زواج ( التبادل التجاري ) نقــــــــــاشي..!!!

[الزعيم]

السلام عليكم ورحمة الله





ابي اتناقش وياكم فموضوع ( زواج التبادل ) !!!!!


اوضح الفكرة اكثر لاني اتوقع في ناس ما تعرف ولا سمعت بهالقضية من قبل ...


من عادات بعض القبائل او بعض الأسر إذا جاهم ( شاب ) يبي يخطب بنت منهم تعرف شو يردون عليه:


(يا إما تزوجونا بنتكم حق ولدنا أو ما راح نوافق عليكم ) !!!!!!


بمعنى صار الزواج كأنه تبادل تجاري !!! وصارت البنت سلعة يزوجوها كيف ما يبون مب ع كيفها !!!!


انتو شو رايكم بهالقضية ؟!!!


هل سبق وتعاملتوا مع هالموضوع أو مر عليكم ؟!!


انتظر نقاشكم ووجهات نظركم ...

[جعلاني للابد]

اشكرك اخوي الزعيم ع طرح هالموضوع
والصراحه موضوع مهم جدا وانا دائما اسمع بعملية التبادل زوجنا وبنزوجكم
واصبحت البنت سلعه متبادله بينهم
وعن نفسي لا احبذ هذا النوع من الزواج وانصح الاهالي باللابتعاد عن هذه العاده
مع العلم انه في ناس متعلمين وفاهمين بس هالعاده يطروحها في زواج احدهم او حد من اهلهم

[الزعيم]

تســــلمـ اخويـ جعلانيـ ع وجهه نظرك السليـــــــمه..

[التفاحة]

هذا الشي موجود ف كل مكان!!!
واحد يجي يتزوج وحده! ايقولهم بس اخوها ياخذ اختي!!
مدري ليش؟؟والمشكلة ان مصير 4 اشخاص يرتبط ف بعض!!
لان لو واحد طلق زوجته!! الثاني بيطلق!!
لان..وبعد فيه ناس لو ولدهم خذا اختك او شي!
وانت معندك شغل! مامحصل شغل!! ايقولو ن لك اخذ بنتنا
وبنجيب لك وظيفة!!!
واااايد نسمع عنهاا.. وماظن في عايله!! ماصار فيها
جذي!!!
لان اي أب يبغي يزوج بناته .. وطبعا الحين انشوف
مافي شباب!! نسبه البنات اكثر عن الشباب!!
وغير هذا ايقولك انا خذيت بنتهم عيل هم بعد ياخذون
من بناتنا !! ليش يطلعون براا؟؟؟
اشوف ان هالشي مب زين!!!
الزواج مب لعبه!! هذي شركه بين شخصين بتستمر
سنين.. لازم الواحد يكون مقتنع وكل طرف يكون
متقبل الطرف الاخر..والزواج ب التراضي ولاختيار
مب واحد ايقولك خذ هذي او واحد ايقولج اخذي هذا!!
لازم الواحد يختار . يختار الشخص اللي حاس انه بيقدر يسانده
ويكمل معه مشواره ودربه وطريقه ف الحياه..

مشكــــــووووور
الــــزعيم
ع الموضوع..

[توتو الصغيره]

اي والله ما ادري لييييييييييييييييش يمكن يعتبرونا سلعه
بس الحمدلله ان عيلتي مب بهالعقليه

لكن والله ما يجوز انه هالشي يصير البنت بتنظلم وبتعيش مع انسان ما تبيه والحياه بتتدهور وساعات يصير العكس من يدري لكل مشكله لها ايجابيات وسلبيات والله اعلم

[ابو جاسر السنيدي]

بالمنطق عاده ما هي بزينة

اوظن ولله الحمد ما تصير

الا في حالة بين اولاد العم

بالتنسيق معهم يقومون بالزاوج التبادل

لاكن اعتقد على اتفاق ومبادي متفق عليها

والحمد لله ما اشوفها كثير ربما اكنت في الفترة اللي مضت قبل 20 الى 30 سنة

بس الحين اظنها انعدمت او نقدر نقول انقرضت

بس اللي باقي هي يمكن سالفة البنت ما لها الا ولد عمها وما يتبعها من مشاكل

ربما يكون الطرفين ما يقبلون بعض

بس اعتقد هم قلة وناس تقتحت اكثر

والحمد لله صار مجتمعنا يشاور البنت والولد وقلة بس من الاهالي اللي باقين ع هذا المبدأ

ونتمي الخير للكل

وجهة نظر ليس الا

[الهااشمي]

شكرا اخوي الزعيم نحن مرات نسمع باذية القصة ... بس يمكن ما صارت عندنا ... بس انا من وجهة نظري انة لازم البنت يكون لها حق الرفض ولا القبول ...يعني لازم يستشيروها قبل الزواج ... شكرا على طرح اذية القضية ... يعطيك العافية...!!

[الزعيم]

تسلمـــولي أخوانيـ ع وجهه نظركم..