البيت الذي بدون خادمه

[راشد بن شملان]

السلام عليكم ورحمة الله وبركاته"أسال الله ان يستنفع قاريء هالرساله"البيت بلاخادمه"

[UNBREAKABLE]

جزاك الله خير
وعسا الجميع ان يتعض

[راشد بن شملان]

اللهم آميـــــــــــــــن "مشكور على المرور المتواضع ياخوي "ظبي جعلان"

[جعلاني للابد]

مشكور اخوي راشد بن شملان ع موضوعك
وانا من اللي لا يحبذون وجود الخادمه بالبيت
بس توجد خادمه بالبيت معنا بس للاسباب وهيه امي مرسضه ولا يوجد احد بالبيت خلال ايام العاديه واقصد من السبت للجمعه
وامي مريضه وعادتا محد يكون معها بالبيت فاضطريت لجلب الخادمه

[التفاحة]

الله يشفي الوالده جعلاني..
_________________
هلا بن شمـــــــــلان
اصلا ماشي اسمه خدامه؟؟!!!! شووووووو خدامة؟؟
ليش رجال يجيب خدامه ف البيت؟؟؟!!!
عيل ش حقه متزوج؟؟؟؟ اصلا تلقا الحين الخدامة
هي اللي تسوي كل شي
ف البيت! حتي تربية الاولاد ! هي اللي تأكلهم وتشربهم
وتذاكر لهم دروسهم!
وهي اللي ترتب البيت وترتب اغراض الزوج!
ودي اعرف عييل ش حقه متزوج هذا اللي حاط خدامة ف البيت؟
عيل زوجته شو وظيفتها ب البيت؟؟
انا ماحب الخدامات ومستحيييييييييييييييييييل
اني احط خدامة ف بيتي مستقبلا!!
واذكر قصة.. ان واحد لقا بنته تسوي حركات غريبة
ع ((النار)) فقالها شو هذا؟؟!!
عقب اطلعت خدامتهم من اللي يعبدون النار!!
والبنت طبعا طلعت مثلها وسلكت نفس سلوك الخدامة
(تعبد النار وهي مسلمة)
الخدامة هي اللي مربيتها..
عشان جي تلقا معدلات تعاطي المخدرات بين الشباب
؟؟ نسب مرتفعة!!
لان مافي رقابة مافي اهتمام!! الام تاركه مسؤلية البيت
والعيال وكل شي ع الخدامة!!..
الله يهدي الجميييع..

مشكــــــــوووور
بن شــــملان
ع الموضوع..

[احزان الماضي]

انا ضد جلب الخدامه للبيت .................وحتى لو صارت خدامه بالبيت يستحيل تكليفها بمهمة الطبخ وتربية الاولاد..............هنالك مهام تتكلف فيها الام مثل تربيه الابناء لانه تربية الابناء على ايدي الخادمات اتوقع سلبياته لاتعد ولاتحصى................فليش عوار الراس من البدايه

[راشد بن شملان]

جعلاني للابد,التفاحه,احزان الماضي,شكر لكم ردود افعالكم,اولا الله يشفي والدتنا والدة جعلاني للابد,ونسأله أن يعجّل في شفائها,ثانيا وجود الخدامات في البيوت كارثه لاني سمعت قصص وايد تبكي منها العيون للي سونها الشغالات من ممارسات عده

[ولد الجامعة]

بعض المناااااااااااازل تحتاج خداماااات.........

هذه وجهة نظري المتواضعة.............

[عاشقة لوى]

انا مع ولد الجامعة ..
يعني هذي الأيام الحريم نصهن مدرسات ... اعتقد ان المدرسة تحتاج لخادمة لأنها تحتاج مساعدتها و خصوصا انها تتعب طول النهار في التدريس .. لكن هذا ما يعني انها تترك الخيط و المخيط فتترك لها تربية الابناء وخدمة الزوج .. بل تساعدها في اعمال التنظيف و التغسيل فقط ..
و الصحابيات في ما مضى كانوا يستعينوا بخادمات مثلا السيدة بره كانت خادمة للسيدة عائشة .... ولو أن الرسول لم يحبذ ذلك و لكن ذلك لا يعني ان وجود الخادمات ف المنزل خطأ .. إذا كانت ربة المنزل على حذر ...

على كل ذلك يعتمد على التفاهم بين الزوج وزوجته ...


وجهة نظري قد تكون مبتورة عند الطرف الآخر .... ولكنها وجهة نظري

[بنت الشرقية]

مساء الخير اخواني
ومشكور اخوي راشد على طرحك للموضوع بس لاحظت شي في منتديات جعلان انه الواحد لما يطرح فكره كل الردود تكون معه ومتجاوبه مع فكرته مع ان قناعات الناس تختلف عن بعضها ما ادري مجاملة لكاتب الموضوع او مسايرة للاعضاء في رايهم وانا لا اقصد موضوع الاخ راشد فقط فان اغلب المواضيع طبيعة الرد تكون نفسها .

على العموم بالنسبة لموضوع الخادمة في البيت له سلبيات وايجابيات وتكون له حالات:
الحلة الأولى:
1- امهاتنا الي كبرن في السن ويحتاجن لاحد يراعيهن ويقضي عنهن اشغال البيت لما تكون البنات موظفات فهنا يحتاج المنزله لخادمة .
2- الشي الثاني
الزوجة الموظفة والي عندها العديد من الاطفال تخيل معي يومياتها يعني تجوم الصبح مطلوبه تكون في الدوام 7 يعني من بعد الصلاة ما تنام تجهز الريوج وتلبس اليهال وتتجهز للدوام فتلاجيها تحارب في اكثر من جبهة الفطور على النار الباص حج الاولاد ينتظر برا وهي
متاخرة في هالحالة , ومن ترجع من الدوام لازم يكون الغداء جاهز وما شاءالله الدوام الحين الى 2 يعني ترجع شوي وياذن العصر واذا اقتربتم اكثر بتعرفوا معاتاة الموظفة ,في هالحالة تحتاج ان يكون شخص يساعدها ويخفف عنها ما دام الله موسع عليها,وبامكانها في الفترة المسائية تهتم باطفالها تراجع لهم وتقضي امورهم بدون ما تتدخل الخادمة في امور الاطفال . انا ما اتكلم من فراغ بل من واقع تجارب عاشيتها لنساء ناجحات في البيت والعمل مع انه في البيت خادمة .
ثاني شي الام في المنزل تجدر تتحكم بوضيعة الخادمة في البيت وعلى اي حال تكون وبضرب لكم مثل من خلال تجربتي الشخصية مع الخادمات في بيتنا انا الخادمة في البداية اختارها مسلمة واول ما توصل البيت اخليها تلتزم بالزي الاسلامي يعني نفس لبسنا ما يطلع منها شي ثانيا غرفتها بروحها أعلمها على النظافة , والإحترام .
والشي الاهم اني اراقبها في كل صغيرة وكبيرة من اعمالها .

وفي الناحية المقابلة لها سلبيات الي ذكرهن الاخ راشد في موضوعه والتي أرى ان سببها ربة المنزل والاهمال للخادمة في المنزل .

اخي راشد هاذي وجهة نظري وان شاء الله الاختلاف في الراي لا يفسد للود قضية.

[بنت الشرقية]

سبحان الله اختي عاشقة لوى اضن انا كنا نكتب الرد في نفس الوقت
تحياتي لك

[عاشقة لوى]

القلوب عند بعضها الغلا

[راشد بن شملان]

مشكورين ولد الجامعه ,عاشقة لوى,بنت الشرقيه,بالعكس كلامكم كله طيّب,بس انا طرحت الموظوع من ناحية الدين وحفاظ على الاسره المسلمه,فكل من وافقني الرأي ليس من المجامله يااختي بنت الشرقيه فهولاء عرفوا الحكمه من مقالتي ,وكان عندهم بعد نظر,لاننا نفكر بما يواكب العقل,لانه اصبح من يجلب الخادمه يهتم في شكلها وخاصه بعض الاندونسيات فيهن جمال قد.تجلب مفسده للاسره.والآن الفلبينيات مصايب والله.أمّا الهنديات مسكينات زينات حق غسل ثياب وتكنيس البيت في حالة اعانه للابوين كبار السن.:):)

[أحاسيس]

يسلمو اخوي راااااشد على الموضوع الجميل ويعطيك العافيه

سلامي لك من كل قلبي

اخوك شبح جعلان..

[عاشقة لوى]

لانه اصبح من يجلب الخادمه يهتم في شكلها وخاصه بعض الاندونسيات فيهن جمال قد.تجلب مفسده للاسره.والآن الفلبينيات مصايب والله.أمّا الهنديات مسكينات زينات حق غسل ثياب وتكنيس البيت في حالة اعانه للابوين كبار السن.:):)

!!!!!!!!!!!!!!!!!!!!!!!!!!!!
أول مرة أسمع هالشي أخوي
تسلم ع المعلومة ..
وما دام القضية على الغوى و الجمال .. خلاص كل واحد يختار له اقبح خادمة ... بس اللي يبا يفسد بيفسد حتى مع أقبح نساء العالم

[راشد بن شملان]

هذي وجهة نظرك ياختي الغاليه"عاشقة لوى"وانشاءالله لاختلفنا مجرد اختلاف في الفكر,اما احنا حبايب دامنا في المنتدى,بالعكس ردود افعالكم مهما اختلفت تسعدني,لانه يدل على اهتمامكم في الموظوع

[راشد بن شملان]

فــــــــــــــــــديتك ياخوي"شبح جعلان"بصراااااااااااااااحه اسعدني مرورك وينك ياخي طولت علينا""كلامك في محله يااختي عاشقة لوى عسى الله مايحرمنا منك:)

[ريم الفلا]

امممممم
قضيه مهمة جدا
بصراحه
المعادله صعبة جدا
الكلام سهل جدا بنفي اهميتها ونفي حاجة أغلب الموظفات لهن وخصوصا من الشباب (الرجال بشكل عام ) .
المرأه مكانها الطبيعي البيت ورسالتها الحقيقية إنشاء أسره بمعايرها الاسلاميه .
بس تخيل
تقوم الساعه سته حتى تجهز للدوام وترجع الساعه 2 ترتاح شوي هذا اذا قدرت تنام بعدها مطالبه بأعمال فالشغل خصوصا المعلمات من تحضير وغيره . بالله عليكم متى تلحق تخلص اعمال البيت والعيال والزوج
أكيد راح تكون مرهقه حدها .

خلينا واقعين شوي
لو كانت الوحده بيتها قريب من بيت أهلها ممكن تستغني عن الشغاله
مافي حد راح يستحملها كثر اهلها بس لو بعيد ما أظن راح تضطر لها .


والشباب الله يحفظهم زينين حق نبي وما نبي ونادر تحصل واحد يساعد زوجته ويقول لا ما شاء الله عليها تقدر . ههههههه الظاهر ظهرها حديد


هههههه
ما احبذ وجودهن بس احس ان اغلب الموظفات وبعض ربات البيوت الحوطات يحتاجن لهن في المساعده في اعمال البيت وليس للتربيه .

وفي طريقه وحده للتخلص منهن
قعدوا الحريم فالبيت .
هذا هو الحل الامثل

[راشد بن شملان]

بيّض الله وجهك يااختي ريم الفلا على هذا الطرح النظري

[التفاحة]

صدجتي والله ريم..
الحرمة مكانهااااااااا البيت!!!

[راشد بن شملان]

فديتك يااختي التفاحه وينك يالقااطعه يالغايبه"لايكون زعلانه منّي وانا مدري ترى هذا المنتدى غالي علينا ولابد نكون اخوان متحابين في الله