلليل ـآوي VIP

10-10-2008, 10:23 PM

مجموعة انسان زين سويت وخلها تجابل يدران بيتهمــ احسن

حجريهــ العنوان مبالغ فيه هررررررررررررررررروووووب عاد كبيره ف حق الشاب اللي يبي يتزوج والاسباب اهي ف البنت وعائلتها

VIP مــخـ نـآيف آلليل ـآوي VIP

10-10-2008, 10:24 PM

سجااااااااااياااااااااااااا هههههههههههههه خلنا نخلص دراسه وبعدين ندور اللي يبينا خخخخ

حجريه كووول

10-10-2008, 10:25 PM

مشكور مجموعه انسان ع المشاركه عاد الحين بتم مجابله شيوبتها هع هع هع

عاد الصقر الابيض شو تباني اكتب لهم

يطيروووووووووون عن الزواج ولا شو ؟؟؟

VIP مــخـ نـآيف آلليل ـآوي VIP

10-10-2008, 10:26 PM

اذا شي عنكمــ عيوز حجزوهااااااااا تره مسكينه ما تطلب شي خخخخخ

VIP مــخـ نـآيف آلليل ـآوي VIP

10-10-2008, 10:27 PM

خلي العنوان مشتركــ احسن

سجايا بديه

10-10-2008, 10:28 PM

يالله ع طاري الدراسه الشيمه لاذكرني باجر
وراي برزنتيشن حتى بيتم ياكلني ف ثمه هالدكتوووووووووووور اذا ماقدمته زين يالعن ابو الدراسه

حجريه كووول

10-10-2008, 10:31 PM

الصقر الابيض تراه العوووووووووووق ف العيايز مب ف البنات
يشوفون بناتهن مشي يوبهن عن يحسدوهن بيتمن يطلبن الين يقول الخطيب بسي بسي دخليلكن بموووووووت من هالتطليبات

VIP مــخـ نـآيف آلليل ـآوي VIP

10-10-2008, 10:35 PM

سجايا وين البريسنتيشن يمكن نستفيد منه ههههههههههه

حجريه كوووووووووول صح لسانج العيايز هن العووووووووووووووق

وانتن البنات الهله فينا احنا الشباب

SEESAW

10-10-2008, 10:40 PM

شكرا حجرية على الموضوع

بس احب اشير الى نقطة قبل لا ابدأ

المهر محدد بمرسوم سلطاني وقدره الحد الاقصى على ما اعتقد 5000 ريال عماني

لكن للاسف بعض الطمع عند الاهالي

يتجه الى تسجيل العقد بخمسة الف للزواج

لكنه يفصل كل من القهوة وتكاليف العرس والشبكة

يعني 5 الف فقط للعروس واهلها

مع التكاليف يوصل 10 الف على الاقل

اللي حاب وحدة ويبى يتزوجها بيدفع الغالي والرخيص علشانها

لكن مراح يتهنى حياته والسبب الديون اللي لازم يقضيها

اذا الاهل فكروا في حياة بنتهم بعد الزواج

فالمنطق السليم يتوجب عليهم بان لا يكلفوا الزوج بتكاليف تؤرجح كفة ابنتهم ما بين اليمين واليسار

انا ولد والبنت اللي تباني اتزوجها تيي تشلني من بيتنا ببلاشbiggrin

سجايا بديه

10-10-2008, 10:41 PM

الصقر الابيض اول شي براويه للدكتوووووور عسى يعيبه
اعرف ف كل شي ينتقده النحيس

بس باجر الله يستر من اقدمه فالك الطيب بطرحه لكم

حجريه كووول

10-10-2008, 10:47 PM

هلا اخوي سويساوي ع ما اعتقد كذيه ااسم صح؟؟ هع هع هع

ترياني جدام باب بيتكم الخميس اليايه ان شأ الله انا بشلك من بيتكم ببلاش هههههههههه تنكت حضرتك

بس مشكور ع الرد الغاوي بس حبيت شي اقولك من اختلق الشاب العماني والديون وراه الله يعينه

VIP مــخـ نـآيف آلليل ـآوي VIP

10-10-2008, 10:47 PM

ان شاء الله تعالى

سي سو 5000 ريال ع واحد راتبه 150 ريال

الله يعين

SEESAW

10-10-2008, 10:52 PM

حجرية كووووووووول

انا مب موجود في عمان حاليا تعالي شهر واحد ان شاء الله بتلقيني موجودbiggrin

الشاب العماني بنفسه يلقي عمره في التهلكة

الحين انا عمري 21 سنة وصبرت واحد عشرين سنة عن الزواجbiggrin

ما اقدر اصبر 10 سنوات لحد ما اولف لي كمين فلس 10000 الف علشان اظفر بذات الدينbiggrin

الصقر الابيض

والله مل متأكد من القيمة بس تتراوح ما بين 3000 الى 5000 الف

اعتقد 5000 منطقية!!!!!

VIP مــخـ نـآيف آلليل ـآوي VIP

10-10-2008, 10:55 PM

3000 حلوه بعد من البنك مع الفوائد توصل 5000

سي سو اذا ظفرت خبرنااااااا ههههههههه

alsha3erea

10-10-2008, 10:57 PM

بصراحة موضوع حلوووو للنقاش..

تدرون يا جماعة اللي صار ايش..
تطووووور وتكنلوجيا

أي تطور وأي خرابيط والله كل هذا تخلف..
المهر دليل على قوامة الرجل موب لشئ ثاني لا لشراء المرلأأة ولا غيره..
وغلاء المهووور هو التخلف بعينه يبوا يعجزوا الرجال..ليش؟؟
عموماً تراني تفاعلت وايد مع الموضوع ولو عبرت عن شعوري ما راح تكفي كلمات الدنيا كلها..

بإختصار البنت بعد لها كلمتها..تكلم أهلها..تنصحهم..
تجولهم بالعبارة الصريحة
أنه سعادتها باللي يجدر عليه الخاطب لانه بالنهاية راح يكون طول عمره بسلفه وبنوك وفوايد
وراح تعاني معاااه..فأحسن من البداية تطلب على قد الريّال..حتى تكون معاه سعيدة..ومرتاحة..

والسلام عليكم ورحمة الله وبراكاته

VIP مــخـ نـآيف آلليل ـآوي VIP

10-10-2008, 10:58 PM

هذا الرد السنع فديت من رباك

حجريه كووول

10-10-2008, 11:01 PM

مصدق وحليله سي سو
وبعدين الصقر الابيض لاتم اطفربه اخاف يستين علينا بس اخبرك شي العزابيه احلى من انك ترتبط نفسك بالزواج هع هع هع مابيك تتيوز هع هع هع

alsha3erea

10-10-2008, 11:03 PM

هذا الرد السنع فديت من رباك

الله لا يهينك..يالصقر..

حجريه كووول

10-10-2008, 11:04 PM

مشكوووووووووره اختيه ع ردج الحلو
هيه والله لازم بعدها البنت تفكر بالريال قبلل لا تتشرط عليه وبعدين تعيش المئساة معه

شيخة بمعانيها

10-10-2008, 11:07 PM

اشـــــــــكرج أختي ع الطرح ...

انا بصراحه لا اؤيد غلا المهور........

شو الفايده تعرس في اكبر قاعه وناس وناسه وطقطقه

وربشه وفي الاخير شهر ولا شهرين هااي اذا طولت الا وهي في بيت أبوهاا,,,,,

ومثل ما وصانا أبونا زايد الله يرحمه ....... عدم الغلا في المهور

والرسول صلى الله عليه وسلم "بما معني الحديث::::: أقلهن مهورن أكثرهن بركه:::::

والصراحه هاي الي صاير تلقى البنت معززه مكرمه في بيت زوجها م ناقصهاا شي ..والحمد لله..

شو فايده المهر اذا البنت مب مرتاحه في بيت زوجها ولا مريحتنه....

وبعدين المهر مب دليل ع شي الا اكراما للمراه فقط...

تقبلي مروري" شيخه بمعانيها"

مجموعة انسان

10-10-2008, 11:08 PM

مجموعة انسان زين سويت وخلها تجابل يدران بيتهمــ احسن

حجريهــ العنوان مبالغ فيه هررررررررررررررررروووووب عاد كبيره ف حق الشاب اللي يبي يتزوج والاسباب اهي ف البنت وعائلتها

هيه احسن لها خلي اهلها يخلوها معهم ..
اخذت نفسي وطلعت وقلت لهم بنتكم معكم .. مع السلامه .

alsha3erea

10-10-2008, 11:09 PM

العفووو خيتووو حجرية كوول..صح والله

أختي شيخة بمعانيها..
فعلاً انتي شيخة بمعانيج انا معج بكل حرف كتبتيه..
وكلامج 100%صح
تسلمي وردج أعجبني..

VIP مــخـ نـآيف آلليل ـآوي VIP

10-10-2008, 11:12 PM

ربي لا هانج الشيخه ع هالرد الطيب

والله يكثر من امثالكـ

نشوفكمــ ع خير

لنا رجعه ومتابعه للردود

مجموعة انسان

10-10-2008, 11:13 PM

مشكور مجموعه انسان ع المشاركه عاد الحين بتم مجابله شيوبتها هع هع هع

عاد الصقر الابيض شو تباني اكتب لهم

يطيروووووووووون عن الزواج ولا شو ؟؟؟

مسكينه وحليلها مابيدها شي .. شو تعمل يعني البنت شورها مو بيدها .

فارسة الصحراء

10-11-2008, 02:38 AM

موووضووووعـ حلووووووووو ..
وطرحـ أحلى ..
سلمتـ يمناااااااااجـ عليه الغاااليه wink.

ونحنـ هالشيء كاانـ قبلـ كمينـ سنه الشااابـ يعااني منـ غلا المهر
والحمدلله الشيخـ زايد - الله يرحمه وغمد رووحه الجنه - حدد بشكلـ رسمي بإنـ المهر ما يتعدا الـ 20,000 درهم
بسـ ألحينـ تكاااليفـ الزواجـ هي إللي كسرتـ ظهر الشبااابـ ..
ومن، وجهة نظري إنه هذه شكلياااتـ مبـ أااكثر .. والواحد يقدر إيسوي عرس بسيط وراقي بدونـ مباالغه
بدلـ الديوونـ والحاالة الصعبه إللي ممكنـ تعيشهاااا البنتـ منـ بعد العرسـ .. frown.
بحكمـ الريااالـ قدمـ إللي جداامه وإللي وراه .. eek.
والله يهدي الآهاااالي ويسهلونـ الأمور جداامـ كلـ شابـ مقبلـ للزواجـ

ودمتي بوووووووووود

بنت شيوخ وكلي شموخ

10-11-2008, 02:01 PM

والله أذ ما تجدرون ع مهر البنات فبلاه من البدايه

تخطبون والواحد أذ يبا يخطب أحسله يخطب بنت من

مستواه الاجتماعي عشان ما تفجره مثل ما تجولوا

التفاحة

10-11-2008, 02:08 PM

http://up5.m5zn.com/photos/00117/907tonp1gkcs.jpg
شوو نقوول غير الله يعين الشباب المساكين!!

الشاب مايلحق يوصل بيته الا عليه ديون واقساط...... الخ

الله يعينهم.. والناس نسوا قول الرسول (صلى الله عليه وسلم)
اذا جاءكم من ترضون دينه وخلقه فزوجوه,,, وان لم تفعلوا
تكن فتنه ف الارض وفساد عريض!!

وهذا الي قاعد يصير الحين!!
كثره جرائم الاختطاف وكثرت الفواحش بسبب غلاء المهور
الشاب يوصل عمره 26 سنة او اكثر ومب قادر يتزوج!!

والاعلام الفاسد يزيد الطين بله!! بعرض صور المغنيات
والممثلات وكل وحده انحصلها لابسه ومب لابسه ف نفس الوقت!!

الله المستعااان

تسلمييين حجرية كووول ع الطرح الرااائع
http://up5.m5zn.com/photos/00117/272dcax97agl.jpg