مواقف طريفة

[ريم الفلا]

السلام عليكم
كل واحد فينا وهو في الميدان أكيد مر بعض المواقف الطريفه اللي مستحيل ينساها أو ممكن ينساها بس بعد فتره طووووووويله من الزمن واتمنى من الاخوة والاخوات ذكر بعضها ومشاركتنا فيها .
راح اخبركم بموقف صار لي العام الماضي
كنت أدرس في مدرسة نائية وكانت تعليم عام يعني الصغار مع الكبار
في يوم كانت الريح شديده والجو غائم دخلت صف الثاني وكان الصف هادئ جدا جدا جدا بطريقة مريبة
سألت خير عسى ما شر أيش صاير كانت الاجابة مافي شي .بس كانت عيونهن خايفة وكأنهن كانن يترقبن حدوث شيئ ما مسكينات كانت حالتهن حاله المهم بدأنا الدرس وبعد فتره تجرأت وحده وقالت أيش هذا الصوت ؟"تقصد صفير الريح "
قالت صوت الذيب ؟؟؟أبوي قال هذا صوت الذيب وإذا ما هديت راح يجي وياكلنا والله مت من الصحك من داخلي بس ما بين لهن من باب مراعاة الشعور .
المهم في النهاية جاني خاطر أخوفهن بس ما هانن علي وخبرتهن عن هذا الصوت الصادر وأسباب صدوره وعطيتهن مثال عليه النفخ في العلب وبعد ما جربن الفكره في العلب اقتنعن وارتاحن وكملنا حصتنا ....

يالله عاد عطيتكم موقف ياليت أحد يشاركنا بمواقف طريفه
والله يعطيكم العافيه

[فيلسوف العشق]

المواقف عديدة وعديدة لا تحصى ولاتعد وسوف اذكر لكم قصة طريفة ولكن ليس الآن

عندي اسلوب التشويق. صح؟؟

لا لأن الوقت يدركني الآن والصلاة اقتربت

[عطر النسيان]

أما أنا فكان معاي واحد متأخر عقليا بالصف الثاني وعاد كان المشرف يبي يجي يقيمني أختبصت لما خبروني أنه اختار هاي الصف ايش بسويبه

عاد جتني فكره خارقه شليت شنطة الطالب وعطيته كراسه وألوان ونزلته لزميلاتي غرفة المعلمات وجلتلهن عن تفلتنه ويطلع عنكن بيجي طوالي معاي الصف وهددت الطلاب عن يجيبوا اسمه وعاد مسكنه لحد ما طلع المشرف وبعدين رجعته الصف

[ابو جاسر السنيدي]

انا بكتب بس لا حد يصيح



احم احم

بليز عن التعليقات اممممم


مرة كنت تقريبا صف الثاني الاعدادي وكنا اول الصبح نقلد الشباب الكبار نشتري بيبسي على الريق ((طياشة ;) )) عموما ولما يجي الباص نشيل طبعا غرش البيبسي معانا .

اممممممممم قولوا ليييييييييييش :confused: ، لانه الشباب الكبار منظمين حالنا يوميا مسااابقات رماية الغرش بالحجارة جدام بوابة المدرسة((خووووووش لعبة :D ))

طبعا نصف الغرش على مسافتة 8 امتار تقريبا ويبدأ التصقيع ((الرماية)) وتكسير الغرش الزجاجية ((مساكين نتسلى الى وقت الطابور :rolleyes: ))

عموما وكنت انا تقريبا في هذاك اليوم يمكن اول مرة اشارك بهاللعبة لما فيها من حماس

وطبعا عاد انا مبدع في التكسير وما يحتاي مكشخ و:) فجاة : المفااااجة

احد الوشااااااااايين ((التحريات الطلابية:cool: )) ومعه نائب المدير يجي عند مكان المسابقة ويناديني انا و احد من كبري ((مساكين اصغر متسابقين:( )) وكان نذل ما علشان انه خبر على المسابقة وخبر علينا تعرفو ليش كان نذل :confused:

لانه كان يعرف الشباب الكبار الي كانو زعماء اللعبة ولانه خايف من الضرب اختار نا احنا الصغننييين مااااااااااافيه رحمة جبان :( .

عموما رحنا عند الادارة وجانا المدير ومااااااااااايحتاي اقول ويش سوى ((ظربناا الله يسامحة:o )) وما انتهت على الضرب صبرنا على الضرب لاكن المفاااجئة انه يقول حقي انا وزميلي روحوا لموا الزجااااج ((اطنان من الزجاج)) الحين وجداااام الشباب :eek: .

حرااااااااااااااااام تخيلو لو واحد منكم كان مكاني ويش بتسوي ، طبعا الكل في البداية ينظر للك باحتقار وسخرية تقريبا كل المدرسة تشوف عليك :( .

المهم قمنا انا وزميلي ننظف المكان جدام الشباب لا حول ولا قوة وكااااااان موقف محرج المهم انا كنت حسااااااااااس وسريع التأثر فبكيت فتخيلو الموقف طفل بالاعدادية يلم الزجاج وهو يصيح من الاحراج وعيوني تمطر من الدموع .

والله من تاثير الموقف على الشباب قااااااااااااااااااامو كل الطلاب الموجودين زااااااااااااهم الله خير وقاااامو يلموا الزجاج معنا علشان انهم يبينو لي اني ما وحدي الي غلطت وكانو خجلانين من انفسهم من سبب هذا الموقف ومراااعتن لي متاثرين ببكااائي ((موقف لا احسد عليه)).

الحمد لله انهم ساعدوني ولمينا هذيك الاطنان وانقلبت دموع حزني الى دموع فرح بسبب تعاطف الشباب معي واحساسهم بان الغلط كان منهم وطاح فينا احنا الصغااار .


وهذاك الموقف ما نسيته الى اليوم

والسموحة لاني طولت عليكم:rolleyes:

[عطر النسيان]

الله يعينك بس بصراحه بعد هالمره رديت تلعبها مره :)

[ابو جاسر السنيدي]

هههههههههههههه

لا رديت وبقى فيني شي علشان اعيدها :o

لا بس اذا تنظمها شي من المؤسسات الرياضية ايه :)

اما الشباب لا ما فيني اللعب :(

سؤال البنات ما كنتن تعلبن مثل هذه المسابقات؟؟؟ :rolleyes:

ههههههههه

[عطر النسيان]

طبعا لا بس أحنا كنا نلعب لاستيك وسكينه وربعهن :)

[ابو جاسر السنيدي]

اها ونسيتي شي كنتن تلعبن كوبيه قبل لما تترين الباص

ههههههههه

هاذه اشاهدها البنات الصغار يلعبنها قبل لا يجي الباص

[ريم الفلا]

الأخ فيلسوف العشق لتكون واحد من العائلة وأنا ما أدري هههه
ولا وحده من صاحباتي اممممم والله حيرتني لالالا جايز جالس تتفلسف علي
المهم شاكره ردك أخي الكريم

[ريم الفلا]

عطر النسيان
طلعتي شريره وما عندي خبر
بس المهم أنك تخلصتي من الموقف وعدى على خير
مشكووووووره الغاليه على المرور

[ريم الفلا]

أبو جاسر ما تستاهل اللي صار لك
صراحه موقف يكسر الخاطر
ولا عاد الشطاره يستقوون على الصغار
لك كل الشكر أخي على مشاركتك موقف لا تحسد عليه

[سحـــ :) ــاب]

تعالوا شوفوا انا ايش صارلي في أول يوم عمل لي وكانت منطقة نائية

دشيت الصف الأول 44طالبة مسكت راسي

جيت ارتب الطاولات عشان انظم الصف

وانا انظم شكلي رفعت قلم رصاص من الأرض ونسيت انه في يدي

جتني بنت باقي أشويه واتصيت

أبله قلمي انسرق
حبيبتي دورية تحت الطاوله بتحصلية

وفجأة أسمع صويت يقولي أبله سرقتي قلمي

عااااد انا ايش بسوي قلت لها انا الحصلته في الأرض ورفعته الأبله ما تسرق

والمصيبه الأكبر انه معي طالبات من الصف السابع

والمواقف كثيره خاصه مع الأطفال

[ريم الفلا]

تعيش وتاكلي غيرها سحاب
لك كل الشكر أختي على المشاركه

[ريم الفلا]

هذا موقف صار لوحده كانت تدرس في منطقه غير منطقتنا بمنطقة نائية جدا مو شوي
هي مدرسة لغة عربيه وتقول دخلت على صف الاول في المدرسه في حصة احتياطي
قمت ورسمت على السبوره مثلث وسألت من يقولي أسم هذا الشكل الاخت طالعه فيها تبي تسأل في الرياضيات
إلا وتجاوب كل البنات بصوت عالي ومع بعض هذي صوره سنبوسه
والتعليق للأخت قالت والله انصدمت إجابة ولا تجي على البال ولا الخاطر


وراح اخبركم عن موقف صار لي في أيام امتحانات الثانوية العامه
شوفوا البرود وهدوء الاعصاب
دخلت اللجنه وزعت أوراق الاسئله وبدأنا الحل وبعد انقضاء 45 تقريبا أو أكثر بشوي خلصت الاجابه
راجعت الحل مره ومرتين وثلاث الوقت طويل وما عندي شي أسويه والحركه والالتفات يثير الريبة والشك
يا ربي أيش أسوي ومستحيل تسمح المراقبات بخروجي جلست أفكر في حل ما جا على بالي غير شي واحد
تتخيلوا أيش هو ؟؟؟؟1
النوم قلت اريح شوي سكرت ورقة الاجابة وحطيت راسي بالطاوله ونمت نومه طويله وما حسيت بنفسي الا ولجنة من المديرية وكان واحد منهم واقف جنبي موقف لا أحسد عليه الأخ واقف ومستغرب علامها ما تحل استحيت من نفسي
المهم قولوا اللهم لا حسد حصلت 99 في الماده يعني النوم في اللجنه يجيب نتيجه
هههههه لا تجربوها بعدين تدعون علي
وبس يالله وين الباقي يشاركونا

[ابو جاسر السنيدي]

هههههههههههههههههههههههه

ما كنا نعرف انه النوم له فائده ولا كان تجنبنا البراشيم ايام الثانوية والمواقف التابعه الها

ذكرتيني بموقف البراشيم مضحك شوي مع اني ذكرته في احدى المواضيع

لاكني بعيده هنية للاختصاص الموضوع

الموقف :



ذكرتني بموقف كنت اغش ايا الثانوية العام من براشيم ، وكانت اللجنه شديدة وكنت انا بجن الجدار وحاط البرشومة تحت ايدي اليسار ، والا مدير عام مديرية التربية بصور كان في جولة تفقدية للجان ودخل علينا بشكل مفاجي ، ارتبكت بقيت عادي كاني ما مسوي شي ، ومن سوء حظي اجا المدير العام بجنبي وطلب من اني اقوم واقدم الطاولة للامام شوي ، عاد انا قلت غبت فييييييييييييييييييها وطي اذا وقفت بيشوف البرشومة تحت ايدي لانه كان جالس فوق راسي ، المهم انا تاخرت شوي خليت نفسي ارتب الاوراق علشان اقوم اغير مكاني ، وفي نفس الوقت افكر ويش الحل ؟؟؟؟؟؟؟؟؟؟؟؟؟؟؟؟

بسرعة خاطفة فكرت في حل سهل وصب وخطير شبه مجاااااااااااااااازفة

تعرفوا ويش سويت قلت يا اني اروح فيها وطي بروحي وما حد بيخلصني او اني استعين بحد واذا انكشفت يروح هو معاااااااااااااي فيها .


تعرفوا ويش سويت جلس اشوف على المدرس الشديد المراقبة كان ساك علينا على الاخر مسكين وما كان شاك فيه ابدا ، فمسكين شافني اشوف عليه فتبسم على نيااااااااااااااااااااته ينتظر مني اني اغير مكاني والمدير العام موجود ، فبينما المدرس كان ينظر لي ببتسامة بريئة غمزة له وريميت البرشومة وراي وانا اشوف عليه ، هههههههه مسكين اجلب ويه احمر واسود خاف انه المدير العام يشوفها ويتورط هو معاي فلما انا قدمت الطاولة انقض المدرس مثل الصقر الجارح على الفريسة ((البرشااااااامة )) بحركة سريعه وكانه يشيل حاجة من الاوساخ بالارض ورماها من الشباك من دون ما ينتبه المدير العام ، وبهذه الطريقة والحيلة جدرة انقذ نفسي من هذاك الموقف ولا كنت بنفصل فصل نهائي ، ومسكين المدير العام طلع وكاننا احنا اللجنة المثالية ههههههههههههههههه ، على نياته .

وعاد من راح المدير العام جاني المدرس كانه يبي ياكلني يقولي انا كنت افتكرك بريء طلعت داهية وبغيت تورطنا معاك ، لاكن زين سويت ولا كان بنروح فيها، قلت له ما كان جدامي غير هذا الطريقة فضحك مسكين ((ما منه من الفوله)) وقالي هات باقي البراشيم الي عندك عن تورطنا مره ثانيه واعطيته البقية . وانتهت المشكله هذه كانت سنت 1998م .

وبس :)

[ريم الفلا]

أبو جاسر شكلك مو هين
الله يستر منك بس كنت بتوهج المدرس المسكين
مشكووووووووور أخوي على تفاعلك الطيب

[ابو جاسر السنيدي]

هههههههههههههههه

الواحد لازم يتصرف صح

ونا انقذت نفسي وانقذته هم اهو كان بيتورط بيفتكروه فاتح للجنة

فانا خفت عليه مسكين
ههههههه

[سحـــ :) ــاب]

صدجتي ريم الفلا

هذا موقف أستوى لي بعد مع الصف الاول العام الماضي


كنت في الصف وفجأه واحد من الطلاب يناديني

فقلت له نعم قال ابله أنتي اتشبهي أبويه وايد والله ضحكت في خاطري وسبحان الله الاب زار المدرسة يمكن بعد يومين
ولما نادوني قلت اروح أشوف هالرجال اللي يشبهني


والنتيجه
ما اي شبه بينا

لكن بعدن أكتشف وجه الشبه شكل الولد يحب أبوه وايد والحمدلله كان وايد متعلق فية وهنا تكون عنده الرابط بيني وبين أبوه

[ريم الفلا]

سبحان الله افكارهم هذولا الاطفال غريبة وطريقة تعاملهم مع الامور اغرب
هالموقف غريب فعلا
كان عندي طالب في صف الرابع كان ممتاز جدا في الرياضيات الله يحفظه
كنت وين ما أروح القاه قدامي وكان يقول أنا اعرف كل الاماكن اللي تروحي لها
وحتى لما تكون عندي حصص في صف الثالث يجي عند الدريشه يشوف ويروح
وفي يوم من أيام الثلاثاء كنت مريضه فتغيبت عن المدرسه
المسكين ظل طول النهار زعلان حتى أحدى الاخوات قالت له أيش فيك قال مافيني شي
حتى اقتربت منه وقالت زعلان لأن ابله فلانه غايبه قال أيوا اقصد لالالالا
حينها قالت له اطرش لها مسج واقول لها أنك تسأل عنها واستانس
يوم الاربعاء كانت تعلق علي وتقول خليه يشوفك تراه يدور عليك
وبالفعل لقيته ينتظرني والله كسر خاطري
لا وبعد يوصيني لا تنتقلي السنه القادمه بجي ازورك
الله يوفقه ويحفظه ويخليه لأهله

[سحـــ :) ــاب]

آمين يارب

سبحان الله أختي وهذا دليل حسن تعاملك مع طلابك

[جمانة]

احم...احم...بخبركم عن موقف صار لي بأول يوم لي بالمدرسة......>>(بطلللع الفضايح..هههه):D

لما كان أول يوم لي بالمدرسة يوم كنت صف الأول...كان كل أم وجايبه بنتها معها عشان تشوف وين صف بنتها ومن هي مربية صفها...وأمي الحبيبة...:p طبعا كانت معي...وبعد ما وزعن المعلمات الطالبات كل وحده في صفها...وبعد ما تطمنن أمهاتنا علينا وعرفن صفوفنا راحن عنا..وأنا كان صفي الشعبة(ب)...صارت زحمة كل طالبة تروح لصفها...بعديـــــــن أنا رحت الصف...وأول شي كان فبالي إني أجلس فالمقدمة...لكن وييييييين؟؟ كان الكل حاجز مكانه بس أنا...قلت: يالله وين أجلس لازم أجلس قدام...وقلت في نفسي(يا بنت لازم تضمني مستقبلك..جلسي قدام عشان تفهمي زين من المعلمة وعشان تطلعي الأولى>>>>>(هههههههه على بالي اللي يجلس قدام شاطر ويطلع الأول..)....:D :D
المهم كان فبالي أجلس فالسطر الوسطي وفي المقدمة...لكن كان محجوز من قبل بنات ثانيات بس كانن مب موجودات طالعات...قمت خزت شنطة وحده وجلست بدالها...:rolleyes: >>>>>(...شوفوا المكـــــــــــــر...ههههه)...
ولما رجعت البنت...قالت لي خوزي من مكاني أنا جالسة فيه قبلك..قلت لها لا حبيبتي هذا مكاني وأنا عيني عليه من ساعة بس إنتي خذتيــــــه:eek: ...>>>(...أستغفر الله عن هالكذب...:mad: )..هههه يمكن الغاية تبرر الوسيلة!

وبعد شوي البنت ما استحملت كذبي وأنا كنت مصررره عالمكان>>>>(..صراحــه الموقع كان استراتيجي..ههههه:cool: )...اليـــــــن صار اللي صار وقمنا نتهاوش ونتضارب أنا والبنت وكانت تحاول تخوز شنطتي...لكن كنت متمسكه بها بيديني وريولي..ههههه...وبعد المحاولات الفاشلة من قبل البنت...ما قدرت تستحمل أكثر من كذيه..راحت تنادي اختها اللي كانت تقريبا بصف الخامس ورفيجاتها اللي بصف الأول..وأنــــــــا يحليلــــي... كنت أقاوم الموقف وحـــــــدي مسكينه محد معي...المهم بعديــــن اقتربت مني أخت البنت سألتني: ليش انتي جالسه فمكان اختي؟؟؟ قلت لها نفس الكلام... وكان وجهي كلــــه براااااءة وكأن المكان مكاني...>>>>>(.... هههههه وحده عيـــــــــــــــاااااره:rolleyes: :rolleyes: .....)....
المهم فالأخير...صدقتني الاخت وأقنعت أختها تغير مكانها وتروح مكان ثاني...وأنا بقيـــــت منتصره وكأني انتصرت فحرررب...

ترررررررررن دق جرس الحصة الأولى ودخلت المعلمة(مربية الصف) وكانت أول حصة لنا بالمدرسة وأول حصة طبعا دائما يتم التعرف على الطالبات اللي بالصف ولما كانت المعلمة تنادي بالأسماء...نادت بأسماء جميع الطالبات إلا إسمي...فقلت لها:استاذة واسمي ما ذكرتيـــــــه....فكانت الصدمــــــــــــــــــة انها قالت لي:اسمك حبيبتي مب موجود!!!!....ولا هذيك الساعة تدخل معلمة(مربية صف الشعبة(ب)) تسأل وتقول للمعلمة الثانية شفتي وين هالبنت..فلانه بنت فلان...؟؟؟؟
:D :D :D .........ههههههههههههه فالأخير طلعت هالبنت اللي يدوروا عليها هي أنـــــا...وطلعت إنـــي داخلة صف الشعبة (أ) بالغلط....ولازم أروح صف الشعبة(ب) اللي هو صفي....
ساعتها قلت في نفسي... آآآآآآآآآآآآآخ... بعد الهوااااشه كلللللللهـــــــا طلع الصف مب صفي!! ضاع تعبي ووقتي فالفاضي...!!!!...>>>(...وراح الموقع الإستراتيجي!!!...هههههه)...

بعديــــن قالت لي مربية صفي: تعالي معي بتروحي لصفك..>>>لكن أنا إشترط عليها اني ما أروح الصف إلا لما يكون مكاني قداااااام....!!!...>>>>>(...ههههه يحليلي ما نسيت مكان الشطااار...:p !!!)..
قالت لي: حبيبتي أصلا أنا حاجزتلك قداااااااام لا تخافي بس انتي ما شاء الله عليك مدري ويـــــــن رحتي...!! ساعتها قلت فنفسي..(ما قلتي لي من الأول انه محجوزلي ولا كان ما صار اللي صار وما أذيت بنات الناس:mad: )..
ههههههههههه.....
وهكـــــــــذا....دخلت ( جمــــانه ) الصف والكل مستغرب ويقول من ويـــــن جاتنا هالبنت....>>>>(...هههههههه كان شعري منفوووووووش بسبب الهواشه والضرابه...اهيء..وضاعت تسريحتي اهيء اهيء اهيء....:( :( )...

هذا كان موقفي...وما أعتقد اني بنسااااه.....:D :D :D


...مشكــــــــــــــــوره أختي عالموضوع التحفــــــــــــــــــه...:)
وآآآآآآآأسفـــــــــــــــــــــــــــــــــــــــ ــــــــــــه عالإطــــــــــــــــــــــــــــــــاله....(السمـ ـــــوحه)...

[سحـــ :) ــاب]

هههههههههه


جمانه اتاريك ما هينه من يوم صغيره وملسونه عاااااد كيف يوم كبرتي


سبحان الله عندي طالبة هذه السنه بالصف الاول (شفتو عاد انا لي ثلاث سنوات امسك صف الاول اوين فيني بارض عااااد خلاص مليت من البارض وصرت أطلع الوجه الثاني عشان ما امسكه مره ثانية)

المهم البنت بالغلط راحت الصف الثاني على بال المعلمات انها بالصف الثاني عشان طولها

المهم بعدين أسالتها معلمه عن سمها واي صف ردت عليها رد قوي والى اليوم أحيانا اتفاجني بردودها ماشاءالله أكبر من سنها

[فيلسوف العشق]

بسم الله الرحمن الرحيم

انا وعدتكم والآن سوف اوفي بوعدي بعدة مواقف ولكن سوف أختصرها لكم منها المضحكة ومنها المؤلمة
الموقف الاول:
كنت أدرس في مدرسة ريفية وليست نائية فمره سألني طالب وقالي استاد قلت نعم قالي انته هين تشتغل ؟؟ قلت له الصراحه في مسقط ،، قال آهاااااااااااااااا الحين عندك إجازه؟؟ قلت ايوا ماتشوفني ياي اتمشى ماعكم وجلس وهو مقتنع، ( طبعا هالكلام قبل لاينتهي العام الدراسي بسبوع وانا ادرسه طوال العام )

الموقف الثاني:
مره كان ولد وااااايد على نياته ومسكين ، وجاني معلم وقالي تصدج ياستاذ فلان ان الطالب الفلاني متهزي وشايف نفسه ومدري شو، قلت فلاااااااان؟؟!!!! وانا مستغرب قال ايوا قلت له غريبه هذا مسكين وفي حاله وفهمه بطيء وماعتقد يضر حد قالي انت على نياتك وفجأه الطالب يمر من قدامي وناديته ياولد تعال وكان لابس تكرموا نعاله صح قلت ليش لابس نعالك كذيه اليوم متخالفه؟؟؟ تشوف على نعاله وقااال اوووووووووه صح قام وعكسها وقلت له الحين انت صح بس روح وراح كل نعال في صوب وقلت للاستاذ هذا اللي متهزي عليك؟؟؟ (طبعا الغرض من ذلك ليس الاستهزاء بالناس وانما اقناع الاخرين بشتى الطرق )

الموقف الثالث:
مره مسكت طالب وشكله كان يدخن سيجاره فقلت انا اذا جيته بالعرض راح ينكر بس جيته بأسلوب كأني اشجعه واقوله اني محتاج حبة سيجاره الولد مسكين صدج وقالي استاد فلان حتى انته تدخن؟؟ قلت له اسكت يالخلفه لا حد يسمع بيني وبينك ، قولي وين دخنت؟؟ قالي برع قلت لايكون حد شافك ؟؟ قال لا افا عليك استاد محد شافني ، قلت له تعجبني بس اني الحين ابا حبه سيجاره قال مب عندي عند ربيعي فلان ايضا طالب قلت له لازم تتصرف ، المهم الربيع راح عني وانا انتظره في الاداره رد علي بعد دقايق وفي ايده سيجاره وملفوف عليها كلنكس وناداني وعطاني وانا كنت مجهز له استدعاء ولي الامر فلما يعطني قلت له سلم واستلم ولما جاء الوالد اليوم الثاني قالي انته ماشفت حد غير ولدي اني يدخن؟؟ قلناله اسفين هالمره بنشتريله بروحنا ولايهمك

الموقف الرابع : اعرفكم مليتوا

المهم مره كنت بالصف وجاني ولي امر كالعاه يسأل عن ابنه وطبعا الابن تعبان وقلت له ابنك يحتاج لمتابعه اكثر ومن هذا القبيل وانا اتكلم الا والشايب يشل الباكوره على ولده ويضربه في الراس وصب الدم ، قلت له هذي التربيه ولا بلاش ، قالي اخوه اللي قبله ربطته فالعود ثلاث ايام لحد ما اخذ الشهاده ، قلت ماشاء الله ياب نسبه؟؟ قالي ايوا ويشتغل فالبوش الحين . صدج الضرب له نتائج حلوه الصراحه

طبعا المواقف تتعدد ولكن قد لانجد في سردها نوع من الدهشة والمرح كما هي عليه الحال في الواقع

[سحـــ :) ــاب]

صراحه الله يعينكم

بس الموقف الأول ما علية كلام

لكن ما كأنه الأجازه طويله أشويه يعني أكثر عنا يعني

[ابو جاسر السنيدي]

وووواو ريم الفلا

اكيد الطالب من طيبك واسلوبك الطيب

تعلق فيكي

تسلمي هذا الاصول الروف بالطلاب وعدم اتخاذ العصى لتسيرهم

ولاكن بالاسلوب الطيب الواحد يكسب الجميع

ذكرتيني بموقف لما كنت الصف الاول مع ابله سعاد مصرية كانت مدلعتني واسطة

بخبركم كيف الواسطة كانت و سبب الواسطة

في وقت ثاني

[ريم الفلا]

تسلمي جمانه عالموقف الطريف. الظاهر صف أول عليهم سوالف والله يستر السنه القادمه أيش بيسوا معي ترا معزمه أخذهم كلهم براءة .
سحاب كل الشكر لك أختي على تفاعلك مع الموضوع
فيلسوف العشق الوفاء بالوعد من شيم الرجال
لك كل الشكر أخي الكريم والله يعينكم احنا مواقفنا كلها براءة أما انتوا عالم واسع .
أبو جاسر الله يسلمك من كل شر
مشكو أخوي على تواجدك معانا

[ابو جاسر السنيدي]

ترررررررررن دق جرس الحصة الأولى ودخلت المعلمة(مربية الصف) وكانت أول حصة لنا بالمدرسة وأول حصة طبعا دائما يتم التعرف على الطالبات اللي بالصف ولما كانت المعلمة تنادي بالأسماء...نادت بأسماء جميع الطالبات إلا إسمي...فقلت لها:استاذة واسمي ما ذكرتيـــــــه....فكانت الصدمــــــــــــــــــة انها قالت لي:اسمك حبيبتي مب موجود!!!!....ولا هذيك الساعة تدخل معلمة(مربية صف الشعبة(ب)) تسأل وتقول للمعلمة الثانية شفتي وين هالبنت..فلانه بنت فلان...؟؟؟؟ .........ههههههههههههه فالأخير طلعت هالبنت اللي يدوروا عليها هي أنـــــا...وطلعت إنـــي داخلة صف الشعبة (أ) بالغلط....ولازم أروح صف الشعبة(ب) اللي هو صفي....

ههههههههههههههههههه

ظهر الحق وزهق الباطل ههههههههههههههههههه

بعدك تغشين على البنت مسكينة جاية قبلك هههههه

تسلمي على الموقف

[عطر النسيان]

بوجاسر لأول مره اعرف أنك بنت :)

[ابو جاسر السنيدي]

بوجاسر لأول مره اعرف أنك بنت :)



هههههههههههههههههههههه انا بنت لا

لا لا عطورة فهمتي غلط انا قاص فقرة من كلام جمانة من موقفها

الله يهديكي ونا معلق على قصتها

[عطر النسيان]

ع بالي استغربت :)



سووووووووري وهاي موقف جديد :)

[سحـــ :) ــاب]

عطر تعيشي وتاكلي غيره

[ابو جاسر السنيدي]

هههههههههههههههههههههه

الله يسلمحك ما طاح الموقف الى معي

تسلمي

[جمانة]

هههههههههه


جمانه اتاريك ما هينه من يوم صغيره وملسونه عاااااد كيف يوم كبرتي


سبحان الله عندي طالبة هذه السنه بالصف الاول (شفتو عاد انا لي ثلاث سنوات امسك صف الاول اوين فيني بارض عااااد خلاص مليت من البارض وصرت أطلع الوجه الثاني عشان ما امسكه مره ثانية)

المهم البنت بالغلط راحت الصف الثاني على بال المعلمات انها بالصف الثاني عشان طولها

المهم بعدين أسالتها معلمه عن سمها واي صف ردت عليها رد قوي والى اليوم أحيانا اتفاجني بردودها ماشاءالله أكبر من سنها


هههههههههههههههههههه

حرام عليك كانت هذه شقاوة....:D

بس تدري اني من دخلت الأعدادية...تغيرت 180 درجة!!!

صرت هادية وخجولة والكل مستغرب مني هذا التحول!!!:eek: :eek:

[ريم الفلا]

مراحب
كيفكم ؟
بعد الشكر الجزيل لكل من شارك معانا
تذكرت هالموقف وحبيت أشاركم فيه
في مره كنت بصف رابع وبدأنا الدرس كالعاده
دقت أحدى الأخوات الباب واستأذنت بالدخول وهمست بكلمتين وراحت
طبعا وراء هالكملتين الكثير من الانفعالات اللي ظهرت على وجهي منها حزن ومنها فرح
سألوني أيش قالت المعلمه وما خبرتهم قلت لهم عن اللقافه عيب
بس أحدى الطالبات الظاهر أنها كانت على الخط فهمت من غير ما تسمع وكان الخبر أن الطلاب راح ينتهي دوامهم يوم الاثنين .
تتوقعوا ايش صار ؟؟؟
كملنا حصتنا وكنت كل ما أشوف عليها لقيت عيونها مليانه دموع قلت جايز تذكرت شي احزنها .وما بينت لها اني لاحظتها واستمر الحال على هذا المنوال البنت حزينه ونظرة الحزن كانت تعور القلب ياربي والله حالتها صعبت علي
ناديتها وقلت لها: أيش فيك؟ قالت: ماشي .
خليتها حتى لا تنحرج امام زملائها
المهم مسكتها في وقت أخر وقلت لها : أحد زعلك من البيت ؟ قالت : لا . طيب أحد ضربك من ربعك ؟أقصد الطلاب
قالت : لا طيب ايش فيك قالت ولا شي وكانت غارقه في حزنها . وكانت تشوف على واحد من زملائها
قلت لها: لتكوني زعلانه لأنهم راح يروحون مدرسة الاولاد ؟ حينها سكتت
تخيلوا كانت حزينه أنها راح تفارق زملائها بعد ما تعودت عليهم أربع سنوات
حتى تهون الموقف عليها قلت لها : لازم تكوني فرحانه راح تفتكي من الضرابه وشد الشعر
وبعدين وين راح يروحون كل يوم راح تحصليهم بالشوارع . في هذه اللحظه رد علي واحد منهم وهو معترض
وقال : ليش احنا ما عندنا بيوت أنا ما اطلع من بيتنا وقام يضحك مأكد العكس

حينها قامت تضحك معاه وتأكدت أنها راح تلقاهم

[جعلاني للابد]

الصراحه موقف كثيره وما كنت مشاغب بس اسوي مشاكل مع الربع بالصف ومن بينها اذكر كنا ناكل لمبا( مانجو) وبعد من نخلص نشغل المروحه ونثر الفلفل في الصف وكنا نسوي كذيه عشان نضيع حصة الرياضيات وبعدين يجي الدير والاخصائي ويفصلونا ويقولوا روح بيوتكمواحنا كنا نفرح كثير
ومن غير غسي الصف بالماي
ولي رجعه

[جعلاني للابد]

الصراحه موقف كثيره وما كنت مشاغب بس اسوي مشاكل مع الربع بالصف ومن بينها اذكر كنا ناكل لمبا( مانجو) وبعد من نخلص نشغل المروحه ونثر الفلفل في الصف وكنا نسوي كذيه عشان نضيع حصة الرياضيات وبعدين يجي الدير والاخصائي ويفصلونا ويقولوا روح بيوتكمواحنا كنا نفرح كثير
ومن غير غسي الصف بالماي
ولي رجعه

[ريم الفلا]

لك كل الشكر أخي جعلاني للأبد
والله خاطري أعرف من عقدت من الرياضيات الله يسامح اللي كان السبب
وفي انتظار مواقفك

[جعلاني للابد]

العفو اختي ريم الفلا وانتظري المواقف الثانيه

[عطر النسيان]

الله يعين عيون المدرس عيل كان فلفل

[جعلاني للابد]

شو نسوي عطر وعاد احنا ما ندخل الصف والمدرس كان اردني

[عطر النسيان]

عيل الله يعينه أكيد عيونه راحت من عمايلكم

[جعلاني للابد]

الصراحه عطر يعني دوام من الصباح واحصص السهله تكون في البدايه والرياضيات في الحصه الاخير واول ثانوي ما صعبه شويه يعني لويشرح المدرس ما شئ تركيز وكنت نشوف على الشعب اللي يطلعوا قبلني اقصد اعداديه
كيف تبي يجي التركيز وما شئ حل الا نضيع الحصه

وموقف واحد
نفس الحصه السابعه ورياضيات شو سوينا
جبنا ماي من دورات المياه وغسلنا الصف والطاولات والصبوره والجدار واستوى الصف متروس ماي ولما جاء المدرس وسال ليش الماي داخل الصف كذبنا عليه وقلنا في ناس من الصفوف الثانيه صبوا حاجه والحين نغسل الصف فقال اوكيه طلعوا الماي من الصف وسوله شفط لدورات المياه
هههههههه احنا شو سوينا طلعنا الماي من صفنا ودخلناه في الصف الثاني ومدرس الصف الثاني عصب ونادى المدير وهنيه استوى الفصل ورحنا بيوتنا بدل الحصه
ما احسن نروح بدل لا ندرس

[ابو جاسر السنيدي]

هذا موقف ظريف ووهقة طحت فيها

مرة لما كنا بصف ثاني ثنوي ، في حصة اللغة الانجليزية وكان المدرس تونسي الجنسية ، ومسكين كانت شخصيته ضعيفة على نياته اول سنه بعمان ما يعرف الوضع ، ونا كنت من الطلاب المرحين احب امزح معه المدرس كثير المهم :





بينما كان المدرس يشرح ، شاف احد الطلاب فاتح كتاب التاريخ وجالس يكتب :



فساله المدرس : شو تعمل :confused:




الطالب : احل واجب التاريخ:)




المدرس : لو سمحت شيل الكتاب هذا وافتح كتاب الانجليزي :(




الطالب : شنو ؟ ، ويطالع على المدرس بشكل لا مبالاه:)
,



المدرس : انت ما تفهم :(




الطالب : يمسك الكتاب بايده اليميني وياشر بالكتاب على ويه المدرس وكانه يقولة بكفخك بالكتاب :D ((يمزح))




المدرس : :mad: عصب المدرس ووقف الحصة وطرد الطالب برع وجلس ، المهم جيت عاد انا اتوسط للطالب اقوله سامحة :) ((والمدرس اصلا ما يحبني )) يقولي ارجع مكانك لا اخليك تروح وراه:( ، وتحولت الحصة الى اللغة الانجليزية الى حصة نصائح ، وبينما كان مسكين يتكلم ينصح ويشرح ..... الخ، الى ما وصل عند موضوع الاحساس ، قال انتم بصراحة ما فيكم ذرة احساس ؟




ابو جاسر : :p رفعت اصبعي وحطيت ايدي على الطاولة بشكل مؤدب وخجول وكاني ابي اسأل المدرس او اعتذر عن الجميع .




المدرس: تفضل يا محمد اسأل :)




ابو جاسر : :rolleyes: استاذ انت قلت انا كلنا ألي بالصف ما يوجد فينا ذرة احساس صح ؟




المدرس : أيه نعم قلت :)




ابو جاسر : طيب اذا احنا ما فينا احساس ، انا بسالك سؤال ممكن:rolleyes: ؟




المدرس : ممكن تفضل:confused:




ابو جاسر : بكم يبيعون كيلو الاحساس :D ؟ ويصيحو الشباب بضحكة قوية الصف كامل ما حد كان متوقع هذا السؤال ، احمر وجه المدرس:mad:




المدرس: :eek: جن جنونه علا باله ابي اعتذر عن الشباب . الا يصرخ من برررررررررررررررع يله بررع



ما ابي اشوفك بالفصل ، ما ابيك خلاص ، باقي شوي وبيصيح .




ونسى موضوع الطالب اللي كان يكتب واجب التاريخ ومطرود , وركز على انا هذاك رجع الصف ونا رجعت البيت مفصول هههههههههههههههههههههههههههه:D




المهم وبعدها صارت احداث ثانية بس طويلة

وعذرا على الاطاله :cool:

[جعلاني للابد]

بوجاسر اشوفك طلعت راعي سوالف ومشاكل

[ابو جاسر السنيدي]

هههههههههههه

لا بس احب اتغشمر مع المدرسين

واهو فهمني غلط

[عطر النسيان]

الله يعين المدرسين عليكم

[جعلاني للابد]

الله يعين المدرسين عليكم
عطر هذا اللي نسويه ولا شئ ما اللي ما ذكرته

[سحـــ :) ــاب]

والله عليكم حركات

أذكر هذا الوقف صار لنا في الصف الاول ثانوي

المديره مصره نغسل الصف وطبعا محد رد عليها

ولما اصرت غسلنا الصف وكانت الحصة الثالثه ومن دق جرس الفرصة كلنا طلعنا وخلينا الصف كله ماء وصابون وتراب

وعفسة

عصبت المديره ومدرسة الحصة الرابعه

واطرت العاملة المسكينه اتنظف الصف



وكانت ما تحب انعلق صور او لوحات في الحائط وعاد بنات انريد نتفنن وعلقنا صور ولوحات

وكل ما ادش الصف تصرخ نزلوهن وحن انقول إن شاء الله ونطنش الى عاد في يوم خلاص وصلت حدها خذت ومزقت الصور واللوحات وعصبت وصرخت وحن نضحك


بس هذا ايام الطيش الحين عقلنا

[ريم الفلا]

يالله كل هذا يطلع منك يا شباب جعلان
والله طلعتوا خطيرين
وكل المواقف بوادي وموقف ذرة الاحساس بوادي بروحه
أقول الحمد لله ما توهجت فيكم ياحليلهم عيالي صغار
مشكورين أخواني على مروركم الطيب

[جعلاني للابد]

شو نسوي سحاب وريم الفلا لو انتن موجودات كان سوينا اكثر

[ريم الفلا]

لالالالا ما أظن
كنتوا راح تستحوا وبتتصنعوا الادب حتى ما نزعل منكم
وبتحبوا الماده وبتراجعوا وما راح تطلعوا من المدرسه . _ شوف الثقة واصله حدها_

[ابو جاسر السنيدي]

هههههههههههههههههه

اقول ريم الفلا مالها الذرة بروحها بوادي ههه


لو كنتي تدرسينا ما كنا سالنا عن كم قيمة كيلو الاحساس


لانا بنكون متروسين احساس من الخجل

ههههههه

[عطر النسيان]

ههههههههههههه


عيل اللي معنا وندرسهم الحين ولا نص ذرة إحساس فيهم ما شي غير يربشوا

[ابو جاسر السنيدي]

هههههههههههه

هذولاك صغار ربشين احنا الكبار هادين

[عطر النسيان]

الله يعين كان انتوا كبار هاديين

[ريم الفلا]

يار بي لا تقولي هالكلام عطر تروالله ما يهونون علي
تصدقي اليوم قمت من النوم وما أعرف ايش ذكرني بهذاك الموقف
لما كنا عند السلم نحضر إذاعه ومريتي علينا
تذكرت المشاغب الصغير اللي كان يتزحلق بالسلم
سبحان الله عدت الايام وصارت ذكرى

[ابو جاسر السنيدي]

ههههههههههههههه

السلام عليكم

الرجاء ما تشتتونا الحلقة التربوية بالماسنجر

احترنا وين نتابع هنا ولا هناك

ههههههههههه

امزح

[عطر النسيان]

عادي بوجاسر افتح صفحتين هاي والماسنجر :)



اسمنه قاهرني برغم شطارته لكنه راسه يابس

[ريم الفلا]

نشكر لك حسن متابعتك يا أخونا أبو جاسر
واقتراح غاليتي عطر مناسب فالحل في فتح الصفحتين
والان اعزائي المتابعين ابقوا معنا سنعود بعد هذا الفاصل الاعلاني التربوي خخخخخخخخ

[عطر النسيان]

ههههههههههههه

حلوه هاي سالفة الفاصل الإعلاني



فاصلنا الإعلاني عباره عن يوميات طالب وهو ابو جاسر

تفضل بو جاسر

[ريم الفلا]

بسرعه بسرعه أبو جاسر وقتنا من ذهب
يالله عاد لا تعطلنا

[ابو جاسر السنيدي]

هههههههههههههههههه

حلوة ما ابي يله الاعلان طول


ابي اتابع حرام عليكن ههههههههه

هذه كانت من متتطفات الحلقة

اما الان نتركم لمتابعة الحلقة

-------

مع تايد الجديد مفيش مستحيل

----------

[عطر النسيان]

هههههههههههه

علوه جلنا فاصل تربوي مو صابوني

[توتو الصغيره]

ههههههههههههههههههههههه
عجيب الفاصل

[ابو جاسر السنيدي]

هههههههههههههههه

مش شعاركم الدائم واللي تحفظوه لليهال وسعرونا به ايام الدراسة


(( حافظو على نظافة مدرستكم ))

يعني في علاقة يعني الفاصل التربوي كان في محلة يحث على النظافة

هههههههه

[ريم الفلا]

هههههه أبو جاسر حتى احنا متعقدين منها هاي المسابقه
لكن وربي مفيده وتعطي الطلاب اتجاهات ايجابيه للمحافظه على نظافتهم ونظافة بيتهم الثاني

[ابو جاسر السنيدي]

هههههههههه

من وين هي حلوة لما يفوزو

تحصليهم ينظفو المدرسة ويشلو اللبان من الارض

ولما تجي اللجنة ينبهرو ا

ولما تنتهي المسابقة ، بووووووووووم

ترجع المدرسة مثل قبل .

والطالب يشاهد هذه الحركة انهم فقط قام بالتنظيف من اجل المسابقة

ومن راحت رجعو مثل قبل

شنهو استفاد الطالب غير هذه الطريقة الحلوة

هم اهو بالبيت لما يكونو اهل موجودين يكون نظيف ومنظم

ولما يكون بعيد عن اهله يلعب لعبته

هذا اللي شافه وتعلمه

صح

ما حد يقدر يلومة

عذر ربما ازعجتك وجهة نظري

[ريم الفلا]

لالالا عادي قول اللي بخاطرك
في نماذج بالنوعيه اللي قلت في طلاب ما شاء الله عليهم قدوه
في مره لقيت قطعة بسكويت في الارض لما نزلت وشلتها قال واحد انتي معلمه لازم ما ترفعيها
قلت له الاكل نعمة ولازم ما ينداس ومن يومها صار يشيل الاشياء من الارض من غير اعتراض

[ابو جاسر السنيدي]

اها ما شاء الله عليه

الاهم طريقة توصيل المعلومة للطالب

[عطر النسيان]

امس كنت كاتبه موقف صارلي بهاي المسابقه بيوم التقييم بس المنتدى كان معلج معاي بس راح انزله بوقت اخر

[جعلاني للابد]

واحنا نتظره اختي عطر

[ريم الفلا]

واضم صوتي لصوت الأخ جعلاني
في انتظار موقفك عطر

[عطر النسيان]

موقفي كان بتقييم مسابقة النظافه طبعا اللجنه جات الحصه الثانيه وكانت معي حصه بصفي المهم الثالثه انا فاضيه وصفي كانت معه حصة فنيه والمعلمه ما جات وانا نازله شفت اللجنه تصعد من السلم اللي جنب صفي وطبعا الصف فاضي محد معه معلمة المهم ركضت من السلم الثاني واشوف اللجنة داشه الصف بس طبعا كانوا هاديين المهم كانوا اكثر من شخص منتشرين على كبر المدرسة رحت انا اركض والذكاء نسيت كتبي تحت كيف ادش الصف ووانا ما عندي دفتر تحضير رحت النادي العلمي وكانت هناك المعلم الأول وطلبت منها دفتر تحضيرها ونسيت انها ما تدرس صف رابع المهم انتبهت ورجعت ارجعه دشيت على معلمة كان عندها حصة احتياطي اخذت منها الحقيبه ((حقيبة الأحتياطي)) ورحت طبعا الخوان ماخذين راحتهم مع الطلاب الصف ما فيه معلمة دشيت وعاد اعتذروا لأنهم دخلوا وأنا مو موجوده وطبعا بررت أني مو عليهم اصلا بس جايتنهم إحتياطي عاد المفاجاه لما دشيت واحد من الرجال اللي بالصف من نفس منطقتي كانت صدمه لاني أغطي وجهي وطبعا شاف الشبه لأبوي شفتوا الفشيله

[جعلاني للابد]

هههههههههههههههههههههه
عاد ما موقف بس في مجال العمل ينكشف الوجه
الله يعينك وان شاء ما تشوفي موقف مثله

[عطر النسيان]

تراني اعرف ممنوع الغطاء بس برا العمل انا اتغطى

[ريم الفلا]

ههههههههه
تعيشي وتاكلي غيرها عطر

[ريم الفلا]

للرفع
ما ادري ايش في
بس ابيكم تشاركونا قرأتها
من زمااااااااااااان هالمواضيع
المواقف طريفه
وجايز تضيفوا عليها مواقفكم