ردّيت طرفي يوم جتني هواجيس ...!

[ظبي الرواشد]

بسم الله الرحمن الرحيم

كيفكم جميع اهداء لكم ....

رديت طرفي يوم جتني هواجيــس ***** غصبه بغيت النوم ماهمّل انعـــــــــاس
ماهم لو جا في منامي كوابـــيس ***** أرقد ترى همي مثل كل هالنـــــــــــاس
ياتابع الشيطان والجن وابلــــيس ***** هذي حياة الضيق والهم واليـــــــــــاس
صحبه على كف الوجيه الخنافيس ***** ماهمهم الا على كسب الأفــــــــــلاس
تدري بأن الناس عرف ومقاييس **** والله خلق هالناس أنواع وأجنـــــــــــــاس
هذي هموم الصدر أبطت محابيس **** ولاّ العلم مرفوع مايخضع الـــــــــــــــراس
لا جاتك الضيقه وجاتك وساويس **** ومن زود ضيقك صرت من غير احســـاس
اللي انكتب مخفي وكله طلامـيس **** من دون دفتر أو ورق دون قرطـــــــــــاس
ماهو بشوف اللي يطالع قواميس **** وأبطا يحاول مجتهد قرع الأجـــــــــــراس
هذا ترى درسك وتحتاج تدريس **** درس(ن) بغيتك تعرفه دون كــــــــــــرّاس
حيّ الله وجيه الرجال السناعيــس **** من شاعر(ن) يكتب اذا جاه هوجـــــــاس
أهل الشجاعه والكرم والأشاويس **** والمعدن الصافي شبيه(ن) للألمــــــاس
هذي تحيّه دون طبل ومراويــــــس **** هذي تحيّه عــدّ زفرات الأنفــــــــــــاس

[نور الغلا]

يسلموووووو ع الكلمات الطبية

اختي ظبي الرواشد

ونترقب يديدج,,,

[ظبي الرواشد]

تسلميلي اختي نور مرورج اطيب

[جعلاني للابد]

اهداء وجميل واكثر من رائع اختي
تقبلي مروري المتواضع

[ظبي الرواشد]

جعلاني للابد
مشكور على مرورك نورت الصفحة