رثاء بنت في ذكرى @@ والــدهــا @@

[جروح القلب]

قصيدة نبطية اعجبتني كلماتها الرقيقة الحساسة المثيرة للمشاعر المحركة للعواطف والدموع اتجاه اغلى من في الكون بعد فقده... "الأب"

كل عام وآنا يا نفسي بخير
كل عام .. وأنا وحدي أشعل سنيني شموع ..
وأحتفل بـ احتراق اللي مضى .. وسط الدموع !

وكل عام مثل اللي قبله ..
إلا هذا العام غير !

حزني أجزل بالهدايا ..
والقدر ساق المصير !
وصرت لما أحتفل بي ..
أشعل سنيني شموع ..
بنار فقدكـ !!

قل لي عنّي ..

قل لي عنّي وأنت تدري اليوم ميلادي
وبعد يومين عيد !

قل لي عنّي .. كيف أفرح ..؟
وأنت عن عيني بعيد ؟!

قل لي عنّي كيف أهملني ربيع العمر
وأصبح بي جليد !

وإلا تدري لا تقول ..
وش تبي أصلاً تقول ..؟!
خلني أحكي لكـ أنا ..
عن سوايا الريح في زهر الحقول !

آنا كل ليلة أضم اللي بقالي من حياة الـ أمس ..
وامدّ ايدي بـ قُبلة لـ السماء

وبـ همس :

يبه تصبح على ذكراي
وأنا بصبح على فقدكـ ..

يبه ..
بموووت من فقدكـ !!
وانام وداخلي عبرة ..
وأظن إني بموت من عبرة تخنقني ..
ولا أدري ليه أصحى مع طلوع الشمس ..؟
ولا ياخذني لكـ موتي !!
وأردّ أصادق سكوتي ..
وأمارس بي تفاصيل الحياة اللي كرهتني
وعشقت موتي !!

وأرجع "بي" مثل ماكنت ..
وفي كل صبح ..
أصحى مغمضة جفني ..
أبي صوتكـ ينبهني !
أبي تصرخ تناديني

وأنا أفزع :

وأجيكـ أقيس الضغط ..
وتسألني ..؟

متى تروحين ؟
ومتى تردّين ؟!

وأقولكـ يايبه بغيب

" يايمه لي متى تغيبين ؟! "

"يبه راسي يعورني .. يبه بطني يعورني"

وأتحجج كأني بعدني طفلة
كأني توني أصغر ..
ورحت انته وأنا طفلة ..
ولا خبّرتني بتروح ..
ولا علّمتني أكبر !

وذي أول سنة بعدكـ ..
وكل شي فينا متغير ..

صيام الناس ..
عيد الناس ...
وميلادي !

كل شي غير ..
يبه كل عام وانت ..... الخير !

يبه مليت من حكيي ..؟!
أنا عندي كثير أشياء أبحكيها ..
وأسولف لكـ عن أشيا كثير أخفيها

يبه تدري وش أكثر شي واحشني ..؟!
" ثلاث حروف "
هي أكثر شي ذابحني !

يـ

ب

هـ

" اشتقت أنادي لكـ " !

وأنا لا من قعدت بغرفتي وحدي ..
بديت أهمس :

"يبه"

وأتخيلكـ تضحكـ ..

"يبه"
وأتخيلكـ تحكي !

"يبه"
وأتخيلكـ تزعل ..

ولا ادري ليه لامنّي طريتكـ
كلّ شي يبكي !!

يبه وش فيكـ ..؟؟
سولف لي !
خبّرني ... قبل سنين
قدومي كيف كان .. و وين ؟
شكلي كيف ؟
أشبه مين ..؟!

ومن قرَّر يسمّيني ؟!
ومين أكثر فرح فيني ..؟!
ومين .... ومين !!

وأسئلتي اللي في كل عام أكررها ..
يبه دلوعتكـ منهي ..؟!
يبه وش كثر غلاها آخر العنقود ..؟!

يبه أشيا كثيرهـ .. بعدك أفقدها ..
متى بتعود ؟!!
ولو ما جيت .. أنا باجيكــ

ولا تحزن ..
ولا يضيق لك خاطر ..
أنا عادي ..
تعودت أحتفل وحدي !
أمسي ويومي وباكر ..

أنا بس جيت لكـ أقول ..

يبه كل عام وأنت الخير !


الله يخليك لي يا أغلى روح ف الدنيا ويحفظك لي... ولكم اخواني ازكى وارق التحايا
اختكــــــ جروح القلب ـــــــــم

[totti]

شكرآآآآآآآ على هذي القيده النبطيه بصراااحه روعه بس حزينه تسلموااا.

الله يخلي آبائنا يغفر للآبء المتوفين آآآآآآآآآآآآآآآآآآآميييييييييييييييين...

[راعي صوغان]

يبه كل عام وأنت الخير !
تسلمين يا جروح القلب ع القصيده الحلوه
والله يكون في عون كل من فقد اباه

[%الســــ محمد ــــاعدي%]

الله يرحم اموات المسلمين
ويخليه كل غالي لمغليه



مشكووووووووره اختي جروح القلب

لا تحرمينا من يديدج

[جعلاني للابد]

يعطيك العافيه جروح القلب وعندك ذوووق ف الاختيار وكلمات جميله ومؤثره
دمتي بود

[التفاحة]

موووؤثره وااااايد وراااااااائعه

تسلميييين جــروح القلب
ع الاختيار الحلووو ونقل موفق
والله لايحرم احد من غااليه
ويحفظ لكل انسان والديه.

تسلمييييييييين

[جروح القلب]

توتي... مرورك الاروع وردك اسعدني... الله يخليك ااخوي

راعي صوغان... الله يسلمك الشيخ... وامين الله يصبرهم ويكون ف عونهم

محمد الساعدي... اميــــــــــــــن ويرحمنا جميــــع... تسلم عالمرور الطيب والرد الكريم

جعلاني للأبد... الله يعافيك ويسلم غاليك... وتسلم عالكلمات المشجعة واكيد بعض مما عندكم الشيخ

التفاحة... غاليـــــــــتي... يسلملي مرورك الرائع اللي مثل البلسم عالقلب وامين الله يحفظ كل غالي ويرحم موتانا... ربي مايحرمني طلتك

والله لا خلانــــــــــــــــــــــــــــــــي منكــــــــــــــــــــــــــــم جميــــــــــــــــــــع

[كويين راكبه كايين]

الله يرحما برحمته ..
انا ابوي متوفي وما اسوي جيي..
لان الميت محتاج الدعاء...
واسال الله العلي القدير ان ينقي اموات المسلمين من الخطايا كما يقى الثوب الابيض من الدنس..
اللهم اني استغفرك واتوب اليك..

اختكم:((شيخه البنات))

[جروح القلب]

الله يرحما برحمته ..
انا ابوي متوفي وما اسوي جيي..
لان الميت محتاج الدعاء...
واسال الله العلي القدير ان ينقي اموات المسلمين من الخطايا كما يقى الثوب الابيض من الدنس..
اللهم اني استغفرك واتوب اليك..

اختكم:((شيخه البنات))

هلا اختي.... نورتي الصفحة اولا ورحم الله والدك وطيب ثراه وجعل قبره روض منه رياض الجنة وعوضك خير فاللي تعزيهم وحواليك
وثانيا بما انها رثاء يعني اكيد بيكون فيه نوع من المبالغة ولو اني اشوف ان الواحد بيطلع كل المشاعر والخواطر اللي ف قلبه اذا فقد اعز من فالكون عليه