شو ردة فعلك لو صادفك هذا الموقف

[الرسم بالكلمات]

حبيت أناقشكم بموضوع
و أنا راح اخليه على شكل سؤال
و كل من يدخل يجاوب عليه
طبعا مصافحة الرجل للمرأة فيها اشكالية عند البعض

وسؤالي هو..

شنو راح يكون موقفك اذا مدت لك وحده يدها تبي تسلم عليك

مثلا زميله بالعمل... او دكتوره... او قريبه لك اي شي..؟؟
ونفس الشي للبنات ..
شنو راح يكون موقفك اذا مد واحد يده يبي يسلم عليج..؟؟
وهذا الموقف اكيد صادف الكثير ..

وتسملون

[همـس]

بصراحه راح أكون في موقف محرج كثير

اذا كان الشخص من العائله ممكن أرد عليه المصافحه
واذا كان من خارج العائله فلا طبعا

وبصراحه حصلت لي هذي المواقف
لكن وش نسوى
بصراحه الموقف محرج كثير

[الرسم بالكلمات]

شكراً الرد واضح منك يا همس

[التفاحة]

هذا الموقف يصير معي واايد!!! :(
انا ماالسلم ع ريايل.!!! لاكن البعض يمد يده!!! لاحوووووووووووول شسوي له هذا؟؟ :confused:
وانا نااحب احرج احد!!! ف اضطر ان اسلم!!! شسوي؟؟؟ بس انا ماامد يدي لاحد!! لاكن لو ريال مد يده؟؟ شسوي؟؟ اضل جي دقيقتين اتاخر شوي وهو بعد ماد يده!! عساااااااها تنكسر :mad: صج ناس ماعدها دم!!! :cool: :eek: :mad:

علشاان جي انصح كل ريال لا تمد يدك!!! لااكسرهاا لك :mad: :D

[ريم الفلا]

امممممممم
فعلا هو محرج
بس هذا شرع وما فيه أحراج
بصراحه
أنا لما قررت ما أصافح خبرتهم مسبقا أخذوا على خاطرهم شوي وبعدين تعودوا عالوضع
أوقف في مكان بعيد
والقي السلام على الجماعه من بعيد فالشباب يفهموا وما في واحد يبي يحط نفسه في موقف محرج .

[منابر الدعوة]

الموضوع جميل بصراحه وأشكرك يالعاني على طرحه..
المهـــــــــــــــــــم
الموضوع ما أنه فيه إشكاليه وبس لا أهو شرع مثل ما قالت ريم الفلا يعني الله عز وجل حرم مصافحة المرأه للأجانب وحتى لو كان ولد العم أو العمة المهم أنهم ما من محارمها.....
الموقف فعلا محرج بس بصراحة اللي يمد يده وهو لا يحل له ذلك يستاهل اللي يجيله وأنا ماراح أبيع ديني عشان حضرته يصافحني وما ينجرح!!!
أنا صار عندي ها الموضوع كثير رغم إني أعلنت عند غير المحارم من عائلتي أني راح أتوقف عن مصافحتهم وأذكر أن واحد منهم صمم أنه يصافحني فرديت السلام وصديت ورحت....... الخ

[الرسم بالكلمات]

اشكر على مروركم الكريم والاضافات الجميلة

[دلع جعلاني]

هو محرج صح بس الواحد يقدر يتصرف " يتجاهل"

وصار معاي واااااايد ....بس لما عرفت انه مصافحة الريايل حراااااام.......

قررت ما اصافحهم.........

مره واحد ريال بعد كبير من العيله سلم وبغى يصافحني .......

بس تجاهلته خليت نفسي مخيله وما اقدر اسلم عليه ......

والحين اسلم من بعيد عشان ما اتعرض لمثل هاي المواقف......

بس مراات ناس لما ما اسلم عليهم يقولون عني بطرانه.......

والله بالطقاق يقولون بس اهم شي تعاليم الدين........

مشكورررررررررين ع الموضوع الرائع......

[الرسم بالكلمات]

فعلاً الردود جميله بس ما أبي المجاملة تدخل في سياق حوارنا

[ريانة العود]

تسلم ع الموضوع

بصراحه الكذب خيبه

رح اقوله بوجهه انا ما اسلم على رجال

بس اذا كان الرجال كبر الوالد طبعا اسلم عليه وبدون تفكير
لانه مثل الوالد

تحياتي العطره

[BOYZ]

مشكور ع الموضوع

اسلم عادي

تقبل مروري

[لتومه]

مرحبا اخوي

انا بصراحه ما اعتقد ان في احد يبى يصافح حرمه او بنت متغشيه هذا اولا

ثانيا اذا في واحد يبى يسلم راح اخلي في مسافه واسلم عليه بالكلام بس بدون ما اقرب وهو يفهم اني راح امده ايدي او العكس صحيح ,,,,,

في ناس من اللي اشوفهن من الحريم يغطن ايدهن بشيلتهن ويسلمن وانا طبعا ضد هالشي دامنه اجنبي فما يجوز السلام باليد ....

هذه وجهة نظر

[الرسم بالكلمات]

تسلمووووووووووووووا على المرور والاضافت الجميلة

[UNBREAKABLE]

انا بصراحه امد ايدي واسلم
وش اسوي ما احب احرج حد!!!!!!!!!!!

[الفتى الذهبي]

بصراحة مقدر اقول شي الحين -00000000000000000

[ابو جاسر السنيدي]

يسلمو ع الموضوع

بس انا اذا كان احد من العايلة المقربين مثلا اللي بينا وبينهم تواصل كثير
او مثلا عايشين مع بعض اسلم عليهم باليد لاني اراهم مثل اخاوني

اما بالنسبة للبعيدين طبعا ما امد ايدي للبنت من اساسة اكتفي بالسلام حتى بالدوام طبعا معانا هنود مثلا هندية اسلم عليها بالكلام ومع جميع الزميلات بالعمل نفس الطريقة

بما انه الهندية تراعي هالشي وتنحرج اذا سلمت عليها لانها عارفه مبادئنا فتتجنب هالموقف

بس في بعض الاحيان قد تمد البنت ايدها بالعمل ونادر جدا فهذه الحال امد ايدي منعنا لاحراجها

واهم حاجة النية تكون طيبة ونشوفهن كاخوات لا اكثر

وطبعا الحل لمثل هذه الحالات

انك اذا شفت بنت او البنت اذا شافت ولد وحابة تسلم عليها او عليه

توقف بيحث تترك مسافه طويلة بيحث استحالة وصول اليد للمصافحة
بهذه الطريقة تكون مفهومة للطرفين اني لا ارغب بالمصافحة (اللبيب بالاشارة يفهم)

فبتالي لا يكون هنا ك احراج

وتحياتي للكل

[همس الليل]

السلام عليكم ورحمة الله وبركاته


مرحبا اخي العاني

موضوع رائع وواكيد الكثير يسال نفسه وخاصة ان فيه عادات وتقاليد بعضهم انهم لازم يسلمون تحكم عليهم

الاسلام وضح لا يجوز ان نسلم على الاجنبي حتي ولو من الاهل

بس شو نسوي من يوم ولدنا واحنا نسلم بس بصراحة عن نفسي اذا الغريب ما اسلم

واذا من الاهل يعني عيال خالتي وخوالى المقربين اسلم

مثلا ريل اختي ما اسلم لاني ما تعودت اسلم عليه

عكس عيال خالتي وخالى من يوم واحنا صغار مع بعض

طبعا كبار بالسن اكيد نسلم عليهم

يعطيك العافية

[الهاجـــس]

مشكور العاني على الموضوع،،،،،،
انا بصراحه مره مديت ايدي لحرمه كبيره ومددت هي ايدها وردت علي اسلام لكن هذه اول مره اسويها واخر مره سويتها لكن في بعض الاحيان احصل بنات من الكليه يمدن اياديهن :eek: وااتفاجا فبهن بس اسلم عليهن من طرف اصابعي عن الاحراااااج:o :o

[التفاحة]

هههههههههههههههههههههههههههه

مدري شو هالناس اللي تمد يدهاا؟؟؟

والله احراااااااااااااااااج

[الرسم بالكلمات]

مشكورين على المرور الكريم وكل من ضاف تعليقه

[أسيرة العفية]

بصراحه الموضوع كثير محرج.:p :p ..............

وعني آنا بالتأكيد رح أتجاهله:eek: