ترضى حد يفتش تلفونك؟؟

[راعي سمــحه]

السلام عليكم ورحمة الله وبركاتة

شـ ح ــالكم

شـ ع ــلومكم

عساكم بخير وما تشكون باس

حبيت اليوووم نتناااقش في موضوووع مهم جدا جدا جدا

ترضى أحد يفتش ويتعبث في موبايلك ! وليــش


الموبايل ( مستودع الأسرار )

أصبح الموبايل جزء لايتجزاء من حياتنا اليوميه مانطلع إلا بالمبايل ومانقعد ولا نرقد إلا مع الموبايل

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...

الموبايل مثل السكرتير

اللي يذكرنا بالمواعيد والساعات


( لحد يتعبث في موبايلي )

هالجمله البسيطه تحوي معاني كثيره ( ممكن تفسرونها )

ليش مانرضى أحد يفتش أو :يتعبث: في الموبايل

هل هو الحرص عليه

ولا من زوود المحبه

ولا فيه شي خطير مانبي أحد يشوفه

هل لهالدرجه الموبايل خطير ماتخلي حد يقرا مسجاتك

ويشوف قائمة الأسماء اللي في موبايلك

ولا يسمع النغمات اللي منزلها

الأسئله كثيره والتساؤلات أكثر حول هالموضوع

وأنتظر ردووودكم الحلوووووة

[العمر كلة]

اهلييييييييين

موضوع حلووو ومهم



انا الصراحة ما احب احد يفتش موبايلى بس يقولى بشوف موبايلج اوكية

وبعد بصراحة احب افتش تلفون امى وابوى واخوانى بس يا خسارة عرفو شى اسمة رمز حماية والله حتى امى سوتة بس طبعا انا سويتة لها محد يعرفة فالبيت غيرى خخخخخ


يسلمووو موضوع حلو عجبنى

[بوظبي داري]

اهم شي عندي جهازي

وإلي يحاول يلمسه هب يمسكه

اشهد انه بيزعل جان ربيعي او حد من اخواني36_1_17[1].

[ريم السلطنة]

لا طبعا ما ارضي
حتى لو مافي اسرار بس ما يعجبني حد يلعب

[Ma7ad_Yro0omly]

والله موضوع حلو

بس انا يوم اقول هالجمله لأنه في تلفوني اسراري يعني ممكن تقول اي حدث يصير لي اكتبه بس بصيغه مب معروفه وخليها سر بيني وبينك>>>>>>هههههههههه


تسلمـــــ اخوي راعي سمحه

وخلــــــــــــــــــــك دوووووووووووووووم فووووووووووق فوووووووووووق

ونتريا يديدك

[دندونة بوظبي]

موضووووع حلووووووو..
الصرااااحه حسب الاشخااااص ..يعني هب كل من هب ودب..
النااس القرااب واايد اوكي..بس الغير لااااا..

[راعي سمــحه]

تسلمون ع آرائكم خواني وخواتي

ويعطيكم العافيه يميييييع

يحفظكم ربي

[راعي سمــحه]

وانا رايي بصراحه عادي عندي اي حد يشوف تلفوني

يعني ما عندي مانع

انتظر باقي الاعضاء

[مجنون نيسان]

موضوع فوق الزين
عن نفسي اي حد يفتش في جهازي يكون اخر يوم اتكلام معه
طبعا بعد ماسمعه كلام عمره ماسمعه
شكرا اخوي

[مهااااوي]

اممممم تجي صوبي يفتش جوالي واحد vip ابوي يمسكه يشوف اللي فيه عاادي ماعندي مشكله اما يي واحد من اخواااني كل واحد وله خصوصياته مثل ماانت ماتبي احد يلمس جوالك لا تيي صوب جهازي ولا تزخه ...

يعطيك العافيه اخوي ...
تقبل مروري ...

[توتو الصغيره]

انا عادي يتعبثون في موبايلي بس لا يدشون صوب المسجات مب حلوه يعني في اسرار بين البنات
وانا مخليه قسم حق سوالف ربيعاتي يعني ذكريات ومابي احد يقراهم غيرنا

[أسير الهم]

عاد أنا موتي وحياتي أحد يمسك جهازي لأنه سارت فيهم عاده مر وأحد من ربعي قاله أبي أسمع نغمات وفجاه جالس يشوف ملف الصور الخاصه بعائلته وبعد مأخبرني سرت مأ أضمن لأ ف قريب ولابعيد تبي الصدق ونعدمت الثقه ف ها الأيام قليله إلي تثق فيهم ومشكور حبيبي ع موضوعك الشيق وتقبل مروري

[التفاحة]

http://www.alamuae.com/up/Folder-013/1205473445_979d9e6717.gif

عاااادي يفتش ف تيلفووني!!

يعني شو حاطة فيه ولا شو مسويه؟!!!
بالعكس انتا يوم اتقول لاحد لاتمس تيلفووني!!
رح يشك فيك ويظن انك مسوي مصيبه ب تيلفونك!!
لكن بلنسبه لي عاااااااااادي

تســــــــــــلم اخوي راعي سمحــــــــة
ع الموضوع والطرح الحلوووووو
http://www.alamuae.com/up/Folder-013/1205478859_11c424bb03.gif

[روح مسقط]

اما انا بنسبه الي عادي الي يريد يشوف او يلعب او يمسكه
لانه ما في شي يمكن اخفي عن الناس

[ذيبة الامارات]

اصلا محد يقدر يلمسه



شو يبون منه يعني


واذا يبون يمسكون شو بيلقون فيه يعني


الاشياء العاااديه الي في اي فون

واذا فرضا يبونه


يفداهم

يمسكونه

[راعي سمــحه]

تسلمون اخواني ع تفاعلكم الطيب

ولا هنتو

يحفظكم ربي