شبابن والشعر الطويل

[ذبحني الشوق]

~*¤ô§ô¤*~السلام عليكم ورحمة الله وبركاته~*¤ô§ô¤*~


في الفترة الاخيرة ..


لاحظنا كثرة انتشار (الشعر الطويل ) لدى الشباب


والغريب ،،

أن حتى اللي عاش طول عمره على الشعر(القصير) قام يطوله !!




ليس ذلك فحسب ،،

بل أصبحنا نرى مالا تستوعبه العين

الاهتمام (المبالغ ) فيه والذي لايليق أن يكون في رجل !

فنرى ( القصات ) المختلفه و

(التسريحات) المنوعه بالاضافه الى استخدام

(السشوار)و(التمليس)((عق الي فيهم فلفوله))

الى أن تصبح العين في حالة (تشويش) بحيث لاتستطيع أن

تميز ان كان هذا رجل أم امرأة !!



تـــــرى ،،

ماسبب هذا التغيير المفاجئ .. ماسبب هذا الانتشار ؟
هل أصبح شبابنا أيضاً من تبـاع الموضه ؟! .. كما هو الحال عند الفتاه



مارأيكــــم ؟!

في انتظار الردود

[سهم الموت]

أول شئ تشكري أختي على الموضوع وثانيا

الشعرالطويل عاده عند العرب ولكن ليس القصات والتسريحات

اما ان تكرم شعرك وتخليه كامل أو تشله مره وحده وأنا من نوع اللي يطول شعره بس مستحييييييييييييل أدخل بيتنا وانا مسوي قصه وعيب عليه القصات

وهذا رائ شخصي فقط

[ذبحني الشوق]

اخوي واني احب

احب حيل الواحد يكبر شعرة

حتى انة يطلع اغاوي لوووووووووووووول

بس حبيت اعرف رايكم

[نور الشرقيه]

تسلمين اختي ع الموضوع

بس حبيت اعلق ع كلام سهم الموت صحيح انه العرب كانوا يطولوا الشعر بس كانوا يطولوا اللحيه وتكون نفس طول الشعر


بس الي الحين صاير انه شبابنا الله يهديهم يطولوا الشعر من غير اللحيه وهذا يشبههم بالنساء اذا كان طوله تحت الكتف اما اذا كان اقصر ف عادي

اما عن اتباع الموضه ف ممكن انهم يكونوا يتبعوا الموضه بس مو كلهم
لانه بطبيعة الشباب ما يهتم بهاذي الاشياء


هذي وجهة نظري

[منابر الدعوة]

وأنا هذا الموضوع في بالي ياذبحني الشوق ومضايقني وكنت أبي أحطه بس سبقتيني!!!

أنا ضد اللي يطولون شعرهم وأكره الرجل اللي شعرة أطويل (أكرهه موووووت)
يعني وش الفرق بين البنت والولد؟؟!!
البنت معروفه بالشعر الطويل والرجال!! يعني والله غريبة!!
((لعن الله المتشبهين بالنساء من الرجال والمتشبهات بالرجال من النساء))
وهذا حديث نبوي والرسول صلى الله عليه وسلم ماينطق عن الهوى...

ويقولون عادة عند العرب ولو أنه السالفه عند العرب عادة عيل ليش ماتطولون اللحية ترا هي بعد عادة عند العرب وسنة عن الرسول صلى الله فليه وسلم!!
والله الأمر عجيب!!

وصراحة عن نفسي لما أشوف رجل ملتحي أفرح أمانة وأستانس وأعتبره أخ لي وبس عن أكلمه وأقوله (بارك الله فيك) ولما أشوف رجل مطول شعره (أحمد ربي وأشكره) وما أتمنى أني أعرفه!!!

[عاشقة لوى]

بالنسبة لي .. أي شي مب حرام عادي ..
لكن عاد ما يبالغ و يسشور و يملس راسه .. ويكون همه الأكبر ..

شكرا ذبحني على الموضوع

[سهم الموت]

((لعن الله المتشبهين بالنساء من الرجال والمتشبهات بالرجال من النساء))
وهذا حديث نبوي والرسول صلى الله عليه وسلم ماينطق عن الهوى...

تسلمي اختي منابر الدعوه على اداراجج الحديث والاستدلال به فأسمحيلي أحتج بتقرير النبي صلى الله عليه وسلم وللم ينهى عن تطويل الشعر فقدر روي أن الرسول صلى الله عليه :((راى رجلا أشعث أغبر فقال ألم يجد هذا الرجل مايسكن به شعره )) أي أنه هذا الرجل كان ذا شعر طويل ولم ينهى الرسول عنه وعن الحديث الذي أورتيه لم يذكر فيه أنه تطويل الشعر تشبه بالنساء وهناك الكثير من السير والاحداث تدل على ان الصحابه كانوا ذا شعرا طويل .........

أختي فالله اذا بغيتينا نخوض باب التشبه بالنساء فهناك ماهوه أشد فهناك تقليد النساء فلبسهن وفي شكلهن لطبيعي وفي وفي وهذا الموضوع طويل عريض يمكن ان يناقش فموضوع لوحده والسموحه على أبداء الرائ

[التفاحة]

الحين كل الشباب ايطولون شعورهم!
مـــوضة! كل فترة زمنية لها موضة معينة
وقبل كمن سنة كان الشعر القصير موضة!
لاكن الحين الطويل موضة! وغير هذا!
الشباب لاحظوا ان البنات اتحب
الشاب اللي مطول شعره!
عشان جي اغلب الشباب الحين يطولون
شعورهم! بس البعض ايطوله بطريقة
اكثر عن اللازم!
والله انا شفت واحد شعره تحت كتفه
ب شبرين!!او اكثر! شعره حيييل طويل
بس الحين الرجال صار يهتم ف نفسه اكثر عن اللازم
والبعض يسير صالونات تجميل خاصة ب الرجاجيل!
يحط ماسك ع وجهه وكريمات ترطيب!!
بس اللي يبي يطول شعره من الشباب
المفروض مايطوله الين يوصل ل كتفه!
لانه حراام!
فيه حديث فيماا معناه (ان الرجال اذا طول شعره مايوصله
لين كتفه يعني ايكون فوق كتفه بمسافة
والحرمه حرااام اتقص شعرها ولو قصته
حراام انها تقصه اقل من انه يلامس الكتف!
يعني العكس!)
الرجال مايوصل للكتف والحرمة لازم يكون عقب الكتف
بس هذا كل شي.
وف لاخير اقوول ان بعض الشباب ايطول شعره
عشان البنات ايحبونه ويقولون عليه مزيون!
والبعض يربيه عاده! انه من زمان ايطول شعره
وعادي ومثل ماقالوا بعض الاعضاء
هي عاده من عادات العرب الاوائل
ايام الرسول(صلي الله عليه وسلم)
والصحابه..

مشكــــــــــوووورة
ذبحـــــــني الشوق
ع الموضوع والطرح..

[سهم الموت]

ممكن تعطيني هالحديث من وين مصدره اختي لوسمحتي يالتفاحه
[quote][فيه حديث فيماا معناه (ان الرجال اذا طول شعره مايوصله
لين كتفه يعني ايكون فوق كتفه بمسافة
والحرمه حرااام اتقص شعرها ولو قصته
حراام انها تقصه اقل من انه يلامس الكتف!
يعني العكس!)
/quote] والسموحه

[جعلاني للابد]

مشكوره اختي ع موضوعك
وتكبير الشعر عادي بس بدون لعب في القصات ةتكون عاديه
وانا عن نفسي انبذ الشخص اللي مسوي قصه
واشوف انه تقليد اعمى

[منابر الدعوة]

تسلمي اختي منابر الدعوه على اداراجج الحديث والاستدلال به فأسمحيلي أحتج بتقرير النبي صلى الله عليه وسلم وللم ينهى عن تطويل الشعر فقدر روي أن الرسول صلى الله عليه :((راى رجلا أشعث أغبر فقال ألم يجد هذا الرجل مايسكن به شعره )) أي أنه هذا الرجل كان ذا شعر طويل ولم ينهى الرسول عنه وعن الحديث الذي أورتيه لم يذكر فيه أنه تطويل الشعر تشبه بالنساء وهناك الكثير من السير والاحداث تدل على ان الصحابه كانوا ذا شعرا طويل .........

أختي فالله اذا بغيتينا نخوض باب التشبه بالنساء فهناك ماهوه أشد فهناك تقليد النساء فلبسهن وفي شكلهن لطبيعي وفي وفي وهذا الموضوع طويل عريض يمكن ان يناقش فموضوع لوحده والسموحه على أبداء الرائ


بسألك سؤال أخوي: إذا شفت رجل من الخلف لابس جنز وقميص نص كم وشعرة أسفل ظهرة بتعرف هل أنه ولد؟! بأمانه...

أخوي في هذي الأيام صارت المرأه ماتعرف إلا بحجابها والرجل مايعرف إلا بلحيته أما الباقين فقول: (على الدنيا السلام)

أما باحتجاجك بهذا الحديث فهنا الحديث لمو يوضح أن شعر الرجل كان طويل!! بل ذكر أنه متلخبط وعليه غبار وواقف و..الخ خخخخ
وأنا معك يقال أنه العرب كانوا يطيلون أشعرهم بس كان شعرهم لا يطول لحد الظهر يعني يكفي إلى الرقبة ولو كان تحت الظهر فهذا لأنه مامعهم الأدوات اللي موجودة معنا الآن من مقص وآدوات حلاقة وتجميل وغيرها..

وودي أعرف الشباب ليش ياخذوا تطويل الشعر على أنها سنه أو في العرب وما يأخذوا تطويل اللحية أو السنن الأخرى..

أخوي دورلك حجه مقنعة والسموحة أنا ما أقصد الشجار بس الموضوع واااضح وفيه نقاش...

[المرهف999]

أول شئ تشكري أختي على الموضوع
وثانيا الشعرالطويل عاده عند العرب ولكن ليس القصات والتسريحات

اما ان تكرم شعرك وتخليه كامل أو تشله مره وحده وأنا من نوع اللي يطول شعره بس مستحييييييييييييل أدخل بيتنا وانا مسوي قصه وعيب عليه القصات
تسلم يا سهم وانا وياك بس اريد اضيف تعليق بسيط
الشباب الذين يطولو شعرهم وحتى انهم يربطوه هذا كله تقليد اعمى والله انه شاف لاعب كرة قدم على سبيل المثال ميسي او دروجبا او رونالدينهو او جاجو او غيرهم ومثلهم بس لو يعرف واحد من هذولي الناس والله والله عزيز عنهم بيحلقو شعرهم لانه واحد من العرب يمثلهم
حسو يالعرب اذا بغيت تقلد قلد احد من الرسل او الصحابة

[ذبحني الشوق]

يسلموا اخواني

بس عفية بدون منازع

ما ابي يتسكر الموضوع

ومشكورين علىا لتفاعل

[غرام]

يعطيج الف الف عافية اختي ذبحني ع الموضوع الحلو

[سلطانووه الدلووع]

اختي احبيت اقوولك الشعر هوه نعمة ... من نعم الله ... وعلينا لة حق ...

مثل باقي جسمنا ... وانا احب اطول شعري ...وانتو ملاحظين شعري بصوره العرض *_^


بس انا ما احب اطول شعري من الخلف ... اعدلة شوي من خلف ...


بس تطويل شعر عاده من ايام الجاهلية وصحابة بعد ..


بس كل شي يزيد عن حده ينقلب ضده ....


وسمووحة

[البرهان]

خخخخخخخخخخخخخخخخخخخخ

الله يعينهم بس خليهم على راحتهم

ومشكور عالموضوع

[ذبحني الشوق]

سلطانوةةةةةةةةةةة

البرهان

مشكورين

وسلطانوة كل شخص هو حرة في تطويل شعرة

واني من مؤيدات الشعر الطويل

[سهم الموت]

السموحه على التأخير فالرد أختي منابرالدعوه أنتي تقولي دورلك حجه مقنعه اني أطول شعري أختي انا(( والعياذ بالله من كلمة أنا)) لم اؤيد القصات وتطويل الشعر الى أسفل الظهر ولا لربطه ولا ولا ولا

بس أنا بغيت أسالج سؤال انتي اللي تقولي الشعر فيه والشعر فيه

وتطالبي بتقليد الصحابه ليش أنتن ماتقلد الصحابيات يعني هل الصحابيات كانن يحطن بودره وكريمات ومدري شوه ؟ بتقولي ماكان عندهن

انا بجيب لج الحديث الصحيح الموجودفالصحيحين اللي يقول في ما معناه
أنه أي امراْه يشم عطرها رجل أجنبي تعتبرزاني ؟

ليش يعني وقفتي عند كلمتيني ومناقشتي موضوعكن أختي نحن هنا ماجايين كلن يعيب على الثاني ولاسموحه على الاطاله أنا رائي أنه اطالة الشعرفحدود المعقول عااااااااااااااادي وبشكله الطبيعي ونحن عندنا عادات وتقاليد وماحد عيب علينا فالشعر الطويل والقصير ولم نجد أي حديث يثبت لنا أنه الشعر حرااام على الرجل .........


والسموحه على الاطاله

[منابر الدعوة]

طيب
كنت ناويه أطلع فلما شفت ردك قلت (أبشر)

أقووووول أنا ما قصدي أهاجم الشباب
أنا ماضد الشعر الطويل القصير!!
أنا ضد الشعر الطويل والمصبغ واللي تحت الظهر ويوحي على أن الرجل ........ (خليني ساكته أحسن)

وبالنسبة عن أحتجاجك
أنت ماتعرفني عشان تقول أني مثلا أسوي بودرة وها السوالف
وأنا معك في ها الحديث وأنا يستحيل أخرج من البيت وأنا متعطرة أو أنا كاشفه عنه ومبينه زينتي (مستحيـــــــــــــــل)
تعرف إيش يعني مستحيل؟ وإذا شفت بنت كذيه فأعرف أنها متبرجه والمتعطرة زانيه وإلها الكلام اللي ينقال للرجل طويل الشعر..

أخووي
أنا مثل ما أنا ضد الرجال اللي الحين نتكلم عنهم مثل ما أنا ضد البنات المتكشفات المتزينات المتبرجات..

وأحمد الله أن هداني وأدعوه أن يهديكم...

[سهم الموت]

ويهدي الجميع بس أختي منابر الدعوه انا ماقلتلج أنج انتي تحطي بودره وتحطي غيره وماأتهمت أحد اختي انا أتكلم عن صنف البنات أومعظمهن بس في فرق أن احدد أو ان لاأحدد وانتي حددتي بس أقولج ترى الزمن تحول مومثل أول و كلامج بدون اتهام

[منابر الدعوة]

طيب بس الكلام موجه لي وكأنك تخاطبني أني
وهو صح معك الزمان تغير بس الدين ما تغير

والناس مثلا يسمعوا أغاني ويقولوا الزمان تغير
أخوي الإنسان لازم يمسك على دينه عدل ومايغره تقلب الزمان.

والسموحه الموضوع نقاشه طويل وأنا ماعندي وقت

[البرهان]

الله يعينكم ان شاء الله شباب قولوا آمين

[المجروح]

تطويل الشعر ما حرام لأن الرسول صلى الله عليه وسلم كان شعره طويل بس كان نظيف ومتساوي.

[SEESAW]

مشكورة اختي على الموضوع ولكن انا ما متعود اطول شعري

لكن الحياة غالية برع عمان خلتني اكبره لكن بدون قصه يعني متساوي

وان شاء الله من ارجع عمان بشيله

[سهم الموت]

لا أختي منابر الدعوه أنتي اللي موجه الكلام لي فأول كلامج وخصيتيني بالكلام واذا ماودج تناقشي فهذه حريه شخصيه بس رجاءا عن الاتهامات

[منابر الدعوة]

خخخخخخخخخخخ
أما عليك سوالف يا سهم الموت!!!
أنت فهمتها أنها لك ولا أنا ماناويتها لحد خخخ
ولا أتهمتك!!!

أنا عادي تبي تكمل تفضل ماوراي شي
بس أمس المحاضرة فاتتني بسبتك والدكتور عصب علي
وأنا ما من عوايدي أفوت المحاضرات..

بس أبيك تفهم شي..
أنا لما قلت أكره الشباب اللي يطولوا شعرهم فأنا أقصد اللي شعرهم يوصل لظهرهم وحتى اللي في رقبتهم بس شكلهم يوحي بالتشبه للنساء يعني مع التصبيغ والقصات وها السوالف بس اللي شعرهم متوسط وعادي مافيه تبطيره ترا هاه عادي يمشي حالهم خخخ

[منابر الدعوة]

الله يعينكم ان شاء الله شباب قولوا آمين

يعينهم على شو؟!
وأنت حضرتك ما تعرف غير تصبر أخوانك؟!

ما عندك رد أو تعليق
خخخخخ

السموحه أخوي بس غاضني ردك ^_*

[سهم الموت]

أول شئ أختي منابر ها أنتي تتهميني مره ثانيه وتقولي بسببي فاتج المحاضره خخخخخخخخخخخخ أمزح

أما عن الموضوع انا معج أنه الشباب يصبغوا شعرهم ويقصصوه هذا شئ مافيه جدال عيب ومايجوز وغيرها

بس أنا ودي أفهم حاجه وحده بس ليش الشباب اللي شعرهم طويل مايروقوا لج هل هذا رائي شخصي أم أن هناك حديث شريف واذا في حديث ينص على التحريم نبي نشوفه ؟؟؟؟؟؟؟؟؟؟؟

[منابر الدعوة]

بس ياخي!!!
وعشان ما تستغرب أقولك:
* أنا ذكرتلك في البداية حديث المتشبهين والمتشبهات...
* وفي حديث راح أبحث عنه لأني ما أحفظه صراحه وبرجعلك..

المهم أنا شخصيا ما أحب أشوف شاب شعره طويل أنقهر أنغاض وودي أجتله!! ياأخوي هذا شغل البنات مب شغل العرب!!
بس يحلالي أشوف واحد فيه لحيه طويله (^_^)