سؤال :: (أبوك يتزوج على أمك) سجل موقفك.. توافق وتحضر زواجه وإلا لا ؟؟!!] [الأرشيف]

مشاهدة النسخة كاملة : سؤال :: (أبوك يتزوج على أمك) سجل موقفك.. توافق وتحضر زواجه وإلا لا ؟؟!!]

الرمانة

11-06-2007, 05:47 PM

سؤال:: (أبوك يتزوج على أمك) سجل موقفك.. توافق وتحضر زواجه وإلا لا ؟؟!!36_1_25[1].

--------------------------------------------------------------------------------

بحكم أنه حلال بالشرع التعدد للرجل .. وله أن يعدد ويأخذ 4 زوجات .. طبعا دون الجمع بين الأختين أو البنت وخالتها .. أو البنت وعمتها . .كما هو معروف .
لكن في حال كنت أنت أو أنتي .. نشأتوا وترعرعتوا في بيت يسوده الود والرومنسيه بين والديك .. صح يكون فيه أحيانا مشاحنات .. بس هذي سحابة صيف واتعدي ..

ولكن فجأه .. يتغير الوضع .. وتحس التوتر و الغموض يكتنف أسرتك.. .. وحسيت إن ( الأمر أمر ) و أبوك مخبي شي ...

ومع التنبيش اكتشفت ان ابوك عقد قرانه على عروس جديده .. وفي عالم ثاني ....

وأمك المسكينه .. حاسه إن الموضوع فيه إنّ .. لكن مهيب قادره تجزم ...
وجا موعد الليله الكبيره ...

شو راح يكون موقفك: 36_11_16[1].

====================

1- بتصارح أمك وتقنعها إن الوالد معاه حق ..بس ما تحضر !

2- بتتناقش مع أبوك.. وتقف في صف الوالده.. وتثنيه عن عزمه .. وتفركش الزواج!

3- أو بتبارك لأبوك .. وتحضر معاه العرس .. وإنت مرتاح الضمير !

4- والا بتخاف على شعورأمك .. وماتحضر العرس .. وتزعل منه مع الوالده !

5- ... سجل موقف آخر لو فيه ؟؟؟ !

الرمانة

11-06-2007, 10:26 PM

وييييييييييييييييين المشااااااااااركاااااااااااااااات؟؟؟
36_1_38[1]. 36_1_38[1].

الزيــــــزفــون

11-06-2007, 11:00 PM

خيـــــــــــــــــار صععععععععععععب جــــــــــــــدا

UNBREAKABLE

11-06-2007, 11:08 PM

اولا

الوالد ليش تزوج على الوالدة؟؟؟

الحين انتي ما بينتي كيف الحال بين الزوجين!!!!

بس اللي فهمته انه الوالد لديه اولاد وحالتهم جيده في البيت

ففي هذي الحال ليس للوالد عذر في ان يتزوج الثانيه

يبقى ان الشرع محلل 4 فأذا تزوج يكون بهذا ما سوى شي غلط

بسسسسسسسسسسسس في هذي الظروف صعب جدا يتزوووج الواحد على زووجته

والسمووووحه

ريم السلطنة

11-06-2007, 11:17 PM

لا كذا ولا كذاااااااااااا
لا ابارك ولا اواسي اقوم اضارب العروس الجديده

أخت القمر

11-07-2007, 01:18 AM

الصراحه ما بقول شي لأبوي

بس لأنه أمي غاليه علي وأحبها أكثر الناس

بروح أضارب الزوجه الثانيه حضرتها وبأدبها الأصول كيف تكون ؟

ولا أمي تنجرح وأسكت ؟؟

لا وألف لااااااااااااا

مو أخت القمر اللي تسويها !!

ويسلموووووو ع الموضوع

ضحــــكة دلــــع

11-07-2007, 08:05 AM

هلا والله...
بصراحة ما بحضر العرس وما ببارك حج ابوي
ولما اشوف حرمته بجتلها لانه امي تضايجت بسببها وثانيا
بتاخذ ابوي عنا

عاشقة السهر

11-07-2007, 09:22 AM

اول شي اناقش ابوي ليش يتزوج ثانيه؟

واذا اقنعني سببه اسأل عن عمر اللي بيتزوجها

اذا كانت صغيره بعارض وما بحضر عرسه

وبوقف مع امي

لانه ماله حق يتزوج صغيره

مهااااوي

11-07-2007, 11:18 AM

1- بتصارح أمك وتقنعها إن الوالد معاه حق ..بس ما تحضر !

لا مب معاه حق بيكون معاه حق اذا هو صارحها ... وبيكون بعد معاه حق اذا هي كانت مقصره وياه ... غير كذا الحق مب معاه

2- بتتناقش مع أبوك.. وتقف في صف الوالده.. وتثنيه عن عزمه .. وتفركش الزواج!

كذا ولا كذا انا ويا الوالده ... واذا ماطاع ينثني عن موقفه اكيد بفركش هالزواج

3- أو بتبارك لأبوك .. وتحضر معاه العرس .. وإنت مرتاح الضمير !

ولا اطب بيتهم بعد

4- والا بتخاف على شعورأمك .. وماتحضر العرس .. وتزعل منه مع الوالده !

اكيد اخاف على شعور الوالده هي غلاي ودنيتي وعلى اخر عمرها تيي على راسها ضره لا والف لا

5- ... سجل موقف آخر لو فيه ؟؟؟ !

صراحه بزعل اكثر من امي بعد هالعمر تيي في بيتنا وحده ثانيه وعلى من على راس امي صراحه شي يقهر <<< وعسى الله لايغير علينا ونعيش بسعاده

ثانكس غلاااااي على الموضوع ويعطيج العافيه
والسموحه

دلوعة ابوها

11-07-2007, 11:28 PM

عن نفسي بذبح العروس الجديدة قبل لا يتم العرس
بصراحة ما احب وحدة جديدة تدخل بحياتنا وتخرب السعادة اللي نحن عايشينها.................

أمير الوافي

11-07-2007, 11:57 PM

اولا:
الاسلام حلل اربع
ثانيا :
اذا يقدر يصلح بين الثنتين يتزوج

عاشقة صمت الوداع

11-08-2007, 12:52 AM

لا كذا ولا كذا
واتمنى انه يصير علشان ما اكون بذا الموقف

الرمانة

11-08-2007, 07:05 PM

مشكووووورين ع المرور
ظبى جعلان
بنت الدار
ريم السلطنة
اخت القمر
مهااااااوى
عاشقة السهر
نونو الحلوة
دلوعة ابوها

ان شاءالله ابوكم مايتزوج ع امكم اببببببببببببببببببد

بس ماكنت ادرى انكم عنيفاااااااات كذا كل البنات قالو بنضارب الزوجه الجديده بس والله معاكم حق
انا عن نفسى كنت قتلتها مو بس ظربتها
36_1_28[1]. 36_1_28[1]. 36_1_28[1]. 36_1_28[1].

الرمانة

11-08-2007, 07:06 PM

مشكوووووووورين ع المرور
المنصور
عاشقه صمت الوداع

الجوكر*

11-08-2007, 08:37 PM

أناا اقووول لو الوالده مقصرره فحق ابوووي

عليه بالعاااااافية وبحضر عرسة وبباركلة

مهما صار مهما تم هذاا أبوويه وواجب ابرره ولا اقطع صلتي به لانه عليه عنده دين وكنووز الدنيااا ماتوفي نص الدين اللي علي عند أبووي " الله يطول بعمره"

الرمانة

11-11-2007, 06:45 PM

مشكور الجوكر* ع المرور

الله يخليلك ابوك