شو يوجد داخل سدة كل سيارة__تطالعوا الفضايح {منقولــ}

[نبعة الشوق]

السلام عليكم ورحمة الله وبركاته


هذا الموضوع عجبني وحبيت اعرف كل واحد شو حاط في سدة سيارته ^_^



اولا... نبدا بالسيارات الفخمة....

1- بودمعة... بتحصلون داخل اي سيارة بودمعة هالاشياء
....بطاقات دعوة حق حفلات او اعراس..... غطاء ساعة رولكس.... تذكرة سفر... بطاقات ائتمان... دهن عود...قلم ماركة جيفينشي او ماشابه... خمس امية مفرورة بس جيه فلوس زايدة... وهالسوالف..

2-نيسان بترول... بتحصلون فالنيسان الاشياء التالية.... شرايط بالروغة وميحد حمد وخالد عبدالرحمن.... بوك جديم... صور طيور... قلم حبر مال بوريال ونص مكسور... ساعة كاسيو منقص سيرها... عطر مال بو عشرين... سوبر جلو... ولاعة ومدواخ...

3-مكسيما... عاد اكثر الي يستعملونها شبابنا الي يداومون في بوظبي وسويحان... اول شي بتحصلونه... قرآن صغير والا كيسة ملح ... العيوز مسكينة خايفة على ولدها ومسوية له حروز...
شرايط احلام... ديانا حداد نوال عبدالكريم... محمد عبده..... صور اليهال واخوانه.... دعاية حق مطعم والا كافتريا... (مساكين منو بيطبخ لهم هناك)... كلنكس ادنوك... عطر ماركة دنهل او دكني والا بوس.....بطاقة خصم مال المندوس... تذكرة مال سينما جلف....

4-موستنج شتري.... عاد الموستنج الشتري اكيييييييييد بتحصولن فيها هالاشياء... اول شي مشط.. الحبيب كاشف الموتر ولازم يكون شعره مرتب... شرايط ايمينم ومايكل جاكسون...ريكي مارتن ...بريتني سبيرز.... اوراق مكتوب فيها رقم تلفونه(حق الترقيم)...باروكة... تذكرة سينما جراند والا سيني ستار.... تذكرة حق بانكوك... لبان اكسترا... خمس تلفونات مفرورة... صور بنات..

5- مازدا.... اكثر الي ياخذونها مطاوعة.. اكيد بتحصل.. اشرطة الشيخ عبدالرحمن السديس.... الشيخ عبدالباسط.... العوضي... قرآن كريم... ادعية واذكار... اناشيد اسلامية حق اليهال...مسباح... مسواك... شريط اغاني مكسور(مال حد من اخوانه).. اوراق مال الهلال الاحمر....كفالة الايتام...

6-جيتي طابوقة... ما بتحصلون الا سكروب وبس... لانه السدة مكسورة..

7-اما الجيتي اس والجيتي آر بتحصل فيه الاشياء التالية...
لزقة... ستكر مال Hks... مفتاح سبير... مخالفة(القيادة بطيش وتهور+السير عكس الاتجاه+السرعة الزائدة+ تغيير جوهري في شكل المركبة+مخفي زيادة+ دبة صوت+ رادارات+ دهس بنقالي والفرار.... وهالسوالف .... مخالفات في مخالفات).... وبتحصلون بعد شرايط بوب مارلي وشان بول..50cent.... خالد عبدالرحمن وعلي بحر.... بتحصلون سكين... سبحان الله استوت ضرابة... عادي تحصلون حشيش....هههههه.. ويعني هالسوالف....عشان جيه الجيتي مشبوه.. والشرطة ما يصدقون جيتي يخطف جدامهم...على طول...طييو ويييو طيييو ويييو... طاااط طاااط..... فول ليت...

8-سيارة الاسعاف... بتحصلون فالسدة مال الاسعاف مقص شي طبيعي... ضمادات... شرايط منوعات.... يوم ماشي شغلة الحبيب يسمع اغاني.... دفتر مال البترول... سماعة طبية... عادي تحصلون راس آدمي... وهالسوالف....

9-تريلا... اول شي بتحصلونه كيسة نسوار... او بان...( بانبراغ)..... اممممممممم اكيد بتحصلون ورقة مخالفة.... تجاوز غير مصرح به...
ومخالفة ثانية بعد... القيادة تحت تاثير المشروبات الكحولية....... بتحصلون بعد صورة (باجوان) مالهم... عاد السيك تارسين الدنيا....
اكياس مال لبتون... ولا ننسى اهم شي طبعا........ صور بشاكير..





يالله عاد الحين الدور عليكم... كل واحد يعترف شو حاط داخل سدة سيارته؟ِ

[نبعة الشوق]

ماذا يوجـــد في درج سيـــارة كل شــــاب؟؟؟

اسرار

درج

سياره

كل شاب

فدرج السياره بالنسبه للشباب مثل الخزانه المتنقله

اللى نحط فيها كل شي

دون اعتراض او تشكي منها

يعني صبووووووووووور هالدرج!!

وعلى فكره تختلف محتوايات كل درج على حسب نوع السياره وشخصيه صاحبها

مثلا السياره السبورت الكشف.......

نجد في درجها مشط
اوراق معاملات ومخالفات مرور

عطر ماركه لور او مايكل انجلو
اوراق صغيره ( لزوم الترقيم )
قلم حبر ناشف من الشمس
باكيت زقاير

ويمكن للمثقفين منهم مجله المختلف
مع غلاف كم شريط لخالد عبد الرحمن واليسا

اما اذا كانت السياره من طقت ( تيوتا _ كامري _ نيسان _ مكسيما_ لومينا_)

فراح تجدون في الدرج

اوراق دعايه مطاعم

اوراق طلبات البيت
جواز سفر


نوته تليفونات الشباب
موبايل ثاني غير اللى بيده
مشط
ملاحظه المشط مو شي اساسي..!!
عطر ماركه دنهل وبوس

طبعا الكشن الثاني مليان كتب وجرايد قديمه لما تفضا تقراها ....


أأأأأأه نسيت طبعا اوراق معاملات الشغاله وتجديد دفتر السياره!!


اما اذا كانت السياره من طقت ( المرسيدس والروز رويز _ والبي ام ) وغيرهم



طبعا الدرج فيه
قلم شوبرد

علبه لساعه رول ك س
عطر دهن عود كمبودي

مشط ماركه بدي شوب

طبعا ولا انسى

علك


اما اذا كانت
سيارتك هايلكس

او ددسن غمارتين.........
فاعتقد



v

v

v

v

v

v
اكيد الدرج مـكـســــور
هههههههههههههههههههههههههه
__________________

[SEESAW]

في سدة سيارتنا المريضة حاليا لا يوجد الا المانيول مال السيارة وبعض الوثائق لا اكثر

[الجوكر*]

5- مازدا.... اكثر الي ياخذونها مطاوعة.. اكيد بتحصل.. اشرطة الشيخ عبدالرحمن السديس.... الشيخ عبدالباسط.... العوضي... قرآن كريم... ادعية واذكار... اناشيد اسلامية حق اليهال...مسباح... مسواك... شريط اغاني مكسور(مال حد من اخوانه).. اوراق مال الهلال الاحمر....كفالة الايتام...


الله يووفقهم وييسر أمرهم

[نانا بطة]

جديييييييييييييييييييييييمة

[راعية الكرز]

هههههههههههههههههههههههههه

سيارة أبويه أستيشن

أممممممممممممممم
شو بتالقون

أمممممممممممممممممممم


عاد أنا مافتشت سدة سيارتنا


ومشكور خيو

[شواطئ الأشخره]

سيارة ابوي ايبيكا

شو فيها السده

فيها عطوور

فيها اوراق رسميه

فيها مصحف صغيرووون

وفيها مداويخ ابويه وكباريت

وبس هذوله كل شي

تسلمين نبعه الشوق

موضوعج وايد وايد حلو

[LittlePrincess]

عجبني الموضوع
36_1_11[1].

ف سدة سيارتي فيه ( صورة جوازي، عطر، مشط، Makeup)

[دلوعة العين]

هــــــــــــــــــــــــهــــــــــــــــــــــــ ــهـــــــــــــــــــــــــــــــه
انــــــــــــــــــــــــــــــــا احـــــــــــــــــــــــــصــــــــــــــــــــــ ل
فيـــــــــــــــــــــــــــــــــ سدة اخــــــــــــــــــــــــــــويــــــــــــــــــ ــــــــــ فلـــــــــــــــــــــــوووووس
هههههههههههههههههههههههههههههه
مشكوووووووووورة يااختي على الموضوع

[راعي العزبة]

2-نيسان بترول... بتحصلون فالنيسان الاشياء التالية.... شرايط بالروغة وميحد حمد وخالد عبدالرحمن.... بوك جديم... صور طيور... قلم حبر مال بوريال ونص مكسور... ساعة كاسيو منقص سيرها... عطر مال بو عشرين... سوبر جلو... ولاعة ومدواخ...


هذي مواصفات سيارة أخوي وشو داخل السدة ههههههههه

وين سدة الكروزر ؟؟ههههههه

تسلمين نبعة الشووق

[موزان]

وين مواصفات سدة سيارتي ؟؟؟؟؟

[الرمانة]

يسلمووو ع الموضـــــوووع الحلـــــــــــوووو

[!محد يقرب صوبي!]

اممم ,,


فديتني انا


سدة سيارتي مافيها الا دفتر الوكالة وبث


بعدني ماحط فيها اي شي


تسلمين ع الموضوع .. حبوبة