رواية: ~*¤ô§ô¤*~~ ღღليش ياهلي وناسي؟!!ღღ ~*¤ô§ô¤*~~

[~ô§ô~كبريــاء انـثى~ô§ô~]

بسم الله الرحمن الرحيم
حبيت تقرو معي اول رواية لي
تحتوي على اجزاء
اذا حبيتو الجزء الاول... وشجعتوني على المواصلة;) ... بكمل معكم وبكمل بقية اجزاء الرواية...وتقدرو تطلبو التثبيت لها ف القسم :D

ولاتبخلو عليه بارائكم :o

تقبلو مني ارق تحية اختكم :)

[~ô§ô~كبريــاء انـثى~ô§ô~]

بسم الله الرحمن الرحيم

ღღ رواية: ღღ
~*¤ô§ô¤*~~ ليش ياهلي وناسي؟!! ~*¤ô§ô¤*~~
ღღكتابة: ღღ
~ô§ô~كبريــاء انـثى~ô§ô~

رواية من تأليفي…بلهجتي الجعلانية…رواية اجتماعية عاطفية…
حاولت امثل فيها بعض من الواقع اللي معايشنه…والمعروف بتحفظه وتزمته فبعض المسائل…الا اننا نلاحظ بعض من التفتح الحضاري بدأ يغزو مجتمعنا ويغير هذه العادات

ليش ياهلي وناسي؟!! ماتخلوني على راحتي؟؟ اختار اللي اريده...ليش تفرضو علي رايكم؟؟ وتخلوني اعاني...ليش ماتتركو لي حرية الاختيار؟؟ وف النهاية اكون مسؤول عن قراري حتى لو غلط...ليش تربطوني بعادات حتى ديني ما اقرها؟؟ بس مجرد عادات ورثتوها من اللي قبلكم...ليش ماتعايشو الواقع اليديد وتاخذو منه الزين وتتركو الشين؟؟...كل هالشي من خوفكم علينا ولا ايش؟؟
هذه الرواية ربما تجيبكم على هذه التساؤلات...نثرتها بين ايديكم...واتمنى أن تقبلوها كهدية مني لكم......وان تنال على اعجابكم…وتثير الفضول والحماسة عندكم

*أولا:: التعريف ببعض كلمات اللهجة الجعلانية:
هيش: ايش، شو، وش
هين: وين
عرب: الرجال
زهب: جهز
اها: ايه، نعم (ابيكم تنتبهو لهالكلمة...لانها عند ناس ثانيين للاستيعاب والاندهاش نحن نقول ف هالحاله اهاااه) انما ف "اها" فتحه عالالف وسكون عالهاء ومانمد ف الاخر
اذيه: هذا وهذي...يعني للمؤنث والمذكر...والاختلاف ف حركات التنوين للمؤنث نكسر الذال ونرققها( أَذِيه)
حن: نحن
اني: انا (مو مثل مالة العراقيين، حن مانطول الالف مثلهم، الالف تكون فيها فتحة بس)
ثوري: قومي، فزي (بالضم على الثاء)
كيه: كذيه (بعض المرات نختصرها ونقول كيه)
كيف شراك: كيف حالك
ينشد: يسأل
خروفة: سالفة (مو تانيث للخروف هههههه…ننطقها غير… بفتحة عالخاء وسكون عالواو)
يتخرف: يسولف
استحي: تغشي، غطي وجهك ( يعني مب معناتها من الحيا...نقول بدالها خيلي (خجلي))
عودي: جدي
عودتي: جدتي
مب: مو
يوب: مثل

ننطق الجيم يا (مثلا جا: يا)…والقاف جيم (قال: جال)…مثل اخوتنا الاماراتيين وبعض الكويتيين والبحرينيين…

ومانبدل ضمير المخاطب المؤنث " الكاف" الى ج او ش انما ننطقها كاف (مثل اقولِك، فيِك) بس نزيد كسرة للحرف اللي قبل الكاف…يعني مثل السعوديين بس النطق غير شوي

(( وضمير المتكلم للجمع " نا" نقلب الالف الى يا ( مثلا تعشينا ننطقها تعشيني) بسكون على النون واليا..يعني مانمد الياء وايد
وينطبق على ضمير الغايب للمؤنث (عليها ننطقها عليهي)
بالاضافة الى بعض الكلمات اللي تحتوي ف نهايتها حرف الالف (مثلا عشا ننطقها عشي)
(وهنيه ماكتبت على لهجتنا…كتبتها باللهجة العامية..عشان ماتتلخبطو بس ذكرتها للتعرف على اللهجة وتحاولو تتاقلمو معها) ))
*ثانيا:: التعريف بالشخصيات:
عائلة محمد:
محمد: الاب, يشتغل بالاعمال الحرة وعنده اخو(ناصر) وثلاث اخوات (نصرى، شيخه، غاليه) وهو الاكبر بينهم, متزوج من عايشة بنت عمه راشد ( وحيده ماعندها اخوة), وعندهم 3 بنات وولدين
موزه:36سنة،البنت البكر, متزوجة ولد عمتها نصرى سالم, وعندها بنتين و3 اولاد
صالح:29سنة، بعد موزه والولد اللي معتمد عليه ابوه, مطلق (كان ماخذ بنت عمته نوره) بس عقدته ف شي اسمه زواج، يشتغل ف صور متخرج من بريطانيا، طويل وعليه جسم ضخم
فاطمة:27سنة،بعد صالح ومتزوجة من عيال خوال امها من الوافي وتعيش هناك وعندها ولد وبنت، معلمة
حمد:24سنة بعد فاطمة, يشتغل ف مسقط وعزابي...وراعي سوالف..وصديق ولد عمه محمد الروح بالروح، دبدوب شوي ابيض واقصر من صالح
مريم:17سنة,اخر العنقود ودلوعة العايلة واخر سنة بالثانوية، بيضا وطولها متوسط وعليها جمال يجذب أي شخص يشوفها خاصه عيونها العسليه وشعرها الطويل

عائلة ناصر:
ناصر: الاب, واخو محمد وعنده ولد وبنت، متقاعد (كان ضابط بالبحرية)، طيب القلب
محمد:25سنة،الولد البكر ويشتغل ف مسقط وعايشين هو وحمد بشقه هناك، وسيم واسمراني، ومغرور شوي
اسماء: 20سنة، سنة ثالثة تقنية مسقط، جمالها هادي..بياضها متوسط...وشخصيتها هاديه وحبوبه

عائلة سالم (زوج موزه):
سالم: 40سنة، يشتغل بمديرية الاسكان ف الشرقية جنوب
منال: البنت البكر، 19 سنة.تدرس بجامعة عجمان ف الامارات، شخصيتها هاديه وخجولة، جميلة ومحلتنها شامة بذقنها
خالد: ثالث ثانوي، ووايد قريب من ابوه، ومحسسنه بالمسؤلية، وملامحه قريبة من ابوه
منى: اول ثانوي، وشخصيتها مرحه..ودوم تنكت خاصة اذا تلاقن هي ومريم خالتها، واحلى مافيها طولها وعيونها الحور
عمار: صف خامس، وكل همه البلي ستيشن
احمد: عمره سنتين،وشكله كيوت يدخل القلب بسرعه، دلوع العايلة...خاصة دلوع مريم

عائلة علي (زوج فاطمه)
علي: 30 سنة ومتزوج فاطمة عن حب وبعد معاناة، صديق صالح..ويشتغلو بنفس المكان ومتخرج من بريطانيا مع صالح
معاذ: الولد البكر، صف رابع، ومثل عمار يموت ف البلي ستيشن
سارة: اربع سنين، بنت دلوعة ورقيقة وحلوة

اخوات محمد وناصر:
نصرى: زوجها احمد ولدعمها سالم.. وعيالهم: سالم (زوج موزه)، سلطان(متزوج ليلى بنت عمه خميس وعايش بمسقط)، ندى (اخر سنة جامعه،بتصيرمعلمة، حنطية البشرة وملامحها حلوة)

غاليه: زوجها عبدالله متوفي وعندها ولد(سعيد 23، سنة ثالثة جامعه بماليزيا)، واطيب وحده ف اخوتها، واخوتها مب مقصرين فيها كل يوم يزوروها...لانها وحدها ومعها الخدامة بس

شيخه: يعيشيو بالامارات وماييو الا بالصيف شهر7 و8..زوجها خميس اخواحمد (يعني هي واختها نصرى متزوجات عيال عمهن سالم) وبناتهم: ليلى(معلمة، زوجة سلطان)، (نوره طليقة صالح وماتزوجت بعده)، سعاد(تدرس بعجمان مع منال)

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء الأولღღღღღ
~ô§ô~كبريــاء انـثى~ô§ô~

دخلت مريم بيت عمها ناصر وهي متغشية تخاف تحصل ولد عمها ف البيت...ولقت الخدامة...تنظف الصالة
مريم: ميري هين عمي ناصر؟
ميري: باباه مافي موجود...فيه روه برى
مريم: طيب هين اسما؟
ردت ميري: اسما في هجرة..ومافي يتلأ اليوم من هجرة
راحت مريم صوب حجرة بنت عمها ودقت عليها...بس محد رد
مريم: اسوم فتحي...اذيه اني
فتحت اسما الباب...وعيونها متورمة من الصياح وبعدها تشهق...نقزت مريم من حال بنت عمها
مريم: حبيبتي اسوم هيش فيك؟ ليش تسوي بعمرك كذيه؟؟ والله حرام عليك
وردت اسوم على كرفايتها تكمل بكاها...وتقول: ابا اجلس وحدي الريم خليني
مريم: هيش اخليك؟ والله مب زين اللي تسويه ف عمرك...عمتي اليوم بتكمل شهر الله يرحمها وانتي كل يوم على آالحالة
اسما وهي تتكلم وسط صياحها: اذيه امي....تعرفي هيش امي؟؟ كيف بقدر اعيش من دونها...اااااااااااه اااااااااااه...
مريم: استهدي بالله اسوم...لازم ترضي بالقضاء...ادري أن عمتي غالية ووايد غالية على الجميع...والكل لين اليوم حزين عليها .... بس رحمي عمرك شويه...الحين قولي هيش بيفيد بكاك؟؟ بس يتعبك انتي زيادة
اسما وهي تصيح: اااااااااااااه يالريم اااااااااااه والف اااااااااااااااه....برجد ف حضن من بعد اليوم؟؟ بتدلع على من؟ من بينازعني على تنظيف حجرتي وانا بعاندها؟؟ من من؟؟ امي راااااااااااحت راااااااااحت
مريم تقطع قلبها على بنت عمها والدمعه حايسة بعينها بس ماتبا تضعف جدامها وتزيدها بكا
قامت مريم وحضنت اسما... واسما تبكي وتبكي...وتحاول مريم تهديها
مريم: ياحبيبتي انتي المفروض الحين تدعيلها بالرحمة وتقري قرأن على روحها بدل آالصياح...والله كلنا بنموت ولنا يوم ومحد ياخذ يوم غيره...يالله قومي ولا اصريني بخلي عمي ناصر يييب الباكورة ويلشطك بها....هههههه
اسما بعدها راجدة ف ركبة بنت عمها...وسكتت شوي عن البكا
مريم: يالله اسومي قومي عشان خاطري...قومي غسلي ويهك...تشوفي عمرك ف المنظرة...تروعي
وتضربها اسما على ظهرها....وتقول لها : محد يروع غيرك انتي
مريم وهي تضحك: ههههه..ادري اني اروع... وانتي احلانا وقمرنا وشمسنا وكوكبنا وكل شي

وتبتسم اسما شويه وسط حزنها العميق على وفاة امها...امها ماتت من شهر تقريبا من مرض الضغط مع انها ف الاربعين من عمرها بس الموت مايعترف بأي عمر...وكانت اسما بالتقنية باخر ايامها تودع التقنية وربيعاتها اللي عاشت معهن 3سنين...وفرحانة بتخرجها..وكانت تبا تفرح امها بتخرجها...بس للاسف ياها اخوها ووولد عمها بالسكن...وكانت اشكالهم تخوف وشكلهم صايحين...وخبرها اخوها محمد أن امها مريضة وتعبانة شوي وان لازم يروحو جعلان...وماصدقتهم وجلست تصيح وتقول امي فيها شي؟؟ اكيد تعبانه وايد ولا ماتصيحو انتو...هدوها واقنعوها أن هم متأثرين بس وامها بخير وبيروحو يتطمنو عليها...وجهزت اغراضها وراحو جعلان...واول ماوصلت ودوها بيت عمها محمد عشان يخبروها بالخبر وماتنصدم ف بيتهم...لانه انترس من الحريم..وهناك لقت بنات عمها وعماتها وتاكدت أن فيه شي...وخبروها وكان معها اخوها محمد...واول ماسمعت بالخبر...اغمي عليها
واول ماقامت جلست تصرخ وتصيح:هاتو لي امي..هاتو لي امي...اماه هينك...تعالي لي
وجلست اسبوع وهي مب مستوعبة الشي...لانها كانت مودعه امها وهي بخير ورايحه اسبوعين بتختبر وبترد....وماتوقعت تحصل هالخبر اللي ابد ما يا ف بالها

مريم: هيييييييييييييييييييييييييييييييي.....هينك؟؟ هين روحتي؟؟ اقول...اللي واخد عقلك يتهنا به
وهي تغمز لها
اسما تبتسم وهي حزينة: وين يعني؟؟!!! اكيد عند الغالية.. فديتك ياامي؟؟ ليش روحتي عني وخليتيني وحيده؟..... ودمعت عيونها
مريم ف خاطرها يالله.. الله يهديك يا اسما... اني ماصدقت اهديها بترد مرة ثانية...احسن اقومها ولا بتقعد لين باكر تصيح
مريم: يالله اسومي قومي غسلي ويهك... وبعدين مسكي الختمة وقري.. وانا بروح اييب شاهي...ياختي مب متريقة...ماعيبني ريوق درمينيا...قلت ماشي غير اتريق بيت اسومي حبيبتي...احيده طباخ ميري ماشي يوبه
تبتسم اسما: انزين بقوم وانتي مشي لميري خليها تحط الريوق والشاهي
مريم بتردد: محمد هنيه؟
اسما: لا طالع....ياني الصباح وقال بيتغدي برى مع حمد اخوك...يمكن ييو على العصريه
قامت مريم وهي تقول: لعاد مايحتاي العباية...وهذي فصخناها...وتكفي الشيلة
ومدت ايدها لاسما...وقومتها ودزتها صوب الحمام....مريم: يالله لاتتاخري بالحمام...وانا بروح المطبخ

راحت مريم للمطبخ وهي حاطه شيلتها على رقبتها...و تنادي: ميري... ميري...ميري وصمخ...اذيه هين روحت؟ برايه بروحي بحط الريوق
انزين وهذا الخبز ولقيناه...يمي يمي عليك ياميري ادري بك تتفنني ف خبز الرقاق...شكله شهي..واحط الشاهي والقهوة
دخل محمد سيده على المطبخ... ياي ياخذ الشاهي نساه قبل ورد ياخذه الحين...حتى ربعه يموتو على شاهي ميري...والله وانشهرتي ياميري بشاهيك
واول مادخل شاف بنت عاطتنه ظهرها...محمد ف باله اذيه مب اسوم...اشوفها اطول وانحف...وشعرها ياطوله...شكله حلو...استغفر الله هيش اسوي اني؟؟ الحين هيش بسوي...هيش آالمصيبة وشكلها مندمجة بعد
حست مريم كانه فيه حد وراها ويتشوفها...بس ماردت للورا تشوف من...وحسبتها ميري: ميري تعالي شلي الريوق ف حجرة اسما..اقولك هين العسل مالقيته؟
محمد وهو متفضح: احم احم
مريم حست وكانه حد صب عليها ماي بارد...وماعرفت هيش تسوي... وامي من اذيه؟؟ مب عمي ..لا... واني وشيلتي والقميص نص كم والتنورة؟؟ ومسكت شيلتها وعدلتها...وتحاول تتغشا بها
محمد: السموحة...مانتبهت...باي
طلع محمد...هيش هربتت اني؟ باي؟ هيش نابه باي؟ انزين قول لها كيف حالك؟؟ شكلها بنت عمي...محد غيرها بيي الحين...بس حرام شكلها نقزت...راح سيارته وركبها...وهو يفكر والله وحلويتي يابنت العم...الخطيبة الصغيرونة...ماشاء الله على شعرها...ولا بياضها...اني شفت كراعها بس واحسني انشليت من بياضه...لعاد كيف ويهها؟ اني هيش اقول الحين!!..استغفر الله...لو يشوفنا حمد بس كان بيدفنا ف مكاننا اني وياها...بس صدفة...والله صدقو يوم يقولو الصدفة خير من الف ميعاد...ولا جسمها...حلاته عالقميص الراص..طالع الخصر يهبل...والله اني ينيت هيش جالس اقول...اعوذ بالله منك يالشيطان...اذيه بنت عمي لحمي ودمي... بقول لو بنت مجمعات ومراكز.... بس بنت عمي مايصير افكر كيه فيها... بس تراها كبرت وحلوت...ولييييييييييييي نسيت الربع اني قايل 5دقايق وبرد....بياكلوني..احسن اتحرك...وهنيه رن تلفونه(حمد يتصل بك)
رد محمد على التلفون: الو
حمد باستعجال: ياريال هينك؟؟....الربع بيروحو وانت ماخرنا
محمد: ياينكم.....الحين ف السيارة
حمد: انزين بسرعه...تراك اخرتنا...متى بتزهب المشاكيك...الشمس ف نص السما
محمد: اووووووووه...زين...ود العم تراك حشرتنا (وهو ف خاطره..لو تعرف اللي اخرني... كان ذبحتني)
حمد: اقوووول اني مافاضي لك...ياني اتصال...بااااي
محمد وهو يتطنز على ولد عمه: شكله الجو؟
حمد: الجو ولا الطقس...يالله باي قبل عن تبند
وسكر حمد ف ويه محمد....ومحمد يقول الله يهديك ياحمد متى بتعقل؟
وراح لدربه وهو يفكر ف بنت عمه وحلاوتها...وبنفس الوقت يفكر ف حبيبة قلبه بنت عمته ندى (رغم معرفته بان ابوه حاجز له بنت عمه)...محد يعرف عن حبه لندى الا هي...واللي اعترف لها بحبه عن طريق مسج بالتلفون من سنة...خذ رقمها بالسرقه من تلفون سالم اخوها....كان كاتب لها: " ندى ادري اللي اسويه غلط...بس ماحصلت غير آالطريقة...انا محمد ولد خالك...وابا اقولك اني معجب فيك...ومن وانا صغير قلبي متعلق بك...اتمنى تردي برسالة اذا تبادليني الشعور...مع اني متاكد من شعورك اتجاهي...وبتقولي هيش اللي اكد لك..بقولك قلبي يقول كذيه...انتظر رسالتك...واذا مارديتي بحترم شعورك وماراح ارد عليك..وعذريني على تصرفي"
وبعد اسبوع ردت عليه وقالت: "اللي يقوله قلبك صح"...وهنيه تمو يتراسلو بالمسجس من فترة لفترة
والحين قال خليني اطرش لها...قلبي متوله عليها..
وطرش لها:
"وين اودي شوق قلبي والوله
لو غديت بعيد عني ما اسمعك
تملك احساسي وفكري تشغله
ترحل طيوفك وفكري يجمعك
هاك قلبي هاك ليتك تقبله
خابف كثرة رسايلي تزعحك
انت تالي الحب عندي واوله
من يقول اني نسيتك يخدعك

يسعد مساك الغاليه،، "

وردت ندى:
" يامرحبــــــــا
"باسمك" و "رقمك" و "طاريك"
من خاطر "يحبك"
"يعزك" و"يغليك"
رغم المسافة: ترى ماني" بناسيك"
افرش لك "عيوني"...والاهداب "تغطيك"
يسعد مساك ولد خالي "

رد محمد برسالة:
"لك وحشه ياندى... متى بسمع صوتك وبرتاح؟؟ "
وردت ندى: "يوم بيكون حلال هالشي"
فكر محمد وهو يسوق السياره....الله يرحمك يامي ويغمد روحك الجنة...كان خاطري افاتحك بموضوع ندى واخليكم تخطبوها لي هالصيف بعد ماتتخرج...بس الموت خذاك مني..ودمعت عيون محمد...ورد عليها: " ان شاء الله بيكون حلال وقريب"

وبعد ماطلع محمد...روحت مريم تركض حجرة بنت عمها وهي منصدمة ونقزانة...ياربي مصيبة مصيبة...الله لابارك فيك يا اسوم...وبعدها تقول مابيو غير عقب العصر...وهيش يسوي اذيه هني؟!!
دخلت الحجرة...وتصرخ على اسوم: ماعليك ماعليك اسوم...تقولي محد هنيه...ويطلعلي اذاك مثل اليني
اسما مب مستوعبة كلام بنت عمها لانها تتكلم بسرعه...اسما تحاول تفهم: هيش فيك؟؟ أي يني واي خرابيط؟
مريم وهي تلاهث: اخوك ياني ف المطبخ؟
اسما: انزين... وخييير ياطير؟
مريم وهي فاكة عيونها: لااااااااااااااااااااه....وخير ياطير؟ تراني بالشيلة بس؟
اسما: صح والله
مريم: وازيدك من الشعر بيت...كنت ناسفة الشيلة على رقبتي وطالع شعري...ومن خيبتي اليوم مفلتتنه ومارابطتنه....وغير كرعاني اللي طالعه...والقميص المترصص...ياربيييييييييي
اسوم وهي تكتم ضحكتها على حال بنت عمها: انزين شاف ويهك؟
مريم: لا الحمد لله اني كنت عاطتنه ظهري...كانت هنيه المصيبة لو مقابلتنه
اسما وهي تبتسم: انزين خلاص يعني ماشافك؟
مريم وهي تطول ف كلامها: لااااااااااااااااااه....والشعر والجسم... وكرعاني...استغفر الله....هيش بيقول عني...لا والمصيبة اني حسيت به بس احسبها ميري وبعدني بكل برود ميري هين العسل...الا اسمعه يوم يتحنحن....نقزززززززززززت يوم سمعته وتجمدت مكاني وماقدرت استوعب ولا اتحرك...واونه سمعي هيش قال؟ .. مريم وهي تتطنز:السموحة مانتبهت باي....هههههههههه أي باااااااااي...انت قلت شي لين تقول باي
وتضحك اسوم ضحكتها الهاديه على بنت عمها واخوها...وهي ف خاطرها....والله انكم تلاقيتو وتليقو لبعض
اسما: برايه...وانا والله قايللي انه بيطلع بيتغدى مع ربعه...شكله نسي شي وياي ياخذه
مريم: ماعليه...بنكبر وبننسي على قولتهم...يالله خلي ميري تييب الريوج...ولو انه انسدت نفسي...بس بعدني خاطري ف الشاهي
اسما وهي تبتسم: من عيوني...يا احلى بنت عم (وهي تغمز لها)

وتمن مع بعض يسولفن وحاولت مريم تغير الجو لاسما....وقالت اليوم مب اخليها وحدها لازم بشلها بيتنا تبات معنا
مريم: اسومي...قولي تم
اسما: هيش ف خاطرك؟ قولي
مريم: انتي قولي تم
اسما باستغراب: انتي قولي وبعدين بقول تم
مريم: افا وانتي ماتعرفي عوايد العرب...اذا قالو لك قولي تم...تقولي تم بدون ماتعرفي هيش يبو
اسما: انزين يالمتفلسفة... تم...بس اخاف يكون شي ماقدر عليه
مريم وهي تضحك: دامك قلتي تم....خلااااااااااااااص بقعد معك اليوم لين المغرب....وبعدين بنروح بيتنا نبات هناك
اسما وهي تغلس على مريم: اوكي تقعدي معنا لين المغرب...بس ماقلتيلي من بيبات معكم؟؟
مريم: اوووووووووووووف...اسومي عن التغابي....اباك انتي تباتي معنا
اسما: لااااااااااااااااااااااااااااه....لا والله
مريم: انتي بروحك قلتي تم..وانتي بعدك ويبيني.. جالسة معك من الصبح ولين المغرب..يوم قلتلك بتباتي معنا....قلتي لا والله
اسما: الريم حبيبتي...مب سالفة مبات...بس ماقدر اخلي ابويه وحده...والله ادري به حزنان اكثر مني ومن محمد بس مايبين مثلنا...يحاول يستقوي جدامنا عشاننا...مايصير اخليه وحده..عالاقل يحس بوجودنا ف البيت...وبعد هناك اخوانك ثنينتهم ف البيت...الله يخليك انتي باتي معي...والله احسك طلعتيني من الحزن شوي
مريم: لاااااااااااااه....انا اخواني هناك...وحضرة اخوك اللي مقابلتنه قبل شوي ماينحسب ريال لما ابات معك!!!
اسما: يالله حبيبتي انتي... محمد بروحي بتصرف معه..وبخليه يبات ف المجلس عشان خاطر عيونك...هيش تبي اكثر من كذيه؟ بنطرده عشانك
مريم بدلع: مااابااا...مااابااا
اسما: بليييييييييييييييييييييز
مريم: طيب حبي راس عمتك
اسما تمسك الوسادة وتفرها على راس مريم..وتقول: عمتي ف عينك..مريموه
مريم وهي تضحك: ههههه.. ايه عمتك وتاج راسك...ولا ماراح ابات
اسما: انزين عمتي ... اف منك
وضحكن...وراحت اسما يابت لها قران وجلست تقرا بخشوع...ماشاء الله عليها صوتها حلو ف قراءة القرأن ووارثة هالشي من امها...ومريم تستمع لها بانصات..وتقول ف خاطرها الله يغفر لك ويرحمك ياعمتي صالحة...الله يوسع عليك ف قبرك...والله يصبر عمي وعياله ويعوضهم خير

وبعد صلاة الظهر يا ناصر بيته...وراح صوب حجرة بنته اسما...وسمع صوتها وهي تقرا قرأن... وفتح الباب وشاف مريم عندها...وقامت مريم وسلمت على عمها بالخشم
ناصر: مريم كيف حالك؟ وكيف حال هلك؟
مريم: الحمدلله كلنا بخير دامك بخير...كيف حالك عمي؟
ناصر: الحمدلله بخير... هين ابوك؟ ف بيتكم؟
مريم: احيده ف بيتنا لما طلعت الساعه 10 من بيتنا...بس احيده يقول بيمر عليك عصر
ناصر: اهاااااه....مرحبا به..اسما كيف صليتن؟ حطو الغدا اذا صليتن؟
اسما: اها..صلينا...ان شاء الله بنحط الغدا
وهنيه يات ميري تقول لمريم أن امها تباها ف التلفون...راحت مريم للصالة تكلم امها
مريم: الوه...اماه كيف حالكم؟
عايشه: مرحبا مريم...الحمدلله بخير...وراك ماييتي لين الحين؟؟...نبا نتغدي
مريم: اماه اني بتغدي هنيه بيت عمي... بس اماه..........
عايشه: بس هيش؟
مريم: اليوم ببات بيت عمي
عايشه: يابنتي عيب... من الصبح وانتي معهم...بعدك بتباتي هناك
خبرتها انه اسما طلبتها تبات وهي تبا تغير جو لبنت عمها ووافقت امها وسكرت عنها

وتغدو...وراحن بعدين حجرة اسوم...وفتحن النت وجلسن فترة عليه...وبعدين رجدن لين صلاة العصر
ويا ابو صالح (محمد) بيت اخوه ناصر...وجلس معه لين المغرب...وراحو يصلو المغرب ف المسجد
وبعد ماصلن المغرب...يات مريم لاسوم: اقولك محمد اشوفه ما يا لين الحين؟
اسما: تراني اتصلت به...وهزبته ليش يدخل عليك كذيه الصبح...قال وش دراني أن حد ف بيتنا واني كنت ياي اخذ الشاهي واني اصلا اول ماشفتها طلعت...وقال مابيي الا بالليل عشان تاخذي حريتك...وبعده بيبات ف المجلس...ابسطي ياعم كل اذيه عشانك...هههههه
مريم: هههههههه....انا والله ماقلتلكم سوو كيه...بروحكم متطوعين لخدمة الشيخة
اسما: هههههههه...الشيخة ولا المريم؟؟
مريم: ههههه..ماتضحك............ وتضربها على كتفها
اسما: الا ماقلتيلي الريم....متين نتايجكم متي بتطلع؟
مريم: ويييييييييييييه ذكرتيني بالهم.... يقولو بعد 3 اسابيع...الله يستر مادري كم بتيي آاالنسبة؟
اسما: افا عليك انتي ماينخاف عليك...نتايجك اعلى نتايج المدرسة من يوم كنتي صغيرونة
مريم: ترى المشكلة اني ماذاكرت وايد....بسبب العزا والصدمة اللي ياتنا
اسما نزلت راسها وبحزن: ايه والله...الله يرحمك ياامي
مريم: امين...الحمدلله اني مذاكرة الاسابيع اللي قبل...ولا كنت بروح فيها
اسما: لاتخافي...انا اتوقعك تيبي فوق ال95%...ولي بشارتي اذاك اليوم
مريم: امييييييييييييييين... من بؤك لباب السما يارب
اسما: انزين يالمصرية...قومي خلينا نطلع ف الحوش....تشوفي القمر من الدريشة...اعتقد قمر 14
مريم: مصرية ف عينك...انزين خلينا نطلع...بس اخاف محمد ييي
اسما: لا هو قال بيي على 11 فوق
مريم: بتسوي لي مثل الصباح وبعدين بيي
اسما: انزين لبسي ليسو واذا يا انتي تغشي...مب فيها شي
مريم: حقك.... هالجو مايتفوت
وطلعن برى وجلسن بهالجو الحلو اللي كانت الكوس هابتنه بس بريح هاديه...والقمر طالع رهيب مابين الغيوم...وتمن يسولفن ف مختلف المواضيع وبالاخص المواضيع العايلية...ويذكرن فلانه وعلانه...وعن الشغل اللي تتمناه اسما ولو انه متاكده انها مابتتوظف الا بعد سنتين فوق...مثل الللي سبقنها ف تخصصها....هي خاطرها تصير سكرتيره ف مدرسة...وبعد ماشبعن من الجو الحلو روحن حجرة اسوم ورجدن

[أمير الوافي]

قصه جمليه اختي كبرياء انثى
وبالتوفيق لك

[~ô§ô~كبريــاء انـثى~ô§ô~]

المنصور تسلم عالمرور والمشاركة...والله يوفقك

والباقين!! وينهم؟؟

مانكمل الراوية يعني؟؟
<<توقعت احصل تشجيع منكم :(

[توتو الصغيره]

يا كبرياء افا عليج بعد يبيلها كلام اكيد كمليها يالله صادني فضووووووووول

[~ô§ô~كبريــاء انـثى~ô§ô~]

توتو تسلمي ياقلبي
والله يجبر بخاطرك

من عيوني بكملها لك...وانا كم توتو عندي :) ؟؟؟

[توتو الصغيره]

وحده طبعا ما في غيرها مطلعه عيون المنتدى هههههههههه

يالله كمليها

[~ô§ô~كبريــاء انـثى~ô§ô~]

ان شاء الله بحطها لك بالليل
الحين مشغولة شوي

[جعلاني للابد]

تسلم اختي وروايه جيده ورائعه

[الراسبي]

الله على الخيال الجميل والقصه اللي شبيهه بالواقع صراحه هذه قصه جميلة جداً وبدون مجامله


وودنا نشوف تكملتها أحسها كانها واقعيه ولما قريتها بالبدايه تاثرت بالقصه ودمعت العين :)

هذا الشي يدل على انه اللي كاتبه هذه الروايه مبدعه ونتمنى إنه نشوف قصصك بالواقع في المسلسلات وليش لا مادام هذه روايه من رواياتك

إلى الأمام وبإنتظار كل جديد ونتمنى لك مستقبل زاهر في مجال الروايات

[سهم الموت]

تسلمي كبرياااء كملي القصه

[~ô§ô~كبريــاء انـثى~ô§ô~]

جعلاني للابد...تسلم اخوي عالمرور وعالتشجيع

الراسبي... صراحة اخجلت تواضعي... وتعتبر الرواية مجرد بداية ومجرد تمثيل لهواية.... وحبيت اني اصيغ الواقع على شكل رواية تجذب القراء للتعرف على مجتمعنا وعلى عاداته واسلوب معيشتنا...بالاضافة الى لهجتنا اللي احس انه بدينا نخلطها باللهجات الثانية وبدت تفقد اصالتها
تسلم اخوي عالتشجيع وكلمات الاطراء اللي تحسس الواحد بقيمة اللي يسويه

سهم الموت...الله يسلمك اخوي... وان شاء الله بكملها

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء الثانيღღღღღ
~ô§ô~كبريــاء انـثى~ô§ô~

بعد 3اسابيع...اليوم بتطلع النتايج وبتنزل على موقع الوزارة بالنت او عن طريق المسج بالموبايل...ومريم على اعصابها متوترة ومن الصبح على التلفون تكلم ربيعاتها..وكانت تنتظر على موبايل ابوها واخوها صالح..وعلى موبايل اسما...ماخلت حد ماطرشت من تلفونه عشان تعرف نتيجتها... والساعه 11 ياتها اسما البيت..ولاقتها مريم عند الباب: هلا اسوم نور بيتنا وشارعنا وجعلان كلها...ههههههههههه
اسما: ياعيني ياعيني هيش آالترحيب؟!....اللي بيقول مايي بيتكم ابد!!
مريم: تراه لك اكثر من شهرين ماطحتي بيتنا
اسما: ماكنك نسيتي تنشديني عن شي؟
مريم: انزيني انتي دخلي وبعدين بنشدك
ودخلت مع بنت عمها وحصلت ام مريم (عايشه) ف الصالة جالسة...ودخلت تسلم عليها
مريم: السلام عليكم خالوه كيف حالك؟
عايشه: وعليكم السلام...هلا ببنتي اسوم...كيف شراك عيني؟
مريم: الحمدلله بخير خالوه
عايشه: زين يوم بتطلعي من بيتكم...وبتينا...ولو انه مريوم كل يوم والثاني معك حتى ماتخليك تواحي تشتاقيها
مريم تدلع على امها: امااااااااااااااه...حراااااااام...تراني ماروح غير بيت عمي...وبعدين ملللللل من يوم خلصت الدراسة
اسما: فديتها الريم مرحبا بها ف أي وقت
مريم توها تتذكر...صرخت ونقزت اللي معها: النتيجة... اسومي؟؟ كيف طلعت؟
عايشه واسما يضحكن عليها.... واسما: اصريك نشدتيني عنها لين اقولك؟
مريم: تراك انتي من ييتي والكل يرحب بك ونسيتينا النتيجة....بس ادري بها ماطلعت تشوفيني ماسكة تلفون ابويه وللحين ماطاع يصيح باي مسج..متعيم
اسما وهي تبتسم: واذا قلتلك انها طلعت!!
مريم وهي تصارخ وتمسك بنت عمها: قووووولي والله
عايشه: هاه اسوم بشرينا كم؟
اسما وهي تناظر مريم وتغايظها: كم بتعطيني؟
مريم: بتييك كرخه على راسك اذا ماتكلمتي
اسما: ههههههههه زين زين بقول...حشا بتاكليني
مريم واعصابها تالفة خلاص: قولي بسرعه ذبحيتني ببرودك
اسما: 97
مريم وعيونها طلعت على برى وتقول شكلي سمعت غلط: كم كم؟
اسما: اقولك 97
عايشه: مريوم مبروك حبيبتي..الحمدلله الحمدلله
مريم وهي تتنطط وتداور ببنت عمها وتصارخ: قولي والله...قولي والله
اسما وهي تضحك على خبال بنت عمها: والله انك يبتي 97 والله...ويا توقعي ف محله.. تتذكري لما كنت اقولك بتيبي فوق ال95؟
مريم وهي شبه تخبلت تضحك والدموع ف عيونها وتصارخ: الحمدلله الحمدلله... وتبوس بنت عمها ف خدودها وتحضنها: الحمدلله والشكر...والله بصلي ركعتين شكر..ماكنت متوقعه هالنتيجة...فديتك بنت عمي فديييييييييييييييييييييييييييتك على البشاره
وراحت ف حضن امها وتبوس امها,,,,وامها تحمد الله وتبكي على النتيجة المشرفة اللي يابتها بنتها وكانو متاكدين انها بتييب نتيجة اكثر من كذيه لولا المصيبة اللي ياتهم
اسوم جلست عدالهم: انزين الريم ماقلتيلي هيش بشارتي؟
مريم: عيوني لك...انتي امري تدللي
اسما: انزين عطيني عيونك
مريم وهي تضحك: هههههه...عاد انتي ماصدقتي
وهنيه دخل صالح (اخو مريم العود بعد موزه اختهم...وهو طويل وعليه جسم ضخم...وشكله حلو.. بس متعقد من شي اسمه زواج...بعد الذل اللي شافه من بنت عمته)... من برى ومستغرب على الحشرة والاصوات اللي طالعه من بيتهم...وهو داخل شاف حد عند امه واخته
صالح: اوه..حد عندكم...السموحه بطلع
عايشه: تعال ياصالح....محد غريب..اذيه اسما بنت عمك
صالح وهو يقرب منهم ومنزل راسه عن بنت عمه: هيش صاير؟؟ وليش حاشرين الدنيا؟؟ وانتي مريوم حسوسك طالعه برى......... التفت على اخته وشافها مبتسمة والفرحة شاقة ويهها...وقفت وقربت يمه: صلوحي بارك لي بارك لي... يبت 97
صالح: صدج؟
مريم: اها صدج
صالح وهو يبتسم ويحط ايده على راس اخته الحبيبة الى قلبه ودلوعة البيت: مبروك مريوم تستاهلي...قدها والله...بس ماياني مسج للحين بنتيجتك... من خبرك؟
مريم وهي تناظر بنت عمها: اسوم...فديتها
هنيه انتبه صالح لبنت عمه وكانت لابسة عبايه ومتغشية ومنزلة راسها...ويقول من متى ماشفتك يابنت عمي ظنتي من قبل ماتتغشي...سنين والله
صالح: اسما كيف حالك؟ وكيف حال عمي وحال محمد؟
اسما بصوت هادي وخافت: الحمدلله كلنا بخير....اشحالك؟
صالح: الحمدلله بخير
صالح لامه: اماه مبروكة على نسبة مريوم......... وهو يربت على كتف اخته
عايشه: الله يبارك فيك.... مريوم بيضت لنا ويوهنا....تستاهل
مريم: اووووووووووووووه صح بمشي ابشر بويه...وببشر ربيعاتي...
وروحت مريم تبشر ابوها واختها موزه وفاطمه...واخوها حمد بمسقط... وربيعاتها

صالح: اني بروح حجرتي...برتاح لين صلاة الظهر
عايشه: صحيح صالح؟.... اشوفك طالع من وقت من شغلك؟
صالح: اها... عندي شوية اشغال هنيه ف جعلان ابا اخلصهن...استاذنت من الشغل
عايشه:انزين بويه روح ارتاح
صالح: لعاد اترخص اني
عايشه: الله يحفظك

مريم بعد ماكلمت ابوها واخواتها وحمد اخوها وبعض ر بيعاتها.... واخر شي اتصلت بربيعتها المقربة لها ف المدرسة ايمان بنت سيف...وتصير بنت عم سعيد (مريم يصيرسعيد ولد عمتها غاليه)
مريم:: هلا ايماني
ايمان: هلا وغلا بريومي
مريم: هاه بشري طلعت نتيجتك؟
ايمان: اها طلعت...وانتي؟
مريم بابتسامة عريضة: طلعت...كم يبتي؟
ايمان: انتي قولي قبل
مريم: مابا....اني سالتك قبل...جاوبي انتي وبعدين بقولك
ايمان: انتي قولي
مريم: انتي قولي
ايمان: يوووووووووووه اشوفها السالفة مابتخلص
مريم: جاوبي وبجاوب وريحي عمرك
ايمان: اعرفك عناديه...مب تكلمي
مريم: ايماني يالله قولي
ايمان بحزن : 94
مريم: مبروكة حبيبتي...تستاهلي..قولي الحمدلله
ايمان: الحمدلله.... بس كنت اباها اكثر
مريم: والله نسبتك حلوة....الحين متصلة على فاطمة اختي بالوافي وهي معلمة مثل ماتعرفي وقالت لي أن النسب منخفضة بصفه عامة ف السلطنة
ايمان: اهاااااااااه... انزين كم يبتي انتي؟
مريم بفخر: 97
ايمان فرحت لربيعتها رغم حزنها على نتيجتها: والله...كللللللوووووووووووووويييييييييييش....مبروك ة ريومي
مريم: الله يبارك ف حياتك ايماني...الحين متى التسجيل؟ بعد اسبوع؟
ايمان: لا..التسجيل يوم السبت..واليوم الثلوث يعني بعد 3 ايام بالضبط...كيف بعدك على حلمك؟؟
مريم: اااااااااااااه يا ايماني تعرفيني اتمنى اني اتخصص هندسة....بس ادعي انهم يوافقو
ايمان وهي تدري بمحافظة اهل مريم وتعقدهم ف هالسوالف: أن شاء الله يوافقو...وتحققي حلمك
مريم: كيف؟ وانتي مصرة على الانجليزي؟؟
ايمان: اكييييييييييييييييييد....بس اخاف مايقبلوني بالجامعه بهالنسبة
مريم: لاتخافي....ترى النسب منخفضة
ايمان: حتى لو ماقبلوني بالجامعه...بدرس بالكليات...اهم شي احقق حلمي
مريم: أن شاء الله... زين الحين بخليك...لان اسومي عندنا وبروح اقعد عندها
ايمان: اوكي.... سلمي عليها وعلى امك..يالله مع السلامة
مريم: الله يسلمك ويسلم غاليك... باي
ايمان: لحظة لحظة...ماكنك نسيتي شي؟
مريم: اوووووووووه صح...اليوم النتايج مدورة بروسنا
ايمان: صدجك
مريم: امووووووووووواه
ايمان: اموااااااااااااااااااااه
وضحكن على خبالهن
مريم: يالله باي
ايمان: بااااااااااااااااي

راحت مريم صوب امها واسما...وجلست
عايشه: اتصلتي بابوك؟
مريم: اها...ووايد فرح...وقال لي هديتك بتكون اللي تبيها...انتي اختاري...واني اكيد بختار اخر موديل من التلفونات ببطاقته
اسما: ياعيني...من قدك؟ وبشارتي...ماكنك نسيتيها؟
مريم: ههههههه .... لامانسيتها...وبويه قال قولي لاسما البشارة عليه..يعني انتي من قدك دام ابويه بيعطيك
اسما: احم احم...اكيد...ههههه
مريم: ههههههه
عايشه:هههههههه... انزين واتصلتي بخواتك وحمد؟
مريم: اكييييييييييد.... عشان كلهم يجهزو هداياهم... وتسلم عليك فطوم تقول بيونا يوم الخميس...تقول مصدعنها عيالها بنمشي بيت عودوه...وقال ابوهم بنشلكم يوم الخميس
عايشه: ذكرتيني...خالد ود موزه كم ياب؟ نسيناه مسكين
مريم: تراني يايتنك ف السالفة.... تسلم عليك موزه وخلود ياب 88 .... وخبرتها أن فطوم بتينا وقلتلها هاتي الشلة كلهم...مشتاقه لحمودي
عايشه: زين يوم ياب 88... ترى خالد على قلة مذاكرته بس شاطر
مريم تتفشر: اكييييييييييد طالع على خالته
اسما: ههههههههه....يافشااااااااااااار!...شوي شوي على عمرك
مريم: اكيد بتفشر.... اذا اني بمدرستي يايبه اعلى نسبة
عايشه وهي قايمة: نسيتني بخروفتكن اتشوف درمينيا هيش سوت ف الغدا ...اسما حبتي بتغدي معنا اليوم
اسما: لا ماقدر خالوه...عذريني... بويه وحده تعرفي... بقول لو معه محمد
عايشة: ابوك خليه عليه.... بتصل به وبخليه يي يتغدي معنا
اسما: على شورك خالوه

وبعد الغدا....جلسو العرب بالمجلس يتثقلو وهم متسدحين
ناصر: كيف مريم هين ناويه تدخل؟
محمد: اكيد الجامعه... وبتصير مدرسة
صالح: بس بعده مانشدناها هيش بتخصص؟
ناصر: زين... الله يوفقها
محمد: ابويه صالح...ابا عمك ف كلمة راس
صالح وهو قايم: بروحي ابا استاذن...مواعد علي الاقيه برى... يالله.. ف خواطركم شي؟
ناصر: سلامتك صالح
محمد: الله معك...وسلم على علي
صالح وهو واقف: أن شاء الله يبلغ السلام...ف امان الله
وبعد ماراح صالح...محمد قعد وقعد معه ناصر
ناصر: هيش ف خاطرك بوصالح؟
محمد: والله من زمان افكر ف حمد واسما...من سنة ابا اكلمك عنهم..بس عاشه قالت خلي البنت تتخرج وبعدين تكلم
ناصر: اهااااه....زين كمل
محمد: تعرف من زمان وحن قايلين حمد لاسما
كمل ناصر: ومحمد لمريم
محمد: الحين محمد ومريم بنخليهم على صوب....خلينا نتخرف ف سالفة حمد واسما
ناصر بحزن: بس للحين المرحومة ماكملت شهرين
محمد: صالحه الله يرحمها..بس الحي ابقى من الميت....وانا ماقولك ان بنخليهم يعرسو الحين....بس ابا ااكد لك الحجز ونقدر نخليهم يعرسو ف اجازة نص السنة...يعني عقب 5، 6 شهور...وحن مابنسوي عرس وطبل...بس بنعزم الاهل
ناصر وهو يفكر ف بنته الوحيده اذا راحت عنه: خير لين اذاك الوقت....الله يسهل لهم

************************************************

[~ô§ô~كبريــاء انـثى~ô§ô~]

************************************************
يوم الخميس...ف بيت محمد (بوصالح) التمت العايله...موزه وعيالها وريلها سالم.. وفاطمه وعيالها وريلها علي.. و ناصر وعياله اسما ومحمد...وغداهم عرسيه (اكله جعلانيه) بمناسبة نجاح مريم وخالد ف الثانوية...والكل كان يبارك لمريم وخالد على نسبهم
الحريم ملتمات ف مجلس الحريم....والعرب ف المجلس....واليهال ف الصالة على البلي ستيشن
ف مجلس الحريم (عايشه، موزه وبناتها(منال، منى)، فاطمه، اسما، مريم) :
منال: هاه مريوم..على هيش نويتي؟
مريم وهي تجس نبض امها: هندسه
عايشه: هيش هندسه نابه؟ مدرسة وماشي غير مدرسة
فاطمه: يامي الناس تطورو... خلوها تاخذ التخصص اللي تباه
عايشه: والناس هيش بيقولو عنا؟ مخلين بنتهم ف الهندسة
فاطمه: حن هيش علينا من الناس.. والله شغل المعلمة اتعب شغل
موزه: اسمع منال تتشكي من الحين
منال: عودتي....كلامهم صحيح....والله أن المعلمة تكد من الصبح لين فالليل..محد يرحمها
موزه: بس حتى لو اقتنعت امي...مستحيل ابويه يقتنع انا اعرفه
مريم: لا والله على كيفكم يعني؟؟...حرام عليكم تحرموني من حلمي
موزه: حن عادي عندنا...بس خلي الشوبه يوافقو قبل
مريم: ماعليكم من بويه....انا اعرف كيف اقنعه
منى تغايض خالتها: اونها دلوعة ابوها... يؤيؤ
مريم: دلوعة ابويه وامي والجميع...حرررررررررررررررة على العذال
منى تستعبط: وينكم يالعذال تسمعوها؟
مريم: محد غيرك انتي يامنوه
منى وتخلي عمرها مستغربة: افااااااااااااا.....اني؟؟...افا عليك خالتي..هي هي هي هي (وتمثل انها تبكي)...ماحسبتها تيي منك
والكل يضحك على اسلوب مريم ومنى ونجرتهن وتنكيتهن اللي مايخلص لما يتلاقن

ف مجلس العرب (محمد وعياله(صالح، حمد)، ناصر وولده(محمد)، سالم ريل موزه وولده(خالد)، علي ريل فاطمه)
محمد (بوصالح) : هاه خالد...على هيش ناوي؟
خالد: ناوي اقدم على منحة لبريطانبا...مثل ماسوى خالي صالح وعمي علي
علي: زين والله...واي جامعه ناوي؟
صالح: ابا لك جامعة اكسفورد... يمكن تخصص قانون
خالد: اني افكر كذيه
سالم وهو يناظر ولده بكل فخر: وحتى لو مادخل اكسفورد...الجامعات ف بريطانيا معظمهن معترف بهن...وفيهن تخصصات وايده
ناصر: تستاهل ياخالد....ماتكاسلت مثل غيرك.... وهو يناظر محمد وحمد
حمد: ياعمي هيش لنا بالتعب والمكده...حن ماصدقنا نخلص دراسة المدارس...تبونا ندرس مرة ثانية
محمد (بوصالح) : انت احمد ربك يوم لقينالك شغل بشهادة ثانوية...وغيرك يحوط ف الشوارع مامحصلين شغل
محمد: والله حقه عمي محمد...نعمه أن حصلنا شغل بشهادة الثانوية...وانا ناوي أن شاء الله اكمل انتساب ف مصر
صالح: زين والله...اي جامعه ناوي؟
محمد: جامعة القاهرة...واقول اتخصص ادارة اعمال
علي: حلو...انزين الشغل وافقو على دراستك؟
محمد: اها الحمد الله...وتكفلو بمصاريف الدراسة
صالح: نعمة والله....قليل تحصل هالشي
ناصر: وانت ياحمد ماناوي تكمل دراستك؟
حمد: ياعمي هيش لي بتعب الراس....كذيه انا مرتاح
محمد (بوصالح) : ياناصر اذيه راسه يابس...دوم نقوله وعلى حسابي اذا يبا...... بس ماشي فايده
صالح: خليه....يوم بيشوف اللي حوله يترقو وهو قاعد مكانه اذاك اليوم بيقول بكمل دراستي
حمد: ياخي ذبحتوني...دراسة ودراسة....اقول العرسي بيحترق...قومو بنعكسه
سالم: كنه يبا يتهرب؟!!
علي: شكله كيه
وضحك الجميع...وقامو الشباب صوب العرسيه ف الحوش...وبدو عكس....وكلن يتفاخر بقوته ف العكس...بس اكثر شي كانو ينكتو على سالم...لان يقول بعدني شباب...واقدر اعكس اكثر عنكم ياليهال............. وبعدين غرفو العرسية
والجميع تغدي

وكانو بالليل مخططات الشابات يسون حفلة لمريم...مفاجأة لها على النتيجة الحلوة
موزه وفاطمه حاولن يشغلن مريم وجلسن يسولفن معها عن النتايج والتخصصات وهالسوالف ومعهن امهن..وبقية الشابات جلسن يرتبن المجلس ويحطن شموع وزينة وملصقات عليها عبارات عن النجاح والتفوق مسوتنها منى بالكمبيوتر...وخلن محمد وحمد يجيبو الاغراض من كيك وبسكويت وكاكاوات وشكليت وعصاير وغازيات...والهديه كانت من فاطمه وموزه عقد ذهب فيه حرف الإم والجهة الثانية مبروك
ولما خلصن التنظيم...اتصلت اسما بفاطمه ييبن مريم...ولما دخلت مريم المجلس حصلته مبند قالت: وينهن اللاه الينيات؟ وراه مبند ليت المجلس!!.... وفاطمه وموزه وعايشه من وراها يبتسمن
وصرخن الشابات: سربرااااااااااااااااااااااااااااااااااااااايس
وولعن الليت...مريم نقزت من مكانها: بسم الله...الخسفات نقزتني..... وبعدين انتبهت للزينة والشموع والكيك والاغراض
ويوها احمد وساره وشكلهم كان ملائكي..احمد لابس ثوب ابيض يمد لها علبة مغلفة...وسارة لابسة فستان ابيض رقيق وتمد لها وردة حمرا
تجمعت الدموع ف عين مريم....خاطرها تصيح على المفاجأة اللي مسونها لها...قربت من احمد وساره...وناظرت ساره وكانت تمد لها الورده: مريم ندوك الوردة.. تعالي بعطيك بوسة...... قربت مريم من سارة وباست سارة مريم على خدها: مبروك يااحلى خاله
احمد: هالوه...هالوه (خالوه)............. قبلت مريم على احمد وهي تبتسم: عمري....
وتشوفه يمد لها العلبه: دوك...منوه تدول اعتيك اديه (ندوك...منوه تقول اعطيك اذيه)...وتألي ببوثك (تعالي ببوسك)
الكل ضحك على كلام احمد....خذت الهديه وقربت من احمد عشان يبوسها...وحضنت سارة واحمد
الكل قال: مبروكه مريوم
انتبهت للشابات وكانن متكشخات ولابسات قمصان وتنانير تهبل وغيرن لبسهن الاولي...وقالت لهن: والله تعبتو حالكم...كان مايحتاي
منى وهي تنكت: وحن كم خاله عندنا بتييب 97؟؟
منال: اكيد بس خاله وحده
فاطمه: ماكنكن نسيتن خالتكن فاطمه؟ وكانت يايبه ف التسعينات
منى: خالتي فاطمة انتي عدي زمانك...الاول ماشي حفلات ومفاجأت
موزه: هههههههه....حن راحت علينا يافاطمه
فاطمه: لا والله...اني ارحم عنك....عالاقل خلوني اكمل دراستي ويبت الشهادة العودة...مب مثلك لين سادس وطلعوك
موزه: هههههههه...اني عاد مب مقصر فيه...مزوجني بنت 16 سنة ومطلعه من المدرسة
عايشه: كلكن ماقصرو فيكن...ويكفو ياموزه عيالك...هم بيبو لك الشهادة
منى: عودوه...امي عندها 5شهادات...اللي هم حن...تقدر تعلقنا ف الصالة وتقول اللاه شهاداتي

ضحك الجميع على كلام منى....وهنيه دخلو عمار ومعاذ وهم يتراكضو...
عمار: ويييييييييه انتو بعدكم ماقطعتو الكيكة ولاسويتو شي....خالد يقول ابا قسمي من الحفلة...اني بعد ناجح
معاذ: اماه..يالله بسرعه عطونا
فاطمه: زين زين...حشا حشرتونا....ماظنتي خالد قالكم... بروحكم مستعيلين على بطونكم
معاذ: لا اماه...خالد قال مشو لهن وتشوفوهن هيش يسوون؟ وييبو لنا قسمنا
عايشه: يالله بنات حطن لخوتكن وهلكن...اكيد يتريو
موزه: أن شاء الله اماه
مريم: كلهم هناك؟؟
عمار: لا...محمد وحمد طالعين...هناك عودي محمد وعودي ناصر وبويه وعمي علي وخالي صالح وخالد واني ومعاذ
وحطو للعرب وخلو الخدامات يشلن لهم
احمد: ماما ابا بيبثي وهواوه (بيبسي وحلاوه)
موزه: لا ماشي بيبسي....عصير بس
احمد وهو بادي يبكي: هالوه ابا بيبثي وهوواه
مريم تنزل لمستوى احمد وتمسك ويهه بين ايدينها: من عيوني حمودي...واني عندي كم حمودي؟
موزه: مريم لاتعوديه عالبيبسي...مب زين له
مريم: بس بعطيه شوي
اسما: هاه الريم...هيش رايك فالحفلة؟
مريم: والله رهييييييييييييييييييييبة...وماتوقعتكم تسوو لي...مع اني استغربت غيبتكن من بعد المغرب....ولما سالت موزه وفطوم عنكن قالن انكن تبن ترجد فالمجلس...وانا وحليلي انضحك عليه
منال: وحن كنا مخططين وجالسين نرتب
مريم: والله ماقصرتو...فديييييييييييييييييتكم كلكم
منى: مانروم....مانروم
مريم: اقول لاتخسفي بلهجة الاماراتيين...سكتي احسن
منى: هيهيهيهي..لاتضحكيني وانا ماقدر....اصلا الاماراتيين لهم الشرف اتكلم بلهجتهم
منال: اقول بس بس عن الاماراتيين...مايهونو عليه
منى: ياتكم المحاميه....ليش انك تدرسي هناك...بتصيري محاميه لهم
عايشه: منال ماقالت سعاد متى بييو بالضبط؟
منال: والله ياعودوه كانت مطرشتلي تقول يمكن ييو بتاريخ 7\7
عايشه: موحشنا شيخه وبناتها
مريم: الا نوره... صراحه ماشتقتها
عايشه: مريوم....عيب...عن بنت عمتك
فاطمه: اماه....صدقها مريم...مايكفي انها بتسطلها وتطليبتها اللي ماتخلص و تكبيرتها الزايده وقلة احترامها له ولنا عقدت صالح بالزواج
مريم: لو واحد غير صالح....كان ذبحها من الضرب...بس اخويه طيب واحترم القرابه اللي بينا
عايشه: حتى ولو....بعدها بنت عمتكن شيخه....وشيخه محد اطيب منها
موزه: كلام امي صحيح...القرابة اللي بينا تفرض علينا نحترمها ومانتكلم عنها كيه
مريم بغير اقتناع: يمكن
منى: اقوووووووووول خلونا ناكل ميته يووووووووع بعد اذاك الترتيب والتنسيق
منال: انتي ماتفكري غير ف بطنك
اسما: حقها مسكينه...اكثر وحده اجتهدت فينا
مريم: فديييييييييييتها منوه....تعالي روحي بأأكلك بيدي
وضحك الجميع....وكملن الحفلة والكل كان مرتاح ومستانس...وروحو الجميع الساعه 10 عن بيت بوصالح ماعادا فاطمه باتت بيت ابوها

وبهالليلة حاولت مريم تقنع ابوها بتخصص الهندسة بكل الطرق...بس ابوها اكيد مستحيل يوافق وحاول يقنعها بانها تكون معلمة والتخصص اللي يريحها ف التربية... مريم حاولت تبين له أن حلمها تكون مهندسة.... بس هو بتفكيره الاولي قال لها أن الهندسة للشباب مب البنات وان الناس بيتكلمو عليهم اذا هي دخلت هالتخصص... وان هالمجال صعب عشان الاختلاط اللي فيه ومايسمحو لهن يتغشن...يعني صعبة من جميع النواحي
ومريم ماقدرت ترد على ابوها ووافقت رغم عدم اقتناعها لان شافته مستحيل تقدر عليهم وهم بهالتفكير رغم حلمها من وهي صغيره الهندسه...وقررت تسجل ف الجامعه تربية تخصص رياضيات...لانه احب مادة لها

انتظرو الجزء الثالث
وش من التغيرات اللي بتصير؟؟

[توتو الصغيره]

مشوره اختي على التكمله فعلا قصه مشوقه وحلوه ذكرتيني بالف ليله وليله كل يوم تقوليلنا جزء ههههههه عشان تشوقينا عاد بروحنا فينا فضول

بسررررررررعه ننتظر التكمله

[~ô§ô~كبريــاء انـثى~ô§ô~]

توتو تسلمي عالمتابعة
وترى الرواية بعدني مامخلصتنها... اكتبها عالراحات... وبحطها جزء جزء... اهم شي تثير الفضول عندكم وتحبوها

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء الثالثღღღღღ
~ô§ô~كبريــاء انـثى~ô§ô~

بعد شهر ونص...قربت المدارس...وقربت الدراسة بالجامعات والكليات...مريم قبلوها ف جامعة السلطان تربية تخصص رياضيات وايمان ربيعتها قبلوها ف الجامعه اداب انجليزي...وخالد بيسافر بريطانيا جامعة اكسفورد....
فاطمه وعلي وعيالهم رايحين صلاله...وسالم وولده خالد رايحين مسقط عشان الحجوزات ويخلصو اجراءات خالد ف السفارة والوزارة

ف صلاله على سهل اتين بعد العصر..الجو مغيم ورذاذ بسيط يتساقط على الاعشاب الندية.. علي جالس مع فاطمه عالفرشة ومعاذ وساره يفررو الطيارات الورقية (جالسين بعيد عن الناس)....علي راجد ف ركبة فاطمة..ويفكر ف السعادة اللي هو فيها...خذ حبيبة قلبه اخت ربيعه...وياب منها احلى ثنين ف دنيته
فاطمه تمرر ايدها على شعر علي: اللي واخد عقلك
علي يناظر زوجته بكل حب: محد ماخذ عقلي وقلبي غيرك يافاطمه
فاطمه تبادله نظرة الحب وتاشر على عيالها: واللي يلعبو بالفرارات مب ماخذين عقلك وقلبك
يقبل علي صوب عياله: تراهم قطعه منك...اكيد بياخذو عقلي وقلبي... (ويرد يناظر فاطمه)..احبك يافاطمه
احمرت خدود فاطمه... تفكر والله كلما اسمع آالكلام كني اسمعه اول مرة وعلي بكل لحظه يردده...بس لما ينطقه غير...من قلبه... قالت له: اه منك ومن كلامك ياعلي
علي يتغزل فيها: فديت هالخدود اللي تحمر كلما قلتلها مث آالكلام...احبك احبك...ابا اصرخ احبك
فاطمه وهي تبتسم: تبا تفضحنا جدام الخلق؟ وعيالك بيقولو ين ابويه
علي: طيب قولي احبك وعطيني بوسه (ويغمز لها)
فاطمه: عيييـــــــب......والعيال!!!
علي وقلبه يدق كانه اول مرة يطلب هالشي: تشوفيهم منشغلين بالفرارات...يالله حياتي بسرعه قبل عن حد ييي
فاطمه بحيا قربت شفايفها من اذن علي وتساسره: احبببببببببك....وقربت من خده وعطته ال....
علي انتشى من هالحركه وتطمع: بس اني ماقلت على خدي....اباها هنيه ويأشر على شفايفه
ازداد احمرار فاطمه: لااااااااااااااه...اشوفك تطمعت....عيييييييييييب....ويوم حد بيطب علينا؟؟ خليها لبعدين (وتغمز له)
علي وهو يعرف كيف يحصل مطلبه: واذا قلت عشان خاطر حبيبك... ويأشر على نفسه
فاطمه بحيا: ااااااااااااااااااه منك...تعرف كيف تاخذ يوم تطلب.... وقربت منه... و"....." بالخفيف...وهنيه سمعو صوت ضحكة خفيفة...نقزو والتفتو على عمار وساره اللي كانو جالسين ياشرو عليهم ويضحكو....وضحكو علي وفاطمه وقام علي من ركبة فاطمه وقعد وهم يحسو بالاحراج من عيالهم...نادت ساره ابوها ببرائتها المعتادة: بابا تعال سوي لي الفرارة...سويها مثل مالة معاذ
علي بكل حب: من عيوني بابا
قام علي ومد ايده لفاطمه وراحو لعيالهم يلعبو معهم بالطيارات


ف جعلان ملتمة العايله كلها ف بيت غاليه بعد المغرب عشان سعيد ياي من ماليزيا
حمد: كيف الاجواء ف ماليزيا؟
سعيد: وايد رهيبه....لما رحت عنهم كان عندهم امطار
محمد: اصريه الامطار توقف عنهم؟...على مدار السنة
حمد: والله اقنع ف محمد ناخذ اجازه ونروح هناك...وهو مصدعني مالي بارض مالي بارض
محمد (بوصالح): حقه محمد...هيش يروح بكم هناك؟ مرتين كروحتو لها....وهنيه الجو زين تقول جو صلاله من حلاوته
ناصر: صدقت يابو صالح
محمد: خاصه لين رحت صوب السواحل....والله البرد يقتلك..ماتقول كنه صيف
سعيد: انزين هيش رايكم باكر نروح كشته عايليه؟ والله مشتاق ادور ف جعلان
حمد: وهيش لك بالعايليه؟...صداع حريم ويهال...بروحنا بنكشتك اني ومحمد على كيف كيفك (ويغمز لسعيد)
سعيد: لا...اني اباها عايليه...لاني مشتاق للمات العايليه...هيش رايك خالي محمد؟
محمد(بوصالح): مايخالف علينا...هيش رايكم؟ ويناظر خميس وناصر
ناصر: الشور شوركم...مايخالف
خميس: حن باكر يبو يونا بيت صالح (ولد خاله)...مانقدر...ماعليه انتو روحو
حمد: وبيت سالم من بيشلهم؟
صالح: اني بشلهم على سيارتي...وانت بتشل هلي
حمد: بيلعوز بك احمدوه.... ويقلد احمد:هالي ابا وابا
صالح: ههههه...احمد محد احلى منه حتى لو يلعوز
محمد وهو يفكر ف حبيبة القلب (ندى): وبيت عمتي نصرى...مب قايللهم؟
محمد (بوصالح): اني بقول لبوسالم...وبشوفه اذا بيمشو عندنا
سعيد: خلاص لعاد باكر بنسوي جولة ف جعلان الحبيبة

وقام سعيد بيسلم على حرمة خاله محمد وخالاته...عشان يتحمدن له بالسلامه
ودق على باب مجلس الحريم....وياته امه
سعيد: اماه.... بسلم على خالاتي
غاليه: ادخل يابويه محد غريب
سعيد دخل وهو يتنحنح: احم احم...السلام عليكم
قامت نصرى وشيخه وعايشه وهي متغشيه..وقربن منه يسلمن عليه
خاشم خالاته وحرمة خاله
عايشه: تستاهل سلامة الوصول سعيد...كيف حالك؟ واشخبارك؟
سعيد: الله يسلمك عمتي الحمدلله بخير...كيف حالكم.. واشخباركم؟
عايشه: الحمدلله كلنا بخير مانشكي باس
وتناشد العلوم مع خالاته.... وسلمت عليه موزه من بعيد
وجلس معهن شوي...يتكلم مع خالاته

بنفس الوقت مريم واسما وندى( بنت نصرى) ومنال ومنى وسعاد(بنت شيخه) جالسات بالمطبخ...يزهبن الفوالة....بعد ماطردن عمتهن او خالتهن غاليه وخلنها تروح عند الحريم
مريم: وراه مايات نوره معكن؟
سعاد: بس قالت مابا اروح
مريم ف خاطرها احسن مايات ولا شفت ويهها الكريهه
منى: وخالتي فاطمه متي بيو؟
مريم: بعد اسبوع....يقولو الاجواء هالمرة وايد رهيبة ف صلاله...وابوك متى بيو من مسقط؟
منى: ماعرف
منال: اتصل ابويه اليوم لما كنتي راجده...وقال بيو بعد باكر
منى: اهاه....ياخساره كنت ابا اكلمه...ابا اوصيه بحاجات
مريم: انتي حاجاتك ماتخلص مبونه؟
منال: اصلا حن بنروح الاسبوع الياي مسقط...واشتري اللي تبيه
منى: صددددددددق....من قالك؟
منال: انتي نسيتي مشيتنا قبل المدارس؟...عشان تبضيعتكم لاغراض المدرسة
منى بسخريه: وييييييييييه...صح..نسينا أن المدارس على الدرايش
سعاد: ههههههه....احيدهم يقولو على الابواب
اسوم: هههههههههه...تراها لازم تقلب كلامها...ولا ماتصير منوه!!!
منال: اقول هين الفنايين؟
اسوم: جالسة ادورهن مالقيتهن
مريم: منوه روحي نشدي عمتي غاليه عن الفنايين
منى حاطه ايدها على خصرها: وليش اني؟
سعاد: ماسمعتي أن اصغر القوم خادمهم؟
منى وهي تتفاخر بطولها: لا والله...اني اطولكن يعني اعتبر اكبركن...مب اصغركن
اسوم: وحن نقول اللي اطولنا؟!! نقول اصغرنا ف السن
منى بعناد: مااااااااااااااااباااااااااااااااااااا
منال: اقولكن لو قعدتن لين باكر مابتروح...محد اعيز منها...نشدني عنها
منى: منالووووووووووووووووه...جب
منال: جب ف عينك العيازه....مب كساع انتي امي تنازعك على عيازك اذيه؟
اسوم: اقول اني بروح انشد....حشا...كله اذيه عشان مشية للمجلس؟
منال: لا اسوم....اني بروح عنك...الزطيه اذيه مب منها فايده
منى تطلع لسانها لاختها منال....ضحكن اسوم ومريم وسعاد على ضرابة الاخوات
ندى كانت ف عالم ثاني مب منتبهه لضرابة البنات...اكيد مع محمد..
كان مطرشلها يقول: "اليوم بيت عمتي غاليه منور"
ردت عليه تبي تغيضه: "اكيد منور بولدها سعيد"
رد عليها اونه زعلان: "لاااااااااه....اغار...لاتنطقي اسم ريال على اسمك...ولاتتغزلي ف حد غيري...خلاص انا زعلت"
ردت ندى: "وابويه وسالم...ماتغزل فيهم بعد؟ "
رد عليها: "حتى ابوك واخوك لاتتغزلي فيهم....اغار عليك من نسمة الهوا ياقلبي"
دق قلب ندى على هالكلمة "ياقلبي" وابتسمت من خاطر...سعاد انتبهت لبنت عمها وبنفس الوقت بنت خالتها وقالت: هيييييييييييييييي.....اللي واخد عقلك....وبعدها تبتسم!!! اقول من تراسلي هناااااك؟؟
انتبهت ندى لحالها وارتبكت: لا...مممححد...بس اذيه نور ربيعتي من صلاله...تتذكريها اللي كنت اكلمكن عنها
سعاد: اهاااه
اسما: صحيح ندوي.. متى بتطلع نتايج توظيفكن؟
ندى: يقولو بعد اسبوع...كل حد يقول شي
مريم: ماينخاف عليك ندوي....تخصصك انجليزي ويقولو محتايين له ف جعلان
ندى: امين يامريم....الله يسمع منك...ماباني اتغرب زياده برى جعلان...والله مليت

منال وهي طالعه ماكانت متغشيه وكانت لابسه عبايتها....واول ماوصلت مجلس الحريم..يطلع لها سعيد ف ويهها...نقزززززززت منال وتمت متجمده ف مكانها تحاول تستوعب..من اذيه؟؟ هيش يسوي ف مجلس الحريم؟ وامي واني جالسة اتشوفه فيس تو فيس..وقالت: اوووه
وراحت تركض للمطبخ
بنفس الوقت...كان سعيد طالع من مجلس الحريم من عند خالاته...واول ماطلع من الباب...لقى قدامه بنت حلوه لابسه شيله وعبايه وانصدم مثلها ماعرف يتصرف...جلس يناظرها مثل ماهي تناظره...ويقول من اذيه؟ ياحلاتها...ويشوفها انتبهت للموقف وانها واقفه غلط وتركض عنه...ضحك سعيد عليها وعلى عمره...وحس قلبه يدق ويقول حلوه حلوه...بنت من؟؟ ماظنتي من بنات خالاتي ولا خوالي...ترد لسالم ولد خالتي وخالد ولده (لاتكون بنت سالم...بس سالم عنده ثنتين احيد؟؟)...ويه ويهها ملائكي وفيها شامه رهيبه ف ذقنها...ولا رقتها وهي تقول:اوووه...لازم اعرف من اذيه؟
طلعت غاليه ولقت ولدها واقف عند الباب وهو يفكر
غاليه: وراك واقف هنيه؟ تبا شي؟
سعيد بتلعثم: هاه...اممماااه..هاااه..ولا شي...يالله باي
وراح سعيد عن امه وهو مقرر يعرف من البنت...لانها شكلها سرقت له قلبه بهاللحظات اللي ماتتعدي الدقيقة

ولما راحت منال للمطبخ وهي تركض....دخلت على البنات وشكل ويهها مخطوف...ومنصدمة من الموقف
مريم: هين الفنايين؟
منال وهي متلخبطه: هااااه...ماندل
سعاد: لا والله....لعاد مامشيتي تنشدي خالتي؟
وهنيه دخلت خدامة خالتها غاليه...وانقذتها من الموقف
مريم: هيش فيك منال؟؟ داير راسك ولا شي؟
منال: ههههه...لا بس...شفت نسمة يات وقلت بنشدها...(وف خاطرها تقول فعلتي خير يوم ييتي...هيش بقولهن؟ كافخت واحد عند المجلس...شوف الغبا جالسة اتشوفه عيني عينك...بس والله ماعرفت هيش اسوي..انصدمت...واصلا هو بعد جالس يتشوف ولا صد عني....كيف يصد عنك؟وانتي مقابلتنه ف ويهه؟ الله بالستر....هيش هالحاله؟...بس من اذيه؟؟ ظنتي انه سعيد....شكله تغير...من 3سنين ماشفته...بس شكله محلو...وماشاء الله ياطوله...اقول ماكني قاعده اتغزل ف ولد العرب...الله يستر هيش بيقول عني واني مقابلتنه؟...مالت علي)

ف بيت غاليه...وبعد ماروحو الضيوف...جلس سعيد مع امه يسولف معها...وف خاطره يبا يعرف من اذيك البنت اللي لخبططت كيانه...ومن شافها وهو كله سرحان ويفكر...بس كيف بينشد امه عنها؟؟
سعيد: اقول اماه....اليوم بنات خالاتي وخوالي كلهم ييو؟
غاليه: اها كلهن ين...ماعدا نوره بنت عمتك شيخه..تحيدها من طلاقها من صالح...وهي ماتختلط ببيت خالك محمد
سعيد: وبيت سالم يو؟ سالم وولده مايو...رايحين مسقط
غاليه: موزه وبناتها ين
سعيد: يدرسن؟
غاليه: منال ف عجمان تروح سنة ثالثة ومنى الربشة تروح ثاني ثانوي
سعيد: احيد وحده منهن فيها حبة خال
غاليه: اذيه منال...فيها حبة خال ف دغمتها...محلتنها الحبة...آالبنت عايبتني...هاديه ومحترمة وطيبه...اكيد دامها مجنية (حفيدة) محمد ونصرى خوتي...وسالم وموزه عرفو يربو....عيالهم كلهم زينين
سعيد ف خاطره...لعاد اذيه منااااااااال!!!....صح والله تذكرت لما كنا صغار كنا وايد نعلق على شامتها وهي متعقده منها...بس احلوت وايد بنت سالم
سعيد: اماه
غاليه: هيش ف خاطرك امي؟
سعيد: ابا اخطب
غاليه بحزن وفرح: من متين واني اتريا تقول آالكلمة...بس حرمة خالك مالها غير 3اشهر
سعيد: يامي اني بخطب البنت الحين والسنة الياية لما بيي بتخرج وبيي من ماليزيا بملك عليها
غاليه: من تبا؟
سعيد وهو مستحي: منال بنت سالم
غاليه: اهااااه...واني اقول ليش ينشد عن بنات موزه؟...طلعت مب هين ياود عبدالله
سعيد وهو يضحك: هههههه...يامي لازم ننشد عنهن...مب منيه والدرب
غاليه: ونعم ماخترت....جمال واصل واخلاق...وتكفي انها بنت سالم بن احمد ومجنية نصرى ومحمد
سعيد: انزين اماه...انتي كلمي موزه...وشاوريها...خليها تشاور منال وابوها...واذا وافقو...بنحدد الملكة السنة اليايه...هيش رايك؟
غاليه وعيونها مدمعه: على شورك يابوي... و سالم وموزه مابيلقو احسن منك
سعيد: طيب يامي قومي رجدي....باكر ورانا نشره...اتفقت مع خوالي نتكشت ف السواحل...خلي نسمة تزهب القهاوي واللي محتاينه من السوق بييبه الصبح
غاليه: أن شاء الله يابويه...سمعت البنيات يطلبن كشته
قام سعيد وراح لغرفته وهو يفكر ف منال...ويدعي الله انها تكون من نصيبه

**********************************************

[~ô§ô~كبريــاء انـثى~ô§ô~]

**********************************************

ف بيت محمد....موزه وعيالها يو بيت ابوها يباتو عندهم...وجالسين بالصاله مع ابوها
محمد: باكر بنمشي كشته...زهبو عماركم
مريم: والله ابويه؟؟ وحليلنا ( جنبها منى... وتحاضنن هي ومنى)
عايشه: الله بثبات العقل...اللي يشوفكن يقول محد يطلعكن من البيت
منى: عودوه.....كشته غيييييييييييييييير...يعني تغيير جو
موزه تسال ابوها: لابيتنا ولا عندنا حد؟
محمد: بيت عمك احمد وبيت عمك ناصر بس بيت خميس قالو مب ماشين بيوهم بيت راشد ود خاله...وسعيد هو طالب المشيه
عايشه: مسكين....بيكون مشتاق الدار...سنه بحالها وهو بعيد عنها
(منال انتبهت لما ذكرو سعيد وقلبها دق وتذكرت الموقف وابتسمت)
موزه: مابتكفينا سياره وحده
محمد: بنروح على سيارتين...حد بيركب ف سيارة صالح...وحمد بيسوق سيارتي
منى: اللللللللللللله وناسه....بنركب ف سيارة خالي صالح....هيش رايك مريوم؟....والشياب بنخليهم ف سيارة عودي
مريم: احسن...بناخذ حريتنا مع صالح....مب حمد استحن استحن...وحتى المسجل مايشغله يوم نركب عنده
موزه: منال شلي احمد...رجد مسكين....اليوم ماقعد بيت عمتي غاليه...من مجلس العرب لمجلس الحريم
منال: أن شاء الله امي

عمار متصنم جدام البلي ستيشن ويضغط اذيك الحبات
محمد: اذيه ولدك مايشبع من البلي ستيشن؟؟...عيونه بتروح
موزه: هيش نسوي به يابوي؟.. ف بيتنا نضمه عنه...بس هنيه يلقاه جاهز ف الصاله...واول مايشوفه سيده صوبه
عايشه تكلم حفيدها: عمار ثور رجد....باكر وراك كشته
عمار وهو مندمج: بس شويه عودوه
موزه وهي قايمه تبند الجهاز عنه: لاشويه ولا وايد...يالله الساعه 10 ...رجاد بسك من اللعب
عمار معترض: لاااااااااا....اماه لاتبندي...اخر لعبه بس
مريم: موزه خليه...اني براقبه لين يخلص اللعبه وبعدين ببنده عنه
محمد قايم يرجد: يالله اني برجد....وباكر اذا احتيتو اغراض للكشته خلو صالح ولا حمد ييبوهن الصبح
عايشه: ان شاء الله
راح محمد...ومن الصوب الثاني دخل صالح ووراه حمد
مريم: اوووووووووووووه اشوفكم اليوم مقدمين...خاصه حمد.. كيف بنقبل المدفع؟
صالح: هههههههه...اني من اول ماتاخر...بس حمد يمكن
حمد: مريموه سكتي عن الهذره الوايده...مشي هاتي لي كوب ماي
مريم باعتراض: قالو خدامتك واني ماعرف؟؟!!
عايشه: قومي ييبي له وعن الحسوس...ابوكم يبا يرجد
منى: اني بقوم اييب الماي...ولاتتضاربو
حمد وهو يناظر اخته: شفتي السنع ف بنات موزه...مب انتي متعوده على العياز
مريم سكتت وحقرته....وهي ف خاطرها متى بحصل احترام منك؟.. يا تنازعني يا ماتتكلم معي... ماعرف هالاخو طالع على من؟...ادري عنده سوالف...ومايفكر غير ف مصلحته... نعاك لصالح ف عيونك....فديتك ياصالح دووم قريب منا....واللي نطلبه تنفذه ورحيم مع الجميع الصغير قبل العود

وهنيه دق تلفون حمد... الرومانسي يتصل بك
رد حمد: هلااااااااااااااا بوجاسم...هيش الاخبار؟
وقام وطلع ف الحوش يتكلم على راحته...على الخط ردت البنت برقه مصطنعه وبدلع زايد:ههههههه...بوجاسم هاااااه؟؟ شكل الجو مغيم؟
حمد بعصبيه: مها اني ماقايلك لاتتصلي...بروحي كون اتصل فيك
مها بزعل مصطنع: يعني اذيه يزاي اني اشتقتلك واتصلت؟؟....يالله بااااي
حمد هدي ويحاول يراضيها: وييييييييييييييه مهوي لاتزعلي...اني قايلك ترى لما بفضى بتصل بك....والحين داخل بيتنا ماواحيت اوصل حجرتي
مها تتغلي: حتى ولو....تنازعني كذيييييه؟؟ اهون عليك؟
حمد: حبيبتي ماتهوني عليه...بس تصرفاتك بعض المرات تنرفزني...يالله عاااااد بس عن الدلع...هيش الاخبار؟؟ اشتقيتلي ولا
وكمل حمد سوالفه مع البنت...حمد كل يوم على هالحاله من بنت لبنت....وبعد ماخلص المكالمة
دخل الصاله وحصل موزه ومريم ومنال ومنى ومعهن صالح

مريم: يالله صلوحي....لاتصير عناااااااادي
صالح: صلوحي ف عينك....اصغر عيالك قالولك؟
مريم: فديتك ادلعك بس...يعني اذا مادلعتك قولي من بيدلعك؟
منى تغايض خالتها: بتدلعه عودوه وامي وخالتي فاطمه واني ومنال
صالح: هههههههههه...شفتي وايد اللي بيدلعوني...بس ماينادوني (وهو يقلد مريم) صللوحي
مريم تمثل انها زعلانه: لااااااااااااااه...يعني استغنيت عني الحين؟؟....طيب ياصلوح....بعدين بتييني وبتحتايني وبتطلب...بقولك روح للي يدلعوك
موزه: الله يقطع سوالفكن....اقول يالله قومو...باكر مابتقدرو تثورو من الرجاد...اكيد الشياب بيغبشو عليكم من الصبح
منال: برايه انتو بيشلكم خالي حمد من الصبح....وحن بنخلي خالي صالح يشلنا وبنثور على راحتنا
حمد: وانتن عاد قسمتن عماركن؟ بتركبن عند صالح؟
صالح: تراهن قبل شويه جالسات يقنعني...اوين البنات يبن يركبن بروحهن...وانت بتشل هلي وعمي ناصر وموزه وعمار واحمد
حمد: اصلا عمي ناصر...بيشلهم محمد...نسيتنه؟
مريم: برايه محمد..ركبوه ف الدبه معكم...واسوم بتركب معنا
حمد: محمد ياهل!! يركب ف الدبه؟ مالت عليكن وعلى تفكيركن
صالح: انزين محمد بيركب معي جدام
مريم: لاااااااااااااااااااا...حن نبا ناخذ حريتنا
صالح: اقول خير لين باكر....بنشوف عمي ناصر...واسما اذا تبنهي تركب معكن مب مشكله بنخطف عليها
مريم ومنى قامن يبن يحظنن صالح: فديييييييييييييييييييييييتك صلوووووووحي
صالح وهو يخوزهن عنه: هههههههه...بعد ردن على صلللوحي...قومن عني لا اغير رايي
حمد: اللهم تثبت علينا العقل....تشوفن منال عاقله مب يوبكن....متى بتصيرن مثلها؟
منى: امبونا مانبا نعقل.....احسن كيه...صح خالوه...فللللللللللللللللله
صالح: اني بقوم ارجد...يالله تصبحو على خير
الجميع: وانت من اهل الخير
حمد وهو يناظر منال ومريم ومنى: وانتن الثلاث فارقن....وشلن مدمن البلي ستيشن معكن...ابا موزه ف كلمة راس
مريم: انزين...يالله عمور...بسك...من متي تقول اخر لعبه؟؟
عمار: بس اخر مرة..اخر مرة
منال وهي تبند الجهاز: اقوووووووول قوووووووووم...تضحك على من انت؟
عمار: لاااااااااااااااااااا...لاتبنديه
وشلنه منى ومريم تسابلنه وهو يصرخ....وراحن ف حجرة مريم...موزه وعمار واحمد يرجدو ف حجرة....ومريم ومنال ومنى بيرجدن ف حجرة مريم

موزه قبلت على اخوها: هيش ف خاطرك حمد؟
حمد: ابا انشدك عن ندى بنت عمتي نصرى
موزه: وراها؟
حمد: خلصت دراسة؟
موزه: اها....والحين تتريا التوظيف...ليش تنشد عنها؟
حمد وهو يفكر زين والله: افكر اخطبها؟
موزه وهي ومنصدمه: هييييييييييييييييييش؟ تخطبها؟ واسما بنت عمك؟
حمد: هيش فيها اسما؟
موزه: نسيت كلام ابويه...انه يبا اسما لك
حمد بنفاذ صبر: لا والله...الحين بيتزوج ابويه ولا اني؟
موزه: الله يهديك ياحمد....تراه مكلم عمي....ولانسيت كلامهم؟
حمد: اذيه كلام له اكثر من 10 سنين...من وحن صغار
موزه: بس بعدهم على كلمتهم....عمي كلما حد تقدم لاسما رفض...عشانك انت
حمد: والله اني ماقلتله ارفضهم
موزه: افا عليك ياحمد...هيش آالكلام؟؟...ترى مارفض الا عشان كلمة ابويه
حمد: صراحة اقولك اسما اعتبرها مثل اختي....ومالها أي مشاعر عندي
موزه: كيف اختك؟. وانت حتى ماشايفنها من يوم اتغشت
حمد: اقولك ماحس لها بأي شعور
موزه: ياحمد...ياخوي....مايصير اذيه الكلام....وبعدين لو سمعك ابويه تقول كذيه....والله بيقوم الدنيا...مايهونو عليه لا عمي ولا اسما....وبعدين نسيت انها يتيمة تبا تكسر بخاطرها وخاطر عمي؟
حمد: هو الزواج بالغصب؟
موزه: مب بالغصب....بس
حمد: بس هيش؟
موزه: السالفة فيها كلام عرب...يعني صعبه تيي الحين وترفض...وتقول ابا غير اسما..وبعدين تعال هنيه...ليش فكرت ف ندى؟ مع انه ندى واسما واحد
حمد: الحين انتي بدل ماتفرحي لاخت ريلك أن ابا اخطبها....تقولي كلهن واحد
موزه: صدج انها بنت عمتي واخت ريلي...وماتهون عليه...بس كلام الصدق ينقال...انت محجوز لك اسما
حمد: انزين ياخذها صالح
موزه: هههههه....ضحكتني واني مابا اضحك....يعني نسيت صالح ومشكلته؟!!!
حمد: صالح لازم بيي يوم وبيتزوج....مستحيل يتم بلا حرمه وعيال
موزه: انت نسيت أن صالح مطلق اكثر من 3سنين...ويوم نفتح معه سالفة الزواج يعتفس علينا وينازعنا...ويقول مالكم خص فيني اني مرتاح بلا يواز وبلا حرمه
حمد: انزين اذا قلنا له عن اسما يمكن يوافق
موزه: لا والله....لمصلحتك بتلصق اسما ف صالح!
حمد بضيق: يووووووووه ياموزه....لاتضيقي بي...ياينك ابا منك الشور وتقول لي آالكلام؟؟
موزه: تراني ماقلت غير الصراحه
حمد: انتي كلمي امي وخليها تكلم ابويه
موزه: روحي مالي خص...بعدك تبا تمشكلني اني وامي ف ابويه....روحك كلمه...واذا وافق عادي عندنا حن
حمد: يعني كلامي معك مب منه فايده
موزه: ياحمد والله لو ف ايدي الشي مايخالف عليه....بس اذيه ف ايد ابويه وعمي....مابا اسوي مشاكل بينهم ونتفرق بسبة زواج
حمد: يعني اني اللي اتزوج واتمشكل عادي؟
موزه: تراك ماشفتها البنت...ووالله اسما تنحب ومحد مثلها...حتى لو ندى بنت عمتي
حمد: اقول اني بروحي بتصرف وبشوف
موزه: ماقول غير الله يعينك ويعين ابويه عليك

وقام حمد وهو يفكر كيف بيقنع ابوه واخوه....ويفكر بندى...وهو مايباها عشان انه يحبها بس لانها بتتوظف وهو يبا موظفه...مشكلة حمد انه مصلحجي شوي...صحيح اسما متخرجة بس ماراح تتوظف بسرعه مثل ندى...يعني ندى جاهزة مجهزة...بس قرر ياجل الموضوع شوي عشان حياة حرمة عمه....مابيقدر يتكلم ف الموضوع الحين

ف حجرة مريم....منى كانت راجده...ومريم ومنال قاعدات يسولفن بشويش عن يزعجن منى
منال خبرت مريم عن اللي صار لها مع سعيد...اكدت لها مريم انه سعيد لانه اكيد ياي يسلم على امهاتهن...
منال من وصار لها الموقف تحس عمرها غير...قلبها يدق يوم تتذكر الموقف...وتضحك على حركتها معاه...بس هو ليش كان يتشوفني بأذيك الطريقة؟؟...تقول كنه ماشايف بنات ف دنيته!!....كيف ماشايف وهو عايش بماليزيا!!...احسها هاللحظات مستحيل تغيب عن بالي...ااااااااااااه ولا نظرة عيونه....احسهم كانهن بحرتغوص فيه لما اتذكرهن...وكانه فيهن حنان العالم كله....ماكني مصختها جالسة اتغزل فيه!!!....هيش خصني فيه؟؟...بس تراه ماطايع يخوز عن بالي....يوووووه اليوم شكلي مابرجد وباكر ورانا طلعه...يعني بشوفه!! ياليت اشوفه مرة ثانية... الله بالستر...شكلها هواتة رجاد بدت...رجدت منال وطول رجادها وهي تحلم بسعيد... ف ويهها ويبتسم ويحط فوق راسها تاج من ياسمين

من الصباح...الجميع متجهز للكشتة...ف سيارة محمد (ستيشن تويوتا) يسوق حمد ولده ومعهم عايشه وموزه وعيالها عمار واحمد
ف سيارة صالح (ستيشن لكزس) راكبات البنات (مريم راكبه جدام، منال، منى، واسما)
ف سيارة محمد (برادو) معه ابوه وعمته غاليه وسعيد
ف سيارة احمد (ستيشن تويوتا) حرمته نصرى وبنتهم ندى
وتحركت السياير صوب الاشخرة...ناوين يجلسو هناك لين مايتغدو وبعدين بيكملو جولتهم على السواحل...كل السياير هاديه ماعدا سيارة صالح....البنات مسويات ربشة وصالح عاطنهن حريتهن...مطولات عالمسجل ويغنن معه...ماعدا اسما اللي كانت مخيلة من صالح وماقدرت تربش معهن (مع انها ماتخيل من صالح كثر حمد اللي محجوزه له...بس ماقدرت تدسر صالح وايد)...وخلنه يمر على سوبر ماركت ويشتري جميع انواع المكسرات والكاكاوت والمينو والشيبس والبيبسي والعصاير...كله عشان يستمتعن بكشتتهن على اصول على قولتهن
منى: خالي صالح طول علي المسجل؟
صالح: ازيد اكثرعن كيه؟؟ اقول اشوفني دلعتكن زايد عن اللزوم....لاتخلني ابنده
منال: منوه بسك من التطليبه...خلي خالي على راحته
صالح: نعنكن منال واسما العاقلات....مب انتن ماسكتتن من اول ماطلعنا...نبا وطول وسوي وغيره
(ابتسمن اسما ومنال...ومريم ومنى اعترضن)
منى: صدعتونا بمنال واسما اسما ومنال...تراهن يريشن بس ماتشوفوهن
مريم: وييييييييييييييييه صلوحي...اذا مادلعتنا انت من بيدلعنا؟ تراك اطيبهم واحلاهم
صالح: اها...ضحكن عليه بالكلام...لو مخلنكن عند حمد احسن
مريم: لاااااااا.....الا حمد....تباه يعقدنا؟
اسما تسمع السوالف ومبتسمة على ضرابتهم...وتقول ف خاطرها صالح وايد طيب...ماشاء الله عليه...ياحظها اللي بتاخذه...مب حمد اللي بين كل لحظه ولحظه اسمعهن بيعقدنا وبينازعنا...الله يستر اذا خذاني...بس سبحان الله من كثر ماسمعت اني لحمد وحمد لي...احسني خلاص تاقلمت وماتخيل نفسي مع حد غيره
منال دقت اسما ف ايدها: وينك؟ مالك حس
اسما تكلمها بصوت خفيف عشان مايسمعها صالح: هيش تبيني اقول؟؟ ورطتني لما يبتني معكن...انتن مستربشات واني مثل الاطرش ف الزفة ماقادرة اسوي شي
منال: تراه لاخالي صالح....محد اطيب منه...وخذي راحتك معه...عاااااااااااااااادي


وصلو للشاطئ وجلسو فمكان بعيد عن الناس...حطو الحريم ف مكان والعرب ابتعدو عنهن شوي عشان ياخذن راحتهن...وكان الجو رهيييييييييييب...مغيم وبارد شوي رغم انه صيف

العرب فرشو لهم فرشة....الشياب محمد وناصر واحمد جالسين على صوب ويسولفو عن ايام زمان وذكرياتهم...والشباب كلن منسدح على صوب ويتامل البحر
محمد الفرحة ماواسعتنه أن ندى قريبة منه....خاطره يتمشى معها على الشاطي...ااااااااااااااه ياندى متى بمسك ايدي ف ايدك وبنمشي على هالشاطي؟؟؟
وسعيد منال ماخذه كل تفكيره...ويتذكر موقفه معها بارحه... ويتذكر الحلم اللي حلمه...يشوفها جدامه وهي لابسه ابيض ويلبسها خاتم....اااااااااااه يامنال والله وخذيتي وعقلي تفكيري من موقف بسيط...الله يكتبها لي
حمد يفكر ف مشكلته مع اسما وكيف بياخذ ندى؟
صالح مرتاااااااااااااااح بينهم ولا يفكر ف الحريم ولا غيره....وكان احمد الصغيرون ف حضنه
احمد ياشر عالبحر: هالي.. ابا مي (خالي ابا ماي)
صالح: اذيييييييييييييييه بحححححححححححححر
احمد يقلد خاله: بهههههههههههر
صالح: هههههههههههههههه....لا... بــــــحــــــر
احمد: خلا بههههههر
صالح: الله يقطع سوالفك يابوحميد...هيش بههههر...لو يسمعوك الشياب!!هيش بيقولو!!...خلا انزين بهههههر ههههههه. وشل احمد ف حضنه وراح يتمشي عالشاطي....وف الصوب الثاني ياينه عمار من عند الحريم وهو يركض
عمار وهو يكلم خاله من بعيد: خالي صالح...تعااااالو بتشلو الفوالة لكم
صالح مايسمع من صوت البحر: هيييييييييييش تقووول؟
قرب عمار وهو يلهث: تقولكم عودوه تعالو بتشلو الفوالة...محد عندهم يشلها لكم
صالح: خلى انزين... بنيبها اني وياك
وروحو صوب الحريم
البنات كانن عالشاطي...وعايشه ونصرى وغاليه وموزه جالسات ف الفرشة
قرب صالح منهن وسلم على عماته...وكلم امه: لو يايبين الخدامات احسن يساعدنكن
عايشه : مايحتاي خدامات...الاكل ومطرحنه ف المطعم...والفواله جاهزه...لهيش نيبهن؟؟ زيادة صداع
نصرى: قعد ياصالح...البنات بعيد
صالح: لا اني ياي اشل الفوالة...من ساعه ابويه يطلب القهوة...متعود على قهوة الضحى مع امي (ويغمز لامه)
غاليه تغلس على حرمة اخوها وبنت عمها: لعاد شلها معه...مابتهياه القهوة بدونها
وضحك الجميع: ههههههههههه
عايشه استحت من كلامهم: بسكم عاد....يالله موزه عطي صالح الفوالة وخليه يشلها
موزه: اهاااه...اماه؟...مايهون عليك الشايب يقعد بلا قهوة؟...ههههههه...تعال صالح...بس مابتقدر تشلها كلها
صالح يشوف الفاكهة والكيك باصناف ومندازي ومكسرات وشكليت والقهوة والشاهي والعصاير: كل اذيييييييييييييييييه؟ حسبت شي خفيف
موزه: ترى محد بياكله بعدين....قلنا بنحطه مرة وحده وكلو على راحتكم
صالح: لحظة بتصل على حمد ييب السيارة وبنشله

عند الشاطي كانن البنات يايات يتراكضن (مسويات سباق)...ومب منتبهات لصالح...وكانت اسما ومنى متقدمات البنات بوايد...التفت صالح على صراخ البنات...ويشوف منى ومعها بنت (بس ماركز ف ملامحها، مايهتم يشوف البنات عكس الشباب) يركضن على الشاطي ويطيحن على الشاطي وهن يضحكن....صالح ابتسم على تخبيلة البنات
اسما وهي تضحك تلتفت صوب الحريم وتشوف صالح معهن...صرخت وتورات ورى منى: ياربي فضييييييييييحة....شوفي معهن صالح
منى تضحك على اسما: ههههههههههه...مقلللللللللللللب....هههههههههه وتركض عن اسما... اسما تغشت وعدلت من عمرها وردت صوب البنات اللي يايات ركض وتاشر عليهن أن صالح موجود
يا حمد وشل صالح وعمار وشلو الاكل معهم...وجلسو ياكلو
والحريم بعد زهبن فوالتهن ونادن البنات وجلسن يتقهون

بعدين محمد وحمد وصالح راحو ييبو الغدا اللي مسونه ف المطعم الشعبي
وسعيد يسبح ف البحر ويعلم عمار السباحه

البنات كانن ماخذات حريتهن انهن بعيد عن الناس وهلهن..مستمتعات بالجو...وجلسن يتسبحن ف البحر... سعيد كان بعيد عنهن بس ينشاف أن حد يتسبح

منال ومريم كانن متعمقات ف البحر...وندى واسما ومنى ماتعمقن مثلهن
كان البحر هايج...والموج قوي...والبنات مايعرفن يسبحن زين...وياتهن موجه كبيرة...ندى واسما ومنى ركضن صوب الساحل...ومنال ومريم ماواحن...وتغدف بهن عالساحل...وطاحن بقوة.. مريم قامت بسرعه...منال ماقدرت توقف وشربت ماي وشلتها الموجة صوب البحر حاولت تقاوم وتقوم بس تشرقت بالماي (صرخن البنات لما شافن الموقف...ويشوفن منال تشلها الموجة بعيد عنهن)
قامن الحريم على صوت البنات وشافن وحده شالنها البحر..وروحن يركضن صوبهن...وسعيد انتبه للبنات...وطلع من البحر ويا ركض صوب البنات...ويشوفهن يبكن ويصارخن: منال.... مناااااااااااال.... نقز قلبه يوم سمع اسم منال... ولاشعوريا ركض بسرعه ودخل البحر...وسبح...وكانت منال تنبان مرة...ومرات يغوصها الموج ف البحر...وهي خلاص ماقادرة تتنفس...تبا تتنفس تصرخ...بس تحس كانه حد كاتم على فمها...تشاهدت على روحها...وتقول خلاص بمووووووت

انتظرو معنا الجزء الرابع.......:cool:

[توتو الصغيره]

ياربي بسرعه كملي والا تراني بييك الحين وبسرق الدفتر ههههههههه

[ونة غلا]

تسلمي القصه حلوه وايـــــــــــــــــــــــــــــــــــــــــــــــ ــــــــد
ننتظر التكمله بسرعه لاتتأخري

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء الرابعღღღღღ
~ô§ô~كبريــاء انـثى~ô§ô~

منال ومريم كانن متعمقات ف البحر...وندى واسما ومنى ماتعمقن مثلهن
كان البحر هايج...والموج قوي...والبنات مايعرفن يسبحن زين...وياتهن موجه كبيرة...ندى واسما ومنى ركضن صوب الساحل...ومنال ومريم ماواحن...وتغدف بهن عالساحل...وطاحن بقوة.. مريم قامت بسرعه...منال ماقدرت توقف وشربت ماي وشلتها الموجة صوب البحر حاولت تقاوم وتقوم بس تشرقت بالماي (صرخن البنات لما شافن الموقف...ويشوفن منال تشلها الموجة بعيد عنهن)
قامن الحريم على صوت البنات وشافن وحده شالنها البحر..وروحن يركضن صوبهن...وسعيد انتبه للبنات...وطلع من البحر ويا ركض صوب البنات...ويشوفهن يبكن ويصارخن: منال.... مناااااااااااال.... نقز قلبه يوم سمع اسم منال... ولاشعوريا ركض بسرعه ودخل البحر...وسبح...وكانت منال تنبان مرة...ومرات يغوصها الموج ف البحر...وهي خلاص ماقادرة تتنفس...تبا تتنفس تصرخ...بس تحس كانه حد كاتم على فمها...تشاهدت على روحها...وتقول خلاص بمووووووت
سعيد سبح بكل قوته صوب منال...وكانت تختفي عنه... وهو يقول منال صبري... بيييك..لاتروحي عني...اااااااااه ياقلبي يامنال
وقدر يوصل لها...ومسكها من ايدها...وهي خلاص فاقدة الوعي...مسكها من خصرها بايد وحده والثانية يسبح بها لين ماوصل للشاطي...وكانن البنات يصيحن وموزه تصرخ: منال بنتي منال
سعيد اول ماوصل للشاطي حط منال ورجد جنبها...ويتنفس بصعوبة لانه التعب اخذ منه...ماقادر يشل عمره
ين الحريم والبنات صوبهم وعايشه ونصرى وغاليه يسكتنهن...يبن يشوفن حالة منال
يات موزه تركض وهي تبكي: منال...حبتي هيش فيك؟ قومي... وتحركها
انتبه سعيد لموزه ولمنال...وقام بسرعه وحط ايده على معصم منال....وكان النبض خفيف... وكانت منال تطلع ماي من فمها.....فرح سعيد وعلى طول مسكها من راسها وخلاها تفرغ الماي...... منال انتبهت شوي وشافت نفسها كانها بحلم.. تشوف سعيد ماسكنها وماتعرف هيش يسوي فيها؟؟ وتسمع امها والبنات حواليها يبكن... فتحت عيونها شوي وكل اللي قدرت تقوله: سس...عييد..... واغمي عليها مرة ثانية
محد سمعها غيرسعيد... فز قلبه يوم شافها فتحت عيونها وبعدين نطقت اسمه...وقال بصوت عالي: الحمدلله الحمدلله
ويو احمد وناصر ومحمد ف سيارة احمد...لان ندى على طول اتصلت بابوها تخبرهم باللي صار
نزلو من السيارة...احمد: خير هيش صار؟
منى وهي تصيح: عودي منال غرقت
سعيد: بسرعه بنشلها للمركز الصحي ف الاشخرة...تنبهت شوي لنا بس داخت مرة ثانية
محمد: ييبو لها عباتها وشيلتها
موزه التفتت لابوها: بروح معكم...منى روحي ييبي العبايا
ناصر: يالله شلوها...واني بقعد عند الحريم...طمنونا لما بتوصلو
سعيد التفت على احمد ويستاذن منه: عمي احمد كان مايخالف عليك...بشلها للسيارة بروحي اقدر لها
احمد: مايخالف...شلها بسرعه
شلاها سعيد مثل الياهل ف حضنه وكان قلبه يدق بقوة بسبب قربها منه بهالطريقة....وركبها ورى وجلس معها عودها محمد وموزه.. ويابت منى العبايا...ولفتها موزه بالعبايه والشيلة وسترتها ورقدتها ف ركبتها وتمت تقرا عليها الفاتحة والمعوذات وتسمي وتدعي لها
احمد ساق السيارة...وسعيد ركب معه جدام وهو بعده يتقاطر من الماي
وجلس ناصر مع الحريم....ونازع البنات ليش يتسبحن فالبحر وهو هايج كذيه وزادنهن نزاعه عايشه ونصرى...البنات سكتن ماقدرن يتكلمن...كانت دموعهن تتكلم..ويتنافضن من البرد
غاليه: الحين التلويم ماينفع...مشن تبدلن لاتحمن علينا انتن بعده
عمار من بداية الموقف لين الحين وهو متعيم...ماقال ولا كلمة من الصدمة...احمد كان نايم بكل براءة الطفولة ولاداري باللي صاير حواليه
راحو للمركز الصحي وعالجها الطبيب وعطاها ابر ومهدئات...وطمنهم انها بخير...بس هي فقدت الوعي لان الربو فيها عشان كذا تاثرت لما شربت الماي وماقدرت تتنفس...وهي الحين نايمة...جلست موزه واحمد معها...

ومحمد يا صوب سعيد اللي كان متدكي على الكرسي وشكله منهك وكان مغمض عيونه...كان يفكر ااااااااااااه يامنال لو فقدتك..هيش بيصير لي؟؟ ماحسبتك غاليه عليه كذيه من موقف واحد...الله يردك لنا بالسلامة....الحمدلله اني اعرف اسبح وقدرت اساعدك...ولا لما جسمي لاصق جسمك واني حاضننك..حسيت قلبي بيطلع من هناك من كثر مايدق...وبعدني شفتك لابسة بدي وتنورة وبلا شيله..فديتك....اااااااااااه ااااااااااااااه اليوم صدج تاكدت من حبي لك... بس غريبة ليش نطقت اسمي؟؟ شكلها تعرفني!! لايكون من موقف بارحه!! بس قالتها بعمق:"سعييييد" كانت طالعه من قلبها....فديت قلبك يامنال

سعيد حس بايد على كتفه وفتح عيونه وشاف خاله محمد
محمد بكل حنيه: تعبناك معنا ياسعيد
سعيد: أي تعب ياخالي...تراها مثل اختي (وانقبض قلبه لما قال اختي)...كيف حالها الحين؟
محمد: الطبيب طمنا عليها ويقول تراها فقدت الوعي عشان فيها الربو....ومنال من وهي صغيرة وفيها الربو بس ماياها من فترة...وشكل الماي اثر عليها وماخلاها تتنفس
سعيد: الحين هي واعيه؟
محمد: لا راجدة...عطاها الطبيب مهدي عشان ترتاح...وقال بتقوم بعد ساعتين
وهنيه دق تلفون سعيد وشاف خاله ناصر يتصل
سعيد: اذيه خالي ناصر...اكيد يبو يتطمنو
محمد: هات برد عنك...وانت ارتاح ف الكرسي....شكلك تعبان
ورد محمد على ناصر وطمنهم على منال....وانهم بيو بعد ساعتين

بند ناصر التلفون
عايشه وهي متغشية اخو ريلها: هيش قالو؟
ناصر: قالو بخير...الحين راجده...وبيو بعد ساعتين
الجميع: الحمدلله
نصرى: الحمدلله رب العالمين...كان بتروح من يدينا (وتلتفت عالبنات) مرتكن وخذيتنها...بس اشوف وحده منكن تتسبح...(وتلتفت على منى) هيش بيقول ابوك غرقتولي بنتي واني مامننكم عليها؟
منى بحزن: ياعودتي ....... وسكتت وبكت
غاليه: يانصرى شوي شوي عليهن... تكفيهن روعتهن...وبعدين كل شي بقضاء الله وقدرته
وشافو سيارة صالح يايه صوبهم...يايبين الغدا... ولايعرفو هيش صاير؟
قام لهم ناصر وخبرهم بالسالفة كلها
صالح وحمد قالو بيروحو للمركز يتطمنو على منال...وعايشه ونصرى لما سمعنهم قالن بيروحن معهم...بس ناصر قالهم مايحتاي يروحو تراهم بييو بعد ساعتين

محمد ياب لهم راي: انزين ليش مانروح بيتنا اللي هنيه ونشل الحريم والاغراض...وبنتصل بهم يونا هناك...احسن للبنت...هنيه برد عليها (ناصر عنده بيت ف الاشخرة مخلنه للطلعات)
ناصر: راين زين...يالله ضفو اغراضكم...وبتصل بمحمد وبخبره يلحقونا هناك
قامن البنات يجهزن الاغراض...وركبو السياير.... وروحو صوب بيت ناصر...نزلو الحريم والاغراض وحمد ومحمد....وصالح وعمه راحو للمركز الصحي...صالح دخل على منال وشافها وبعدين ياب سعيد للبيت عشان يتبدل...شكله كان مريض وباديه اثار الحمى عليه من البرد اللي خذاه
وبعد ساعتين...فتحت منال عيونها...وشافت امها جنبها تمسح على راسها وتقرا قرأن
موزه شافت بنتها تنبهت: منال حبيبتي....الحمدلله على سلامتك
منال بعدها مب مستوعبه اللي صار: هين اني؟ والتفتت الصوب الثاني تشوف عودها احمد ومحمد وناصر
قرب احمد صوبها: تستاهلي السلامة يابنتي...ومسح على راسها
وقربو محمد وناصر... واستاهلولها السلامة
منال توها تتذكر...كانن يتسبحن وياتهن الموجة...ولما سحبها البحر...وبدت تدمع عيونها لما تتذكر الموقف...وتتذكر كانه سعيد كان ماسك راسها...هيش صار؟؟
موزه: لاتصيحي يامنال...الحمدلله انها يات على كيه
محمد: كيف تحسي الحين؟؟ احسن ولا؟؟
منال تحس بشوية تعب وتخدير ف جسمها: الحمدلله بخير...بس شوية تعب
احمد: تقدري تمشي؟ ولا نييب لك الكرسي؟ تراهم كلهم يحرسوك هناك...خايفين عليك...وماخليناهم ييو..قلنالهم بروحنا بنيي يوم بتثور
منال تبا تقعد ومسكت ايد امها....سندتها موزه عشان تقعد
منال: لا... اقدر امشي
ناصر: لا...احسن نييب لها الكرسي..يمكن المهدي ماثر عليها... وراح ناصر ييب لها الكرسي المتحرك
وركبو ف السيارة....ومنال طول الدرب وهي ساكته...وتتذكر الموقف...وخاطرها تنشد عن سعيد اذا حقيقة اللي شافته ولا مجرد اوهام وتخيلات.. خاطرها تعرف بكل اللي صار...بس ماقدرت تسال امها...التفتت عليها وكان شكلها تعبان وويهها مخطوف.... وف خاطرها تقول اه يامي..اني اسفه...شكلي روعتكم وايد

واول ماوصلو حصلو البنات ينتظرن على الباب...دخل احمد ومحمد وعطو البنات اذيك النظرة وقالو لهن حسابكن بعدين وراحو صوب المجلس...دخل ناصر وموزه تسند منال...واول ماشافن منال كلهن روحن يحضننها ويتحمدن لها بالسلامة وهي تبتسم...كلمهن ناصر: ههههه... شوي شوي على منال....تراها بعدها تعبانه..لاتفعصنها
مريم: ماصدقنا لين يات ياعمي...والله كل وحده ماسكة قلبها من صوب
منال تتغلي عليهن: يعني طلعت غاليه لهالدرجة؟
منى تحضن اختها: واغلى من الغلا منولتي
ندى: خلا داخل...خالاتي ينتظرنا داخل
موزه: هين احمد؟؟ ماثار؟
اسما: مسكين ثار وقعد يبكي...ابا ماما ابا ماما
مريم: ماطاع يسكت عندنا...وشليناه لصالح وسكت عنده
منى: ماعرف هيش مسوي له خالي صالح...تقولي ساحرنه!!
موزه: هههههه....من طيبته حتى اليهال يحبوه
ودخلن داخل الفلة....وسلمن عايشه ونصرى وغاليه على منال واستاهللها السلامة...ورجدوها ف الفراش عشان ترتاح...وجلسن معها البنات...وموزه والحريم راحن يحطن الغدا لان الكل ينتظرهم وماتغدو
منى تغلس على منال: عاد مب فلم هندي اليوم سويتو انتي وسعيد
منال فز قلبها وقالت يعني سعيد له دخل: هيش قصدك؟
مريم تغمز لمنال: تراه هو اللي انقذك (وساسرت منال: شكله عجبه موقف بارحه ههههه)
منال وكلها فضول تعرف اللي صار: تراني ماحيد غير يوم البحر يسحبني وماقدرت اتنفس واحسبني خلاص متت
اسما: بسم الله عليك... ود عمتي ماقصر....لما سمع صراخنا يا ركض ودخل البحر وسبح لك وسحبك للساحل
منال وهي قلبها يدق اكثر واكثر: كل اذييييه صار؟؟!!!
ندى: واكثر واكثر
وتضاحكن البنات
منال: هيش صار اكثر من كيه بعده؟؟ شافني بملابسي المبتلة وغير انه سحبني!!
ندى: ولما شافك طلعتي ماي من ثمك....مسك لك راسك وخلاك تفرغي الماي
منال وهي بعدها مامصدقة: يافضييييييييييحتي
مريم: وبعدين شلاك لين السيارة
وضحكن البنات
منال ويهها صار طماطة حمرا من اللي تسمعه...وتقول كل اذيه صار مع سعيد ياويلي : انزين هينكم انتو؟؟ ليش ماتشلني انتن؟؟ ولاتسعفني...احس اللي تقولنه كانه شي من الخيال..كل اذيه صااااااااار؟؟
اسما: اصريه حن عرفنا نتصرف؟...كل اللي قدرنا عليه أنه نصرخ ونبكي...الحمدلله أن سعيد موجود ولا كنتي رحتي من يدينا...وبويه وعمي احمد وعمي محمد يو عقب
مريم: اني ماعيبني سعيد...الا يوم يستاذن عمي احمد عشان يشلك ف السيارة.....هههههه...جنتل صراحة
ندى: صراحة سعيد ماقصر....تصرف بسرعه
منال تفكر ف اللي سمعته...تقول اني ف حلم ولا حقيقة...كل هالشي يصير لي مع سعيد!! اثاري الحلم اللي حلمته بارحه تحقق اليوم... وتخيلته وهو شالنها ف حضنه.. حمر ويهها... ولما يمسك راسها...ووسط هالافكار نامت منال بكل هدوء

ف مجلس العرب...كانو الشياب نايمين...وسعيد محموم ويحاولو فيه الشباب يشلوه للعيادة ولا المركز عن تزيد الحمى فيه بس هو ماراضي
محمد: تراه عن تزيد فيك
سعيد: أن شاء الله بخف...شوية تعب وبيروح
صالح: راسك يابس...تبانا نثور الشياب يقنعوك؟
سعيد: لا تثوروهم...خلوهم راجدين...واني مب فيه شي اقولكم
حمد: انزين دامك ماتبا تمشي... اني بروح الصيدلية وببيب لك حبوب
سعيد: مايحتاي ياحمد..لاتعب عمرك
صالح: بو عبدالله...هيش فيك؟؟ حتى الحبوب بتعترض عليهن؟
سعيد بضيق: على راحتكم
وراح حمد للصيدلية ييبله مخفض حرارة وحبوب زكام...سعيد ماهامتنه الحمى ولا حاله...كل اللي يفكر فيه منال والمواقف المتتالية اللي صارت بينهم وانه كان ممكن يخسرها اليوم... ويتذكر من بداية الموقف.. ويتذكر... لين مانام

محمد مسك تلفونه وطرش لندى:
"وينك يالقاطعه؟؟
ماوحشتك؟؟ "

ردت عليه ندى:
"تراك ماطرشت"

محمد:
" يعني لازم اطرش انا..عشان تطرشيلي؟؟
قلت خليني اتغلى هالمرة...وبقطعها...يمكن تطرش
بس اشوف محد ذكرني...ولا جبر بخاطري
وطلع مالي غلا عندك!! "

ندى:
" وييييييييييه...كل اذيه شالنه ف قلبك؟؟
والله خاطري اطرش لك....بس استحي
انت ماتهون عليه...وغلاك ماتقيسه لا رسايل ولا كلام"

فرح محمد على الكلام اللي شافه:
"فديييييييييييتهم اللي يستحون
وفديت قلبك الغالي ياغلاي
احبـــــــــــــــك "

ندى استحت لما شافت احبك واهتز قلبها لها:
" وانا بعد "

رد محمد:
"انتي شو"

ندى:
" مثل اللي قلته"

محمد خاطره يشوفها تكتب له احبك:
" طيب قوليها عشان خاطري"

ندى:
"عييييييييييييييب
مب الحين
بتسمعها ف الوقت المناسب"

محمد:
" اااااااااااه منك
حكم القوي على الضعيف
انتي امري وتدللي..وانا بنفذ"

ابتسمت ندى وردت:
"مايامر عليك عدو
يالله الغدا جاهز
تعالو بتشلوه"

محمد:
"من عيوني ياعيوني"

محمد يكلم صالح بشويش: الغدا جاهز...خلى بنيبه
صالح كان منسدح..والتفت على محمد: من قالك؟
محمد بتلعثم: هااااه...نــــ...(وانتبه لحاله...وصحح)...اختي طرشتلي
صالح: خلى انزين

ويابو االغدا..وقومو الشياب وسعيد من الرجاد... ويا حمد من برى... وتغدو...وكان الغدا مكبوس لحم رهييييييييييييييب...رامنه المطعم الشعبي على اصول

************************************************** *

[~ô§ô~كبريــاء انـثى~ô§ô~]

**************************************************

وقررو يقعدو لين بالليل ف بيت ناصر وماراح يمشو للسواحل عشان صحة منال....وسعيد كانت الحمى لازالت فيه
بعد المغرب...الحريم كانن فارشات ف الحوش لان الجو بارد وحلو ومايتفوت...والحلو أن تصميم الفلا تفصل مجلس العرب بحوش عن الحوش الداخلي وله باب خارجي
البنات يلعبن اونو وقدامهن المكسرات والجالكسي .. ومنال كانت منسدحه جنبهن
والحريم يسولفن مع بعض....نصرى وعايشه على صوب
وغاليه كانت جالسة مع موزه...وموزه متفضحة ومتلومة انه بنتها شافها سعيد حاسرة وتتعذر من غاليه على هالشي...وغاليه تقنعها انه عادي تراهم عيال عايله وحده..يعني محد غريب شافها
موزه: اعرف انهم عيال عايله وحدة... والناس هيش بيقولو يوم بيسمعو عن اللي صار؟
غاليه: ومن بيخبرهم...ترى محد غريب بينا وبيطلع الكلام
موزه: ياعمتي مشي آالزمان ينكتم... حتى لو بزلة لسان
غالية تبي تجس نبض موزه: واذا قلتلك أن سعيد بارحه مكلمني يباني اخطب له منال
موزه تفاجأت من كلام عمتها: والله!!!
غاليه: والله
موزه: سبحاااااااااان الله...يالصدف!!
غاليه: بس اني قلتله مانقدر الحين عشان المرحومة...وهو قال لي اباكم تخطبوها لي والسنة الياية بنملك...بس عشان يحجزها ومحد ياخذها منه
موزه: سعيد والنعم فيه...ريال ماعليه كلام
غاليه: اني ماكنت ابا اكلمك ف الشي الحين...لانه الوقت مب مناسب...بس يوم شفتك متضايقه انه انكشفت له...حبيت اطمنك..واذا وافقتو عليه يعني ماشافها غريب
موزه: الله يستر عليك ياعمتي... والله لو تطلبيها مني بعطيها لكم الحين سعيد ماينرد.. بس لازم نشاور ابوها
غاليه: انتي شاوري ابوها وشاوريها وردو لنا يواب
موزه: أن شاء الله عمتي..بخبر ابوها وبنشاورها
موزه تفكر ف بنتها وباللي صار لها... صدج "وعسى أن تكرهوا شيئا وهو خير لكم"...كانت بين الموت وياها رزقها...سبحانه الرازق...الحمدلله

وياتهن منى بفضولها: هااه ماه وخالوه اشوفكن تخرفن شوي شوي...اذا عندكن اسرار خبرنا (تنادي غاليه خالتي مثل ابوها)
موزه: لاتشحكي عمرك ف شي مايخصك
منى تقرب من غاليه وتقرب لها اذنها: خالوه خبريني...ومابخبر حد
موزه تضرب منى على كتفها: ثوري عن عمتي...وينونك اذيه خليه للي كبرك
غاليه وهي تضحك على حركات منى: خليها وحليلها... منى محد احسن منها
منى تبوس غاليه ف راسها وتحضنها: محد فاهمني غيرك خالوه
وضحك الجميع على حركات منى ومزاحها...ونادنها البنات تكمل اللعبه

************************************************** *

بعد يوم...وبعد مايا سالم وولده خالد من مسقط... ف بيت سالم...ف حجرة سالم..سالم منسدح عالكرفاية وموزه جالسة يمه
سالم: الحمدلله خلصنا اجراءاته وماباقي غير التذكرة
موزه: متين بتحجزوها؟
سالم: بعد شهر....دراستهم تبدا متاخره
موزه وعيونها تدمع: متوالشة عليه من الحين
سالم: خالد قدها...ريال ويعرف يصرف عمره
موزه: بس اذيه دار كفرة... خايفة عليه من عيال الحرام
سالم: افا...وانتي بعدك ماتعرفي خالد؟؟...تربيتنا
موزه: الله يوفقه ويجعل دربه خضرا.... بنشتاقه... منال عالاقل تيينا كل شهر وشهرين... بس خالد مابنشوفه غير ف السنة مرة
سالم: اكوه سعيد....خالتي غاليه وحدها وصبرت بدونه
موزه تذكرت موضوع سعيد: على ذكر سعيد
سالم: هيش فيه سعيد؟
موزه: كلمتني عمتي غاليه....سعيد يبا منال
سالم: لاتقولي بعد ماصار اذاك الموقف وبعد ماشافها؟
موزه: لا والله...عمتي غاليه قالت مكلمنها قبل...وسبحان الله بعدين صار اللي صار
سالم: خالتي مابتكذب... وسعيد والنعم فيه... كل من يتمناه
موزه حطت ايدها على راس ريلها: والله وكبرنا ياسالم وبناتنا ينخطبن وبيعرسن
سالم يناظر موزه بكل حب: حتى لو عيالنا يعرسو....حن بعدنا صغار... وكل يوم اشوفك تحلوي ف عيني اكثر ام خالد
موزه: الله يخليك لي ياسالم ولعيالي
سالم: يبالنا نكلم منال ونشوف هيش رايها.... وبشوف ابويه وامي هيش رايهم...مع اني متاكد من رايهم.. بيقولو سعيد ماينرفض
موزه: اني بكلم منال وبشوف رايها
سالم: بس حن مب عاطنه الحين...عمتي صالحه ماكملت غير 3اشهر
موزه: تراه عمتي غاليه قالت كيه...تقول بنخليهم يملكو السنة الياية...بعد مايتخرج سعيد
سالم: على خيرة الله

وراحت موزه لحجرة منال ومنى ولقتهن يسولفن
موزه: منى ابا منال شوي...طلعي عنا
منى: اسرار هاااااه؟؟
موزه: امشي تشوفي احمد سمعته يصيح...ماعرف عمار هيش مسو به هناك؟
منى: كنها تصريفة!!! أن شاء الله... بس خبروني بعدين
موزه: خير لين بعدين

وراحت منى... قعدت موزه جنب بنتها
منال باستغراب: خير اماه... هيش هناك؟
موزه: بالمختصر... سعيد خاطبنك
منال دق قلبها: من سعيد؟
موزه: من سعيد بعده.... ود عمتي غاليه
منال حست عمرها تحلم: صدددددددددددج؟
موزه: اها... هيش رايك؟
منال تفكر هيش آالصدف؟...من اذاك اليوم اني وسعيد كل يوم بسالفه...واليوم خطبه مرة وحدة... اااااااااااه ياسعيد... احسني خايفة وفرحانه
منال بحيا: رايي؟؟!! قبل بنشدك اماه
موزه: قولي
منال: خطبني بعد ماانقذني؟
موزه: لا....مكلم امه من قبل عنك
منال ف خاطرها تقول....شكله من يوم شافني...فديتك ياسعيد...احسك دخلت قلبي بسرعه...ومن يوم شفتك كل تفكيري معك... والحين ياي تخطبني
موزه: ماقلتي هيش رايك؟
منال بحيا: الشور شوركم
موزه تبتسم لبنتها: يعني موافقة؟
منال: اذا انتو موافقين
موزه: كلنا نقول سعيد ريال والنعم فيه وماينرفض
منال استحت اكثر: على رايكم
موزه حضنت بنتها: والله وكبرتي يامنال وبتعرسي
منال بارتباك: اماااه.. ااممممم
موزه: هيش؟
منال: ابا اتزوج مين اخلص دراستي
موزه: هم يقولو الملكة السنة الياية...وبنشوف لين اذاك الوقت خير
منال: على رايكم

بعد اسبوع استخبرت العايله كلها أن سعيد خطب منال...واهلها وافقو عليه... بس قررو ياجلو كل شي لين مايتخرج سعيد

سعيد لما عرف ماصدج أن وافقو بهالسرعه وتيسر الامر بهالسهولة...كان الصباح الساعه10 ياي من برى ولقي امه تتكلم ف التلفون...وكانت تبتسم...واول مابندت قالت له: مبروك
سعيد مب ف باله الخطوبه: على هيش؟
غاليه وهي فرحانه لولدها: بيت سالم وافقو
سعيد مب مستوعب: واللللللللللله...وافقووووووووووو؟
غاليه: الحين كنت اكلم موزه...وتقول موافقين
سعيد فرح من كل قلبه أن تيسر الامر وحضن امه: الله يبشرك بالخير يااحلى ام بالدنيا
غاليه ودموع الفرح ف عيونها: الله يوفقك ويهنيك بحياتك...بالخضير والعافيه
سعيد يمسح دموع امه: الله يبارك فيك ويخليك لي وتشوفي عيالي وتشوفي غاليه الصغيرة
غاليه ترفع ايدها: ااااااميييييييييييييييين
سعيد: اني بتصل بعمي سيف وبخبره...وبنمشي عشان نخطبها رسمي
غاليه: اتصلت بعمك من يوم ماكلمت موزه...عشان مايقول ماشاورتوني...وقال والنعم فيها بنت سالم بن احمد...تكفي سمعة هلها
سعيد: الحمدلله انك خبرتيه...اني يوم عن يوم ابا اتصل واخبره بس انسي...لعاد الحين بخبره بالموافقة وبتشوفه اذا فاضي اليوم عشان نمشي لهم
موزه: انزين انت اتصل به وتشوفه عشان اتصل بموزه واخبرها اذا بتروحو لهم اليوم..وبنخبر خوتي محمد وناصر عشان يمشو معكم
سعيد: أن شاء الله
سيف عم سعيد الوحيد واخو ابوه من الاب...وسعيد علاقته بعمه مب قوية... ماهتمو فيه بعد مامات ابوه..اكثر خواله اهتمو به...لان ابوه وعمه ماكانو متواصلين كثير لما كان ابوه عايش

ف بيت محمد بعد العصر الساعه5...محمد وعايشه وصالح ومريم جالسين يتقهوو قهوة العصر
عايشه تمد بالفنجان لمحمد: وقالو اليوم بيخطبو؟
محمد: أن شاء الله... اتصلت غاليه وقالت اباكم انت وناصار تمشو معه..قلتلها سعيد ولدنا وبروحنا بنمشي نخطب له بدون ماتقولو لنا
صالح: يستاهل سعيد... ومنال تستاهل
مريم فرحانه لبنت اختها: الله يوفقها منول... هي طيبة وسعيد طيب..الطيبو للطيبات
عايشه تكلم صالح: سعيد زاد عليكم...اصغر عنكم وخطب...مب انت وحمد شوبة ومب معرسين
صالح تضايق من الموضوع: والله اني كخلصت عمري وجربت....باقي على حمد...الدور عليه
مريم: لا والله...وانت حضرتك بتقعد لين متين بلا زواج؟
صالح عصب على اخته: مريموه..لاتدخلي عصك ف شي مايخصك...اذيه اللي قاصر يهال يتكلمو فالمواضيع اذيه
محمد: حقهم...لين متين بتقعد كيه؟؟
صالح: يابويه من متى واني اقولكم لاتكلموني بهالموضوع...خلاص اني راضي بحالي كذيه
عايشه: ماقول غير الله يهديك ياصالح...والله ابا اشوف عيالك قبل ماموت (ودمعت عيونها)
محمد يعاتب ولده: زين الحين يوم بكيت امك؟
صالح بكل حنية: ياامي الله يطول بعمرك... أن شاء الله بتشوفي عيالنا كلنا وعيال عيالنا... بس الحين خلوني على راحتي
محمد يغير السالفة: كيف بتمشن معنا بيت سالم؟
عايشه: أن شاء الله بنمشي.. البنات بيساعدن موزه
مريم: اكيييييييييييييييييد ولازم نمشي... تبانا نفوت الاجواء اللي بتصير هناك؟
صالح: أي اجواء... تراه خطبة وبس... هيش بعده من اجواء؟
مريم: حتى ولو.... المهم نمشي
صالح يغلس عليها: قولي المهم تحشرن عماركن
مريم: صلوووووحي.. لاتصير لي مثل حمد
عايشه: هيش فيك على اخوك حمد؟ دومك حمد وحمد... مسكين حتى وهو ف مسقط مابيسلم منك؟
صالح: ههههههه...تستاهلي اللي ياك
مريم: اماه اني ماقلت شي... بس تشوفيه حمد دوم ينازعني ومب عاطني ويه
محمد: انتي خروفتك ماتخلص... مشي سوي لنا شاهي
مريم: تراكم الحين شاربين قهوة... بعدكم تبو شاهي؟
صالح: انتي حتى ابويه بتراديه... ثوري سوي الشاهي
مريم تتدلع على ابوها: خلوني اني وحمودي... محد له خص فينا
محمد يضحك على بنته: حمودي؟؟!! خليتيني اصغر عيالك اشوفك؟؟
مريم: حموووووودي... ادلعك... ولا تبا عواش تدلعك بس؟
عايشه: هههههههه... حمودي وعواش... انزين قومي قومي
مريم: من عيوني حمودي (وتناظر ابوها) وعواشي (وتناظر امها).... وحررررررررررة على العذااااال (تناظر صالح..وتسوي له حركة اليد عشان تغيضه)
ويفرها صالح بالوسادة... بس هي ركضت ومالافتها الوسادة

انتظرو معنا التطورات التي ستحدث في الجزء الخامس!!! :cool:

[~ô§ô~كبريــاء انـثى~ô§ô~]

توتو ياقلبي تسلمي عالمتابعة والتشجيع... وتراني والله مامخلصتنها الراوية عشان كذيه احط جزء جزء... خليني ابدع هههههههه

ونة غلا... تسلمي الغالية عالمرور والتشجيع

[توتو الصغيره]

صراحه مبدعه دايما يا كبرياء تسلمي على المجهوود
وخذي راحتج علشان تبدعين بس هاااا لا تتاخرين

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء الخامسღღღღღ
~ô§ô~كبريــاء انـثى~ô§ô~

بعد المغرب... ف بيت سعيد.. سعيد قاعد قدام المنظرة يعدل تمصيرته... لابس ثوب بني ومصر حليبي فيه نقشة بنية... وحط العود ف فريخته وايدينه ومسح به على ويهه ورقبته... وكان طالع وسيم عالثوب والتمصيرة الجعلانية... وبعد ما القى النظرة الاخيرة على شكله وابتسم
راح لحجرة امه ودخل: يالله اماه... بسرعة بنتاخر عليهم
غاليه وهي تلبس عباتها: أن شاء الله ابويه..
والتفتت على ولدها وعجبها شكله: هيش آالتكشيخه؟؟ كله عشان منال؟
حمد وهو يبتسم: هههه... اها عشان منال (وغمز لامه)... خلى بسررررعة
غاليه:اني مخلصة خلى.. وعمك بيلاقينا هناك ولا بنخطف عليه؟؟
سعيد: بنخطف عليه
طلعو وركبو السيارة... ومرو على سيف.. ووصلو بيت سالم

وبعد ماالتمو كلهم ف بيت سالم...ف مجلس العرب.. احمد ومحمد وناصر وسالم وصالح وخالد وعمار وسعيد وعمه سيف
وبعد مادخلو وسلمو على بعض وقعدو وتناشدو عن العلوم
سيف: محمد.. تفضل
محمد: الكلام من صوبك
سيف: يابو سالم حن ياين نخطب بنت سالم لولدنا سعيد
احمد: الشور عند ابوها
سالم: الشور شوركم ابويه... والكلام عندك
احمد يقبل على سيف: مرحبا بكم.. والبنت بنتكم.. واذا تبوها من باكر بنعطيكم
سيف: سعيد أن شاء الله بياخذها يوم بيخلص دراسته
سالم: على رايكم
سيف: والحق اللي تطلبوه (الحق: المهر)
سالم: الحق عقب بنتكلم عنه يوم سعيد بيقرر الملكة
ناصر يناظر سعيد: مبروك ياسعيد
سعيد وهو فرحان بهاليوم: الله يبارك فيك خالي...وعقبال محمد
محمد: مبروك ياسعيد
صالح: مبروك بوعبدالله... وعقبال العرس
خالد: مبروك سعيد
سعيد: الله يبارك فيكم... وعقبال صالح وحمد وخالد
خالد: اني بعدني خليني ادرس وعقب خييييييييير
صالح: اخاف حد من الشقر يغرنك هناك وتاخذها من ورانا
خالد: افا واني ولد سالم بن احمد... تراني مارضي غير بالاصل بنات داري
عمار يحشر عمره بين كلام العرب: واني ماقلتلولي عقبالك؟
وضحك الجميع على كلام عمار
محمد: هههههههه... وانت تبا حرمة؟
عمار: يوم بكبر وبصير كبر خالي صالح اها ابا حرمة
سالم: ههههههه انزين خييييييير لين اذاك اليوم
وتبادلو الجميع التهنيه... واتصلت موزه على خالد عشان يي يشل الفوالة

و ف مجلس الحريم... غاليه ونصرى وعايشه... وموزه معها ندى واسما ومنى ف المطبخ يجهزن الفوالة... وف غرفة منال...مريم تحط الميك اب لمنال...لانها خبيرة ف شي اسمه ميك اب
منال كانت لابسة دراعة وردية فاتحة وفيها شك من الصدر الى تحت وعليها اكمام فرنسية وطالعه تهبل على منال
مريم تحط الشدو الوردي لمنال وتقول: طلع خطير سعيد... من شوفة وحده وخطبك
منال تبتسم على حيا: الله يوفقه
مريم: يؤيؤ... من الحين بدينا الدعوات لزوج المستقبل؟
منال تضرب مريم على كتفها بالخفيف: مريووووووووم... بليز... تكفيني منى وتعليقاتها
مريم: انزين لاتضربيني وتخليني اضيع الميك اب
تفننت مريم ف تزيين بنت اختها... ين منى وندى اسما ولما دخلن انبهرن بجمال منى وكيف محلوة
ندى: بنت اخويه... هين ضامة كل اذيه الجمال؟
منى: ولا الدراعة طالعة تحفة عليك
منال وهي تلبس الشيلة الوردية المتناسقة مع الدراعة: من ذوقكن... ومريم ماقصرت
اسما: اشوفها ضابطتنه ضبط... وطالع رقيق عليك منول
مريم: احم احم.... اكيد من الخبرة اللي عندي
منى: اذا خلصتن تقول امي تعالن... منال بتسلم على حماتها وعلى عوداتي.. بنحط الفوالة
مريم: اها خلصنا... بس باقي العطر
وحطت منال العطر... وناظرت عمرها ف المنظرة واكتفت بهزة راس راضيه بشكلها

مريم ومنى راحن مع موزه ف المطبخ...وراحن ندى ومنال لمجلس الحريم...منال الوحيدة اللي ماسلمت
اول سلمت على عودتها عايشه وعودتها نصرى وباركن لها
ولما يات تسلم على غاليه... غاليه خذتها بالحضن ومنال استحت
غاليه: مبروكة يامنال... ياحظ سعيد فيك (وتناظرها باعجاب بجمالها)
منال بحيا: الله يبارك فيك خالوه
غاليه: هيش خالوه؟ من اليوم وساند عموه
عايشه: خالوه ولا عموه... تراك خالة ابوها وعمة امها
غاليه: اباها تقولي عمتي عشان احس انها حرمة ولدي
زاد خجل منال...وجلست جنب غاليه
مدت غاليه بهاند باج حمرا مرسوم فيها قلوب وورد : اذيه من عند سعيد
منال خلاص الحيا ماخذ منها: تعبتو عماركم (وخذت منها الهدية وحطتها جنبها)

ودخلت منى بالعصير ووراها مريم وموزه يايبات الفوالة والحلويات والقهوة
منى لما عطت غاليه العصير: تفضلي خالوه
غاليه: عقبالك منى
منى: يوووووووووه خالوه... اني بعدني...خلي العيايز يخلصن قبل (وتناظر ندى ومريم)
مريم: عيايز ف عينك...اني حتى مادخلت ال18سنة
منى: المهم انكن اكبر عني...يعني عرسن انتن وعقب اني
الجميع: هههههههههههههه
ندى ف خاطرها عقبالي مع محمد...اللهم تيسر لنا امرنا
عايشه: اشوف شيخة وبناتها ماين؟ ماقلتولهن؟
غاليه: اني متصله بشيخه وقالت عذرونا...خميس فيه حمي... ويبو يزهبو اغراضهم للسفر
موزه: متين بيسافرو؟
غاليه: عقب يومين
نصرى: آالمرة ماقعدنا وايد معهم... الايام خواطف
عايشه: هيش رايكم نمشي لهم باكر؟
غاليه: مايخالف
موزه: وفاطمة ماقلتولها؟
عايشه: تراهم مساكين واصلين من صلالة لليوم... وقالت تعبانين...وماتقدر تقول لعلي خلى بتوديني جعلان
غاليه تسال منال: ومتى بتبدي دراستكن؟
منال: عندنا التسجيل السبت اليايه والدراسة عقب ثلاثة اسابيع... بيشلني ابويه بسجل وبيي
نصرى: ومريم متي بتروحي الجامعه؟
مريم بحزن: الربوع الياية... عندنا امتحان انجليزي... ماعرف كيف بروح عنكم وبفارقكم؟
عايشه: الحمدلله انك ف مسقط... 3ساعات ونقدر نوصلك... مب يوب منال وخالد وسعيد
ندى: مريوم بتتعودي... بس الايام الاولى بتحصليها صعبة
عايشه: وزين يوم عندك ايمان...بعدكن بتقعدن مع بعض
منى تحاول تتذكر: من ايمان؟
مريم: افا...نسيتهيا؟؟ ايمان بنت سيف بنت عم سعيد....تحيدها اللي امشي معها بالمدرسة؟
منى: اها اها..عرفتها
موزه تاشر عالفوالة: قربن قربن

وبعد ماراحو الاهل من بيت سالم... منال ومنى بحجرتهن... ومنى فيها فضول تعرف هيش الهدية... ومنال تغلس عليها ماتبا تفتحها
منى: بلللللللللللللللللللللليز فتحيها... تراك ذليتيني من كثر ماترجاك
منال: ابا افتحها وحدي... خاصة وانتي مب موجودة
منى: واهون علييييييييييك؟؟
وهنيه دق تلفون منال... الريم يتصل بك
منال: هههههههههه واذيه مريم تتصل... اكيييييييييييييد تبا تعرف هيش الهدية
وردت منال وخلته سبيكر: الو
مريم بحشرية: هيش الهدية؟؟؟
منال: ههههههه... حشا لا سلام ولا شي... سيده صوب الهدية؟!
مريم: فيني فضول اعرف هيش هدية سعيدان
منال: سعيدان ف عينك.... اذيه شيخك سعيد
مريم: هههههههههه... احلى دفااااااااااااااااااااااااااااااع... المهم بالمختصر فتحتيها الهدية؟ فتحيها بسرعة وخبرينا
وهنيه صرخت منى على مريم: اذييييييييييه يبالها تكفيخ ماطاعتني تفتحها
مريم: منالوه لاتخليني ايي الحين بيتكم ونتعاون عليك اني ومنى
منال اليوم المزاج عندها رايق عالاخر: هههههههه... من بيبك الحين؟؟... بتشوفك تعالي
مريم: لاتخليني صدج اييك... تحيديني مين اصمم انفذ... وبلقالي أي حجة بس عشان ايي
منى: هههههههه... والله تسويها خالوه... تعالي تعالي.. بنتعاون عليها
وهنيه تتصل ندي على الانتظار
منال تضحك: ههههههههههههههه..... خخخخخخخخخ...... والله اكتملت
مريم: هيش فيك؟؟ هيش اللي اكتمل؟؟
منى: هههههههه...حقها اكتملت.... اذيه ندى على الانتظار...هههههههه
مريم: منالوه اشوفك صرتي شخصية مهمة.... كل اذيه عشان الهدية؟؟؟
منال: اكييييييييييييييييييييد..... رحمتكن.... بفتحها الحين
منى صرخت: احلللللللللللللللللللللللى
ومسكت الهدية... وكان داخل الهاند باج علبتين مغلفات.. مسكت العلبة الاكبر وقومت التغليف عنها وكان عطر الورا سانسويل من شانيل... وشمته منال بكل رقة
منى منبهرة: واااااااااااااااااااااو... شانيل مريوم شانيل.. الورا سانسويل
مريم: احلى هنااااااااااااااك... طلع خطير... والله ويعرف ينقي
فتحت منال الهدية الثانية وكانت اسوارة ذهب رقيقة رهيبة...تنزل منها فصوص بنفسجية ووردية وسودا...وحرفين مدموجين مع بعض ( M S).... منال وايد عجبتها الاسوارة وعجبها ذوق سعيد ف الاختيار
مريم: هينكن؟؟؟ هيش فيكن سكتن؟؟ هيش الهدية الثانية؟؟
منى بانبهار: وااااااااااااااااااو.... مريوم.... صراحة شي... طلع ذويق سعيد... اسوارة رهيبة
مريم: واذا اسوارة!! عاااااادي... ماشي يديد
منى: لا لا.... صراحة حلوة ورقيقة... لو تشوفيها بتتهبلي عليها
منال الحين تكلمت: حقها منى... رقيقة والالوان المدموجة فيها محلتنها.. وحرفين مدموجات
مريم: شكلي باكر بيي اتشوف.... شوقتني
وهنيه اتصلت ندى مرة ثانية
منال: ههههههه... اقولك ندوي اتصلت مرة ثانية... بنكلمها
مريم: اوكي... يالله بااااااااااااااااي
منال ومنى: بااااااااااااي
وبندت مريم... وردت على ندى
ندي: هيش الهدية؟؟؟
منال ومنى: ههههههههههههههههههههههههههه

***********************************************

[~ô§ô~كبريــاء انـثى~ô§ô~]

***********************************************
بعد شهرين..اسما ماتوظفت بس مقدمة اوراقها ف الخدمة المدنية والقوى العاملة... ندى توظفت وحطوها بمدرسة ف السويح (منطقة ساحلية ف جعلان)... خالد سافر بريطانيا وسعيد سافر ماليزيا...ومنال ف الامارات... مريم اجتازت اختبار الانجليزي وخذت مقررات على طول..وايمان ماجتازت الاختبار ويابت ليفل5 يعني بتدرس فصل انجليزي مكثف والفصل الدراسي الثاني بتبدا مقررات

ف الجامعه ف مجمع 5 تسكن مريم وايمان...واليوم الثلاثا.. مريم ومنال بالليل جالسات ف الجناح يذاكرن ويسولفن
دخلت عليهن زميلتهن ف الجناح بدرية من سمائل ياية من برى... وكانن يضحكن
بدرية وهي ترمي الكتب: السلام عليكم
مريم: ههههههههه وعليكم السلام هههههههه
بدرية: حال مو تضحكن؟
ايمان وهي تضحك: حال عيالش (وناظرت مريم)
مريم كملت الاستعباط: كم عيالش؟
ايمان: 10
مريم: حو عليش انتي وعيالش.... هههههههههههههههههه
ايمان وهي تمسك بطنها: ههههههههههههههههههههههههههههههههههه
بدرية مستغربة من ربيعاتها ومن تخبيلتهن: مو فيكن تخبلتن؟
مريم: لا... تهبلنا ههههههههههههههه
ايمان: ههههههههههههههه حللللووووووووووة هههههههههههههه
مريم: حلوة ولا مرة... خخخخخخخخخخخخخخخ
ايمان: ههههههههههههه بسسسسسسسسي مريوم.... قتلتيني من الضحك ههههههههههههههه.... بطني يعورني.. ههههههههههه
بدرية بعصبية وهي تفتح باب غرفتها: مالت عليكن وبو يعطيكن وجه
مريم: بدرية تعاللللللللللللللللللي...ترانا نمزح
بدريه تطل من الباب: باغيه انام...لاتزعجوني
ايمان: والعشا والتوقيع؟
بدريه: باغيه انااااااااااااااااااااام... والمشرفة بروحي بتصرف معها (وسكرت الباب)
مريم رحمت بدرية: مسكينه بدور تعبانه من الصبح تدور ف الجامعه والحين راده...وحن زدناها
ايمان: ماعليك منها بعدين بترضي...بدور محد اطيب منها
مريم وهي ترمي بالكتاب: كرهت شي اسمه علم نفس.... ولا الدكتور الي بروحه يمرض... اوين كويز عليه 10 % وسؤال واحد... اذا ماجاوبتيه راحن ال10 درجات
ايمان: يالله بيعدي مثل غيره.... اهم شي أن باكرالربوع وبنروح جعلاااااااااااااااااان
مريم: خلاص منصور قرر يطلع؟
ايمان: اها...الاول اتصل بي...وقال لي بنطلع
مريم: آالمرة مشتاقتنهم وايد... 3 اسابيع ماشفتهم بسبة الاختبارات
ايمان بجدية شوي: مريم اباك ف موضوع
مريم: خير... هيش هناك؟
ايمان: خلى الحجرة لان الموضوع مابا حد يسمعه... وقامت ايمان

مريم راحت ورا ايمان وسكرت باب الحجرة...وقعدن عالكرفاية
مريم: خوفتيني هيش هناك؟
ايمان: ماشي يخوف... بس وعديني يكون الكلام بينا... وانك ماتزعلي مني بعد ماتسمعيني
مريم باهتمام: شكله موضوع عود.... ايماني تكلمي... هيش هناك؟
ايمان: منصور
مريم: منصور اخوك؟
ايمان: اها
مريم: هيش فيه؟
ايمان بتخوف: اذا قلت انه يحبك..... هيش بتقولي؟
مريم مب مستوعبة: هييييش؟
ايمان: اقولك منصور يحبك
مريم: كيف يحبني؟
ايمان: بسم الله.. كيف كيف يحبك؟؟ اذيه يبالها سؤال؟ يعني معجب فيك.. ميت فيك.. يتمناك زوجة له
مريم هنيه استوعبت وانصدمت: يحبني اني؟؟ وليييييييييييييييش؟؟
ايمان: والله أن اسئلتك عجيبة غريبة
مريم بارتباك: لا....بسسسسسسسس.............. قصدي....كيف حبني ومتى وليش تخبريني؟
ايمان: بخبرك على قصته
مريم وقلبها بدا يدق: قولي
ايمان: الله يسلمك اني ماعرفت غير من اسبوع... تتذكري لما طلعني يمشيني هنيه ف مسقط؟؟.. وكان شكله متضايق ومهموم وقعدت ف راسه لين ماخبرني... ولما سمعت معاناته ماهان عليه يتعذب اكثر وقلت له بخبر مريم... قبل رفض خايف انك تزعلي او ماتبادليه الشعور... قلت له انت جرب وماراح تخسر... المشكلة منصور اهم شي عنده كرامته ويخافك ترفضيه وينجرح
مريم مستغربة من اللي تسمعه: انزين كملي
ايمان: منصور يحبك ويباك من اكثر من 5سنين
مريم فتحت عيونها: 5سنين؟؟!!!!!!! من واني صغيرة!!!
ايمان تهز راسها بالايجاب: من ايام هو ف الثانوية...بدا يتعلق فيك...لما كنتي تي ف بيتنا معي وانتي بعدك ماتغشيتي
مريم: اذكر كانت نظراته لي غير!!
ايمان تكمل: وحاول يكلمك...ويخبرك انه يحبك بس ماقدر... واتصل مرة على بيتكم وكلمتيه انتي وقالك ماعرفتيني؟؟.. قلتي انتي: لا.... قال لك: واذا قلتلك اني احبك واباك؟؟... يقول ماسمع غير طرااخ ف ويهي... يعني بندتي ف ويهه
مريم تحاول تتذكر: ماتذكر؟؟ متين؟
ايمان: يمكن وانتي اول ثانوي
مريم: تراهم وايدين اللي يتصلو ويلعبو
ايمان: تراه هو قال كيه...انك حسبتيه حد من اللي يلعبو... ومن بعدها تم يتصل على بيتكم بس عشان يسمع صوتك وبعدين يبند... ولما سافر الاردن يدرس كان يتصل من هناك بس عشان يسمع صوتك.. وكان بكل مناسبة مثل الاعياد لازم يشتري لك هدية... يقول كبته منترس من هداياك
مريم متأثرة ومستغربة: كل اذيييييه عشاني؟!!!!
ايمان: واكثر... تصدقي كلما هلي يكلموه عن الزواج يقول بعدني مب مستعد... وهو اصلا ينتظر أنك تخلصي الثانوية ويخطبك وكان ناوي يتقدم لك الحين
مريم: اهاااه
ايمان: بس سمع انك مخطوبة لمحمد ولد عمك عشان كيه كان متضايق ومتهمم لما لاقيته...خايف انه يفقد حلمه وامنيته
مريم: تراه لكلام بين الاهل
ايمان: يعني انتي موافقة اذا يا منصور يخطبك؟
مريم وهي تفكر: مب سالفة موافقة... بس قصدي اني مخطوبة لمحمد مب اكيد... كلام الناس بس.. ماشي رسمي
ايمان تجس النبض: يعني هيش اقول لمنصور؟؟
مريم استحت: هيش تقولي له بعدك؟
ايمان: تراه يتريا الرد
مريم: والله ماعرف.... منصور اخوك والنعم فيه...دايم اسمعك تذكريه بالخير... بس خليني افكر ف الاجازة وبرد لك يواب بالجمعه
ايمان: يعني بتخليه على اعصابه لين الجمعه؟
مريم بابتسامة: هو منتظر 5 سنين... مب ينتظر يومين؟؟
ايمان: هههههه... حقك....مسكين اخوي... بس هالله الله فيه
مريم: خير ان شاء الله... يالله خليني اذاكر الحين... ولو أن بعد ماخبرتيني بالسالفة ماظنتي تيني مذاكرة
ايمان: انزين يالله قومي ذاكري... واني خليني احفظ البرزنتيشن..لاتفضح باكر قدام الكلاس والميس
مريم: ههههههه... الله يعينك...يكفيك الموقف القبلاني

مريم مسكت كتابها... بس اكيد تفكيرها بعيــــــــد مع منصور...هي مستغربة ومتأثرة ان فيه حد يحبها من 5 سنين وهي ولاتعرف ولا عندها خبر!!!... ومنصور يعاني بسبتي!!...وخايف اني اصده وينجرح... ولما سمع اني مخطوبة تكلم وصارح ايمان خايف انه يفقدني... كله اذيه عشاني اني؟؟!!!
مريم اذيك الليلة مانامت من التفكير ف منصور وف حبه لها... واعجبها انه كاتم كل هالحب ف صدره ولا صارح حد ورفض الزواج عشانها... وقالت مب كل يوم بحصل واحد يموت فيني بهالطريقة... واذا يبا يخطبني ليش ارفض؟؟ وقررت انها توافق... بس ماراح تخبر ايمان بالقرار الا بالجمعه

ف مقهى ف الخوض... محمد وحمد جالسين رامسين مع ربعهم... وراحو عنهم الربع وباقين وحدهم
محمد: اختك بتطلع معك باكر؟
حمد: اها بتطلع... تبا تطلع معنا؟
محمد: لا... بس كنت ناوي اطلع معك اذا هي ماراح تطلع
حمد: انزين عادي بتطلع معنا... مب فيها شي
محمد: لا... عشان تاخذ راحتها... برايه بطلع ف سيارتي
حمد: على راحتك
حمد كمل تفكيره.... ناوي يكلم ابوه ف الاجازة عشان يخطبو له ندى... ويتخلص من سالفة اسما... بس مايعرف كيف بيقنع ابوه... بس ناوي ناوي

يوم الاربعا خلصت الدوامات والكل طالع رايح لبلاده... منصور مر على ايمان وصرح لها من قاعة التصاريح.. وف السيارة بعد ماطلعو من الجامعه منصور يبا يعرف رد مريم
منصور: ايمان
ايمان: هاه
منصور: هيش صار ف الموضوع؟
ايمان تستعبط: أي موضوع؟؟
منصور: الموضوع الي مكلمنك عنه
ايمان تبا تلعوز اخوها: هيش هو؟
منصور: ايمانوه عن الملاغة... تعرفيه الموضوع
ايمان تبتسم: انزين قوله
منصور بحيا: مريم
ايمان تكمل مسرحيتها: هيش فيها؟
منصور يمسك ايمان من اذنها وهو مركز ف الشارع: ايمانوه... بتكلمي زين ولا اقلع صماخك
ايمان عورتها اذنها: ااااايييييييييي... بتكلم بتكلم زيييييييييييييييين
منصور ضحك على اخته: هههههههه.... ماتيبك غير العين الحمرا
ايمان: اصريني مب متكلمة
منصور: تكلمي... تراك لوعتيلي بكبدي
ايمان: مريم خبرتها
منصور دق قلبه: وهيش قالت؟
ايمان: قالت بتفكر وبترد عليه بالجمعه؟
منصور: بس اذيه اللي قالته؟؟

ايمان خبرت منصور بكل اللي قالته مريم....
وقالت له: تامل خير احسها مريم بتوافق
منصور: مشكورة يا احلى اخت بالدنيا
ايمان: الحين صرت احلى اخت هاه؟؟
منصور: والله لو صار خير واكتملت فرحتي وخذت مريم... بشارتك عليه.. واللي تطلبيه
ايمان: اني مابا شي... غير انه اشوفكم مرتاحين انت ومريم (منصور ومريم احب الناس الى قلبها وتتمنى يتزوجو لانهم يليقو على بعض)

منصور مب مصدق بعد كل هالمعاناة ممكن مريم تصيرله وتتقرب المسافات بينهم... (يالله.. والله مب مصدق... الله ييسر لي الامر وتصير مريم حلالي... بكون ملكت العالم وتحققت كل احلامي... اااااااااااااااه يامريم لو تعرفي هيش لك فهالقلب؟؟؟...من يوم كنتي تيي ف بيتنا وانتي صغيرة واني اتعلق فيك... و حبك يوم عن يوم يزيد وصاير ماقدر اشيله وحدي ف قلبي.. ابا اعبر لك عن مشاعري... ابا املي عيوني منك... ابا اسمعك احلى الكلام واحلى الغزل... اباك تكوني زوجة لي...وابا.... وابا.... يااااارب تسهل لي امري وتجعلها من نصيبي..اااامين)


وبعد العصر على الساعه 5 وصلو حمد ومريم ف بيتهم... مريم عند الباب تدق الجرس وحمد ينزل الشنط
فتحت درمينيا الباب
مريم: كيف حالك درمينيا؟
درمينيا: جينه... كيف هالك انتي؟ (زينه كيف حالك انتي؟؟)
مريم تقلدها: جينه... وين ماماه؟
درمينيا: داكل (داخل)
ودخلت مريم تدور على امها وحصلتها ف الصالة.. وراحت تركض صوبها: ماااااااااااااااااه
التفتت عايشه لهالصوت الحبيب الى قلبها وافتقدته: مريم؟؟؟ وحضنت بنتها
عايشه وهي تناظر بنتها: كيف شراك؟ اشوفك ضعفانة (وتتفقدها من فوق الى تحت)
مريم: الحمدلله بخير... مب ضعفانة بالعكس احسه زايد وزني... كيف حالكم؟؟ وهيش اخباركم؟
عايشه: الحمدلله كلنا بخير.... والاخبار زينه
وياها صوت حمد: كيف حالك اماه؟
والتفتت لحمد: حمد... عيني كيف حالك؟ وهيش اخبارك؟ (وخاشم حمد امه)
عايشه: الحمدلله بخير... قعدو
مريم: لعاد هين ابويه وصالح؟
عايشه: طالعين... بيكون الحين بييو
حمد هو يسير: اني بروح حجرتي بتسبح وبرتاح شويه... ياي من الشغل سيده... احسني تعبان
عايشه بحنان: الله يعينك بويه... روح ارتاح وبنثورك لصلاة المغرب
وراح حمد... جلست مريم جنب امها: هيش اخباركم؟؟ ماشي يديد؟
عايشه: لا والله ماشي يديد... الدار ساكنة.... كيف حال ربيعاتك؟؟ وكيف امتحاناتك؟
مريم: الحمدلله كلهن يسلمن عليك... والاختبارات عدت... الحمدلله كانت لاباس
عايشه: الله يعينك ويوفقك يابنتي
مريم: ماه احسني تعبااااااانة... بارحة ماياني رجاد... واليوم كان معي اختبار...وتعب الدرب
عايشه بحنية: مشي رجدي حبتي
مريم: مشتاقة ابويه وصالح...ابا اسلم عليهم
عايشه: يمكن يتاخرو...مشي ريحي عمرك... يوم بييو هلك بثورك
مريم: انزين
وراحت مريم ترتاح ف غرفتها...وهي من بارحة تفكيرها كله منصب ف منصور وتقول هل من الممكن يكون زوجها ف المستقبل؟

بالليل حمد اليوم ماطلع برى..مب من عوايده هالشي... وبعد ماتعشو صالح استاذن وطلع برى مواعد علي... مريم وعايشه قاعدات بالصالة يتشوفن التلفزيون ويسولفن
حمد خبر ابوه أنه يباه ف موضوع... وراحو مجلس العرب عشان يتكلمو على راحتهم ومحد يقاطعهم...وبعد ماجلسو

محمد: هيش هناك؟
حمد: ابا اتزوج
محمد: بروحي كنت ابا اكلمك ف الموضوع... عشان نكلم عمك ناصر ونحدد
حمد بتخوف: بس اني مابا اسما
محمد منصدم وبعصبية: نععععععععم؟؟؟؟
حمد بارتباك: مابا آخذ اسما... اعتبرها مثل اختي
محمد زادت عصبيته: وهو على كيفك؟؟ تاخذ اسما ماتاخذها؟
حمد: يابويه تراه اذيه يواز مب لعب.... يعني لازم اخذ اللي مقتنع بها ومرتاح لها
محمد: الحين انت بتي تعلمني معناة اليواز؟؟
حمد: مب قصدي كذيه ابويه... بس قصدي لاتغصبوني على شي ماباه
محمد: وكلمتي قدام عمك؟؟ اني مكلمنه مرة ثانية قبل 3شهور عشان اأكد له أن بناخذ اسما لك
حمد: يابويه اني ماباها
محمد: وف هيش عايب على اسما؟؟
حمد: اسما مب عليها قصور... بس ماباها هي
محمد: مب على كيفك.... حن عطينا عمك ناصر كلمة وخلاص مابنرجع عنها
حمد: يابويه حرام عليكم لاتظلموني
محمد زاد عصبية وصرخ على ولده: بنظلمك يوم بتاخذ بنت عمك؟؟؟؟؟
حمد عصب: اها بتظلموني... ليش ماتخلوني اخذ على كيفي؟؟
محمد قام واقف: مابتاخذ حد غير بنت عمك.. تسمعني؟... واذا تبا تطلع عن شوري...اذاك الدرب (ويأشر على الباب)

وراح محمد عن حمد.... حمد قام معصب وراح من الباب الخارجي للمجلس وطلع برى بيتهم وركب سيارته وشغلها بسرعه (والبريك سوي صوت احتكاك قوي من سرعة السيارة)...وهو يفكر كيف بقنع ابويه؟؟ كيييييييييييييف؟؟ وضرب على الستير بقوة... ماشي غير اكلم صالح .....واتصل بصالح
رد صالح: هلا حمد
حمد بعصبية: هينك انت؟؟
صالح: هيش هناك؟؟ شي صاير؟؟
حمد: لا ماشي صاير... بس ابا الاقيك... هين قاعد؟؟
صالح مستغرب من اخوه: قاعد مع علي ف المقهى... تعال هنيه
حمد: اباك وحدك.. بمر عليك
صالح: وسيارتي؟؟
حمد بضيق: ياخي بعدين بترد لها
صالح: انزين... اترياك

وسكر حمد التلفون.... استغرب صالح من تصرف اخوه
علي: خير... شي صاير؟
صالح: لا... بس حمد
علي: هيش فيه؟
صالح: ماعرفه... شكله معصب... ويباني وحدي يكلمني... ماعرف هيش عنده
علي: تراه الشمي من اول يكبر المواضيع... ماشي كايد أن شاء الله
صالح يقول ف خاطره... احس شي كايد
صالح: انزين هو بيخطف عليه... وبروح عنك... اذا تاخرت... لاتترياني... والسيارة بييها عقب
علي: لا...اني بروح... فاطمه الحين متصلة تقول لاتتاخر.... اختك ماتصبر عني
صالح: هههههههه... ولا انت ماتصبر عنها؟؟
علي بصدق: كلنا مانصبر عن بعض
صالح: الله يهنيكم
علي: ويهنيك

انتظرو معنا الجزء السادس :cool:

[~ô§ô~كبريــاء انـثى~ô§ô~]

توتو تسلمي عالمتابعة والاطراء الجميل... وان شاء الله ماراح اتاخر عليكم الا اذا الظروف منعتني
اهم شي تعجيكم الرواية... وتستمتعو بقراءتها

[توتو الصغيره]

موفقه اختي فعلا قصه مشوقه والله يوفقج

[حامل المسك]

مشكووووووووووووورة

[توتو الصغيره]

زين ثبتي القصه احسن لانها فعلا تستاهل اختي

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء السادسღღღღღ
~ô§ô~كبريــاء انـثى~ô§ô~

حمد من بند عن صالح زاد من سرعته... لين ماوصل للمقهى ودق على صالح انه وصل... يا صالح وركب السيارة
صالح: خير هيش هناك؟
حمد: انت سكر الباب
صالح سكر الباب... وحمد حرك سيارته بسرعه... صالح مستغرب من تصرفات اخوه وقال: انت مب تقول لي هيش فيك؟؟
حمد: اباك ف موضوع... بس خلينا نوصل مكان هادي ونتكلم

وقف حمد ف مكان بعيد عن الازعاج... ونزلو من السيارة.. ووقفو جنب السيارة
صالح: هيش هناك؟
حمد بعصبية: ابوك... ابوك
صالح مستغرب: هيش فيه ابوي؟
حمد: يباني اخذ بنت عمك بالغصب
صالح بدأ يستوعب: وانت ماتباها؟؟
حمد ارتاح شوي: اها... ماباها.. يبو يغصبوني
صالح: بس هم متكلمين من زمان انهم يبو اسما لك
حمد عصب مرة ثانية: بالغصصصصصصب؟؟؟؟
صالح بهدوءه المعتاد: لا ماشي غصب... انت هيش قلت لابويه؟

حمد خبر صالح بكل اللي صار مع ابوه... صالح فهم الموضوع... وعرف سبب ضيق اخوه...قال: تراه ابويه ماقال اذيه الكلام الا عشان كلمته قدام عمي
حمد: واني قلتلهم يخطبوها لي؟؟.. بس كيه...منيه والدرب يخطبو بدون مايشاورونا
صالح: عذرهم... تراهم على تفكيرهم الزماني... أن الولد له بنت عمه
حمد: انزين هم يرضيهم اخذها وبعدين اطلقها... ولا اتزوج عليها؟؟
صالح تذكر مأساته مع بنت عمته ورد بحزن: لا مايرضيهم.... وانت ليش رافض اسما؟
حمد: ياخي ماباها وبس... اعتبرها مثل مريم
صالح: ومن تبا؟؟
حمد ارتاح لتفاعل صالح معه وتفهمه: ندى اخت سالم
صالح: اهااه... تحبها؟؟
حمد تضايق من سؤال صالح: مب سالفة احبها... بس داخله مزاجي... ومرتاح لها
صالح: انزييييييين...وبنت عمك؟؟ (وهو يفكر ف حل لاخوه)
حمد بتخوف: عندي الحل
صالح باهتمام: هيش هو؟
حمد بارتباك: انك تاخذها
صالح كانه ياته صفعة على ويهه: نععععععععععععععععععم؟؟؟ (ومسك حمد من ثوبه من رقبته) هيييش تقوووووول؟؟؟!!!!!
حمد دز اخوه بعيد عنه: فللللللللللتني
ابتعد صالح عن حمد...وتكلم بعصبية: انت ينيت؟؟؟ تبا تتخلص من مشكلتك وتعقها عليه؟
حمد: انزين ليش ماتاخذها؟؟
صالح بعصبية: حمد لاتخليني ادفنك هنيه... تسمعني.... وياويلك اسمعك تذكر السالفة اذيه قدامي
حمد مستغرب من ردة فعله: صالح هيش فيك؟؟ اني ماقلت شي غلط ولا حرام
صالح: اقولك سكت.... ويالله حرك السيارة (وراح ركب السيارة وسكر الباب بالقوة)

حمد تم ف مكانه... وهو بروحه معصب... ماكان يتوقع تكون ردة فعل اخوه كذيه!!... كان يباه يساعده وشاف رده
صالح معصب حده: بتي تحرك السيارة ولا تباني امشي بريولي؟؟
ركب حمد السيارة... وحرك السيارة... وعم الهدوء السيارة... كلن يفكر على صوب... ولاتكلمو لين ماوصل صالح للمقهى وهبط عنه... وكمل حمد دربه


ف بيت ناصر.... محمد يتابع التلفزيون فلم اجنبي على mbc2 ... ويدق على حمد بس يحصله مغلق...مستغرب من ربيعه هيش فيه مسكر التلفون؟؟ مع انه قايل بيمر عليه الساعه9...والحين الساعة عدت ال10... وياه مسج من ندى تقول:
" ياطير
وصل "سلامي"
لصاحب
اجهل
علومه
قله
تراك "غالي"
واللي
يعزك
لا تلومه "
محمد دق قلبه وقال فديتك يالغالية ورد عليها:
"هلا
باللي
تملكني
واغلى
من سكن قلبي
هلا
باللي
احبه
وصار
دربه ف الهوى دربي
هلا بك
يافرح عيني
هلا بك
يا امل حياتي
هلا
بالذوق
والحنان
هلا بك
يا اعز انسان

يسعد مساك حبيبتي،، "

يات اسما وقعدت جنب اخوها: محمد غير القناة... الحين اتابع اوبرا ف 4
محمد: تراني قاعد اتابع الفلم... خلاص اندمجت معه
اسما تترجا اخوها: بلييييييييييييييز محمد... غير
محمد: مابا اغير... مشي المجلس تابعي من هناك
اسما: لا والله... الحين اني امشي هناك؟؟

محمد ياته رسالة من ندى:
" الله يمسيك بالخير ولد خالي"
محمد رد على ندى:
" ولد خالي بس!!
ماشي حبيبي عمري حياتي حبي
ولا ماستاهل؟؟ "

اسما استغلت انشغال اخوها بالتلفون وسرقت الريموت وبدلت القناة... وحطت برنامج اوبرا
محمد شاف القناة تغيرت: اسووووووووم ييبي الريموت
اسما: تراك منشغل بالتلفون... ماجالس تتابع... حبيبي حمودي خليني اتابع على راحتي

وصاح تلفون محمد يعلن عن وصول مسج...
وكانت ندى تقول:
"تستاهل واكثر
بس تعرفني مستحيل اقولها الحين
خليها لبعدين"

ورد عليها محمد:
" على راحتك حبيبتي
الله يقرب هاليوم اللي تكوني فيه حلالي"

وفكر محمد... لازم اكلم ابويه عشان يخطب لي ندى... اخاف تروح من ايدي... بس اخاف ابويه يقول امك حتى مالها 5شهور وانت تبا تخطب وتعرس... الله يرحمك ياامي... كنتي تتمني اليوم اللي اعرس فيه... بس سبحان الله الموت كان اقرب لك منا
واتصل بخدمة اهداء الاغاني وطلب اغنية محمد عبده "ايووه" للشاعر دايم السيف (خالد الفيصل)... وطرش لها مع كلمة "احبك"

رن تلفون ندى وشافت رقم غريب وردت وسمعت صوت محمد يقول: "احبببببك" وبعدين تسمع موسيقى لاغنية مب غريبة عليها... وبدى محمد عبده:
" ايوووه قلبى عليك التاع
مايحتمل غيبتك ليله

وعساه عساه مايرتاع
عليك يانافل ٍ جيله

لبيه يابو عيون وساع
ماغيرك أحد ألبي له

معذور لو صرت بك طماع
من حبكم مالنا حيله

القلب من يمكم نزاع
لوحاولو صعب تحويله

مانيب من عاذلى سماع
والله ماقطع مواصيله

من لام راعى الهوى خداع
سيور الايام تبدى له

ماضاع عمرى معك لو ضاع
مانوح لالا واغني له

سلمت لك خافق ٍ جزاع
عساك يازين تاوي له "

وخلصت الاغنية....ندى كانت مندمجة مع الاغنية اللي تحبها... وتقول كيف عرفت يامحمد بحبي لهالاغنية؟؟ القلوب مع بعضها!!
وطلبت له اغنية عبدالمجيد "تنتظر كلمة احبك"
محمد سمع الاتصال ولما شاف الرقم توقعها ندى مطرشة له... وياه التعريف بالرقم وبعدين سمع اغنية عبدالمجيد:

" تنتظر كلمة احبك شايفك مشغول فيها
كل شي بوقته حلو وليه مستعجل عليها
بكره هي اللي تجيك وتمر كل لحظه عليك
انت بس طولي بالك وكل شي بوقته حلو

في ثواني وفي دقايق في شهر والا سنه
القلوب هي اللي تحكم ماهو انت او انا
ينولد حبك وحبي واعشقك يانبض قلبي
انت بس طولي بالك وكل شي بوقته حلو

خلنا نفهم بعضنا قبل مانهوى ونضيع
مابعد برد الشتاء الا نسمات الربيع
اوعدك كلمة احبك منها مايمل قلبك
انت بس طولي بالك وكل شي بوقته حلو "

ابتسم محمد لما سمع الاغنية وقال والللللللللللللللللله احببببببببببببببببببببببببك ياندى
اسما مستغربة من ابتسامة اخوها: اقولك انت من تغازل هناك؟؟ والابتسامة اذيه لمن؟
محمد انتبه لحاله: هااااه.... وانتي هيش خصك؟؟
اسما زعلت من كلمته: اسفة اذا تدخلت ف خصوصياتك
محمد عاتب نفسه ليش رد اذاك الرد على اخته: اسوم مب قصدي... حقك علي
اسما تتغلى على اخوها: بس خلاص.... اني زعلت... ولاتهاريني
محمد: يؤيؤ يا اسوم زعلتي؟.... هيش رايك برضوة؟
اسما فرحت وخاطرها تطلع برى بيتهم: بروحي اختار
محمد: امري وتدللي
اسما: تطلعني الحين وتعشيني وتمشيني
محمد: هههههههه....اذيه ثلاث طلبات مب وحده!!
اسما: وبعد طلب رابع
محمد: هيش هو؟
اسما: تشلني باكر بيت عمي محمد عشان مشتاقة الريم
محمد باستغراب: من الريم؟؟
اسما: الريم... مريم بنت عمي... اني ادلعها الريم
محمد: والله وتعرفي تدلعي... هههههههه
اسما تغمز لاخوها: اعجبك حمودي
محمد: ههههههه... انزين يالله قومي هاتي عباتك... وخبري ابويه أن بنطلع
اسما وهي قايمة: من عيوني يا احلى واجمل و اوسم اخ
محمد: كل اذييييييييييييييه؟؟ لعاد كل يوم بطلعك عشان تتغزلي فيه
اسما: انت بس طلعني وبتسمع العحب العجاب
محمد: ههههههههههه

وراحت مريم تتلبس وخبرت ابوها انها بتطلع مع محمد... واذا بيطلع معهم؟... بس ناصر قال لها انه تعبان ويبا يرجد وتروح تتمشي مع اخوها وتغير جو

محمد لما راحت عنه مريم...راح ينتظرها ف سيارته... ومسك تلفونه وطرش اغنية ثانية لندى... محمد عبده "اميرة الورد" وقال لها: "امووووووووووووووووت فيك ياندويتي"
وسمعت ندى الاغنية:

" اميرة الورد ليه الورد مفتونك؟!
ليه بحياته يحاول يشبه الوانك؟!

كم من فراشة تمنت تلمس غصونك؟
والورد ياما تمنى يعيش باغصانك

اذا ابتسمتي يذوب السكر بلونك
ويزور شهد الحياة قلوب خلانك

والليل يغفي ويصحى بس ف عيونك
والصبح خدك ونور الشمس عنوانك

ياغنوة الحب ليه دايم يغنونك؟
كل القلوب بغلاها صاغت الحانك

وانا بودي اكون السعد في كونك
واكون غنوة تغنى بس علشانك "

ندى كانت منسدحة على كرفايتها وهي تسمع... تحس عمرها بعالم ثاني... عالمها هي ومحمد بس.. عالم حالم رومانسي...ماتتخيل نفسها تكون لغيره... وقالت والله اموت فيك يامحمد اموووووت فيك
سمعت امها تناديها من برى حجرتها: ندى تعالي
ندى: ان شاء الله ماه
وطرشت لمحمد:
"بسسسسس
والله استحي
بروح عند عمتك تناديني
باااااااي"

ويات اسما وركبت السيارة وشافت اخوها سرحان: بوووووه... اللي واخد عقلك يتهنا به
محمد بكل شاعرية: اميييييييييييييين
اسما مستغربة من تصرفات اخوها: انت اليوم مب طبيعي!!
محمد انتبه: هاااااااااه... ههههههههه... اليوم الرومانسية زايدة عندي بس
اسما تبتسم: احلى رومانسية... ياحظها اللي بتاخذك يامحمد (قصدها مريم)
محمد يمسك ياقة ثوبه: احم احم....ولد ناصر بن صالح... اكيد ياحظها
اسما: هههههههه... يالله تحررررررررررك....ولا اذيه التمشية؟!!
محمد: هههههههه... خلى انزين وحرك محمد السيارة وشغل الاف ام وكانت اغنية عبد المجيد "تنتظر كلمة احبك"....ابتسم محمد وقال يالصدفة!! فديتك ياندى... وتم يدندن مع الاغنية

************************************************** *****

[~ô§ô~كبريــاء انـثى~ô§ô~]

************************************************** *****

ف شوراع جعلان...حمد بعده يدور بسيارته... ومايعرف عمره هين بيمشي؟؟ ...مبند تلفونه ماله بارض ف شي... يدور على حل لمشكلته بس ما لاقي...وقال خليني اروح اصيلة ابا اجلس عالبحر وحدي

صالح اول ماراح عنه محمد...ركب سيارته وراح بيتهم سيده... دخل وكان متنسف مصره على كتفه.... لقى امه ومريم يتابعن التلفزيون... وكان شكله متضايق حده وبدون نفس قال: السلام عليكم
مريم وامها: وعليكم السلام والرحمة
عايشه: هيش فيك ابويه..تعبان؟؟
صالح يمرر ايده على ويهه: شويه... حمد مايا هنيه؟؟
عايشه: لا... من عد طلعته مارد
صالح: وابويه؟؟
عايشه: ابوك مشي يرجد
صالح: اهاااه
مريم: صلللوحي
صالح: هيش هناك؟؟ وراها شي آالصلوحي
مريم: هههههه... محد كثرك فاهمني
صالح: هيش تبي؟
مريم: خلى بتكشتنا اني وامي
صالح: كشتة الحين؟؟؟...تراك اليوم يايه الدار...واحيتي تملي من البيت؟!!
مريم: بنغير جو لمامي
عايشه: روحي برية منك... ابا امشي ارجد...مابا شي من التكشيته الحين
مريم: ماه خليني اسالج على عمري
صالح بطفش: مالي بارض طلعة الحين
مريم بترجي: بليييييييييييييز صلوحي...والله مشتاقة ادور ف جعلان
صالح: باكر بكشتك... والله اليوم تعبان ومالي بارض
عايشه بحنية: خلي اخوك على راحته... بويه مشي ارتاح
مريم: وعد انك تكشتني باكر
صالح: وعد... اني بقوم ارجد كان بييني رجاد
عايشه: الله يحفظك
مريم: تصبح على خير صلوحي.... واحلام وردية (وتغمز لاخوها)
صالح وهو قايم يقول ف خاطره أي وردية؟؟ قولي هموم : وانتي من اهل الخير

وراح صالح غرفته...دخل الغرفة وسكر الباب... عق المصر وفصخ ثوبه وبقي على وزار وفالينة... وعق عمره على الكرفاية وهو يفكر ف اخوه... يقول حرام ينظلم وينجبر على شي مايباه... وبنفس الوقت مايصير يخلي بنت عمي ويرفضها... هيش بيقولو الناس؟؟ اكيد عايب عليها شي... وعمي بيزعل علينا... وابويه اكيد مابيرضي نحط بيت عمي فهالموقف... يارررررربي هيش الحل؟؟...وتذكر كلام اخوه لما يقول: عندي الحل.... بس اني مابا اتزوج الحين... نوره سدت نفسي عن الزواج...صحيح اني كنت ماخذنها عن اقتناع بس ماكنت متوقع شخصيتها شينة لاذيك الدرجة وهي بنت عمتي شيخة الطيبة.. غبية وماتحب الا نفسها وكل طلباتها اوامر ولازم تتنفذ..من اول يوم ف زواجنا مارتحت معها.. وتميت معها بالغصب احتراما لاهلها... بس ماويبتني ولا ويبت هلي... وماتعدلت بالعكس زاد جورها وغرورها تسحبني ميت عليها!!!...عمري ماسمعت كلمة طيبة منها...عمري ماتهنيت بيوم واحد معها وحسيت اني متزوج حالي حال غيري... دوم نزاعات وتطليبة وزعل.... وعمري ماراح انسى اذاك الموقف...وتذكر قبل 3 سنين اللي صار وكان سبب الطلاق

( كان راد من الشغل تعبان... وسمع صراخ ونزاعة بين مريم ونوره من برى
ودخل عليهن: بسسسسسسسسسس... هيش فيكن تصرخن كيه؟؟ صوتكن طالع برى؟؟ ماتقولن عندنا يران ولا شي؟... ماتعرفن الاصول ولا الادب؟؟
مريم تكلم اخوها بعصبية: والله ادب حرمتك قبل
صالح انصدم من الكلمة وصرخ على اخته: مرييييييييييييييييييم.... عيييييييييييييب
نوره وبدموعها المزيفة: شفت اني مظلومة فآالبيت... ويوم اقولك ماتصدقني ( وبكت...وراحت تركض لحجرتها...اونها تباه يلحقها)
صالح بعصبية: هيش صاير؟؟ وهيش فيكن تنازعن؟
مريم بضيق وعصبية: حرمتك ياصالح... منازعة امي قبل شوي ودفرتها على الارض
صالح مب مصدق: هييييييييييييييييييييش؟؟ نوره سوت كيه؟؟!!
مريم: اها... ودومها تنازع امي وتنازعني... واقول لامي بنخبر صالح يأدبها...تقول لاتخبريه مانبا نزيد المشاكل بينهم.... واليوم لما رديت من المدرسة حصلت امي تبكي وخبرتني باللي صار وتقول على سبب مايسوى

تحرك صالح عن مريم وهي تتكلم... وراح ركض صوب حجرته والدم يغلي ف راسه... كل اذيه يطلع منك يانوره... أن ماذبحتك... تمدي ايدك على امي!!!!!!!!!!!!!!!!!... وهالسبب كان القشة اللي قصمت ظهر البعير

وفتح الباب بالقوة وكان الشرر يطلع من عيونه... نقزت نوره من شكله...اول مرة تشوف صالح معصب لهالدرجة... وياها ومسكها من شعرها بقوة: قليلة التربية تمدي ايدك على امي؟؟؟؟
نوره حست كانه حد قلع لها شعرها من راسها: اااااااااااااااااييييييييييييييي... فلتني فلتني...صااااااالح
وكفخها على ويهها وهو يشتمها بكل انواع الشتايم... لين مابرد من حرته...وبعدين عقها عالارض... وقال لها بكل ضيق وعصبية واشمئزاز: انتي طالق... طالق.. انتي ماتستاهلي حد يويبك ويحترمك قليلة الادب... اتصلي بهلك خليهم يوك يشلوك...مابا اشوف رقعة ويهك عقب اليوم
وراح عنها... ونوره كانت طايحة عالارض وتبكي وتدعي على صالح وامه واهله...واتصلت بابوها اللي كان ياي جعلان فهذاك الوقت

انتبه صالح لحاله وطلع من دوامة الذكريات....وقال ااااااااه ااااااااااه كرهتيني ف شي اسمه حرمة وزواج.... والحين حمد يايني يقول انت تزوج اسما؟؟! اصلا كيف بسعدها واني مالي بارض!!!

وهنيه دق تلفون صالح.... بومعاذ يتصل بك
صالح بلا نفس: الو
علي: هلا بو محمد
صالح: هلا
علي: هيش فيك؟؟ كنك متضايق؟؟
صالح: هيش اقولك؟
علي باهتمام: قول اللي ف خاطرك... لايكون حمد لما ياك؟
صالح: تقدر تقول كذيه
علي: وراه حمد؟؟ شي فيه؟
صالح متردد يخبر علي ولا لا...مع انه متعود يخبره بكل اسراره...ويشاوره ف اموره: والله مادري؟؟
علي: افا عليك بومحمد... قول.. واذا شي اقدر اساعدك به رقبتي سدادة
صالح: ماتقصر بومعاذ

وخبر علي بالموضوع كله... وأمنه مايذكره قدام حد حتى فاطمه
علي: انزين انت قولي لين متي بتم بلا زواج؟
صالح: ياخي مابا اتزوج... انسدت نفسي عن الزواج... مابا مشاكل وعوار راس
علي: الحين شوف حياتي مع فاطمه... تشوفها مشاكل وعوار راس؟؟... والله متهنيين ومرتاحين... الحريم مب كلهن واحد
صالح: ادري... بس صدج احسني مب متهيأ له الحين
علي: ياصالح... تراك انت اللي تقدر تقنع عمرك وتغير هالفكرة... واذا تشوف بنت عمك ماتنعاب ليش توطيها؟ وبكذيه بتحل المشكلة كلها... لان حمد مستحيل يوافق دامه حاط وحده غيرها ف باله... وحرام تجبروه عليها
صالح: بنت عمي مب عليها قصور... والنعم ف اخلاقها... وصراحة من زمان تعيبني شخصيتها... ودوم اقول لمريم متي بتعقلي مثل اسما... بس مافكرت فيها كزوجة...كنت متوقع حمد بياخذها... ومابيطلع لنا بهالمشكلة
علي: بقولك شي يامحمد
صالح: هيش؟
علي: استخير رب العالمين... وماخاب من استخار
صالح: صدجك والله... لهيش لي بتعب الراس والتفكير؟؟ دام رب العالمين موجود
علي: والنعم بالله.. الحمدلله
صالح: اني بستخير... وعسى خير
علي: أن شاء الله خير... لعاد بوطيك الحين... ونتلاقي باكر
صالح بامتنان لرفيق حياته: ماقصرت بومعاذ
علي: افا عليك... ماسويت شي
صالح: الله يخليك.. تصبح على خير
علي: وانت من اهله مع السلامة
صالح: مع السلامة
وبند علي... صالح حس عمره شبه ارتاح... وقام يتوضي عشان يصلي صلاة الاستخارة... صلي وبعدها رجد


وف الصباح... محمد وعايشه قاعدين يتريقو
عايشه: ظنتي حمد بارحه مابات هنيه
محمد باهتمام: مابات؟؟
عايشه: الفجر مشيت اورقه للصلاة... ومالقيته ف حجرته... وفراشه مرتب
محمد عوره قلبه على ولده... اكيد مارد من اللي صار بارحه... لا اله الا الله... هيش آالمشكلة؟؟... الله يهديك ياحمد.. هيش بنقول لعمك؟؟

وهنيه نزل صالح من الدرج...وهو قايم يحس براحة غريبة وتهميمة بارحة راحت عنه ولا كانه صاير شي... ويا صوب اهله: صبحكم الله بالخير (وقعد عشان يتريق)
محمد: صبحك الله بالنور
عايشه تنادي الخدامة: درمينيا... ييبي زيادة خبز
صالح: مابا شي.... بس كبيلي شاهي
عايشه بحنان: هيش ماتبا شي؟؟ تريق
صالح: مالي نفس
محمد: اخوك ماتعرفه هين بايت؟
صالح: اصريه مب بايت هنيه؟؟
محمد: لا.. ماتعرفه هين بيبات؟
صالح ف خاطره... مسكين حمد.. اكيد متضايق من السالفة... بس هين بيبات؟
صالح يطمن هله: ماقال لي شي... بس اكيد بايت هو وربعه برى
عايشه: اتصل به... تشوفه هينه؟
صالح: يامي حمد مب اول مرة يبات برى البيت... اكيد مع ربعه
محمد وهو قايم: صالح... اذا خلصت اباك.. تعال لي ف المجلس
صالح: أن شاء الله
وبعد ماراح محمد...
عايشه تسال ولدها: هيش فيهم ابوك وحمد؟؟ ابوك من بارحه متهمم ومتضايق.. من عقب ماتكلمو هو وحمد ف المجلس... ويوم نشدته هيش فيك؟ قال: ماشي.. بس الشغل تاعبني... وحمد للحين مارد!!
صالح يكذب ويطمن امه: مب فيهم شي... اكيد ابويه تاعبنه الشغل... وحمد سهران مع ربعه وبات معهم
عايشه قلبها يقول اكيد شي صاير..وتقول لصالح: يمكن

صالح بعد ماشرب الشاهي راح لابوه ف المجلس... ولقاه جالس يتابع الجزيرة
وقعد جنبه: هيش ف خاطرك ابويه؟
محمد قصر على التلفزيون والتفت على ولده: ابا اكلمك عن حمد
صالح بحزن: تراه خبرني بارحه... عقب ماخلص كلامه معك... ياني وخبرني
محمد بتهمم: ابا اعرف هو هيش شايف على بنت عمه؟
صالح: هو مب رافض اسما عشان شايف عليها شي... بس يقول يعتبرها مثل مريم
محمد: اذيه كلام يديد نسمعه منكم يالشباب... كيف يعتبرها مثل اخته وهو مب عايش معها؟؟
صالح: يقول اسما مب عليها قصور... بس قلبه مب هاونها.. يقول يرضيكم اخذها واطلقها؟؟ ولا اتزوج عليها؟
محمد: لا.. مايرضينا... بس اني وعمك متفقين من قبل
صالح: تراه هنيه المشكلة
محمد: انزين هيش رايك انت فيها؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتظرو احداث الجزء السابع:cool:
مع ارق تحية مني

[~ô§ô~كبريــاء انـثى~ô§ô~]

توتو تسلمي ياقلبي... الله يسعدك
واشوفهم بروحهم ثبتوها... ماقصروا :)

حامل المسك تسلم عالمرور والتعقيب

[ونة غلا]

تسلمي

ننتظر التكمله

[توتو الصغيره]

تسلمي اختي على هالقصه متابعتنها من اول والفضول خبرج يعني
ننتظر التكمله

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء السابعღღღღღ
~ô§ô~كبريــاء انـثى~ô§ô~

صالح بعد ماشرب الشاهي راح لابوه ف المجلس... ولقاه جالس يتابع الجزيرة
وقعد جنبه: هيش ف خاطرك ابويه؟
محمد قصر على التلفزيون والتفت على ولده: ابا اكلمك عن حمد
صالح بحزن: تراه خبرني بارحه... عقب ماخلص كلامه معك... ياني وخبرني
محمد بتهمم: ابا اعرفه هو هيش شايف على بنت عمه؟
صالح: هو مب رافض اسما عشان شايف عليها شي... بس يقول يعتبرها مثل مريم
محمد: اذيه كلام يديد نسمعه منكم يالشباب... كيف يعتبرها مثل اخته وهو مب عايش معها؟؟
صالح: يقول اسما مب عليها قصور... بس قلبه مب هاونها.. يقول يرضيكم اخذها واطلقها؟؟ ولا اتزوج عليها؟
محمد: لا.. مايرضينا... بس اني وعمك متفقين من قبل
صالح: تراه هنيه المشكلة
محمد: انزين هيش رايك انت فيها؟
صالح: ف من؟
محمد: ف اسما بنت عمك؟
صالح بتردد: قصدك آخذها اني؟
محمد ارتاح أن ولده بدى بالموضوع: اها
صالح وهو ماعارف هيش يقرر: اسما والنعم فيها... بس اني..
محمد: وراك؟
صالح: احسني بعدني مب مستعد الحين
محمد: ياصالح لين متين بتقعد تقول آالكلام؟ مردك تعرس وتييب عيال
صالح وهو يفكر: صحيح
محمد: ودام حمد مايبا اسما... ليش نضيعها من يادينا؟؟... جمال واخلاق.. وتكفي انها تربية ناصر
صالح رضخ للامر: على شورك ابويه
محمد ماصدق أن ولده وافق بهالسرعة... فرح وحس أن جبل طاح عن ظهره وحط ايده على كتف ولده: الله يهنيك بعقلك ياصالح... دوم اقول انك عاقل واقدر اعتمد عليك
صالح ارتاح لما شاف فرحة ابوه: تربيتك ابوي
محمد: لعاد اتصل باخوك اذيه... وشوفه هين مبيت؟؟... وخبره باللي صار
صالح: أن شاء الله... ومتي بتكلم عمي؟
محمد: بكلمه من اليوم اذا مايخالف عليك
صالح: مايخالف
محمد: وهيش رايك نخليه الزواج عقب شهر؟؟ بتاخذ اجازة والبنت ماعندها شي يقبضها لا دراسة ولا شغل
صالح بتردد: على شوركم.. انزين اني بمشي اتصل بحمد.. تامرني بشي
محمد بكل رضا على ولده: سلامتك ابويه.. الله يرضى عليك دنيا واخرة

وقام صالح ييب تلفونه من حجرته عشان يتصل باخوه وهو يفكر ماكني اقدمت على خطوة كبيرة؟؟؟!! وافقت بكل سهولة؟؟ واسما ابد ماحطيتها ف بالي... حتى ماتذكر كيف شكلها؟؟... بس دوم اسمع امي تمدحها... سبحان الله ياالارزاق!!!.. وهيش بيكون ردة فعل بيت عمي يوم بيعرفو اني ابا آخذها... اخاف اسما ترفض؟... والله اذا رفضو بتي منهم... وبكذيه حن ماقصرنا معهم... مسك تلفونه واتصل باخوه

حمد بعد مادار ف اذيك الشوراع بالليل... راح لبحر اصيلة وقعد لين الفجر وهو يفكر... قام يصلي وبعدها رجد ف سيارته... وماقام الا على صوت تلفونه... وشاف المتصل اخوه... ومارد عليه

طرش له صالح: "حمد رد عليه ضروري... عندي لك خبر"

اتصل حمد بصالح...وتكلم بضيق وزعل: الو
ورد صالح: هلا حمد... هينك؟
حمد: موجود
صالح: هلي ينشدو عنك
حمد بضيق: قولهم حي بعدني مامت
صالح حزن على اخوه: حمد هيش آالكلام؟؟ الله يهديك بس
حمد: هيش عندك؟؟ هيش الخبر؟؟
صالح يغلس عليه: كم تعطيني؟
حمد بملل: قول بسرعه... والله مالي بارض
صالح يلقي القنبلة: باخذ اسما
حمد ماستوعب وقال شكلي سمعت غلط: هييييييييش؟؟
صالح يردد كلامه: اقولك باخذ اسما
حمد مب مصدق: اسما بنت عمي؟؟!!!
صالح: اها
حمد: مستحيل
صالح: وليش مستحيل؟
حمد: تراني شفت ردة فعلك بارحة
صالح يفهم اخوه: كلمني ابويه اليوم وخبرني بموضوعك وعرض عليه اخذ اسما... ووافقت
حمد بفرح: والله... صدج؟؟
صالح: تراك مللتني... اهاا صدج
حمد بامتنان: مشكور ياصالح... مشكور
صالح: والله اني مابا اخذها عشان خاطر عيونك... عشان خاطر بيت عمي وابويه
حمد خاطره يبوس صالح ف راسه: تسلم ياصالح... قدها والله... واسما والنعم فيها... بس القلب ومايهوى... الله يوفقك ياخوي
صالح متفهم اخوه: امين... ويوفقك وتاخذ اللي ف بالك
حمد وهو مرتاح: امييييييييين... انت خلص موضوعك وعرس... وبعدين دوري
صالح: أن شاء الله... يالله تعال بيتنا... امي وايد متوالشة عليك
حمد: أن شاء الله... الحين بيي... يالله ف امان الله
صالح: الله معك

حمد بند التلفون وحرك سيارته.... حس أن جبل طاح عنه... والهم راح عنه... وحس بامتنان لاخوه ولموقفه... وقال وقفتك معي ماراح انساها ياصالح...خلصتني من مشكلة مهممتني من شهور... الله يوفقك معها... والحين باقي اخطب ندى


صالح بعد مابند عن اخوه...جالس يتلبس.. وياه معاذ ومعه ساره عيال فاطمه
صالح: هلا هلا بالغاليين
سارة قربت منه: خاااالي (وترفع ايدينها له عشان يشلها)
وشلاها صالح ف حضنه... وباسها ف خدها... والتفت على معاذ: كيف حالك معاذ؟
معاذ: بخير
صالح: متين ييتو؟
معاذ: الحين... وهناك ابويه يحرسك ف السيارة.. يقولك تعال
صالح شل المصر ف ايده: انزين... خلى
وكلم سارة: سارونة اخبارك؟؟ لك وحشة الدبة
سارة بكل رقة: اني مب دبة... انت الدددددب
صالح: ههههههه... ف اذيه صدجتي

صالح بعد ماسلم على اخته... راح لعلي وركب معه... وتحركو بالسيارة

ووصل حمد بيتهم... نزل ودخل البيت... لقى امه وفاطمه وعيالها ومريم بالصالة سلم عليهم
عايشه: حمد عيني هينك؟؟ توالشنا عليك
حمد: موجود... بس بيتت برى مع الشباب
عايشه: انزين كون قول لنا عن نتوالش عليك
حمد بنفسية حلوة: أن شاء الله من عيوني يا احلى ام الدنيا
مريم: احلى غزززل!!... بوحميد اشوف المود رايق
حمد: دام عندي ام مثل امي... اكيد بيكون المود رايق (ويحضن امه)
فاطمه: ياعيني ياعيني... الله يديم هالروقان
مريم: اميييييييييييييييين
حمد: مريوم... هيش قصدك؟؟
مريم: لا ولا شي... سلاااااااااااااامتك (وف خاطرها تقول لاتقلب علي... ماصدقت اشوفك رايق معي)
حمد: هين ابويه؟؟
عايشه: ف المجلس... ظنتي يتابع الاخبار
حمد وهو قايم: انزين اني بمشي المجلس... ام معاذ بيكون بتقعدي معنا؟
فاطمه: أن شاء الله لين فالليل

راح حمد المجلس عشان ياخذ بخاطر ابوه... ويعتذر منه على اللي صار بارحة... محمد قبل اعتذار ولده... ومناه انه بيخطب له ندى بعد مايخلصو موضوع صالح


بعد العصر... ناصر ياب بنته اسما بيت عمها محمد... وحصلو محمد يبا يركب سيارته... ناصر نزل يسلم على اخوه... اسما سلمت على عمها ودخلت البيت
ناصر بعد ماتراد الحال مع محمد: انزين اني بروح
محمد: ناصر اباك ف موضوع
ناصر: خير ان شاء الله؟
محمد: خلى المجلس بنتكلم هناك على راحتنا
ناصر: طيب
ودخلو المجلس... محمد اتصل عالبيت
وكلمته مريم:الو
محمد: مريم... ييبو قهوة ف المجلس
مريم: ان شاء الله ابويه

محمد بعد مابند... التفت على اخوه وهو يعدل ف مصره: والله ماعرف هيش اقولك؟
ناصر باهتمام: خير؟؟ شي صاير؟
محمد بتردد: كله خير... بس صالح طلع يبا اسما
ناصر استغرب من الكلام: صالح؟؟؟
محمد: اها... قال اباكم تخطبوها لي
ناصر: وحمد؟؟
محمد: حمد يوم سمع أن اخوه يباها... قال مايخالف عليه... هيش رايك؟
ناصر يحب صالح اكثر من حمد... يشوفه اعقل من اخوه وبار باهله اكثر وطيب مع الجميع... وارتاح أن صالح طلب بنته مب حمد.. قال: والله صالح والنعم فيه... ريال ينشري... ودامهم عيالك يابو صالح... بنتي مابتحصل احسن منهم... وصالح وحمد كلهم واحد
محمد ارتاح لكلام اخوه: والنعم فيك يابومحمد... لعاد شاور بنتك ورد علينا
ناصر: ان شاء الله بشاورها... وبرد لكم يواب
دخلت درمينيا يايبة الفوالة والقهوة وحطتها وطلعت... قربو محمد وناصر وتقهوو

ف الصالة عايشه وفاطمه ومريم واسما... ومعاذ وساره مع البلي ستيشن
فاطمه تسال اسما: وماقالو لكم متى؟
اسما: محمد مر على الوزارة الاسبوع الماضي وقالو له نفس الكلام... خلوها تتريا دورها... اذا بنات الدفعتين اللي قبلنا مب متوظفات... بيقدمونا حن عليهن؟؟ مستحيل
عايشه: الله يعينكن يابنتي... ماعليه بترتاحن من تعب الدراسة والشغل
مريم: فترة نقاهة اسومي
اسما: لاكثر من سنتين!!! والله ملل... ماعرف عمري هيش بسوي طول اليوم... اول كنا متعودين على الكد ومنشغلين طول الوقت.. والحين 24ساعه فراغ
عايشه: الله يعينك
اسما: امين ويعين الجميع
فاطمه: ماتصلتي بموزه اذا بتي ولا لا؟
مريم: اتصلت وكلمتني منى... قالت ابوها طالع الحين... ويوم بيي بيخلوه ييبهم... مشتاقة حمودي
ساره تكلم امها: ماما... خلي معاذ يلاعبني
فاطمه: معاذ خلي ساره تلعب
معاذ وهو مندمج ف اللعبة: ماتعرف تلعب... تشوح بالسيارة وبس
ساره بعناد: اعرف اعرف
مريم: معاذ خليها تلعب... وبعدني بعطيك شي عقب
معاذ التفت على خالته...جذبته باللي قالته: هيش بتعطيني؟
مريم: شي... انت بس خلي سارة تلعب
ساره بدلع: واني خالوه؟
مريم: ياعمري انتي... نابه بعطيك


قدام البحر... منصور موقف سيارته وجالس داخلها... يناظر البحر وتفكيره كله مع منال... مشغل اغنية لعز الدين الفراتي "شكثر مشتاق"... اغنية عراقية كثير يحبها ويحب لحنها... دوم يسمعها لانها تعبر عن اللي ف قلبه... ومن اول ماوصل وهو مشغل هالاغنية ويعيدها:

" شكثر مشتاق لو تدري شكثر مشتاق ياعمري
ابوس عيونك الحلوة واضم صدرك على صدري

انتظرت هوااااي
اشوفك جاااااي

ليلة من العمر رايد انا وياك نتلاقه
واقلك شوف هاي الروح على شوفك مشتاقة

كافي غيااااب
قلبي ذااااب

حبيبي ويانظر عيني يا احلى ايامي وسنيني
ياروحي ويابعد عمري فراقك حيل مآذيني

شكثر مشتااااق
كافي فراااااق "

نزلت دمعة يتيمة على خد منصور... وقال ااااااااااااااااااه ااااااااااااااه يامنال... متى؟؟ بس متى؟؟
ابا ارتاح... ابا احس بطعم الحياة معك... خايف ولد عمك يخطفك مني... ياويل حالي اذا صار هالشي

ودق تلفون منصور... بوغنيم يتصل بك... سالم ربيعه
رد منصور: هلا بوغنيم
سالم: هلا بو الشباب... هينك؟؟ الربع ينشدو عنك
منصور: موجود.. على البحر
سالم: أي بحر؟؟
منصور: الاشخرة
سالم: شفيك؟؟ اسمعك متهمم؟؟
منصور: ماشي... بس اغير جو
سالم: كيف بتينا؟
منصور: لا... ابا اقعد لحالي
سالم: على راحتك... بشوفك بالليل؟؟
منصور: ان شاء الله
سالم: يالله... امنتك الله
منصور: الله معك

كمل منصور حبل افكاره وخياله واحلامه مع منال... ويقول متى بيي باكر؟؟ عشان اعرف قرارك وارتاااااااااااح... وبعد يبالي اتقرب من حمد اخوها عشان يتسهل لي الامر.. ياررررب سهل لي الامر ويسره


************************************************** *****

[~ô§ô~كبريــاء انـثى~ô§ô~]

************************************************** ******

بالليل ف بيت ناصر وبعد مايات اسما من بيت عمها... قعدت مع ابوها قال لها يباها ف موضوع
ناصر بتردد: اسما
اسما بانتباه: خير ابويه
ناصر: صالح ود عمك خطبك!!!
اسما ف خاطرها صالح ولا حمد؟؟!!!!! وقالت: صالح؟؟؟!!
ناصر: اها... كلمني عمك اليوم... وقال انه صالح مكلمنه يباك
اسما ماعارفة هيش تقول: بسسسسسسس
ناصر: اعرف... من زمان حن قايلين أن حمد بياخذك... بس طلع صالح يباك
اسما: بس صالح مطلق واكبر عني بوايد
ناصر: كلنا نعرف سبب طلاقه... مب منه... من نوره... وهو مب من كبره
اسما: ماعرف هيش اقول؟؟
ناصر: اني اقولك وافقي... اتطمنت لما سمعت انه يباك... صالح ماشاء الله عليه ريال... عمك معتمد عليه ف كل شي... وبار باهله وطيب مع الجميع... ومحترمني وايد
اسما تقول ف بالها صح هالكلام... بس عمري ماحطيت ف بالي صالح!!! متوقعة حياتي مع حمد والحين يا اخوه بداله!!! صحيح دوم اقول صالح طيب وياحظها اللي بتاخذه.. بس ماتوقعت اكون اني؟؟!!! .. هيش بقول لابويه؟ وقالت: بفكر ابويه
ناصر ديمقراطي مع عياله ومايجبرهم على شي الا لما يقتنعو به: انزين فكري وردي لي يواب... بيت عمك يتريو
اسما: ان شاء الله

ودخل محمد من برى... ويا صوبهم... خبره ناصر بالسالفة كلها... ارتاح محمد أن صالح تقدم لها... صحيح حمد ربيعه بس عليه حركات وسوالف واناني... وكان خايف على اخته من هالشي... ودام صالح خطبها ارتاح واتطمن على اخته...
راح ناصر عن عياله يرجد،،
محمد كلم اخته: هيش رايك؟
اسما: والله مادري هيش اقولك؟
محمد: قولي كل اللي ف قلبك
اسما متعودة على الصراحة مع اخوها: صراحة عمري ماحطيت صالح ف بالي... من كثر ماسمعت اني لحمد... تأقلمت على هالشي وصدجت اني بكون زوجة لحمد... والحين ف لحظة وحدة اسمع اني بكون لصالح.... احسها صعبة عليه
محمد بتفهم: صحيح... ترى المشكلة لما ناقلم عمارنا على شي ومانتوقع شي غيره... وف لحظة ننصدم بواقع ثاني غير اللي حاطنه ف بالنا (ويات ف باله ندى... قال ياويلي اذا ماخذتها)
اسما تهز راسها: تراه كيه!!
محمد: بس صالح... والله ماعليه كلام... بدون ماتكلم عنه... بروحك تعرفي
اسما وافقت اخوها: اعرف
محمد: وصراحة ارتحت اكثر واتطمنت عليك يوم هو خطبك... صحيح حمد ربيعي ومايهون عليه... بس احسك بترتاحي مع صالح اكثر
اسما: رايك؟؟
محمد: اها... وبعدك استخيري... عشان تطمني وترتاحي
اسما: تراني ناوية استخير... وعسى خير
محمد بحنية: ان شاء الله خير... الله يوفقك يا اسما
اسما: ويوفقك يارب... وتحصل بنت الحلال اللي تريحك
محمد: امين

راحت اسما حجرتها وتوضت وبعد ماصلت ركعتين وسلمت... وبعد مادعت بدعاء الاستخارة كملت دعائها اللي متعودة بكل صلاة تقوله: "لا اله الا انت سبحانك اني كنت من الظالمين... اللهم اكفني بحلالك عن حرامك واغنني بفضلك عمن سواك... اللهم ياحي ياقيوم برحمتك استغيث اصلح لي شأني كله ولاتكلني الى نفسي طرقة عين... اللهم اغفر لي ولوالدي وللمؤمنين والمؤمنات... اللهم اغفر لامي وارحمها واسكنها فسيح جناتك"
ودمعت عيونها لانها حست بحاجتها لامها بهالوقت... حست انها وحيدة وتبا احد جنبها... احد تشكي له وتبكي على صدره... احد يخبرها وين الدرب الصحيح؟؟... طوت السجادة وفصخت الشيلة... ورجدت على كرفايتها... وعلى طول نامت... وبعد مدة من نومها.. حلمت اسما... وشافت امها من بعيد فاتحة لها ايدينها عشان تيي ف حضنها وراحت اسما تركض لامها وهي تصيح: اماه..اماه ..... واول ماوصلت عندها حضنتها امها... ولما رفعت راسها تشوفها... لقت صالح بدال امها حاضننها...استغربت وابتعدت عنه وصاحت مرة ثانية: اماه اماه....
قامت اسما من نومها وهي تنادي امها... انتبهت لحالها وتعوذت من الشيطان... سمعت صوت اذان الفجر..قالت: الله اكبر على حق صدق الحق وزهق الباطل... اشهد أن لا إله إلا الله واشهد أن محمد رسول الله.... قامت عشان تصلي... وهي مستغربة من الحلم اللي شافته... وقالت شكلي بوافق على صالح!!

ف بيت محمد... بعد ماصلو الفجر... محمد خبر عايشه انه خطب اسما لصالح... ومثل الجميع استغربت أن صالح يباها... وخبرها بالحقيقة.... عايشه فرحت أن صالح اهتدي وقال ابا اتزوج بعد مايأست منه... وفرحت انه بياخذ اسما ف نظرها انهم يليقو لبعض اكثر.. حزنت من تصرف حمد بس قالت ف خاطرها كلن الله كاتب له رزقه مع حد
عايشه بعتب: وليش ماخبرتني من بارحه؟؟
محمد: تراه بارحه البنات موجودات... ماقدرت اتكلم قدامهن... نباهم يوافقو وعقب بنخبرهن
عايشه: أن شاء الله بيوافقو
محمد: ابوها موافق.. بس قال بشاورها
عايشه: اسما عاقلة... وبتوافق على صالح
صالح: الله يوفقهم... اباه يرتاح آالولد... مسكين قبل ماتهنى ف يوازه
عايشه بابتسامة: بتعوضه اسما أن شاء الله... وبتيبله العيال اللي بيشلو اسمك
محمد: امييييين... ابا اشوف عيالهم هو وحمد
عايشه: ومريم؟؟
محمد يتذكر دلوعته بنته: مريم؟؟ عيني مريم... لو عليه بخليها فالبيت ولا تعرس... اباها قدامي ولاتطلع من البيت
عايشه: هههههه.. الجحارة( :اخر العنقود) تراها... الحين يوم تروح الجامعه نشتاقها ونشتاق ربشتها... كيف عاد يوم بتعرس وبتعيش بيت ريلها!!
محمد: لين اذاك اليوم خير


بالليل وصلت مريم الحرم الجامعي... وصلها حمد لين البوابة الرئيسية للمجمع السكني... وجرت شنطتها لين وحدتها... راحت وقعت عند المشرفة... وبعدها راحت جناحها وحصلت الجناح فاضي... قالت شكل البنات بعدهن ماوصلن
دخلت حجرتها وراحت تتوضى وصلت... يات ايمان جلست على الكرسي تنتظر ربيعتها تخلص صلاتها
مريم بعد ماسلمت طوت السجادة... قبلت على ربيعتها: السلام عليكم... وقامت تسلم عليها
ايمان: اخبارك ريومي؟؟ وكيف حال هلك؟
مريم: الحمدلله.. بخير... يسلمو عليك.. كيف حالكم؟
ايمان : الحمدلله... هاه بشري؟
مريم متناسية الموضوع: ابشر عن هيش؟
ايمان: افا!!! لاتكوني نسيتي؟؟.. تراك قايلة اليوم بتخبريني بقرارك؟ (وغمزت لمريم)
مريم: اهاااااه... لا مانسيت
ايمان: وهيش قررتي؟؟ منصور ينتظر على احر من الجمر... والحين يتريا اتصالي
مريم استحت لما سمعت اسم منصور: وحليله
ايمان: ياعيني ياعيني... شكلك موافقة؟؟!!
مريم هزت راسها بالايجاب
ايمان مسكت مريم من كتوفها: قولي والله
مريم تبتسم: مب لازم احلف
ايمان فرحت لاخوها وربيعتها: يااااااااااااااه يامريم... الحمدلله... والله كنت متهممة على منصور لو ماوافقتي هيش بيصير فيه
مريم: وليش ارفض؟... دامه يحبني ويتمناني
ايمان: والله بيحطك ف عيونه... ماتعرفيه لاي درجة يتمناك
ابتسمت مريم... وقالت ف خاطرها الله يسعده
ايمان: خلينا نتصل به... الحين لما نزلني... يقول اتريا اتصالك... لاتتاخري علي
مريم وهي قايمة: اني بطلع عشان تتصلي به
ايمان مسكت ربيعتها: لااااااااااااا... اباك تسمعي ردة فعله... بخليه سبيكر (وتبتسم بخبث)
مريم احمرت خدودها: لااااااااااااااا... والله اخيل اسمع صوته
ايمان: تراني مابخبره أن حد يسمعه.. بليييييييييييز ريومي
مريم بتخوف: اوكي... بس ياويلك تقولي له اني معك واسمعه
ايمان مسكت تلفونها واتصلت باخوها: اوكي
ورد منصور: الو
ايمان خلت التلفون سبيكر: هلا منصوووووور
منصور باستعجال: هاه هيش قالت؟؟
مريم دق قلبها لما سمعت صوته... قالت صوته رخيم وحنون
ايمان: هيش بشارتي؟
منصور: اذا خير.... اللي تطلبيه ومن عيوني
ايمان: مريم موافقة
سكت منصور... قال شكلي احلم... مريم وافقت!!!!!!!! بعد معاناة 5سنين.. وافقت!!!! مريم ممكن تصير لي؟... مستحيل!!!
ايمان ومريم استغربن سكوته... وتكلمت ايمان: هيييييي... هينك؟
منصور: قولي والله انها وافقت
مريم ابتسمت... ايمان: والله وافقت
منصور بعده مب مصدق: مستحيل!!
ايمان: ليش مستحيل؟؟
منصور: مريم توافق... بعد هالمعاناة!!! احسني مب مصدق.. الحمدلله والشكر
ايمان: الحمدلله... الله يهنيكم؟
منصور: اميييييييييييييين... والله بحطها ف عيوني لو اهلها يوافقو
مريم زاد خجلها على كلام منصور...
ايمان: يالله عاد خسرتني رصيدي
منصور: ههههههههه... بعوضك... الحين بطرشلك رصيد بطاقة
مريم اسرها بضحكته... وقالت صوتك وكلامك واسلوبك عايبني.... شكلي بديت اتعلق فيك
ايمان: تسلملي يا احلى اخ... لعاد كل يوم ببشرك عشان تعبيلي رصيد
منصور: هههههه... انتي بس بشريني مثل هالبشاير الحلوة ولك اللي تطلبيه
ايمان: يالله منصور... ف خاطرك شي... ببند
منصور: اها
ايمان: هيش؟
منصور بحيا: سلمي على مريم... وقولي لها عمرها ماراح تندم على قرارها
مريم استحت اكثر... ونزلت راسها
ايمان تراقب ربيعتها وتقول لاخوها: اعتبر الكلام واصل... يالله مع السلامة
منصور: مع السلامة

منصور بعد مابندت ايمان كان راجد بفراشه... حس بطعم الراحة واتطمن أن مريم ممكن تبادله الشعور... ممكن تحس باللي ف قلبه لها... يباللي اتحرك بسرعة واخلي هلي يخطبوها لي.. قبل ماحد ياخذها مني... بس ياخوفي يقولو هي لولد عمها... بس هي وافقت يعني ممكن ترفض ولد عمها ولما اتقدم لها توقف معي... وحط ف باله يكلم ابوه ف اقرب فرصة ممكنة


بعد اسبوع... يوم الاربعا ف بيت ناصر... ناصرقرر يكلم اسما لانه شافها ماتكلمت... اسما كانت مترددة توافق ولا لا؟؟ بعدها مامتاكدة من شعورها... رغم حلمها اللي حلمته ذيك الليلة
ناصر: هاه يا اسما؟؟ هيش قررتي؟؟ فضيحة بيت عمك يتريو يواب
اسما بتردد: بعدني ماعرف هيش اقول؟
ناصر: وافقي يابنتي... مابتلقي احسن من صالح ود عمك... بيصونك وبيريحك... وبيت عمك مابتهوني عليهم بيحطوك ف عيونهم
اسما بتخوف: على شورك ابويه
ناصر يتاكد: يعني موافقة
اسما: اذا انت موافق؟؟
ناصر: اني موافق... بس اباك انتي تقتنعي
اسما: دامك انت مقتنع يابويه... أن شاء الله بقتنع
ناصر: لعاد اني بخبر عمك
اسما: بس بشرط؟
ناصر: هيش؟
اسما: أن ماطلع من بيتنا... نسكن معك
ناصر: بروحي ابا اطلب من صالح انكم تسكنو هنيه... اكوه البيت هيش كبره... يشلكم
اسما: وتتوقع صالح يوافق؟
ناصر: اكيد بيوافق... يوم بيسمع انك انتي طالبة الشي... انزين اني بتصل بمحمد اخوك وبعمك وبخبرهم... واذا طلبو تحديد الموعد؟
اسما بحيا: على راحتكم ابويه
ناصر بحنان: الله يوفقك يابنتي... وتتهني ف حياتك

واتصل ناصر بولده وخبره بموافقة اسما وارتاح محمد واتطمن على اخته.... وبعدها اتصل باخوه وخبره بموافقتهم... ومحمد قال له بييو يخطبو رسمي بهالليلة وبيتفقو على كل شي... وقال له شاور اسما اذا يناسبها الزواج بعد شهر
محمد بعد مابند عن اخوه... كان جالس بالصالة مع عايشه... عايشه سمعت بالكلام كله
عايشه: مبروكين يابوصالح... الله يهنيهم
محمد: امين... هينه صالح بنبشره؟

وهنيه كان صالح ومريم ياين صوبهم... ومريم جالسة تغلس على اخوها وتمازحه

عايشه بابتسامة: مبروك ياصالح
محمد: وافقو بيت عمك
صالح مايعرف عمره بيفرح ولا بيحزن... يحس انه داخل على شي يديد ويخاف تفشل حياته مع اسما...ويتكرر اللي صار قبل مع نوره: وافقو؟

مريم كانت تعرف بالموضوع خبرتها امها... ووايد اتشجعت وفرحت لاخوها وبنت عمها وكانت من زمان تتمنى أن صالح ياخذ اسما بدل حمد... تحس اسما بترتاح مع صالح اكثر وشخصياتهم تليق على بعض... واتصلت باسما عشان تحسسها أن حد جنبها ونصحتها انها توافق على صالح وانها بترتاح معه و غيره من الكلام المقنع

مريم تضرب اخوها على كتفه: مبروك صللوحي... تستاهل
صالح يبتسم: الله يبارك فيك... عقبالك
مريم استحت وتذكرت منصور... قالت ف خاطرها ان شاء الله
عايشه: مبروك حبيبي... اسما بنت طيبة ومحترمة.. بترتاح معها
صالح: الله يبارك فيك اماه
محمد: قلت لعمك اليوم بنمشي لهم عشان نحدد معهم الحق وموعد الزواج
صالح: ان شاء الله
مريم: ومتين ناوين تحددو الموعد؟
محمد: اني قلت لناصر يشاور اسما اذا يناسبهم بعد شهر
مريم: احلللللللللللللللللى.... بيصير عندنا عرس... من زمان ماصار عندنا عرس
عايشه: بيت عمك مابيسوو شي من العراسات وحرمة عمك بعدها ماكملت سنة... بس عزومة صغيرة للاهل
مريم: مايخالف... المهم نفرح

بالليل اجتمعو ف بيت ناصر... وتم تحديد المهر والموعد... واتفقو يكون الزواج بعد شهر ونص عشان اسما تقدر تستعد...وصالح وافق على شرط اسما انهم يسكنو بيت عمه لين مايعرس محمد...
والبنات ماخلن اسما ف حالها... جلسن ينكتن ويمزحن معها خاصة منى ومريم... وجلسن يخططن للعرس وهيش بيفصلن وهيش بيسون من حركات وغيره من افكار البنات....

والى لقاء آخر... ومع جزء آخر... :cool:
تقبلو ارق تحية مني

[~ô§ô~كبريــاء انـثى~ô§ô~]

توتو
ونة غلا
تسلمو حبايبي عالمتابعة

[توتو الصغيره]

مشكووره اختي
وفعلا قصه رائعه يدل على ابداعج اختي والى الامام

[ونة غلا]

كبرياء وينج من متى ننتظرج

كملي القصه بلييييييييييييييز

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღ الجزء الثامن ღღღღღ
~ô§ô~كبريــاء انـثى~ô§ô~

منصور كان ناوي يكلم ابوه ف اجازة الاسبوع... بس للاسف اول ماوصلو وهو وايمان حصلو عزا عندهم... توفت خالة امهم... وماقدر يتكلم فالموضوع شافه الوقت مب مناسب

محمد وحمد بعد ماخلصت الخطبة وكلن راح بيته... راحو يرمسو مع ربعهم...
محمد كل تفكيره مع ندى... لما شاف أن اخته انخطبت وبتتزوج ومحد قال شي... قرر يكلم ابوه يخطب له ندى بعد مايرد من الرمسة مع الشباب... الشباب مسوين جو.. الشيشة من صوب والورقة من صوب (محمد الوحيد بينهم اللي مايدخن وماعنده سوالف بطالة)
حمد وهو يشيش: ههههههههههههه... بوعزوز لاتخليني اطلع فضايحك
سعود: ههههههههه.... طلع واني بطلع اللي عندي
راشد: هههههههه... اقول تراكم ثنينتكم فضايحكم يشيب لها الشعر... احسن لكم تسكتو وتسترو على عماركم
محمد: بوسنيده عاد انت الملاك؟؟!!!
راشد: ههههههههه... بالنسبة للثنينة (ياشر على حمد وسعود) اللاه اعتبر نفسي ملاك
سعود: وطلعة دبي اذيك المرة؟؟ ولا نسيتها؟؟ (ويغمز لراشد)
راشد متفاجأ: وانت من خبرك؟؟
حمد: ياحبيبي حن ماشي يخفي علينا
وضحك الجميع...
سعود وهو ينفخ دخان الشيشة: اقولكم شفتوه الجيتي اللي ماخذنه عبدالله؟
راشد وحمد: اها.... عاد مب قوة عليه
محمد: لا ماشفته
راشد: زايد قوة المحرك... لو تسمع صوته بس وهو يحره
سعود: عبدالله محد يجاريه ف السيارات والويلات
محمد: بكم ماخذنه؟
حمد: ظنتي بالف ونص بس... موديل 94
محمد: بالف ونص بس؟؟
راشد: تراه الجيتي مستوي عليه حادث
سعود: انزين هينه عبدالله؟؟ اشوفه مايا اليوم؟
راشد: اتصل وقال مروح مسقط... عنده شغل
محمد: الشباب صايرين مايرمسو مثل قبل... كل حد منشغل بشي.. تصدجو سلطان له وحشة... من زمان ماقعد معنا ودندن على العود
حمد: ود عمتي خذته الحرمة ونسي شي اسمه ربع
راشد: لا والله الحرمة ماتاخذ ولا شي... تشوفوني اني قدامكم اربع وعشرين ساعة
سعود: هههههههه... انت عاد حالة خاصة... الله يعين آالحرمة عليك
محمد: تراه مسكين سلطان... من استقر ف مسقط وهو قليل يي... واذا يا ف الاجازة... بتحصله بيت عمتي
سعود: الله يوفقه... لما بيي المرة الياية مابنفلته من يدينا... صدج وحشتنا دندنته وسوالفه
راشد: يالله شباب اني بستأذن
سعود: على وييييييييين؟؟ لايكون خايف من الحكومة!!
راشد: اليوم الحكومة بيت هلها... قايل لها مابتاخر عليك... والحين الساعة عدت ال12
سعود: واني بقوم معك... باكر ورايه قومة من الصبح.... عندي شغل
حمد يلتفت على محمد: حن نابه بنروح

وتعاذرو الشباب... حمد ومحمد ركبو سيارة محمد... حرك محمد السيارة... ولما وصلو عند بيت حمد
حمد بتردد: اقولك ناوي اخطب
محمد فرح لربيعه: اوهوووووووو.....غايرك صالح ولا شي؟
حمد: لا... تراني ناوي على الزواج... ولما اختك بغاها صالح.. قلت بخطب بنت العمة
محمد مستغرب: من بنت العمة؟
حمد: بنت عمتي نصرى
محمد كأن احد نزع له قلبه... تغير لون ويهه... وقال بصوت واطي: ندى؟؟!!
حمد: اها... كلمت ابويه وقال مايخالف بنخطبها لك
محمد مسك راسه بين ايدينه على الستير... حس كأن حمد يطعنه بسكين وهو يقول هالكلام... لا لا ياحمد... لاتسرق اعز انسانة مني... ونزلت دمعة من عينه مسحها بدون ماينتبه له حمد
حمد شاف حال ربيعه: هيش فيك محمد... يعورك شي؟
محمد خوز ايدينه والتفت لحمد: هااه... لا... بس شوية تعب... تدري من عد الصبح مارجدت ودرب مسقط
حمد: اوكي لعاد بنزل عنك... مشي ارتاح.. وباكر بنكمل موضوعنا
محمد: اوكي
حمد نزل من السيارة ويكلم محمد من الدريشة: تصبح على خير
محمد حرك السيارة بدون مايقول شي... واستغرب حمد من ربيعه: هيش فيه!!!

محمد يكلم عمره: لا لاااااااااااااااااااا لااااااااااااااااااااا ياحمد لاااااااااااااا... لاتقول تبا قلبي... لاتاخذه مني... تبا تذبحني!!!... لازم اخبره لازم... لازم اقوله اني احب ندى... ليش ياحمد؟؟ ليييييييييييييييييييييييش؟ (وضرب الستير بقوة)... اااااااااااااااااه ياندى ااااااااااااااااه... ممكن احد ياخذك مني؟؟ لاااااا... مستحيل يصير هالشي واني حي... لازم اكلم حمد.. اكيد بيرفضها اذا عرف اني احبها... واذا طلع هو يحبها؟؟
لاااااااااااااااا... لااااااااااااااا... ياربي هيش اسوي؟؟.. هيش الحل؟؟!! كيف اتاكد اذا هو يحبها ولا لا؟؟ بس ندى تحبني حتى لو هو يحبها... ياربي ليش؟؟؟؟ ... ليش اعز صديق واعز انسانة بقلبي؟!!! ليش؟؟؟!!... موقف صعب! والله صعب.. مستحيل اتخيل ندى تكون لحد غيري... كيف بقدر اعيش من دونها؟؟... ليش ماتكلمت من قبل وخبرت ابويه؟؟؟ يعني ممكن افقدها ببرودي الغبي؟؟ مستحيل مستحيل

وصل محمد البيت... راح غرفته ودخلها بدون مايولع الليت...رمي نفسه عالكرفايه بدون مايبدل.. يحس بخنقة وبضيق وعبرة ف صدره كاتمنها.. يدور على حل قبل ماتضيع منه ندى... وتم طول الليل يفكر ولا غمضت جفونه وارتاح... سمع اذان الفجر قام يتوضى وراح المسجد...

شافه ابوه واستغرب من حمد انه ياي يصلي ف المسجد قليل انه يصلي الفجر ف المسجد... بعد ماخلصو الصلاة
ناصر يا صوب ولده: خلى
محمد: بقعد شويه... انت الحقني
ناصر بحنان: محمد فيك شي؟؟
محمد: لا... بس بقعد اقرا قرأن
ناصر: على راحتك
وراح ناصر وهو ف خاطره يقول الله يهديك يامحمد وتحافظ على صلواتك بالمسجد دوم

محمد فتح القرأن وجلس يقرأ... ونزلت دموعه... حس بحاجته للقرب من رب العالمين... بحاجته يستغفره ويطلب رحمته يشكي له ويدعيه ويطلب منه... جلس يناجي ربه ويستغفر.. ويدعي أن ندى تكون من نصيبه ولا يفقدها... يدعي أن الله يسهل له الامر وياخذها بالحلال وان حمد يصرف نظر عنها
محمد حس براحة بعد مافضفض وطلع اللي بقلبه... قام وطلع من المسجد وبدل مايدخل بيتهم... راح لسيارته وركبها وهو ماعارف وين بيروح؟؟ المهم يتحرك بسيارته.. وصل للشارع العام... وفكر يروح يمين ولا شمال؟؟... وقرر يروح يمين... صوب سيح العلا... وبعدها وصل لفة الجوابي... وقرر يروح الخبة.... يبا يشوف شروق الشمس عند البحر
ولما وصل كانت الشمس بادية تطلع وكان البحر مغطي عليها... وهي عاكسة لون رهيب عالبحر... كان الجو بارد شوي... حمد حس براحة وطاقة يستمدها من اللي حوله.. من الشمس من البحر من النورس اللي يدور على رزقه... من كل شي حوله.. وقال ف خاطره: "ربنا ماخلقت هذا باطلا سبحانك فقنا عذاب النار"... وبعدها غطي ويهه بالمصر ورجع الكرسي على ورا.. لعل وعسى يرجد له ساعة وقت


ف بيت سالم... الكل راجد... ماعدا سالم يتابع التلفزيون (الاخبار).. واحمد اللي متعود يقوم مبكر... ومثل مامتعود اول مايقوم يروح لمنى.. فتح الباب وراح صوب اخته اللي كانت نايمة بعمق... ومسكها من ايدها
احمد: منوووه
ومنى نااااااااااااااايمة ولاتحس
احمد: منوووووووووه... تولي (ثوري) .... ويحرك ايدها
منى انتبهت لاحمد: هااااه
احمد: تولي
منى بضيق: احمدوه روح... خليني ارجد
احمد بترجي: تولي
منى: هيييييييييش تبا؟
احمد: ابا هليب (حليب)
منى تغطي ويهها بالبطانية: روح لماما
احمد: ماما تدول انتي ثوي الهليب (ماما تقول انتي سوي الحليب)
منى: يوووووووووووه... والله ماصدق لين تيي الخميس عشان ارجد... وتيي انت تزعجني... روووووووووووح عند بابا
احمد بدا يبكي: مابا... مابا
منى: روح لسونيا بتسويلك الحليب
احمد وهو يشهق: مابا ثونيا ماابا
منى: ياربي هيش آالبلية؟؟
قامت منى: انزين خلى... وسحبته من ايده... حصلت ابوها بالصالة يتابع الاخبار
سالم يضحك عليها: هههههه...قوماك مبونه؟
منى: مزعج واحد... اني ابا ارجد وارتاح... ماتكفي قومة المدرسة... ييني احمدوه ويثورني
احمد: ابا هلييييييييييييب
منى بضيق: زين زين صدعتنا... ماعرف طالع على من؟ مدمن حليب
سالم: طالع عليك انتي... يوم كنتي صغيرة دوم تشربي الحليب
منى: هههههه...عشان كيه الحين ماشربه الحين!! صار عندي تشبع
سالم يضحك: هههههه يمكن... مشي هاتي الريوق... سونيا اشوفها مايابته للحين
منى: أن شاء الله... وليش ماتقوم امي تتقهوي عندك؟
سالم: خليها ترجد... وتاخذ راحة اليوم
منى باعتراض: لعاد اني عادي يقومني الدب اذيه؟؟
سالم: اها عادي
منى: ياعيني ياعيني... امي لاقيه دفاع عنها... بس اني وحليلي محد يدافع عني
سالم يغلس عليها: يوم بتعرسي بيدافع عنك ريلك
منى استحت من ابوها: ههههههه.... بمشي اييب الريوق

سالم ف خاطره... وحليلها استحت منى... منال واتطمنت عليها... باقي هي... قبل تخلص دراستها ف المدرسة وتضمن مستقبلها وبعدين خير... يبالي اقوم اضيق بموزه واخليها تي تتريق عندي... وراح غرفته
جلس جنبها وياب خصلة من شعرها ومررها على خشمها... موزه حركت ايدها على خشمها... سالم عاد الحركة وهمس ف اذنها: قووومي
موزه افتحت عيونها بكسل: ابا ارجد... والله تعبانة
سالم: العيازة بسك... قومي
موزه بترجي: بارحة سهرانين اني ومنى على التلفزيون... خليني ارجد
سالم مسك ايدها وباسها برقة: اباك تتريقي عندي
موزه: الاول مصدعني احمد... والحين بتي انت
سالم: هههه... احمد ماقصر... ثور منى من رجادها
موزه تبتسم: وقامت؟؟
سالم: ههههه... بالغصب... عاد احمد وازعاجه
موزه: مسكينة... ناوية ترجد لين 12
سالم: يالله عاد قومي
موزه وهي تقعد عالكرفاية: انزين بقوم
سالم: وبعدين بنمشي نتكشت
موزه: مالي بارض ف كشته
سالم: ماراح ننزل... بس بندور بالسيارة
موزه: مشتاقة لخالد... خلينا نتصل به
سالم: الحين؟؟؟ الساعة عندهم 3... اكيد راجد
موزه: نسيت انه الساعة 3 عندهم... لعاد بنتصل به فالليل
سالم بحنان: ان شاء الله... يالله خلى بنتريق... اكيد منى يابته الريوق
موزه وهي تقوم: ان شاء الله


ف بيتم محمد... مريم قامت من النوم الساعة 10... راحت لكبتها وفتحته هيش بلبس؟؟!!!.. دراعة ولا قميص وتنورة ولا تطريز؟؟ اممممممممممممم... اذيه.. واختارت دراعة بنفسجية مقلمة بالاسود... راحت الحمام وتسبحت... وبعدها راحت للصالة وماحصلت حد... راحت للمطبخ وحصلت الخدامة
مريم: هين ماما؟
درمينيا: مايئرف... فيه روه برى مأ باباه
مريم: اهاااه... وصالح قام من النوم؟
درمينيا: ايوى... بس مافي موجود
مريم مسكت الشاهي وكبت لها كوب...وتقول وين بتروح امي الحين؟؟ وصالح اباه يشلني بيت عمي... احسن اتصل به
راحت الصالة ومسكت التلفون دقت على ابوها
رد عليها محمد: الو
مريم: هلا.. ابويه.... امي هين؟
محمد: امك وديتها العزا
مريم: اهاااه... بيت خوال ايمان؟
محمد: اها
مريم: انزين ابويه... ابا اروح بيت عمي.. بنروح اني واسما صور عشان تفصل ملابس
محمد: ومن بيشلكن؟
مريم: عمي ناصر
محمد: مايخالف مشي
مريم: صالح مب معك؟
محمد: لا... اتصلي به وخليه ييك
مريم: أن شاء الله... مع السلامة
محمد: مع السلامة

************************************************** *****

[~ô§ô~كبريــاء انـثى~ô§ô~]

************************************************** *****

مريم بعد مابندت عن ابوها... قالت خليني اتصل بايمان واعظم لها الاجر... اتصلت على موبايلها بس حصلته يتعذر... دقت على تلفون بيتهم... ورد عليها صوت رجالي: السلام عليكم
مريم بتلعثم: وعل..يكم...السلااام (مب غريب علي الصوت!!)
منصور (فز قلبه.. مريم؟ كانه صوت مريم؟): نعم
مريم: ايمان موجودة
منصور تاكد انها مريم وبتردد: مريم؟؟
مريم طاح قلبها... منصور؟؟!! : ايوه
منصور: اخبارك؟
مريم بسرعة وماعارفة هيش تقول: الحمدلله... عظم الله اجرك... هنيه ايمان؟
منصور: اجرنا واجركم... ايمان الحين طلعت رايحة العزا
مريم: طيب مشكور... مع السلامة
منصور: لحظة... مرييي........ ( توت..توت...توت... ياه صوت التلفون انها سكرت)
حس بخيبة امل انها بندت بسرعة وماقدر يتكلم معها... اااااااااااااه ياصوتها... محلاه!.. رقة ونعومة... ياقلبي ايش بتتحمل ولا ايش؟؟... هالبنت كاملة مكملة... جمال اخلاق اصل.... يااااااااااااااااااااه يامريم... الله يكتبك لي ولايحرمني من هالصوت اللي حرك مشاعري زيادة... ياعمري شكلها مرتبكة واستحت لما عرفتني... ياقلبي عليك يالريم... صدج انك ريم اسم على مسمى
توه يتذكر منصور... اوهووووو نسيت العزا.... بلحق عليهم ولا بتيني نزاعة من الشايب... وراح منصور وتفكيره كله مع الصوت اللي اسر قلبه... يحس بفرح وشوق.. فرح انه تكلم معها ولو لمدة نص دقيقة...المهم انه تواصل معها... وبشوق لكل لحظة ممكن يسمع فيها هالصوت مرة ثانية

مريم لما بندت تحس قلبها بيطلع من كثر مايدق... وايدينها تتنافض.. ياربي هيش هالصدفة؟؟ منصور؟؟ ااااااااااااه يامنصور ااااااااااه... شكله قلبي بادي يتعلق فيك... وليش ارتبك لما اسمع صوته؟؟... احس مشاعري متلخبطة!!... صوته حنون ويخليني غصب انتبه له...صوته جذاب؟؟يمكن!!... يوووووه يامنصور نسيتني اسما... تاخرت عليها.. خليني اتصل بصالح

واتصلت بصالح عشان يي يشلها... راحت غرفتها عشان تييب عبايتها... حطت كريم مرطب وواقي وكحلت عيونها وحطت جلوس وردي فاتح... ولبست عبايتها وشيلتها... سمعت هرن سيارة اخوها... راحت وركبت السيارة

صالح: تراك لابارحة رايحة بيت عمي
مريم تسكر الباب: الحين يوميا بالاجازة بروح بيت عمي
صالح: وليش عاد؟
مريم: عشان عروستك (وتغمز له)
صالح باهتمام: وهيش فيها اسما؟
مريم: يابويه عشان الاستعدادات... ابا اساعدها ف تشرية الاغراض
صالح: اهااه... الله يعينكن
مريم: اليوم بنروح صور عشان نختار القطع ونفصل... بنتصل بموزه عشان تمشي معنا
صالح: ومن بيشلكن؟
مريم: عمي ناصر
صالح: اذا تبني بشلكن
مريم: ههههه.... ياعيني... واسما بتوافق؟؟!!!
صالح: هيش فيها؟... عادي
مريم: انت ماتعرف اسما... محد كثرها يخيل... وبعدين عمي مابيرضى
صالح: على راحتكن... اني قدمت خدماتي
مريم: خدماتك خليها لبعدين... يوم بتاخذها... الله يعين هالشهر ونص... احسهن مايكفن عشان تستعد فيهن
صالح: حشا!! شهر ونص مايكفن؟!!
مريم: اها مايكفن
صالح: اسبوع يكفي تدورن السوق وتاخذن اللي تبنه
مريم: حسبالك مثلكم... ثياب ومصارة وعطور؟؟... لا ياحبيبي... اشياء وايدة... ولازم ناخذ على راحتنا وننقي ومب سوق واحد يكفي... سوق الذهب والمجمعات والمراكز ومحلات التفصيل وغيره وغيره
صالح: الله يعيـــــن... كل اذيه؟؟!!!
مريم: ههههههه... اها... والاسبوع اذيه اسومي بتروح مسقط وبتقعد بيت خالتها وكون يمر عليها محمد ويمكن تمر عليه... بس اني قلتلها يكفن بنات خالتك يساعدنك ف الاختيار

صالح يفكر ف اسما... للحين اعرف عنها انها هادية وتخيل وطيبة... بس شكلها ماقادر اتذكره..ناسنه... ياخي خايف من اذاك اليوم!

وصلو بيت عمهم... نزلت مريم ودخلت البيت... صالح راح عنها
حصلت اسما تنتظرها: هينك؟ تاخرتي
مريم تفتح غشوتها وتسلم على بنت عمها: سألي خطيبك.. هو اللي اخرني
اسما استحت: كيف اتصلتي بموزه؟
مريم: لا والله ماواحيت... بتصل بها الحين
واتصلت بموزه: الو
موزه: هلا مريوم.. اخباركم؟
مريم: الحمدلله... اقولك انتي هين؟؟ نبا نمشي اني واسما صور ونباك تمشي معنا
موزه: حن طالعين كشتة... ماقلتن من قبل
مريم: يعني بعيد؟
موزه: اها... انزين اجلنها لين عصر
مريم: ترانا خبرنا عمي... ويمكن مايكفينا الوقت بالعصر... ماعليه بنتصل بفاطمه
موزه: مايخالف.... على راحتكن
مريم: يالله مع السلامة... سلمي عالجميع
موزه: أن شاء الله... سلمي على اسما.. مع السلامة
مريم تكلم اسما: موزه رايحين كشتة... بنتشوف فطوم
اسما: اوكي

واتصلت بفاطمه... ردت عليها وقالت بتمشي معهن
مريم بعد مابندت عن اختها: فاطمه بتمشي
اسما: وعيالها؟؟
مريم: قالت بخليهم عند علي
اسما: انزين.. بمشي لابويه اناديه... قعدي الريم
مريم: طيب لاتتاخري
اسما راحت لميري عشان تييب عصير لمريم... وبعدها راحت لغرفة ابوها

مريم جلست عالكنبة... وتفكيرها بعيد مع منصور... تتذكر المكالمة وتبتسم
محمد كان راجع بيتهم... فتح الباب... وشاف وحده جالسة لابسة عباية
مريم لما سمعت الباب انتبهت وتغشت... وكانت تبا تلتفت على ورا بس ماقدرت... توقعته يكون محمد
محمد تردد يدخل ولا لا... وقال خليني ادخل
محمد قرب من مريم: السلام عليكم
مريم بارتباك: وعليكم السلام

يات اسما مع ابوها... وشافت اخوها ياي من برى
ناصر: هينك محمد؟
محمد: موجود... بس طلعت شويه
ناصر: من عقب الصلاة ؟
محمد: اها... هين ماشين؟
ناصر: صور
محمد: اهااه... انزين اني بشلهن عنك
مريم تقول ف خاطرها..لا مانبا محمد... ابا اخذ حريتي
ناصر: لا... مايخالف روحي بشلهن
ناصر انتبه لبنت اخوه وقرب منها: مريم كيف حالك؟
مريم كانت مخيلة من محمد وماقدرت قبل تسلم على عمها... قامت وسلمت: الحمدلله... كيف شراك عمي؟
ناصر: الحمدلله بخير وعافية... (ويلتفت على اسما) خلى
اسما: خلى
وراحو... محمد تذكر الموقف الزماني لما شاف مريم... وقال اوهوووو مالي بارض ف الذكريات... تكفيني مشكلة ندى الحين... حس عمره تعبان راح صوب غرفته عشان يرجد


حمد جالس عند ابوه.. يتقهوو قهوة الضحى
محمد: اشوفك اليوم ثرت بسرعة... مب من عوايدك
حمد بتردد: الصراحة ابويه... اني ياي اكلمك ف موضوع ندى
محمد: انت اصبر لين يتزوج صالح... هيش بيقولو بيت عمك؟ ماصدق ان انخطبت اسما وراح يخطب
حمد: بيت عمي مابيخالف عليهم... بارحة خبرت محمد وماقال شي
محمد: هيش بيقول بعده؟ لاتعرس؟
حمد: يابويه اسما توفقت وبياخذها صالح... خطبولي ندى... اخاف حد يخطبها ويوافقو عليه
محمد: انزين انت كلم موزه تكلم سالم وتشوف رايه وراي ندى... واذا وافقو بنمشي نخطبها من ابوها
حمد: نابه اني اقول كيه... موزه بتسهل لنا الامر... لعاد اني بتصل بموزه وبخبرها
محمد: بس ماشي خطبة ويواز لين ماصالح يعرس
حمد: مايخالف... اهم شي اضمن اني باخذها
مسك تلفونه ودق على موزه... بس ماردت
رد الاتصال مرة ثانية بس ماردت... قال خلبني اجرب البيت.. واتصل وبعد مدة ردت عليه سونيا: هلو
حمد: ايوه... وين ماماه؟
سونيا: مافي موجود
حمد: ومنى؟
سونيا: كله نوت هير
حمد: طيب... يالله مع السلامة

محمد: مالقيت حد؟
حمد: لا... الخدامة تقول كلهم طالعين
محمد: اهااه... اني بمشي اريح شويه لين صلاة الظهر... اقولك مشي لامك بعد ساعة وييبها من بيت العزا
حمد: ان شاء الله ابويه

بعد ماراح ابوه... قال خليني اتصل بسالم واشوفهم هينهم طالعين... ودق عليه
سالم: الووو
حمد: هلا بالشمي... اخباركم.؟
سالم: هلا هلا... الحمدلله... اخبارك حمد؟
حمد: الحمدلله... اقول هينكم؟؟ اتصلت ف البيت ومالقيت حد... واتصل بموزه بس ماترد
سالم: حن ف راس الجنز... وموزه شكلها حاطة تلفونها ف السيارة... شي ف خاطرك؟
حمد: لا بس... كنت ابا اسلم عليكم
سالم: اهاه... انزين اذيه موزه بتكلمك
موزه: مرحبا حمد... كيف حالك وكيف حال هلي؟
حمد: مرحبتين ام خالد... الحمدلله كلنا بخير... هينك عن تلفونك
موزه: ناستنه ف السيارة
حمد: كيف مطولين ف الكشتة؟
موزه: اها بنتغدي هنيه.... يمكن نيي العصر... ف خاطرك شي؟
حمد: لااا... بس بمر عليكم البيت عقب المغرب
موزه: مرحبا بك
حمد: يالله... مع السلامة
موزه: مع السلامة

بعدها دق على ربيعه... بس محمد مارد عليه.. قال: شكله راجد؟... يبالي امشي ادور شويه ف الشوارع بعدها بنيب الماما... قام يتلبس وياه اتصال....
رد حمد: الو
صوت بنت: هلا حمد... اخبارك؟
حمد: هلا مها... اخبارك؟
ساميه باستنكار: حمد من مها؟؟؟ّ!!!
حمد انتبه انها مب مها.. وكذب عليها: اووه سامية... مانتبهت... حسبتك بنت اختي
ساميه: متاكد انها بنت اختك؟؟
حمد: اها متاكد.... هيش فيك؟؟
ساميه: اخافها تكون وحدة ثانية
حمد: لاثانية ولا ثالثة... بس غريبة اشوفك متصلة؟؟ احيدك معاذرتني من شهر وتقولي خلاص ابا اقطع العلاقة
ساميه بنبرة حزن: ماقدرت ياحمد.. ماقدرت
حمد: ياساميه خلاص اني بعد ماباها العلاقة اللي بينا تستمر
ساميه: بس ياحمد... انا احبك
حمد: أي حب ياساميه؟؟ شهر كلمتك وتقولي تحبيني؟
ساميه بدت تبكي: ايوه.. والله احبك... حاولت ابتعد عنك... بس ماقدرت
حمد: بتقدري بس انتي لاتفكري فيه
ساميه: ولد خالي خطبني... واهلي موافقين ويبوني اوافق
حمد: وافقي عليه
ساميه وهي تبكي: كيف اوافق عليه؟؟ وانت؟
حمد: وراني؟
ساميه: اباك تتقدم لي
حمد انصدم: نعم؟؟ هيش اتقدم لك؟!!
ساميه: ياحمد انا احبك ومابا احد غيرك
حمد: والله ماوعدتك بزواج او غيره
ساميه بترجي: حرام عليك ياحمد تبا تتخلى عني
حمد بضيق: هيش اتخلى عنك؟؟ اني ماوعدتك بشي
ساميه: واللي بينا شو تسميه؟
حمد: ياساميه اني ماحبك... اعتبرك مجرد صديقة
ساميه باستهزاء: او عشيقة؟
حمد: ياساميه ترى مابينا الا مكالمات وتعارف... وان شاء الله اني بستر عليك وماراح اتكلم بك قدام حد
ساميه بعصبية: انت واحد حقير وخاين... وانا استاهل اللي يصير لي.. استاهل
حمد يحاول يهدي نفسه: ياساميه هيش آالكلام؟؟ لا تبدي بالغلط
ساميه وهي تشهق: اكرهك تعرف شو اكرهك؟؟... و الله لابارك ف اليوم اللي سمحت لنفسي اتواصل فيه معك
حمد سكت ماعرف هيش يقول
ساميه : بااااي... واتمنى تحذف رقمي وكل شي يختص فيني
حمد: ياساميه....
بندت البنت التلفون... حمد تضايق من الموقف وقال والله ماضربتها على ايدها وقلتلها كلميني... وبعدها تباني اخذها؟؟!! اصلا ابويه بيقبرني يوم بقوله باخذ وحدة من برى جعلان!! اني يوم رفضت بنت عمي سواها سالفة وكنت باخذها بالغصب لولا صالح انقذني... ماعرف بشفق عليها ولا؟؟
طرش لها مسج يقول:
"ساميه انا اسف
وماكنت اتمنى تنتهي علاقتنا بالزعل
اتمنى تسامحيني وتقدري موقفي"

ردت عليه ساميه:
" بقول لك كلمة لاتنساها
(يوم لك ويوم عليك)
وتذكرني ذيك اليوم"

حمد طنشها ومارد عليها... وطلع بالسيارة يغير جو بعد ماعكرت ساميه مزاجه
شغل شريط لمحمد عبده وجات اغنية "اقرب الناس" ويات ف باله ندى... وقال ممكن تكوني لي ولا؟؟!!...

"أقــرب الـنــاس, إنت يا نـظـر عيني,
و أبـعـد النـاس, إنت و إنت في عيني.
منـك أحـلى محبة,عــاشــهـا قـلـبـي,
و منك جرح الهوى,يـامـا تـلاعــب بـي.
أقرب الناس إنـت, وأبعد النـاس, إنت...

لا تساوم فـي حبي, تـكـفى إعفــيـنـي,
حـبـنـي بالوفا , و بكـل مـا فيـنـي.
ولا تـكـفى دخيلك, جــود و إحـميـنـي,
منك ومن جور حبك, يكـفي مـا فيـنــي...

خل عنك التعالي و,إتــركــك مــنــه,
ما يفيد الغـرور ,اللي مـعـاه مـنـة.
من عـشـق مـا جرح, خـلـه و لا سـابـه,
و من تغلـى تـخلى, عـنـه أحــبـابـه...

ما تهمك حـيـاتـي,بـكـل مـا فـيـهـا,
إنت هـمـك حيـاتي,كـيــف تـوفـيـهـا.
المشـاعـر تحـبـك,و إنـت نـاسـيـهـا,
و الأمور الصغـيرة,كـم أقـاســيــهـا

انتظروا معنا احداث الجزء التاسع :cool:

[~ô§ô~كبريــاء انـثى~ô§ô~]

حبيت اعتذر عن تاخري... بس ظروف خارجة عن ارادتي ماسمحت لي اكمل معكم... عذروني هاليومين يمكن اطول عليكم

توتو ثانكس الوت على المتابعة... وصراحة ياقلبي اتشجع كثير لما اشوف تواصلكم

ونة غلا... تسلمي الغلا على المتابعة... وعذريني اذا تاخرت عليكم

[جعلاني للابد]

روايه اكثر من رائعه اختي وف الانتظار

[توتو الصغيره]

الروااايه كثير حلوه وبدون مجامله واحنا مقدرين ظروفج اختي وننتظرج

[~ô§ô~كبريــاء انـثى~ô§ô~]

~ô§ô~كبريــاء انـثى~ô§ô~
ღღღღღالجزء التاسعღღღღღ
~ô§ô~كبريــاء انـثى~ô§ô~

بعد صلاة المغرب... حمد راح بيت اخته... دق الجرس... انفتح الباب وطلع عمار
حمد: هلا عمار... اخبارك؟
عمار: الحمدلله... كيف حالك خالي؟
حمد وهو يدخل: الحمدلله... هين امك؟
عمار: امي تصلي
حمد: وابوك؟
عمار: ابويه بعده مايا من الصلاة... خالي اشتريت شي سيديات يديدة؟
حمد: اها... يبت اشرطة يديدة... يوم بتي بيتنا بتشوفهن
عمار بحماس: واااااااااااااو....مشكوووووووووور خالي
حمد: ههههههه... انزين مشي نادي امك
عمار ياشر على المجلس: ادخل ف المجلس... الحين بتي
حمد راح صوب المجلس... وجلس
يات موزه ومعها منى
حمد قام وخاشم اخته وبنتها
موزه: كيف حالك حمد؟؟
حمد: الحمدلله... اخباركم؟
موزه: الحمدلله الاخبار طيبة
منى: اخبارك خالي؟ لك وحشة محد يشوفك
حمد: الحمدلله... موجود... توقعتكم تيو بيتنا اليوم؟
موزه: تراه يينا من الكشتة متاخرين وتعبانين... قلنا يمكن باكر نمشي
حمد: اهاااه
موزه تكلم منى: مشي خلي سونيا تحط الفوالة
حمد: مايحتاي.. الحين متقهوي من بيتنا
منى وهي قايمة: افا ياخالي... ماتبا تتقهوي من بيتنا؟ وخاصة انها من صنع ايديه وحياة عينيه
حمد: هههههه... انزين بنجربها وبنشوف كيف ذوقها
بعد ماراحت منى... موزه تسال اخوها: شي ف خاطرك؟
حمد باحراج: الصراحة اها
موزه: تكلم... قول اللي بخاطرك
حمد: تتذكري لما كلمتك قبل شهرين
موزه تهز راسها: قصدك ندى؟
حمد ارتاح انها فاهمتنه: بيكون محد خاطبنها؟
موزه: لا... ماظنتي انهم موافقين على حد للحين
حمد: انزين... اباك تكلمي سالم وتشوفي رايه... واباه يكلم ندى
موزه: وابويه هيش قال؟
حمد: قال خلي موزه تكلم سالم واذا وافقت البنت بنخطبها من ابوها
موزه: اهاه... أن شاء الله بيوافقو.. مابيحصلو احسن منك
حمد: انتي كلمي سالم وخبروني بالرد
موزه: ان شاء الله بكلم سالم... وان شاء الله تكون من نصيبك
حمد: امين
موزه: تتوقع بيت عمي مابيقولو شي انك خطبت بهالسرعة؟
حمد: لا تراه بنخطبها رسمي عقب ماصالح ياخذ اسما
موزه توافقه الراي: احسن... عشان مايتحسسو بيت عمي
حمد: اخبار خالد؟ كيف يتصل بكم؟
موزه: متصل من اسبوع... يسلم عليكم... واليوم ناوين نتصل به
حمد: عساه مرتاح مع العايلة الانجليزية
موزه: الحمدلله مرتاح... يقول معتبرنه مثل ولدهم
حمد: كم واحد اصريهم؟
موزه: بس الشايب والعيوز.. عندهم عيال بس خالد يقول قليل يزوروهم
حمد: الحمدلله على نعمة الاسلام
موزه: صدج والله... الحمدلله
حمد: ومنال كيف متين بتي؟
موزه: الاول ناوية تي بعد اسبوعين... بس لما سمعت بعرس صالح... قالت بأجلها لين وقت العرس عشان تاخذ اجازة وتطنش
حمد: اهااه... هينه بوحميد ماشوفه؟
موزه: مسكين راجد
دخلت منى يايبة القهوة ووراها سونيا يايبة الفوالة
دخل سالم وراهن: هلا حمد
قام حمد يسلم عليه: هلا بو خالد... كيف الحال؟؟
سالم: الحمدلله... كيف حالك واخبارك؟
حمد: الحمدلله طيبين
موزه: يالله قربو

رن تلفون حمد... محمد يتصل بك
رد حمد: هلا محمد... هينك مالك حس اليوم؟
محمد بنبرة حزن: موجود... انت هين؟ ابا الاقيك
حمد: ف بيت سالم... بلاقيك عقب ربع ساعة ف المقهى
محمد: اوكي... يالله مع السلامة
وبند محمد... حمد مستغرب من ربيعه؟؟ هيش فيه؟؟ مب على طبيعته؟؟... يالله بلاقيه وبشوفه هيش صاير عنده
سالم: الشمي قرب... قرب

ف صور.... فاطمه واسما ومريم بعدهن يدورن ف السوق
مريم: احس ريولاتي مب فيه
فاطمه: مب باقي غير الجبعة... بناخذ القماش وبنفصلها... *(الجبعة لباس تقليدي قماشه خفيف فيه تطريز على الصدر والظهر ويلبس فوق ثوب مطرز من الاكمام يوصل لين الركبة وبنطلون مطرز)
اسما: مترددة هيش آخذ... تقليدية سودا.. ولا ملونة؟
مريم: طيب ليش ماتاخذي السودا والملونة
فاطمه: احسن لك... انزين خلنا ندخل هنيه... احيد عنده اقمشة حلوة... خاصة الشيفون والحرير
ودخلن المحل... وفتشن ف الاقمشة.... فاطمة اختارت قماش شيفون بنفسجي: هيش رايكن؟
اسما: حلو... تتوقعي يطلع حلو ف الجبعة؟
مريم تمسك قماش حرير لونه بطيخي: وهيش رايكن ف اذيه؟
فاطمه: احلى اشوفه عن الشيفون... هيش رايك اسما؟
اسما: والله ماعرف.... هيش درانا حن بالجبع؟؟ انتي بعده عندك خبرة
فاطمه: اشوف الحرير احلى... بيطلع اكشخ خاصة لما بنطرزه ف الراس مكان الشمروخ
مريم تسال اسما: بتاخذي شمروخ ولا تاج؟
اسما: والله ماعرفني للحين...بعدني ماقررت... قلت بشوف الاشكال واللي يعجبني باخذه
فاطمه: اني رايي تاخذي الشمروخ... موضة الحين
اسما: بشوف يوم بنروح للذهب
فاطمه: كيف بتاخذي الحرير ولا الشيفون؟؟ احلى الحرير
اسما: اوكي... بناخذه هو... والتفتت على الهندي بكم الوار؟
اشترن القطعة وراحن محل التفصيل وفصلن جبعتين وحده سودا عادية والثانية الملونة ومطرزة كامل بالريمبو
وبعد ماخلصن... اتصلت اسما بابوها: ابويه هينك؟؟ حن خلصنا
ناصر: انزين بعاذر بوراشد... وبييكن... 5دقايق
اسما بعد مابندت عن ابوها: 5 دقايق وبيي
مريم: مسكين عمي... من الظهر يحرسنا
اسما: عادي... تراه قاعد عند ربيعه
فاطمه: احاتي عيالي... اخاف ساره تبكي
مريم: يؤيؤ... تحاتي عيالك ولا علي؟؟
فاطمه: هههههه... كلهم
مريم: اسوم يا دورك وبتنظمي لحزب المتزوجات
اسما: الله يعين لين اذاك اليوم... من اليوم احس بتوتر وخوف
فاطمه: دامه بياخذك لصالح.... لاتتوتري ولاتخافي... صالح محد اطيب منه.. حباب وحليو
اسما احمرت خدودها... تقول ف خاطرها... هو من ناحية طيب وايد طيب... بس حليو؟؟ ماتذكر شكله زين... بس جسمه ماشاء الله جثة!!... مب دب بس طويل ومعضل... ظنتي ايي لين كتفه... الله يعيني لين اذاك اليوم... التوتر والتفكير من الحين بادي


محمد وحمد تلاقو ف المقهى... وبعد ماقعد حمد
حمد باهتمام: هيش فيك محمد؟ احسك مب على بعضك؟
محمد ف خاطره هيش اقولك؟ انك ذبحتني بخبر بارحة... اقولك اني احب اسما واباها زوجة لي؟؟... تكلم محمد بلا نفس: ماشي... لا روحي
حمد: كيف ماشي؟؟... انت لو تشوف شكلك.. ويهك مصفر... مريض ولا متضايق من شي؟
محمد: لا مب مريض... بش تعبان شويه
حمد: انزين خلى بوديك العيادة
محمد بضيق: ياخي اقولك مب مريض
حمد: لعاد هيش فيك؟
محمد بتخوف يسأل: متى ناوي تخطب؟
حمد مستغرب من ربيعه وتقلبه: كلمت موزه عشان تكلم سالم
محمد اسودت الدنيا ف عينه... نزل راسه وقال بصوت واطي: كلمتهم خلاص؟؟!!!
حمد: اها كلمتهم.... الحين خلي عنك خطبتي... انت مب تقول لي هيش فيك؟
محمد وهو قايم: مب فيه شي
حمد باستغراب: هين ماشي؟!!
محمد تحرك بدون ماينطق أي حرف.... وطلع من المقهى
حمد راح ورى ربيعه... ويقول لاااااااااااه اليوم مب طبيعي!!... لحقه ومسكه من ايده: انت هيش فيك اليوم؟؟ شارب شي؟؟
محمد سحب ايده من حمد وبعصبية قال: ياخي ماشي ماشي... خليني... ابا اروح
حمد ماعارف هيش يسوي.. وبحزن قال: على راحتك

محمد ركب سيارته وحركها بسرعة... يحس بظلمة ف حياته وضيق شديد... يحس عمره مكتف وماعارف يتصرف... متحير بين صداقته وحبه!!!! ماعارف هيش بيقرر؟؟
كره سلبيته اتجاه حبه لندى... وانه اجل خطبته لها... كره سكوته قدام صداقته لحمد
ياي اخبره اني احبها وانعقد لساني... ليش ماتكلمت؟؟ لييييييييييش؟؟؟؟؟... ليش تخليت عنها بكل سهولة؟؟... بس حمد مايهون عليه اجرحه... وهي تهون عليك تجرحها؟؟!!... ماتهون عليه احد يشك فيها... اخاف يقولو بينا شي!!
طيب لو تكلمت وقلتله اني احبها وطلع هو يحبها بعد!!! ااااااااااااااااااااه ااااااااااااااااااااااااااااه ليش ليش ياحمد؟؟ ليش مالقيت غير ندى... حبيبة قلبي... ياربي هيش الحل؟؟؟ هل من المقدر انها ماتكون لي؟؟!!!! مستحييييييييييييييل... مستحيييييل ارضى بهالشي... استغفر الله... اللهم لا اعتراض على حكمك
ماشي حل غير اني اخبر ندى... ربما تريحني بكلمة
مسك تلفونه وطرش لندى مسج:
" ندى عندي سؤال
هل من الممكن يجي يوم تتخلي فيه عني؟؟ "
قال ف خاطره مثل ما انا تخليت عنك!!!!
وكمل محمد دربه ماعارف وين يروح... ينتظر مسج من ندى تجاوب على سؤاله

بعد مدة شافت ندى المسج... استغربت من سؤال محمد... وردت عليه:
" سؤالك غريب يامحمد!!
تتوقعني اتخلى عنك؟!! "

محمد لما شاف الرسالة... دمعت عينه وحس بحاجته لحضن ندى يبكي عليه... وقال ف خاطره تراك ماعارفة باللي صاير... ماعارفة اني تخليت عنك بسهولة!!
ورد عليها:
" حمد ولد عمي خطبك "

ندى مااستوعبت الرسالة... حمد؟؟!!!... حمد ولد خالي محمد!!.. خطبني اني؟!!... كتبت له:
" من قالك؟؟
وهل خطبني من اهلي؟ "

رد محمد:
" بروحه خبرني
قال انه كلم موزه عشان تكلم سالم "

انصدمت ندى... يعني صدج!!! ... وبعصبية ردت:
" وانت ليش ماتكلمت وخبرته انك تباني؟؟؟ "

محمد رد بحزن وأسى:
" آآآآه ياندى آآآآآآه
تراه ماخبرني الا لما خطبك
وماقدرت اتكلم... ماقدرت
اخاف اسئ لك... وتتمشكلي انتي "

ندى تضايقت من سلبية محمد.. وردت:
" مستحيل
مستحيل اكون لغيرك "

محمد بقلة حيلة قال:
" الامر بيدك ياندى
والله تعبت من كثر مافكر
وادور على حلول، بس ماحصلت
اخافني افقدك
حياتي بتكون مالها طعم بدونك "

ندى عورها قلبها على محمد:
" ما راح اكون الا لك
تسمعني؟
حتى لو اوقف ف وجه اهلي "

اتطمن محمد لما شاف كلام ندى... وحس قلبه ارتاح شوي.. رد عليها:
" الله يطمن قلبك ياقلبي
والله لايحرمني منك
بروح انام.. ابا ارتاح
تعبت من كثر التفكير "

رق قلبها عليه... وقالت بكل حب:
" روح نام وارتاح
الله يريح عليك دنيا واخرة
والله لايحرمني منك "

محمد حرك سيارته... وراح صوب البيت... يبي يرمي نفسه على فراشه وينام نوم عمييييييييييق... تعب من التفكير المجهد والهم اللي على قلبه

ندى كانت جالسة بغرفتها... وتفكر بمحمد... اول مرة اشوفه بهالضعف؟؟ واللي اعرفه عنه انه واثق من نفسه لاخر درجة... حتى بعض المرات كنت اقول له انك مغرور... يقول لي اذيه مب غرور اذيه ثقة بالنفس
ومستغربة منه ليش ماخبر حمد انه يحبني؟؟!!.. فديتك يامحمد.. خوفك على سمعتي ماخلاك تتكلم.. واكيد ماهان عليك حمد تواجهه... اعرف انه غالي عليك وايد
حمد؟!!... وحمد اصلا ليش يفكر فيني؟؟! ياربي والله مصيبة... اكيد سالم بيي بيتنا وبيخبر هلي وبيكلموني فالموضوع... هيش بقول لهم؟؟ ماباه؟؟ طيب هيش سبب الرفض؟ بقول لهم ماباه وخلاص... ومستحيل هم يغصبوني على شي ماباه

**************************************************

[~ô§ô~كبريــاء انـثى~ô§ô~]

**************************************************

يوم الجمعة بعد صلاة الجمعة.. سالم راح يتغدى بيت اهله لان موزه رايحة بيت اهلها
ندى خافت لما شافت سالم ياي... قلبها يقول انه ياي يكلم ابوها
وبعد ماحطو الغدا... نصرى كانت طابخة عيش ومرق سمك... قعدو يتغدو
سالم وهو يشم المرق: اشتقت لمرقتك اماه
نصرى تبتسم: ومرق موزه؟؟ تراه طباخها ماشي يوبه
سالم: بس طبخك انتي غير.. له نكهة خاصة
احمد: يالله سمو
ومدو ايدهم يتغدو... ندى كانت ساكتة ومالها نفس تاكل... بس قاعدة عشان خاطرهم
احمد انتبه لسرحان بنته: ندى وراك ماتاكلي؟
ندى: هاه... بس مالي نفس
نصرى: اصريها متين ثايرة؟... من ساعة... ماواحت تيوع
ندى باعتراض: تكفينا قومة بقية ايام الاسبوع... من الساعة 5
سالم: الله يعينك... أن شاء الله ينقلوك ف مدرسة قريبة وبترتاحي
ندى: سويلي واسطة وخليه ينقلوني
سالم: قدمتي طلب نقل؟؟
ندى: بعده مايات الاوراق... بس ناوية اقدمها
سالم: انزين خبريني يوم بتقدمو الطلبات... بكلم حد من الربع
نصرى: بتفعل خير يوم بينقلوها... خايفين عليها من الدرب
احمد: تراه لساعة وقت... مب من بعد المكان... لعاد هيش بتقولي يوم بيحطوها ف اللبيدعة ولا شي من الاماكن البعيدة... حتى شارع جار مامسواي لهم
ندى: الحمدلله يوم حطوني ف السويح... والله ربيعاتي اللي حطوهن بعيد يشكن ويقولن لو نفنش احسن بدل آالتعب والمكدة
نصرى: الله يعينهن ويعينكن
ندى: امين... (تلتفت على اخوها) مشتاقة لبوحميد وازعاجه
سالم: ههههه... اصريه هو حد ف ثمه غير خاله صالح... هالي وهالي... ظنتي انه يبا صالح اكثر عني
نصرى: ههههه... وحليله احمد.... تراه صالح طيب وحباب... حتى اليهال يحبوه
ندى يا ف بالها حمد... وتشأمت منه ومن ذكره... الله لا قال اكون لك

وبعد ماخلصو الغدا...سالم قعد عند ابوه عشان يخبره
سالم: ابويه
احمد: هاه
سالم: حمد ود خالي محمد متقدم لندى ويباها
احمد: كلمك؟
سالم: لا... كلم موزه.. وموزه خبرتني... واذا وافقتو بيو يخطبو رسمي
احمد يفكر: اهاه
سالم: هيش رايك؟
احمد: دام انه ود محمد بن صالح... ليش نرفضه؟... كل اللي خطبوها قبل اقل منا وماوافقنا
سالم: تراني اقول كيه... حمد ماينعاب... ودامه من العايلة احسن لها
احمد: بنشاور امك وسلطان... وخلاف بنشاورها
سالم: امي اكيد بتوقف مع ود اخوها... وسلطان ربيعه
احمد: عسى خير... بنتشوف حن... وبنرد لكم يواب
سالم: ابويه بغيت انشدك عن الارض اللي ف سيح العلا
احمد: وراها؟
سالم: فيها ملكية؟
احمد: اها... مطلعلها السنة الماضية
سالم: سكينة ولا تجارية؟
احمد: تجارية
سالم: زين والله... واحد من ربعنا يدور على تجارية هناك... وقال شوف اذا بتحصل لي
احمد: يوني فيها ناس وايدين... بس مابعت... اعلى سعر عطوني ياه 95 الف... واني اشوفها تسوى اكثر عن كيه
سالم: ربيعي قال حتى لو بميتين يباها... ناوي على مشروع ف اذيك المنطقة متفق مع شركة اجنبية... ومالاقي ارض على مواصفات المشروع لين الحين
احمد: مايخالف انت خبره... وشله يتشوفها... اذا عيبه موقعها... بنتفق بعدين
سالم: ان شاء الله


ف بيت محمد... وبعد ماتغدو...
مريم ومنى جالسات مع عمار واحمد يلعبن بالبلي ستيشن.. حاطات مسابقة سيارات
عمار: انتن هيش دراكن باللعب؟ منى ييبي الجير
منى وهي مركزة ف اللعبة: عماروه خليني العب... خذ مال مريم هي ماتعرف
مريم: لا والله... اني ماعرف... تشوفي لعبك... كله تدعيم..هههههههه
عمار: مريوم زيدي عليها... عشان اسابقك عقب
منى: مالت عليكم ثنينتكم
احمد باعتراض: ابا بييييييييييب
منى: نابه!!! قاصر لا انت تلعب
احمد قرب من مريم ومسك ويهها بين ايدينه عشان تنتبه له: هالوه ابا بيب
مريم عاد نقطة ضعفها احمد ودلعه : ياعمري انت... امووووووووووواه (باستهه على خده).. بلاعبك من عيوني
وحطته ف حضنها وخلته يمسك الجهاز وتعلمه
منى: مريوموه هيش آاللعب؟ خلي عنك احمد
عمار: والله لعب احمد احسن عن تشويحك انتي
يا صالح على صراخهم... قال: انتن الثنتين بسكن من اللعب.... خلن عمار يلعب
عمار: خالي تعال لهن... متحكمات ف الجهاز ولا خلني العب
مريم تمسك راسها: ياربييييييييييي.... سمع التشليخ!!! ومن ملاعبنك قبل شوية
احمد لما سمع خاله... حط اللعبة وراح صوب خاله ويرفع ايدينه: هالي شالني (خالي شلني)
صالح: ههههههه تعال اشالك.... وشلاه بحضنه
عمار: خالي تعال بنلعب مباراة وقوم اللاه عنا
صالح: مايخالف.... وانتن يالله فارقن الجهاز
منى: حشا يالديكتاتورية
صالح يغايض منى: والله وكبرنا وصرنا نعرف الديكتاتورية
منى بتهديد: خااااااااالي.... اصريني مب شجعتنك ف اللعب... بشجع عمار
مريم: انزين مايخالف... بنوقف السباق... بس هاه عمور لا يزيد عليك صلللوحي
عمار بحماس: افا عليك خالوه... ان مادبلته بالاجوال ماكون عمار
صالح باستهزاء: سمع من يتكلم؟؟... انزين يالله بدي اللعب بدي وبنشوف
منى: خالي تراه عمار محد مثله ف اللعب... بس بعدني بشجعك انت
صالح يكلم احمد بحنان: وانت من تشجع؟
احمد مافاهم عن هيش يتكلمو... وببراءة يتساءل: هااااه؟!!
منى تلقنه: قول خالي صالح
احمد: هالي ثااااالح
صالح يمسك ويهه: ههههههههه ياحلوك انت... امووووووووووواااه
عمار: خالي أي فريق تختار؟؟
صالح: خلي الريال
مريم: عمور اختار برشلونة
عمار: تراني بختاره
وبعد ماختارو الفرق بدا اللعب... وصراخ منى ومريم يصمخ... ويزيد عمار وصالح حماس
احمد ومنى: هالي هالي
احمد يشجع مثلهن بس ماعارف على هيش... المهم يشارك ف حشرتهن
ومريم: عماااااااار....برشة... عمااااار...


عايشه وموزه كانن متسدحات ويتكلمن ف موضوع حمدوندى
موزه وهي قايمة: اللاه بيثورو ابويه من رجاده بحسوسهم.. بمشي لهم
عايشه: ههههههههههه.... ابوك بعيد مايسمعهم... خليهم
راحت موزه وهي معصبة

مريم وعمار: جوووووووووووووووووووووووووووول...
قامو يتنططو ويرقصو ويسوو حركات... ويغنو اغنية: برشا برشا يامدلل
واحمد قام يتنطط معهم
صالح ومنى منقهرين من الجول... وماباقي من الشوط الا القليل... وفريقهم خسران 3\1
صالح: شوف الخيانة.؟؟ احمدوه الدب... احيدك تشجعني
منى ضحكت على خالها واخوها: هههههههه... اذيه مع التربيشة والتخبيلة

موزه دخلت لهم: شوي شوي... ابويه راجد
صالح: ابويه مب هنيه... طلع
موزه: طلع؟
صالح: اها روح المزرعة
موزه: انزين حمد راجد مسكين
مريم: اوهووووو... حمد عااااااااادي... طبانة رجاد مايحس بشي
عمار: اماه فزت على خالي بثلاثة اجوال
منى: من هين فزت؟؟ المباراة بعدها ماخلصت... يالله خاااالللي خاااالللي خااالي
واحمد مع الجماعة: هالي هااالي
موزه وهي تروح عنهم...تدعي لبنتها: الله بثبات العقل


بعد يومين... ف بيت احمد... نصرى قاعدة مع بنتها وخبرتها بموضوع حمد... ندى رافضة وماتبا حمد
نصرى: انزين قولي لي ليش ترفضيه؟
ندى: يامي ماباه... مارتاح له حمد
نصرى: هيش نابه ماترتاحي له... اصريك شفتيه لين ترتاحي له؟؟
ندى: احسه واحد صايع ومايحب الا نفسه
نصرى عصبت: عييييب... لاتقولي كيه عن ود خالك... مايكفي انه ياي خاطبنك
ندى باصرار: واني ماباه... ماباه
نصرى: مب على كيفك تبيه ولا ماتبيه... الشور شور ابوك... وابوك موافق
ندى انصدمت: يعني عادي تغصبوني؟؟!!!
نصرى: مب نغصبك... بس حمد ماينرفض
ندى باعتراض: يامي ف نظري ينرفض... حرام عليكم لاتغصبوني على شي ماباه
نصرى: انتي فكري وشوفي... بس اقولك أن ابوك وخوتك موافقين... يعني يمكن يخلوك توافقي
ندى: بكلم ابويه روحي وبخبره اني ماباه
نصرى: فيك قوة راس تكلميه؟
ندى بادية دموعها تنزل: يامي اذيه حياة وعمر... لازم اتكلم اذا ماراضني الشي
نصرى وهي قايمة: والله اني خبرتك... واللي تبي تسويه سويه

راحت ندى غرفتها وقفلت على عمرها.. ورمت نفسها على الكرفاية وجلست تصيح... ممكن يغصبوني؟؟ بس اني احب محمد... اااااااااااااه يامحمد هينك... ااااااااااااااه ااااااااااااااه... وكملت صياحها
مسكت تلفونها وطرشت لمحمد:
" الحين كلمتني امي
وتقول انهم كلهم موافقين
يبوني آخذه بالغصب "

محمد كان مداوم شفت بالشغل... سمع رنة المسج وفتح تلفونه وقرى مسج ندى... نقز قلبه ولا شعوريا دق على تلفون ندى
ندى شافت الاتصال وهي بعدها تصيح... وماردت
طرش لها محمد:
" ردي ندى
ضروري اكلمك "

اتصل محمد مرة ثانية... بس بندت ف ويهه

ردت عليه:
" ماقدر اكلمك
مستحيل "

اتصل محمد... وهي تبند
طرش لها:
" حرام عليك
يكفي اللي فيني
ردي رحميني"

واتصل للمرة الرابعة... ندى كانت ايدها تتنافض ماقادرة ترد... صعبة عليها.... لين ماخلص الاتصال
واعاد الاتصال... وبتردد ضغطت على زر الاتصال
محمد بشوق: الووووو
ندى ماتكلمت
محمد: ندى حبيبتي اخبارك؟
ندى تعيمت... صوتها ماراضي يطلع.... كل اللي تسمعه صوت حبيبها وصوت قلبها اللي شكله بيطلع من كثر مايدق
محمد بترجي: ندى حبي ردي علي... ماكنت اتمنى اسمع صوتك فهالظروف
وهنيه ندى هلتها بكا
محمد تقطع قلبه على حبيبته: عمري لاتبكي... مابيصير الا الخير
تكلمت ندى وسط شهقاتها: وهلللل....ي ؟؟
محمد يحاول يهديها: أن شاء الله بنلقى حل... نسيتي ان الله فوق كل شي؟
ندى: ااااااااااه يامحمد اااااااااااه... ماتخيلني لغيرك
محمد بعصبية: مستحيل تكوني لغيري... تسمعيني؟؟ مستحيل

فتحت نصرى الباب بقوة (كانت ياية تطمن على بنتها.... وسمعت المكالمة)... وكان ويهها شكله معصب لاخر درجة
ندى ارتبكت وبندت التلفون وقامت واقفة
قربت نصرى من ندى... ومسكتها من شعرها... وصرخت عليها بعصبية: من محمد؟؟!!!!!

والى لقاء آخر مع جزء آخر :cool:

[~ô§ô~كبريــاء انـثى~ô§ô~]

جعلاني للابد... تسلم اخوي... ومشكور عالتشجيع

توتو... الله لايحرمني هالطلة... تسلمي يابعدهم... دامك انتي تتابعيها يكفيني فخر

[توتو الصغيره]

افاااا عليج انا فاضيه بعد شسوي هههههههه

موفقه كبرياء وتسلمين

[العمر كلة]

ما اقول غير ماشاء الله عليج عينى عليج باردة

رواية فى غاية الروعة

ان شاء الله بقراهااا

بالتوفيق حبيبتى

[عاشقة لوى]

أنتظر النهاية عشان أحمله كله
و أقراه مرة وحدة

تسلمي الشيخة

[توتو الصغيره]

مسكينه لا تضغطون عليها يالسه تحاول تكتب يالله احنا ننتظرج <<شوفو من يضغط عليها اللحين ههههههههه

[~ô§ô~كبريــاء انـثى~ô§ô~]

حبايبي عذروني على التاخير
بس والله صارت عندي ظروف قبل
والحين طلعت عندي مشكلة ثانية :(
ان جهازي شلاه اخوي معاه.... والرواية فيه :(
يعني انتظرو معاي اسبوع

والله اسفة... ماكان ودي يصير هالشي... بس ايش اسوي؟؟
لاتقولي خليه يطرشها لك.... بقولكم نو وي
تبوه ينصدم ان اخته كاتبة روايات!!
ههههههههه... امزح
بس احسها صعبة


انا بحاول اخلصها كاملة خلال هالاسبوع وادمجها مع بقية الرواية اللي ف جهازي... عشان انزلها مرة وحدة لكم... بدل هالانتظار

اعتذر مرة ثانية على هالشي
اتمنى تقبلو الاعتذار

[~ô§ô~كبريــاء انـثى~ô§ô~]

العمر كله... تسلمي الغالية عالمرور والتعقيب والاطراء العذب

عاشقة لوى... نورتي الصفحة امبراطورتنا... وان شاء الله تعجبك

توتو.. توتو يا توتو... ياقلبي انتي... فديتك والله... ادري انك اكثر وحدة تبا تقرى الرواية كاملة.. بس للاسف الظروف!!! اتمنى تعذريني :(

[توتو الصغيره]

افا عليج عادي والله ننتظر تراني دوم هنيه مطيحين
خلاص بخيم في المنتدى لين ما تخلصيها
خذي راحتج ولا تضغطين على نفسج جد والله
واحنا ننتظرج لانه ندري انج بتوفين في وعدج

[العمر كلة]

عادى حبيبتى بننتظر هيش ورانا عيال ولا حيوان ههههههههههههههههههههااى

[عاشقة لوى]

أستغفر الله العظيم

[عذاب الجرح]

ما شاء الله عليج اختي قصه في غاية الروعه

بس كمليها ترا الحمالة تدق...

[الرياح]

القصه رائعه نتظر التكمله بالاخص اللهجه الجعلاني

[(وجه المرايا)]

روايه غايه في الروعه يا كبرياء أنثى


بنتظار البقيه إن شاء الله

[كويين راكبه كايين]

شكرا يااا اختييييييييي
على الهجه وااي عجيبه
مشكوورة على القصه العجييبه استمري بالز الثاني لوووول
اختك :كويين راكبه كايين

[رفيق الجرح]

تسلمي ياالحلوة على القصة الرائعة بس كأني سامعتنها قبلج!!!!!!!!!

[رفيق الجرح]

مرحبا
القصة تمام بس لاتخرجي وايد عن النطاق الجعلاني وبالتوفيق

[شفق الذكريات]

تسلمي اختي

بس صفحه الاخيره ا رضت تفتح

تقبلي مروري

[ـﭑڷـَטּـَڟړۂ ﺄلڏبۈحٍـېہ ♥]

القصهـ كسررررررررررررررررررر تيمـ والله
طررررررررررررررررر ونترررررررررياجـ
لا اطوووووولييييييييين عليييييييييييييييينااااااااااااا

[ـﭑڷـَטּـَڟړۂ ﺄلڏبۈحٍـېہ ♥]

كبرررررررررررررريااااءء
وووووووووووووووووووووووينج

[الجريح M]

يسلموووو ع هالرواية

[الجوهر الصافي]

صراااااااحة ما اقدر اصبر بسرعة اكتبيهاااااااااااااااااااااااااااا ابا اعرف النهاية

[آلياه]

تسلمي اختي ع الموضوع



وننتظر جديدج

[Abbie]

هييييين التكملة؟ صارلك اكثر عن سنه نبا نعررررف عرسوا ولا بعدهم هههههههههه

[الشرقاوية]

الله عليك ياااااااااااااااااااكبرياء أنثى قصة ولا أحلى خاصة انها باللهجة الجعلانية .........
فديت اللهجة واهلهااااااااااااااااااااااااااااااااااااا ......................................زاتمنى انك اتواصلي وتراوينا الجزء الثاني عما قريب

[الشرقاوية]

صدق حدي متشوقة ياليت بسرعة تكملي القصة
ماشالله عليك عندك موهبة

[الشرقاوية]

ماوراني شي منحرسك لين اتخلصي

[رعشة هدب]

الله عليج
ما اقول غير الله يحفظج من كل مكروه
بس ياليت تنزلي التكمله بسرعه