موضوع للنقاش ما سبب??!!

[جعلاني للابد]

اخواني واخواتي الاعضاء
كل يوم نسمع عم حادث وتوفي في هذا الحادث 2 او 3 او 4 ونحزن ع من افتقدهم
السرعه دائما تفتك بشبابنا وابنائنا
من فتره شفت احصائيه للحوادث للسلطنه وخاصه في 2007 وكانت مرتفعه ونسبة الوفيات كثيره

اخواني ما هو الحل لتفادي السرعه والحوادث المؤسفه التي نسمع عنها بشكل يومي في السلطنه

انتظر ارائكم ومقترحاتكم ع هذا الموضوع


جعلاني للابد

[عيون قطر]

والله مدري شوأقول ياخوي يا جعلاني

اذا كانت الدوله عيزت من كثر ما تحط النشرات و التعليمات و التحذيرات للتقليل من هالحوادث

نحن شو بنسوي !!!!!!!!!!!!!!!!!!

من بيردلنا بال


و بعدبن الشباب لازم يتعظون من انفسهم بتقول ليش؟؟؟؟؟؟؟؟


انا بقولك ........ لانه الشباب هم الفئه الي تشوف و تسمع عن الحوادث اكثر من اي احد ثاني

و ياما شافوا حوادث تصير جدام عينهم يوقفون يطالعون شو صار و من تعور ومن مات و عقب يقبضون الخط و يسرعون و لا كأنه من شوي صاير حادث!!!!!!!!!!!!!!!!!!!!!!!!


يعني شو بنسوي أكثر من جذي


أ،ا ما بقول غير



الله يهدي جميع شباب المسلمين و يكفيهم شر الحوادث


و السموحه لأني ما حطيت أي اقتراحات



و تسلم على هالموضوع المهم و الرائع و فعلا محتاجينه



أختك


عيون قطر

[UNBREAKABLE]

الكل له يد في هذي المشكله

المرور
السائقين


المرور ما سوت شوارع مثل الناس
عندك خط الشرقيه ما مزدوج ومعظم الحوادث كانت بسبب التجاوز
يعني الواحد يتجاوز ويتفاجئ بالسياره فوجهه
انا 3 من اهلي متوفين بسبب هذي المشكله
ومشكله الحيوانات عندك الجمال والحمير
المفروض يلبسوا الجمال حاجه تضئ بالليل(وهذا معمول به في بعض الدول)
والكثير توفى بسبب الحيوانات السائبه
وايضا احد من الاهل متوفي بسبب هذي المشكله



والحل .. ينشأوا شارع مزدوج ويكون محمي بالسياج لكي لا تدخل الحيوانات الشارع
لكن ويييينه؟؟؟؟؟



السائقين.. الاستهتار والسرعه الزايده هيه اللي تسبب الحوادث
لكن في بعض الدول السرعه عندهم 160 _ 140 كم وشوارعهم واسعه ومزدوجه وحوادثهم قليله


المرور تاخذ 70% من سبب الحوادث


شكرا...

[عيون قطر]

صحيح كلامك يالظبي

هذا الحال في عمان



وما يختلف الوضع فالامارات

لانه الحوادث فيها كثيييييييييييييره والاحصائيات تثبت هالشي

و سببها استهتار الشباب الله يصلحهم

[الولهان]

السلام عليكم:
اولا الاستهتار بلقيادة من اكثر اسباب
وقوع الحوادث
السرعة عدم المبالة في التدقيق بلقيادة
التجاوز
عدم اتباع القواانين الازمة


والله يرحم من افتقدناة
m

والله يرحم جميع اموات المسلمين

[توتو الصغيره]

والله شنقول عن هالشوارع طبعا ما نحط حرتنا على الشوارع بعد في شباب يسرعوا ما ادري ليش بس والله خط الشرقيه مثل ما ذكر اخوي والله هالشارع كل ما نمر عليه اتضايق لانه يخوف وااااااااااايد وبعدين ما في شارع مزدوج ليش ما يسوون شوارع مثل الناس والعالم مع العلم انه اكبر نسبه الحوادث في خط الشرقيه ولا احد تحرك وسوا شي
انا خالتي وزوجها صار لهم حادث في هالطريق من زمان وبعد ناس اعرف وكله في ذاك الشارع يعني ما ادري متى بيعدلون هالشوارع

انزين ليش الاهتمام بس في مسقط ندري انها عاصمه وبعد في مناطق ثانيه المفروض يهتمون فيها
ولا بس من يسوي السلطان الجولات يتغير الشارع ويسوووا ورود واشياء نبي احد يهتم بهالشارع وغيره

[الجرناس]

اولا مشكووور اخوي جعلاني على طرح هالموضوع

وكلامك منطقي ميه بالميه

غالبيتنا فقد احب نااليه من هالحوادث البشعه

ويا ترى ايش الاسباب

الاستهتار ...... عدم مبالاه ف النفس واهمالها

لما عملت الشرطه الرادارت جلسو يتكلمو عليها ... ليش ؟؟

ارجو من جميع القراء الانتباه الى هذا الموضوع واخذه بمحمل الجديه

اتمنى لكم التوفيق يا رب

[الهااشمي]

شكر اخوي جعلاني ....
والله انا برائي انا التهور والاستهزاء بالاروح وحب روح المغامرة عن بعض الشباب ... ولا ننسى السرعة الزايدة عند بعضنا ...من وجهة نظري الخاصة ...

[التفاحة]

ماهو الحل لتفادي السرعة والحوادث!!
مااااافي حـــل!!
لوقتلك نشر الوعي بين الشباب ونخبرهم بأن السرعه مب
زينة وممكن يخسرون حياتهم!! ومدري شو!!
وهالكلام اللي مامنه فاايده!!بكذب علييك!!
مافي حل لهالمشكلة!!
الشاب يفاخر بسرعه قيادته للسياارة وانه يراكض
ب الشوارع!
مهما سوو اعلانات ف التيلفزيون والاذاعه
والصحف وكل وسائل الاعلام
مااافي حل ومحد بيستمع للنصيحه!!
مشكووور
جعلاني
ع الطرح..
مافي

[بنت الشرقية]

هلا فيك اخوي جعلاني بالفعل موضوع حساس ومعاش

انا اعتقد مثل ما قالوا الخوان قبلي
1- سرعة الشباب وطيشهم وعدم اخذهم الامور على محمل الجد
2- الشوارع وكيفيه تخطيطها
3- الحيوانات السابئة
هالاشياء كلها متجمعه او متفرقه تسبب حوادث نسال السلامه للجميع
تحياتي لكم

[فارسة الصحراء]

من وجهة نظري ....
اول شيء .. استهتاااار الشباااااب ف القيااااده
وعمرهم ما حاااتو اهلهم من عقبهم كيف بتكوون حاااالهم .. همهم لمزامط والتكسيرات والشل .. هذا بس
ثاني شيء الشواااارع ...
مهم الشااارع يكون له أكثر من خط سير ع الأقل اثنين، ويكون مزدوج " راااايح .. رااايي "
وضع لأفتاااات في الأمااااكن إلي يكثر فيها مرور لجمال وغيرها من الحيوانات ..
وثالث شيء ..الشوارع الداخليه المفروض يوفرووون فيها نقااااط لسياااارات الاسعاااف ... وهذا للتقليل من نسبة الوفاه في الحواادث

[جعلاني للابد]

اشكر كل من رد بوجهة نظره وانا اتفق معاكم في كل ما قلتوه