خلّي شعرك كأنّه مسشور بدون استخدام السشوار

[ريم السلطنة]

خلّي شعرك كأنّه مسشور بدون استخدام السشوار

--------------------------------------------------------------------------------

خلّي شعرك كأنّه مسشور بدون استخدام السشوار

--------------------------------------------------------------------------------


موضوعي مثل ما هو مبين من العنوان عبارة عن طريقة سهلة جدا جدا للحصول على شعر وكأنه مسشور
ومثل ماقلت بدون استخدام السشوار

والحين انتون مستغربين من العنوان,,, وش سالفة " والله يخليك يا شبك" هههههه راح تعرفون في نهاية الموضوع

وهالطريقة خاصة للي شعرها مو ويفي وااااايد ولا الكيرلي
أو لصاحبات الشعر المفرود>>> يعني اللي مسوية لشعرها تمليس او ريلاكس او ريبوند او أي فرد
وتقدر تطبقها اللي ماتخلي شعرها مفتوح على طول
يعني اللي تخلي شعرها مرفوع او اللي تربطه من الخلف على شكل ذيل الحصان

نجي للطريقة,,, وعلى بركة الله نبدأ
أول شي لازم تستخدمين أي زيت,, مثل أملا بلاس, أو دابر, أو براشوت,,أو أي خلطات زيوت
تخلينها في شعرج مدة لاتقل عن ساعتين

وبعدين يجي دور غسل الشعر
غسلي شعرج زين بالشامبو المناسب لنوعية شعرج

وانتي في الحمام _ أعزكم الله_ تجي الخطوة المهمة
خذي الحمام زيت اللي تستخدمينه لشعرج
وخذي منه ثلاث أو أربع ملاعق,, وحطيها في ملة"بيالة" طاسة" هههههه بكل اللهجات>>> يعني الكمية اللي تحسينها كافية لشعرج
بعدين ضيفي للحمام زيت أي كريم أو زيت انتي تستخدميه لشعرج
بشرط يكون هذا الكريم أو الزيت ماله ريحة كريهة
ومن النوع اللي ينحط على الشعر وتقدرين تطلعين فيه>>> مو تحطين بو ريحة وين ماتمشين الناس تهرب من الريحة ههههه
المهم كذا ملعقة من الحمام زيت+ الكريم او الزيت (مثلا زيت صانسيلك مزيج سبع زيوت أو زيت هيملايا أو زيت بيبي جونسون, أو كريم صانسيلك) يعني اللي مالها ريحة شينة وكريهة
حطي تقريبا نص ملعقة او ملعقة
على حسب نوعية شعرج

يعني اللي شعرها واااااااايد جاف تحط ملعقة او ملعقة وربع,, واللي طبيعة شعرها دهني انصحها تحط بس كم قطرة
المهم خليه في شعرج لمدة لا تقل عن ثلث او نصف ساعة
واذا ماحبيتي تظلي فترة طويلة داخل الحمام,,, حطي الخلطة في شعرج لما تطلعين
وخليها المدة اللي تبينها,, حتى لو ظلت في شعرج ساعة

وبعدين غسلي شعرج بالماء فقط

نشفي شعرج بالمنشفة ,, هو بطبيعته بيظل رطب شوي,,, حطي مباشرة سيروم كريستال أو أي نوعية عندج,,, أو اذا حبيتي بعد تحطين لج "كريم التصفيف من صانسيلك"
مشطي شعرج وخليه شوي مفتوح عشان يجف لحاله
لمي شعرج وربطيه بربطة الشعر,,, لااااااازم تربطينه وتخلينه مثل ذيل الحصان

خليه مربوط ولا ترفعينه,,,
الحين نجي للخطوة المهمة جدا واللي راح تستغربين من نتايجها... وأكيد راح تشكريني عليها >>> أبو الثقة هههههههه
تاخذين لج الشبك اللي ينحط على الشعر,,>>> وهذا اهم مافي الموضوع
مو الشبك الكبير اللي نحطه على التسريحة لما نسوي رولات
لالا,, ناخذ الشبك الصغير
خذي شعرج اللي وراء,,, اللي للحين مربوط,, وصاير ذيل حصان
رفعيه وخليه كعكة,,, احنا نسميها كبابة ههههههه
المهم سوي الكعكة وللحين ربطة الشعر في شعرج
خذي الشبكة وحطيها على الكعكة وثبتيها بالبنسات أو الشباصات
أهم شي انك تخلين الشعر داخل الشبكة حر طليق ههههه يعني ماتثبتين البنسات عليه
تخلينه على راحته في الشبكة
راح تقولي شلون مابتنزل الكعكة؟؟؟
انا اقول لك,,, ثبتي الشبكة عدل مدل بالبنسات’’’ لكن تحملي تلمسين الشعر او تضغطين عليه بأي شي,, يعني خلي البنسات على الشبكة مو على الشعر

اتركي الشبكة على شعرج مدة طويلة’’ وكل ثلاث ساعات تقريبا فكي شعرج ومشطيه عشان يدخله هواء
وردي لميه وسويه كعكة مثل قبل
ولما تفكينه راح تلاحظين ان الشعر من الخلف صاير مرتب
ولا شعرة متدرجة,, وكأنج مسوية له سشوار
يعني كل ما طالت المدة اللي خليتين فيها الشبكة على شعرج,,, كل ما صار الشعر أحلى وأرتب

بعد 12 الى 24 ساعة راح تلاحظين الفرق
انزعي الشبكة ورفعي شعرج بالكلبس او خليه مفتوح على راحتك
متأكدة 100% إن الكل بيفكرج مسوية له سشوار
ومثل ماقلت في البداية,,, هذي الطريقة مو حق اللي تخليها شعرها كله مفتوح ومنسدل
وإذا حبيتي توهمي ان شعرج مسشور
تقدري تسشوري قدام بس,,, الغرة بس
واللي وراء راح يكون وكأنه مسشور,, ويمكن احلى من الغرة بعد
ملطوووووووووووووووش لطش
طولت عليكم ويالله طبقوا وعطوني نتايجكم
__________________

[ميمي الصغيره]

مشكووووووووووره ريم عالموضوع الحلو مثلج

[ريم السلطنة]

مشكوره ميمي ع الرد الحلو مثلك
خخخخخخخ

[صمت الوداع]

لاحووول الله ليش كل هالعمليه الطويله شعري مايباله لاسشوار ولا غيره بروحه حريرههههههههههههههههههه ...مشكور اختي بس ذبحني الفضوول وحبيت اشوووف اختراعاتك حشااا كم زيت وكم كريم وكم طريقه حشااا باللله لا وبعد خلال اربع وعشرين ساعه وماعندي شغله غير شعري لفيه وارفعيه على فوووق ابسط لك واريح لك لانه الجووو زفت هالايام واذاا تبي تريحينه فكيه وخليه مفتوح على قولتهم خليه يتنفس لا وتخنقينه مثل ما انتي تبي تتنفسي اهووو بعد خليه يتنفس والعبي فيه مره على قولتج ذيل حصان ومره ارفعيه ومره خليه مفتووح وم ره سوي عقوصين هههههههه يعني دلعيه ودلعي نفسك وكذاا راااح تحافظين عليه ولا تستخدمي الاستشوار كثير لانه يجفف الشعر كثير استخدميه على الاقل مرتين بالاسبوع وهييييك لا لفه ولا دوران ول مائه زيت ولا ضيااع وقتي وهذا رأي ...وشكرااا اختي على مشاركتك الحلوه ..واسمحيلي عل التعليق ..

[عيون قطر]

صدقج صمت الوداع


وترا واااااايد حلو


انج


تسوين عقصين

تراني والله اسويها

وناااااااااااسه صدقوني

وكل شوي لعبي فيهم


بس مشكله الاخوان لبسي شيله عنهم

لانهم بيشدونج من عقصينج
ههههههههههه

[صمت الوداع]

حلووووووووووووووووه منج عيون قطر صدجتي بها المقوله عادي مشي كانك فيج قرنين ههههههههههههههههههههههههههههههههه

[ذيب بوظبي]

لا عادي بالعكس حلو مثل ما قالت عيون

[صمت الوداع]

اوكي رااااح اخلي عقصين.....فالكم الطيييييييييييييب

[ريم السلطنة]

صح حلو العقصين
بس نوبه حلو يوم تحطيه نشل تتفشريبه
اختي كله حاطه عقصين

[مهااااوي]

حلوووووووهـ الطريقة بس يبيلها وحده فاضيه عمل << P: تكفين الشغل مقطع بعضه عندج

تسلمين ع الموضوع خيتووو
تقبلي مروري

[ريم السلطنة]

صدقش يبغلها وحده فاضيه
بس يالله موه نسوي كله يهون عشان شعرنا

[التفاحة]

مشكـــــــــووووورة
ريم السلطنـــــــة
ع الوصفة الحلوووووه..
بس بعد معندك وصفة لمنع تساقط الشعر!!

[الزيــــــزفــون]

مشكــــــــــــــــوووووره ياريمــــــــــــووووه

[ياسمين]

مشكوره يا ريم السلطنة على هادى الموضوع36_15_5[1] 36_15_5[1] 36_15_5[1] 36_3_9[1]. 36_3_9[1]. 36_3_9[1]. 36_1_12[1]. 36_1_12[1]. 36_1_12[1]. 36_3_11[1]. 36_3_11[1]. 36_3_11[1].