لماذا يكتم البعض همومه..؟؟ّّ

[توتو الصغيره]

للنفس حركة نحن لا نراها ..... ولكن نحسها عبر تعابير الأشخاص وأحاديثهم التي تعبر عن مواقف نفسية بالغة الغنى والثراء ......

كلنا تجمعنا تلك المشاعر ..... ونذوب فيها ..... ولكننا نختلف في طريقة التعبير عنها ....

فمنا من يفصح عن ما يجول بداخله ..... ومنا من ترتسم تلك المشاعر في تعابيره وتبوح لنا بما لم يتحدث عنه.....

ومنا من لا يفصح وتبدو تعابير وجهه صماء لا علاقة لها بما يدور في خلده ....



ولكن ..... لماذا نختلف .... ؟؟؟
ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
أتكون أنت أخي القارىء وأختي القارئة من هذه الفئة ...... إذاً ما الذي يدفعك لذلك ؟؟؟



للأمانه منقول بس عجبني الموضوع ونبي نناقشه عشان نسولف مع بعض ونفهم وكل واحد له وجهة نظر يالله اترياكم لا تكتبون لي مشوره ومرسيه وولكم لااااااااااااا ابي نقاش في نقااااااااااش:D

[%الســــ محمد ــــاعدي%]

الصراحه الواحد يخاف انه ماينفهم
والله ترى اصعب شي تشكب همومك وماتنفهم

[توتو الصغيره]

صح شي اكيد بس احيانا تضطر على انك تبوح بهمومك وينزاح الحمل عن صدرك

[%الســــ محمد ــــاعدي%]

ايه بس مب لاي واحد

[توتو الصغيره]

اكيد عيل تقوله حق كل من عز الله رحت فيها هههههههههههههههه

يا تقوله لصديق توثق فيه ومقرب منك او اي احد ثاني

[%الســــ محمد ــــاعدي%]

اكييييييييييييييييييييييد


بس تبين الصراحه هالايام بعد الثقه صعبه
والله صعبه

[حور جعلان]

صراااحه لانه احيانا" ما تحصل اللي يفهمك..

[توتو الصغيره]

انا اوافقك بهالراي قليل تلاقي ناس توثق فيهم بس بعد بتلقى ناس تنوثق فيهم بس قله هالايام

يالله مب مشكله الحياه ماشيه والحين محد يعرف الا نفسه وما يهتم بهموم غيره

[توتو الصغيره]

اكيد يا حور بس اكيد في يوم راح تلاقين

[حور جعلان]

ومن جالك انه ما عندي عندي ولله الحمد بس انا اتكلم بشكل عام

[توتو الصغيره]

انزين بشكل عام بل

[ذبحني الشوق]

اني من هذا النوع

احب اكتم همومي

وسلاحي دموعي

احب ايلس في مكان بارد ومظل وابكي واكون بروحي

وقبل شوي كنت يالسة على جنب في السطح وبنت خالتي تحن تبي تعرف شو فية

المكشلة ملامح وجهي تفضحمني

[توتو الصغيره]

يا ذبخني ما انصحج تكتمين اللي في قلبج لانه والله هذا بيظرج والدموع تراها زينه تزيل وتخفف الهموم لكن احسن لج تلقين احد توثقين فيه وتقوليله اللي في بالج وصدقيني بترتاحين
انا قبل كنت كتومه وما اسولف وكله بروحي معني دايما فرفوشه وما يبين شي فيني لكن مردي حق احد واقوله لهمومي وطيعيني تره بترتاحين على الاقل قولي نص اللي في قلبج

[ذبحني الشوق]

شو اقول وشو اخلي

تدري يمكن اني نفسج مشاغبة

بس اهلي يحسون لما فية شي

وخاصة في المدرسة معلمة حي تفهمني انة فية شي

بس يلة شو نسوةي

[توتو الصغيره]

يالله الله يفرج همج اختي ذبحني واتمين دايما فرفوشه

[جمانة]

امممم


أولاً مشكوووره خيتووو عالموضوع المهم...

ثانياً: أنا ما أحب أطلع اللي في خاطري بس عند صديقتي أو من هي أقرب

لي وأرتاح لها...:)

[توتو الصغيره]

مشكوره جمانه على مداخلتج الحلوه

[بنت الشرقية]

هلا اختي
موضوع جميل وحساس
بعض الأحيان تحس انك مهموم من شي بس تعرف انت حتى لو قلت لشخص ثاني انه ما راح يقدر يساعدك وحتى كلامه ما راح يقدر يخفف من همك فما لك غير تتكتم حزنك والمك عن كل الناس .

تحياتي لك اختي

[راشد بن شملان]

"يعطيك العافيه"ياخيتي "توتو الصغيره"نتريا يديدك يالغاليه

[توتو الصغيره]

هلا اختي
موضوع جميل وحساس
بعض الأحيان تحس انك مهموم من شي بس تعرف انت حتى لو قلت لشخص ثاني انه ما راح يقدر يساعدك وحتى كلامه ما راح يقدر يخفف من همك فما لك غير تتكتم حزنك والمك عن كل الناس .

تحياتي لك اختي

صح كلامج اختي بنت الشرقيه ومشكوره على مشاركتج الحلوه:p

[توتو الصغيره]

الله يعافيك يا اخوي راشد بن شملان

[راشد بن شملان]

"مشاكاة الهموم أنا اراها تشتكى للزوجه كونها اقرب انسانه لديك "والعزابي يشكي همومه لاوفى صديق عنده "الحياة متعبه بكل اشكالها والوانها:(

[توتو الصغيره]

اكيد اخوي لازم الحياه فيها المر والحلو بس الذكي اللي يعرف يعيش بكل الحالتين وهو راضي

[عيون قطر]

انا همومي ما حب اشكي بها عند حد ابدا

اخليها في خاطري و خلاص

ما حب جي

مع انه عندي ربيعات و امايه موجوده واختي

بس بعد ماحب اطلع الي فخاطري

[توتو الصغيره]

اكيد في ناس جذيه تحب تكتم مع نفسها والناس انواع
مشكوره يا عيون ويبعد الهموم عنكم يارب

[عيون قطر]

يااااااااااااارب يا توتو

وياج يالغلا

[توتو الصغيره]

آمين ان شاءالله

[التفاحة]

الواحد يكتم همومه لانه مب لاقي شخص ايسولف ويااه!!
بذات لوشي شخصي او سر!!
بتسولف وياه منووو؟؟ عشان السالفة تنتشر
وتلقا انهم قالوها ف نشرة الاخبار الساعه 9 !!
الواحد يكتم همومه لامه مب لاقي شخص يأمن له
بس كل انسان له طااقة .. والانسان يوم يضل يكتم يكتم!
بينفجر!! لازم يطلع اللي داخله ويسولف ويقول اللي بقلبه

مشكــــــوووورة
توتو
ع الموضوع

[الخـــــارج عن القانـــون]

توتو موضوعك حماااااااااااس

انا عن نفسي

أشوف أنه الشكوى لغير لله مذله

وأقصد بالشكوى بكل أنواعها

من هموم وأحزان وظلم و كل شي مبحلو صادفني

هذا مبدأي و أتمنى أستمر عليه

دمتي بوووووود

[توتو الصغيره]

اكيد يا تفاحه كلامج صح والخارج عن قانونه اكيد كلامك صحيح 100%
الشكوى لغير الله مذله