رد سهم على ووحده من البنات

[سهم الموت]

هذه القصيده لوحده من البنات وهي تعرف الحكايه كامله


أول كنت أراعي شجونك=وأحسبك فاهم للمقال

مدريت أنك تلعبك ظنونك=ويكثر عليك فيه الخيال


ساندك يوم كلهم يشقونك=والناس كلها تكثرعليك العذال

مسحت انا دمعت عيونك=وخليتك فالفرح هاني وتختال



كنت تقول انا مضنونك=ولا لي فالدنيا غيرك آمال

افنيت من دنياك احزونك=وخليتك فالفرح تختال

ماطلبتك شئ من ديونك=وقلت يفداك الحال قبل المال

واليوم تطعني بطعونك=بعدما رأسك فالسماء طال

تظن اني فالدنيا مجنونك=وانه من دونك مايهنالي لي حال

مينون وغرورك زاد جنونك=تفتكر سهم سهل المنال

لالالالالا بعيد انا عن عيونك =أنا أبن الاصل ومثلي عليك محال


ومثل مارفعت موزونك=بنزلك اليوم عنداليهال

ومعك حسادي يعينونك=تعالوا وانا واقف تعالوا بالحال

عيب عليه أن قلت ياعونك=ومذمه أن مارميتكم بنبال

سهوم موت من الارض يبيدونك=وتنقلب دنياك العالي بسفال

وتصبح شميته للي يكيدونك=وهذا الوعد مني لوطال

والختم راجع حساباتك واوزونك=ولاتلعب مع سهم بأستهبال

اتمنى انها حازت على اعجابكم
وكلن عارف نفسه والسموحه

[ريم الفلا]

هههههههه مصدق نفسك
أبوي الدنيا ما تستاهل
والله أني مستغربه فكرة هالقصيده حييييييل
الله يهديكم جميعا يااااارب ويصلح شانكم يا أعضاء المنتدى الطيبين

[الدرعي]

شنو السالفه اخواني المنتدى

حرب بلقصايد وكلام موجع بصراحه

خليكم ع يد وحده زملائي الاعضاء
لكي نرفع من مستوى المنتدى

والله يصلح بينكم

باااااااااااااااااااااااااااااااااااااااااي

[فيلسوف العشق]

اخي السهم اهدي اليك هذه الابيات المتواضعة


هونك على لطيف الجنس ياسيدي هونك=لاتظلم اللي بحبك صابه جنون وخبال
هو من نفسك ومن طبعك ومن لونك=خله يتدلع عليك واعطي الغالي مجال
لاتصدق كل منهم بالحكي ينصحونك=يبغون وصله واقرب لهم ذاك الخيال
والله يا سهم اخاف انهم يضرونك=وكل عاشق في هالدنيا يتبعونه العذال
واللي تحبه وتعشقه حتى لو يخونك=كون له ظامي وارويه ماءٍ عذبٍ زلال
افتح له صدرك وضمه في داخل عيونك=ارحم ناعم الخدين ابو رموش طوال
انته سموح بعطفك كل الملا يعرفونك=فاسمح اللي ضعيف ويستمع للمقال
و يبقى حبيبك فقلبك ولاتصدق ظنونك=والمشاعر صادقه صعب انها تزال
واترك اللي من دون هالناس ومن دونك=فيك الصفات اللي ترتجيها الرجال
ولو حاولوا العذال عن عشقك يردونك=خذ مايقولون وادفنه وسط الرمال
صدقني حبيبك يعزك وبقلبه يصونك=وخليك منصف فحكمك واحكم بالعدال
والعذر منك طالبه وارفق بمضنونك=فيلسوف العشق يسأل منك هالسؤال

[الرسم بالكلمات]

ه ه ه ه ه اشلون اقول واعبر الظاهر مجالس الشعراء صعب نتجاوز الخطوط الحمراء
الموضوع في قمة الروعة

[جعلاني للابد]

مشكور اخوي ع القصيده
بس اذا بينك انت وشخص حاجه وجها لك وما يحتاج هالعتاب والتجريح
وفي النهايه احنا اخوه وزملاء في المنتدى وهمنا سمعته الطيبه

[ريم السلطنة]

وابوي الكاسبي الحماله قاتلتني
باغيه اعرف من ذي وايش مسويه فيك
عاد بسوي واسطه بينكم
قولها انا بدر البدور انا الملاك
ما انزل مستواي لحضرتك

[الراسبي]

يحزني ما أرى من أخي سهم الموت


أخي العزيز لأ نريد أن نكرر ما قاله أخي جعلاني


إذا عندك مشكله مع احد تفاهم مع بالخاص


لأنه إذا جات شكوى للأداره من أحد الأعضاء راح تتحمل نتيجتها


ويأسفنا ما نراه


سلاااااام

[سهم الموت]

السلام عليكم ورحمة الله وبركاته:

اخواني واخواتي كم يسعدني مروركم الكريم

ومشكورين على النصائح الجميله

بس حبيت أعلق على كلامكم


اللي يقول تفاهم فالخاص واللي يقول لاتكتب مثل هالقصيده


المهم أنه أنا أكتب القصيده فحينها وفالمنتدى مباشره يعني هي حلوه هي مبحلوه عاد

أنتوا وحظكم

وثاني شي أنه اللي يركز بيشوف أنه القصيده مفيها شي بس شويةعتاب اللي دخل وقراء الردود

صار يمشي على المثل ((حشرن مع الناس عيد))


المهم أنه القصيده توصل الى الشخص المقصود

واللي على رأسه ريشه يتحسسلها

وأخوي الراسبي مشكور على هذه الجمله((لأنه إذا جات شكوى للأداره من أحد الأعضاء راح تتحمل نتيجتها))

والسمووووووووووووووووووووووووووووووووووووووووووووو ووووووووووووحه كان أزعجتكم
وآآآآآآآآآآآآآآآآسف على جرح مشاعركم

[سهم الموت]

السموووووووووووووووووووووووووووووووووحه شباب أنا عدلت القصيده وانتظر ردودكم