طموح البنت صار عاار!

[تل الورد]

ايوه
بمجتمعي
قالوا لي طموح البنت عار
البنت مو مثل الولد
هذا شي امنا فيه وصدقناه
بس انهم يحاولوا يقيدوا طموحي
فلا والف لا
لطموحي مافي قيود
وعمري مافكرت ان الطموح ذكوري
لكن بمجتمعي تعلمت انه حكر للرجال
وكوني بنت حاولوا يقولوا لي لا
ويقولوا اني باهين نفسي
وبهين اسمي
وانا اللي ع بالي
اني وين مارحت رافعه اسم العايله واسمي
طموحي حياتي
ينتهي بمماتي
انتوا ياجماعه رجعتونا لعصر وأد البنت
بس
وأدكم لطيف
والله لااكمل دربي اللي بديت
وارفع اسمي واسم عايلتي فوق
كنت اتمنى ان الجيل الجديد
يغير افكار المجتمع هذي
لكن
وااأسفاه
فيه ناس اللي تناديبه شي
واللي تطبقه شي اخر
اعرف ان الكلام ماينفع
بس صدقوني
مرح اتكلم خلاص
لانه حان وقت العمل
اذا بغيت تغير العالم
ابدا بتغيير نفسك الاول
وهذا اللي بيصير

طموحي حياتي وينتهي بمماتي
تل الورد

[ريم الفلا]

أكيد ليس عار
تمنياتي لك بالتوفيق والنجاح
وأن تصلي لما تطمحين لتحقيقه

[ابو جاسر السنيدي]

بسم الله عليك

شو صاير

الله يوفقك

وعسى يتقبلون طموحك

تحياتي

[راعي الكروزر]

تحياتي لك اختي تل الورد
في الحقيقه كلامك موثر
وحبيت اعلق عليه واقول
انه مو كل الناس نفس الشي

والانسان اذا عمل شي غلط فهذا لنفسه مو لاحد غير وان الله عزوجل يحاسب الناس على اعمالها ولا يحاسب الناس على اعمال غيرها

وانا معك في كلامك توكلي على الله فان الله يحب المتوكلين واذا الشي اللى تبي تعمليه انت مقتنعه انه ما يضرك بشي ولا يضر اي احد بشي الله معك

ولا تحاولي تكدري نفسك لانه بعد فتره من الزمن بيصير هذا الشي اللى صار الحين مجرد ذكري او يمكن يكون مجرد فتره صعيبه ورحلة
وما فيه فرح بدون حزن وما فيه حزن بدون فرح

تحياتي لك

راعي الكروزر

[ريم السلطنة]

الحمدالله نحنا ف العاصمه
طموحنا من الاساسيات
وكل اللي نتمناه اهلنا يساعدونا ع تحقيقه
وعمرهم ما وقفوا ثغره ف طريقنا
وموفقه اختي

[الزعيـــ الســـاعدي ـــم]

الله يعينج يا البنات كل شئ فيج .
تحياتي

[أسيرة العفية]

تحياتي لج

وللأمام دايما اختي

[الجرناس]

تسلمي.............

[تل الورد]

الرجاء حذف الموضوع
كتبته في لحظة غضب

[العاصفة]

لااااااااااا
ليش الحذف... هذا صحيح بس ما كل المجتمعات معقده في مجتمعات أخرى منفتحه ولها نظرة أخرى للطموح...
عزيزتي ولو كانت لحظة غضب إنتِ نقلتي شعورك وأكيد واره سبب...
أنا عندي بيت شعر وهو شعاري فالحياة... والثقة بالنفس كل ما يتطلب منك .. الإنسان طموح بس الطموح لازم يكون معها ثقة بالنفس وإصرار وبعد لازم تكون مناسبه لمقدراتك ...
البيت هو...
سأعيــــــــــــــــش رغم الداء والأعـــــــــــــــــــــــــــــــــــــــــــدا ء
كالنســــــــــــــــــــــــر فوق القمة الشمـــــــــــــــــــــــــــــــــــــــاء

لا تتخلي عن طموحك دامك قادرة على تحقيقة بإذن الله

العاصفة