موضوع للنقاش...^^الزواج بالإكراه^^

[~ô§ô~كبريــاء انـثى~ô§ô~]

http://o9o9.net/2/uploads1/eed4807060.gif

السلام عليكم ورحمة الله وبركاته

اخواني...اخواتي
اترك لكم هذا الموضوع "الزواج بالإكراه"...
لكي نناقشه... نظرا لانتشاره نوعا ما في مجتمعنا...عسى ان نجد الحلول لهذه المشكلة

بسم الله الرحمن الرحيم

هذا الزواج موجود في مجتمعنا ولكن لا أحد يدرك خطورة هذا

الزواج المبني على أسس خاطئة ..

اولا تعالوا نعرف الزواج الجبري او الزواج بالقوة

هو أجبار الأهل احد طرفي الزواج البنت او الولد ) على القبول بزوج او

زوجه يختارونه أو العكس دون استشارة أحد هذين الطرفين وفرض الرأي

بالقوة وكأن شيئا لم يكن بدعوى أنهم أدرى بمصلجة الأبناء .. وانه فيه

مصلحه كبيره للاسرة عامة ....

هذا الزواج منتشر بكثرة ولكن لا أحد يفصح عن مدى خطورة الوضع لأن مثل

هذه الزيجات سوف تنتهي بالفشل والطلاق لعدم توافق الطرفين


ونرى ان الفتاة او الشاب لايستطيعون الرفض لان الاهل ا اجبروهما على هذا

الزواج ...

يمكن ان يكون الافتراض الاول ...ان الاب اعطى كلمه لفلان انه يزوجه بنته

او يزوج ولده على بنت الشخص الاخر وهذه الكلمه منذ الصغر ..

ولا أعلم ما هوالسبب اللي يدفع الأهل الى الاقدام على مثل هذه الخطوة التي لا

تمثل أبدا حرصهم على مصلحةأبنائهم أو بناتهم ..

[ريم السلطنة]

مشكوره اختي وفعلا هالموضووع يستاهل النقاش
وكل شي بالاكراه الا الزواج
لازم يكون الرضا احدى شروط الزواج
وكم من زيجات فشلت والسبب الرئيسي الاختلاف ف وجهات النظر

[الزعيم]

تسلمين اختي ع الموضوع..الزواج بالاكراه ليس فيه سعااااااااده..وانمــا يكون الزواج بالرضــا لكي تحل السعـــاده..

[ريانة العود]

مرحبا اختي
موضوع جدا جميل
اشكرك عليه

الزواج بالاكراه
اسبابه عديدة منها جشع اولياء الامور ومنها صلة القرابة
وغيرها من الاسباب
في الشرع الزواج بالاكراه باطل
وهناك ادلة شرعية كثير تدل على ذلك اذكر منها ان فتاة خرجت للرسول
تشكي اجبار والدها الزواج من ابن عمها لتغطي خسيسته وهي كارهة
فستدعى الرسول اباها لذلك فجعل الامر اليها فقالت يارسول الله قد اجزت ما صنع ابي ولكن اردت ان اعلم النساء ان ليس للاباء من الامر شيء

هذا واحد من الادلة الشرعية الي تدل على ان اولياء الامور ما لهم دخل بالسالفة وان الرجل او الفتاة هم يختاروا الي يريدوه

والزواج بالاكراه ممكن يسبب اضرار كثيره منها امراض نفسية وتزايد نسبة الطلاق وانتحارات وفساد تربية الابناء وغيرها من الاضرار الي تدمر المجتمع

الحل:
ارشادات وتعليمات تكون في صلاة الجمعة في الخطبة يعني

كتيبات رغم اني عارفة محد يقراها

واحد من الشباب يتبرع ينتحر وتنشر قصته في الجريدة الرسمية في الصفحة الاولى بس عشان ردع

وضع قانون في المحاكم يمنع الزواج بالاكراه

هذا والله اعلم

[التفاحة]

زواج يعني مشاركـه بين شخصين
مثلا انتا تبي تسوي مشروع وبتحط معك شريك
ف هذا المشروع.. بتحط واحد انت تكرهه مااطيقه؟؟
ولا بتختار واحد ترتاح له نفسيا وانسان انتا متأكد من
انه شخص طيب ومابيسبب لك خساير او مشاكل!!
هم الزواج نفس الشي.. المفروض الزواج
يكون ب التراضي.. كل طرف يكون موافق
وراضي ع الطرف الاخر.. اما الزواج ب الاكراه
زواج مليئ ب المشاكل والمشاحنات!! وكل طرف
مايطيق الثااني!! ومن اقل شي تستوي هوشه!
وطبعا قرار الطلاق واايد مايتجنبونه وخصوصا
لو عدهم اطفال!! لاكن بيعيشون ف ضيق ومشاكل
ماتخلص!!. وفي الاساس مدري ليش بعض الاهالي
يزوجون عيالهم غصب!!؟؟ المفروض كل واحد
له حياته ويختار الشي اللي يناسبه واللي هو يبغيه
وفي النهايه ضحيه الزواج ب الاكراه
هي البنت!! لان الشاب حتي لو قالواله بتاخذ هذي
وهو مايبغيها ف البدايه بيكون مضاايق ومخنوق
ومدري شو!! لاكن ف لاخير بيتقبل الوضع
وبيعيش حياته ف سعاده اما البنت بتم عايشه
ف ضيق وزهق لانها ماتبغي هالشخص وهي مجبره
عليه.. والمرآه بطبيعتها كائن عاطفي
عكس الشاب بينسي كل شي وانه مجبر ع هالبنت
ب فرحه الزواج وانه صار رجّال متزوج!! الزواج
بينسيه كل شي !!

مشكـــــــــــووورة
كبــرياء انثي
ع الموضوع والطــرح..

[منابر الدعوة]

فعلا الموضوع خطير
إلهي!!
مستحيل أحد يرضى أنه يشارك إنسان مايريده!!
والأبوين فــ البداية المفروض يرجعوا للدين والأحاديث النبويه الداله
على عدم إكراه البنت خصوصا ع الزواج
أما الرجل فما أعتقد انه يكره!! أغلب الشباب هـ الأيام يكون مختار شريكة الحياة قبل لايشوف لمستقبل حياته من ناحية الدراسة والعمل (^_^)
يمكن الحلول مثل ماذكرت الأخت ريانة العود
في البداية الأهل لازم يتوعوا لها الموضوع

[صادق المشاعر]

السلام عليكم ورحمة الله وبركاته

أختي كبرياء أنثى

موضوع جميل ويحتاج لنقاش مسهب ولإدارة الحوار فيه ... وأتمنى أن تتوفقي في ذلك ...

قد تكون هذه المشكلة لدى بعض المجتمعات التي ما زالت متمسكة على العادات القديمة والتي فيها أولياء الأمور غير متعلمين وليسوا متفهمين لمتغيرات الحياة ... والحمدلله هذه المشكلة تكاد تكون قد انعدمت في مجتمعي وهذا فضل من عند الله ...

زواج كهذا يسبب المشاكل للفتاة وللشاب وقد نجد حالات الطلاق تزداد وأيضاً الخيانات الزوجية كفانا الله منها ... لذلك يجب أن تكون هناك توعية لأولياء الأمور من خلال المحاضرات وخطب المساجد ... يجب أن يكون للمثقفين والواعين دور في المجتمعات التي تتواجد فيها هذه العادة السيئة ...

نسأل الله الستر لأخواتنا واخواننا

شكراً لصاحبة الموضوع

[رسالة عتب]

لا تعليق


اترك للاخوه ابداء ارائهم

[ابن الاشخرة]

انا اعرف شخصين مزوجين من بعضهم وكل واحد منهم ما يريد الثاني وتصير مشاكل بينهم

لاكن في بعض الاوقات يعم الحب بين الشخصين المكرهين


بس دام انه الاسلام اعطى الطرفبن حرية الاختيار فلابد للاهل اني يعطوهم حرية الاختيار


كبرياء انثى

تسلمي على الموضوع الرائع

والى الامام

[وردة جورى]

مجتمعنا الحين يندر فيه مثل هذه القضايا او بمعنى اصح هذه الظاهره

فالاباء والامهات ياخذوا باراء ابناهم وذلك لتفتحهم الفكري وكثرت التجارب
السابقه
ولعلمهم بان الزواج بالاكراه قد يؤدى الى مشاكل زوجيه لا حصر لها مما تكون سبب فى فشل هذه الزيجه التى تؤؤل بالانفصال

اضافة الى انه شباب هذا الجيل لا سلطه عليه واصبحوا يفضلوا الزواج من مناطق بعيده وذلك لابتعاد عن المشاكل الاهليه

ومشكووووره على الموضوع

[~ô§ô~كبريــاء انـثى~ô§ô~]

مشكوره اختي وفعلا هالموضووع يستاهل النقاش
وكل شي بالاكراه الا الزواج
لازم يكون الرضا احدى شروط الزواج
وكم من زيجات فشلت والسبب الرئيسي الاختلاف ف وجهات النظر

ريم السلطنة...تسلمي حبيبتي عالمرور والمشاركة
والرضا والقبول هو من شروط الزواج...بس للاسف مو كل الاهل ياخذو بهالشرط ويكفيهم ان بنتهم يجيها عريس يرضيهم هم...وحتى الشاب بعض المرات يكون مغصوب وبدون اقتناع

[~ô§ô~كبريــاء انـثى~ô§ô~]

تسلمين اختي ع الموضوع..الزواج بالاكراه ليس فيه سعااااااااده..وانمــا يكون الزواج بالرضــا لكي تحل السعـــاده..

الزعيم...مشكور اخوي عالمرور والمشاركة والله يسلمك من الشر

[التفاحة]

صدج كلام ورده جوري..
الحين الابنااء هم اللي يتحكمون ف اهلهم!!
محد يتزوج غصب هالايام!!
ومحد يغصب احد ع شي!!

[~ô§ô~كبريــاء انـثى~ô§ô~]

الله يحييك حبيبتي ريانة العود...وتسلمي عالمرور والمشاركة

لو بحثنا ف الاسباب... انا ف رايي اول سبب هو صلة القرابة...وسالفة عيال عم ولازم ياخذو بعض..وانتي ذكرتي الجشع ويعتبر سبب ثاني وغيرها من الاسباب...
مع اني لاحظت ان الشاب يقدر يرفض ويتكلم ويقول ماريدها ومابي اظلمها واعتبرها مثل اختي اذا كانت بنت عمه...بس البنت صعب تتكلم اذا شافت اهلها موافقين ويشجعوها عالموافقة...مو من عدم وجود قوة الشخصية بس كنوع من الاحترام لاهلها وانها ماتبي تطلع عن شورهم

والشرع اكيد لم يجيز هالنوع من الزواج...بس للاسف مو كل ماهو موجود بالشرع مطبق بمجتمعنا...المشكلة الجهل اللي عايشين فيه بعض الاهل وتمسكهم بعاداتهم اللي بعضها تكون ظالمة وضد ديننا الاسلامي

واكيد فيه اضرار كثير لهالنوع من الزواج...وانتي ماشاء الله عليك ذكرتيهن

وتسلمي على الحلول اللي اقترحتهين
وف نظري اول حل هو تغيير وجهة نظر الاهل المتحجرة لزواج الابناء...ولو انها شبه مستحيلة...بس مع مرور الزمن اعتقد الناس بتتغير وجهة نظرهم

تسلمي عزيزتي...وصراحة كفيتي ووفيتي ف مناقشتك للموضوع

[~ô§ô~كبريــاء انـثى~ô§ô~]

التفاحة...تسلمي الغالية عالمشاركة

وتسألي : مدري ليش بعض الاهالي يزوجون عيالهم غصب!!؟؟
بقولك الجهل اللي عايشينه الاهل هو السبب...وف نظرهم انهم يعرفو مصلحة عيالهم

وبعد الشاب اذا كان مغصوب عالزواج...ماعتقد بهالسرعة بيتاقلم مع الوضع...بالعكس اتوقع تتسهل له الخيانة او التفكير بالزوجة الثانية لان بيعلق السبب بهالزواج المكره عليه...وياما سمعت عن شباب متزوجين غصب عشان يعصبو بنات عمهم (على قولتهم) وبعضهم قدر يتاقلم وبعضهم ماقدر
والبنت اذا كانت مغصوبة بتكون هي المظلومة وبتحس نفسها انظلمت من قبل اهلها...بس بشطارتها تقدر تتغلب عالمشكلة اذا حصلت تجاوب من زوجها وتقدر تغير النقمة اللي عايشتها الى نعمة

[~ô§ô~كبريــاء انـثى~ô§ô~]

منابر الدعوة...تسلمي الغالية عالمرور والمشاركة
وبقولك ترى فيه بعض الشباب ينجبرو... لما يحطوهم امام الامر الواقع خاصة صلة القرابة وبنت العم...بس فيه منهم يقدرو يتكلمو ويرفضو وف نظر اهلم بيكونو عاصيين وماوجبو اهلم

والتوعية اكيد ضرورية للاهل للحد من هالمشكلة

[~ô§ô~كبريــاء انـثى~ô§ô~]

اخي...صادق المشاعر وعليكم السلام ورحمة الله وبركاته
تسلم عالمرور والمشاركة...واتمنى االله ان يوفقنا واياكم
والموضوع طرحته...لان لاحظت الانتشار لهذا النوع من الزواج..وخاصة ف مجتمعاتنا الريفية...بس بدا يقل وببطء
واثار زواج الاكراه كثيرة ومن ضمنها التي ذكرتها...وجزاك الله كل خير اخي

[~ô§ô~كبريــاء انـثى~ô§ô~]

رسالة عتب...تسلم على المرور ويكفينا مرورك وتعقيبك...نورت الصفحة

[~ô§ô~كبريــاء انـثى~ô§ô~]

ابن الاشخرة...مشكور عالمرور والمشاركة
مثل ماقلت...الواحد يقدر يغير حالة الكره الى حب..بس المفروض يكون من كلا الطرفين اذا لقو نوع من التفاهم والاحترام بينهم

[~ô§ô~كبريــاء انـثى~ô§ô~]

وردة جوري تسلمي حبيبتي عالمرور والمشاركة
للاسف بقولك هالظاهرة موجودة عندنا...وبالاخص البنت تعاني منها اكثر انما الشاب يقدر يتكلم ويقول لا...انما البنت اذا تكلمت الف كلمة وكلمة بتطلع عليها عشان الرفض
اعرف بنت ماعليها قاصر...بس للاسف محجوزة لولد عمها والمشكلة مايشتغل وتنتظر لين ماحضرته يشتغل...والخطاب من كل صوب بس ينرفضو بسبة انها لولد عمها...مع انه ولد العم ماتكلم رسمي وهي حتى ماتشاورت...بس تسمع من برى ان فلان خطبها وعلان خطبها وانرفضو لان ولد عمها بياخذها...وهي ماقادرة تتكلم...لان اهلها ماكلموها...بس حتى اذا كلموها تقول وش بقول وش سبب الرفض؟ وانا ماقدر اكسر كلمة ابوي دامه اشوفه متشجع..رغم ان مشاعرها تجاه ولد عمها عادية وتعتبره مثل اخوها...وغيرها من البنات اللي يعانن...وحتى بعض الشباب ماسلمو

[العلوي2007]

بصراحه موضوع حلو و يستاهل النقاش
لانه يصير وااايد عندنا فالخليج بين عيال العم او حتى من خارج العائله للمصالح الشخصيه والماديه

بس بصراحه مع الوقت في بعض الاحيان ارى بانه المتزوجان يتوالفون(تحدث الموده بينهم) لانه الح ياتي مع العشره ولا شو رايكم

ومع ذلك لا احبذ ذلك ومن الافضل استشاره البنت وايضا الرجل له حرية الاختيار وهذا من ابسط الحقوق التي كفلها لنا الاسلام في الشرع

ويسلمو

[وردة جورى]

عذرا اختى اقولك ياها
بس البنت لو ما تبيه من خاطرها تقدر تكلم امها اذا كانت متففهمه وتقدر تتوصل لحل مع ابوها واذا شافت امها ما تقدر
تكلم احد من خالتها ع اساس تخبر زوجها او احد اخوانها يتكلم مع ابوها
يتفاهم معاه ويتوصل لحل
لان ما فيه ابو يرضى لبنته تندفن بالحيى فى بيته بس اهو يمكن يكون غافل
لانه لو كان ولد العم يشتغل لربما يكون لها تفكير ثانى بس جامد وما يتحرك وما اثبت انه يبيها عفوا عمرها ما ترضاها لنفسها وتثبت
تكلم احد يقدر يساعدها يكلم اهلها يعطيهم قصص ولو بالخيال بس عمره ما يطرى انه لها يد بالسالفه

لانه فى النهايه اهى اللى بتتعب لانه الولد ما مضمون بعد العمل يمكن يلقى وحده تعجبه تكون قريبه من شخصيته

صحيح ان الاهل بيرغموه انه يتزوجها بس عمره قلبه وتفكيره ما بيكون معها

حتى انتى تقدرى تساعديها روحى ويا الام وكلميها وباسلوب حلو ترا الامهات ترج قلوبهن وبسرعه وتحن لبناتهن

ما فيها شى اذا قلتيلها خاله سمعت من الناس مثلا سارونه انخطبت من ولد عمها صحيح ولا اشاعه واذا صحيح خالوه انتى كيف ترضيها لبنتك تنتظره لين ما يحصل شغل ويكون نفسه هذا الحين وهى مخطوبه له وما متحرك كيف تامنى بنتك معه وعطيها منيه مناك صدجينى بتروح تكلم الاب

والسموحه اذا ظهرت منى زله

[~ô§ô~كبريــاء انـثى~ô§ô~]

العلوي..تسلم اخوي عالمرور والتعليق
صحيح مثل ماتقول الواحد يقدر يتاقلم مع الاخر...لان خلاص دامه انحط امام الامر الواقع فلازم يتقبله لانه من المنطق يسوي هالشي ولا ماراح يسعد بحياته وبتضيع ايامه هباء منثورا بدون مايحس...فلابد من التقبل ومحاولة بدء حياة سعيدة له مع شريك حياته

[~ô§ô~كبريــاء انـثى~ô§ô~]

وردة جوري...تسلمي ياقلبي...وماعليك قصور الغالية....يكفي انك تحاولي توجدي حلول لرفيجتي
بقولك المشكلة ان ابوها وامها اعمارهم كبيرة فوق الستين...يعني من الجيل الاولي..الي صعب تقدري تتناقشي معهم بكل سهولة او يقتنعو بكلامك...وبالاضافة هي ماتتكلم مع امها بهالسوالف تقول مابيفهموني...بيقولو تبي تكسري كلمتنا وبس... وولد عمك ماينعاب وغيره من كلام الشياب الله يهديهم
وهي فكرت تكلم اخواتها اللي اكبر منها بس تقول بيقولو وش فيها مستعجلة عالزواج...وتقول بيحلها ربي لين هذاك اليوم...الله يعينها...ادعي ان الله يوفقها ويرزقها الرجل الصالح سواء ولد عمها ولا غيره