,,,,,,,,اعذريني بالخطأ دقيت,,,,,,,,,,

[غرشوبه جعلان]

مرحبا اخواني ...قريت هالقصيده وعيبتني وايد وحبيت اعرضها عليكم فأتمنى ان تنال على اعجابكم


أعذريني بالخطأ دقيت آسف ##كنت أبي عمي طلع رقمك بداله

أشتبه يالغاليه رقم الهواتف ## عالعموم آسف أنا في أي حاله

وأعذريني لو يكون العذر هايف ## لو يبان الضعف واضح من خلاله

أدري أدري عندكم بالبيت كاشف ## حاولي أرجوك ردي لي رساله

كنت جالس بس صرت اللحين واقف ## هزني صوتك وعذبني جماله

صدقيني أرتبكت وصرت خايف ## ماعرف يبدأ لساني في سؤاله

ماعرفت أجمع لك حروف السوالف ## كل حرف طار من فمي لحاله

وفي النهايه لو غلطنا مايخالف ## الغلط مرجوع في حكم العداله

ودي أخطي على طول وخالف ## دام من يخطي تجي أنتي بفاله

مأبي عمي ولا خالد ونايف ## من سمع صوتك نسي عمه وخاله


تحياتي.......غرشوبه جعلان......

[فيلسوف العشق]

ترى قلبي تعلق بحلوات الشفايف=وحبيب الروح مالي حد بداله
القد ممشوق وعليه الخصر نايف=وعيون تغني العاشق عن سؤاله
كل السبايب غلطة واتصال هاتف=وماكنت اقصد دوم سالي وداله
فجأة سمعت صوت ياكيف كايف=يريح البال ويطفي نار اشتعاله
شاورت قلبي قلت ويش انت شايف=قال صوت جذاب وياروعة جماله
عاود باتصالك ولا تكون خايف=واشرح الموضوع وادعي كل الجهاله
يمكن تلين لو حنيت وهليت الذرايف=واحلف بحق الله وعظمة جلاله
انك مالقيت الها بهالدنيا وصايف = فريدة متميزة والحسن زائد دلاله
وتنال قلب ضمته ضلوع نحايف =ويكون حبك طاهر تشهد كل الملا له
حب وصل عندك ومابه كلايف=حب عفيف صعب نوصف روعة خياله

[تقني ابراء]

غرشوووووووووبه





أنتقائك للكلمات دليل على ذوقك الأدبي


الرائع




ولكن اتمنى منك كتابة قصيده ولو تكون قصيره





تحياتي المخلصه تقني ابراء

[أحساس راقي]

مرااااااحب بالغرشوبه



كالعاده دايمن تبدعين في مواضيعك الرائعه وتتحفينا بها


لا يسعني الا ان اقول ..... انك ذات شعور مرهف واحساس متدفق وهذا ما استلهمته من المشاركه السابقه

[غرشوبه جعلان]

اخواني ..تقني ابراء..الرباش
اشكركم جزيل الشكر على مروركم الرائع واطرائم الجميل

[تقني ابراء]

لا شكر ع واااااااااجب



وبرد ع كلامك بأبيات شعر موضوعك


وقااااال


كنت جالس بس صرت اللحين واقف ## هزني صوتك وعذبني جماله



سلااااااااام

[غرشوبه جعلان]

تسلم اخوي كللك ذوق

[أحساس راقي]

شكرا غرشوبه

[اليقين]

مشكوووووووووووووووووووووووووووووورة
صراحة ماعليهم زود اليماعة كفوا ووفوا
أبدعتي

[الفتى الذهبي]

حلوووووووو والله غرشووووووووبه بس خليني ارد عليك الحياااااااااااااه تتغير ولكنهااااا لا تتوقف والامل 00000 يتلاش ولكنه لايموت والصداقة0000 تتبخر ولكنهااا لا تنطفي والحب 0000 قد يموت ولكنه يولد من جديد 0000000000

[غرشوبه جعلان]

اليقين ,,,الفتى الذهبي ,,,
مشكورين عالمرور الرائع,,,