(-_-).. روح الحـزن ..(-_-)

[غربة الروح]

ياللي سرقت الضحك مني وسجيت
.................... لا تفتكر قبلك خفوقي يغنّي !

قبلك أنا في دنيتي ماتهنيت
............................... قبلك خفوقي يقطف الجرح منّي

قبلك ثياب الحزن .. منها تشتّيت
.............................و لبس الفرح و الضحك .. مايلبسنّي

عشرين عام .. و ضحكتي نصفها ميت
............................ و عامين ( تكميلت عدد ) تمتحنّي !

هديت قصرٍ للفرح .. و أنبنى بيت
......................... بيت الحزن .. ما أسكنه .. هو سكنّي !

قبلك عيوني تنثر الدمع لا جيت
............................. يعني دموعي ...تنتثر غصب عني !!

ضحكي .. و فرحي .. مايهمّ .. لو تمنيت
............................. و أدري أنا ... ( نَيْلُ المَطَاَلِبْ تَمَنّيِ )

ماشفت ( رميو ) مات في حضن ( جوليت )؟
.................................. مثله أنا ( روح الحزن ) تحتضنّي

قبلك .. و قبلك .. قلتها آخر البيت
...............................( أوّن .. و ريــاح الليالي توّنّي ..! )

[جعلاني للابد]

تسلمي اختي غربة الرووح ع كلماتك وابياتك الرائعه
والله يبعد عنك الحزن

[%الســــ محمد ــــاعدي%]

مشكووووووووره عالنقل الراقي
اهنيج اختي غربة الروح على اختيارك الرائع

قصيده رائعه للشاعر سامي الشمري

[التفاحة]

صح الله لســــان الشاااعر
وتسلميييييين
غــربة الروح
ع الاختيار الحلوووووو ونقل موفق..
الى الاماااااااام
ونترياا كل يديد من صوبج.